дома блог страница 2678

Четири нови случаи со коронавирус во Прилеп, а се делеа пакети во гужви во Тризла

Во изминатото деноноќие потврдени се 48 нови случаи на Ковид 19 во Македонија. Сега вкупната бројка се искачи на 711 дијагностицирани пациенти.

Новодијагностицираните се по градови:

Скопје – 11, Куманово – 25, Штип – 1, Прилеп – 4, Тетово – 1, Струга – 3, Охрид – 1, Гостивар – 2

Во Прилеп сега вкупната бројка изнесува 50 заразени со Ковид 19. Градот под Марковите Кули моментално го зазема третото место во државата по број на заразени, а со денешните нови случаи го надмина Дебар.

Ова е вкупната бројка по градови:

284 – Скопје, 168 – Куманово, 50 – Прилеп, 49 – Дебар, 33 – Струга, 31 – Тетово, 20 – Штип, 19 – Кочани, 18 – Велес, 8 – Битола, 6 – Гостивар, 4 – Радовиш, 4 – Гевгелија, 4 – Охрид, 3 – Кавадарци, 3 – Крива Паланка, 3 – Крушево, 2 – Струмица, 1 – Пробиштип

Нови 48 заболени од коронавирус во Македонија

Резултатите од тестот на претседателот на СДСМ, Зоран Заев се очекуваат околу 16 часот. Веднаш по добивањето на резултатите ќе одржам прес конференција да ги соопштам деталите, како и да информирам за состојбата и актуелните прашања со коронавирусот во земјата.

Во однос на редовната дневна статистика, потврдени се 48 нови случаи на Ковид 19 во изминатото деноноќие. Со ова вкупно во земјата се 711 дијагностицирани пациенти. Новодијагностицираните се по градови:
– Скопје – 11
– Куманово – 25
– Штип – 1
– Прилеп – 4
– Тетово – 1
– Струга – 3
– Охрид – 1
– Гостивар – 2

Во текот на изминатото деноноќие имавме и рекорден број на тестови, точно 496.
Денеска од Клиниката за инфективни болести и фебрилни состојби со два негативни теста на Ковид-19 се испишани 3 оздравени пациенти, двајца од Тетово и еден од Куманово. Два пати негативен и оздравен е пациент од Скопје кој се лекуваше во домашни услови.

Согласно извештајот на Институтот за јавно здравје, во денешната статистика ќе бидат евидентирани 2 претходно починати лица. Едно лице од Лабуништа – Струга (63г) за кое Министерството информираше на 5 април. Пациентот беше донесен во тешка состојба на Клиниката за инфективни болести и фебрилни состојби во Скопје, а неговиот тест е изработен постмортем. Во денешната статистика на ИЈЗ ќе биде евидентиран и починатиот притвореник од Истражниот затвор во Шутка, за кој информиравме во текот на вчерашниот ден.

Фејсбук статус на министерот за здравство, Венко Филипче.

За Велигден дома: Граѓаните ќе го дочекаат Христовото Воскресение во карантин

Министерот Венко Филипче на вчерашната прес конференција најави дека за велигденските празници движењето ќе биде ограничено исто како за викенди, односно граѓаните ќе бидат во целосен карантин.

За време на верските празници кои се пред нас, министерот Венко Филипче рече дека ќе важи целосна рестрикција во движењето.

„ Сметаме дека за време на тие празници, за време на такви собири, многу тешко доколку има дозволено движење ќе може да се исконтролира, така да, ставот ќе биде да важат истите мерки како и за викенд“, изјави министерот Филипче.

Се бара зголемување на акцизата на горивата

Како мерка за справување со економската криза поради коронавирусот, Стопанска комора на Македонија бара за 2 денари да се зголеми акцизата за безоловниот бензин и евродизелот, додека акцизата за екстралесно гориво да се зголеми за 9 денари и да се изедначи со акцизата за дизел горивото.

„Со предложените мерки, во просек во државниот буџет, по основ на акцизи и ДДВ од продажбата на нафтените деривати, на месечно ниво би се прибрале средства поголеми за 3,8 милиони евра, односно 46,2 милиони евра на годишно ниво“, велат од Стопанската комора .

Од Регулаторната комисија за енергетика сметаат дека со изедначувањето на акцизата за Екстралесното гориво и дизелот ќе се спречат злоупотребите што сега прават штета и на буџетот, но и еколошка штета.

Од Макпетрол за Фактор велат дека тие повеќепати укажувале за злупотребите на екстралесното гориво и кај оваа и кај претходните влади. Затоа се смета дека е потребно зголемување на акцизниот дел на ова гориво со што ќе се дестимулира неговата употреба како погонско гориво.

„Злоупотребите се прават бидејќи акцизата за овој енергенс е за 9 денари пониска од акцизата на за дизелот – и затоа има масовна злоупотреба, односно Екстралесното да се користи како погонско гориво што не е дозволено со закон.

„Измената на акцизата е во рацете на носителите на политики и ОКТА во целост ги почитува донесените регулативи. Генерално би поддржале мерки насочени кон намалување на потенцијалот за недозволена трговија и за зголемување на стабилноста на пазарот“, изјавија од Окта за Телма..

Владини членови биле во контакт со Заев, чекаат насоки од Филипче дали ќе се тестираат

Членови на Владата имале контакт со претседателот на СДСМ Зоран Заев, кој е тестиран за Ковид19, откако имал контакт со заболено лице. Неговите резултати се чекаат, а дали ќе бидат тестирани ќе добијат информација од министерот за здравство.

Ова го истакна минисерката за финансии Нина Ангеловка одговорајќи на новинарско прашање на денешната прес-конфренција по средбата со претставници од угостителскиот сектор.

-Секако дека сме биле во комуникација со претседаелот на СДСМ/ Станува збор за самоизолација која трае 14 дена. Резултатите не се познати. Ако треба да се тестираме го имаме министерот за здравство кој ќе ни каже. Сепак, резултатите не се излезени. Во Владата секако дека на дневно ниво сме во релација и ова на долг рок нема да го издржиме да беагаме еден од друг и во овој период мора да се заштитиме и затоа и кога ги имаме сотатноците сите седиме на два метра и сите носиме маски. Ако погледнете целата влада е адаптирна да ја држиме таа дистанца и да ги почитуваме сите препрораки и се што треба да преземеме, истакна Ангеловска.

Таа додаде дека ова е шанса да сите да ги трансформираме бизнисите, процесите, и можеби дел од нашето однесување. Порача да го искористиме карантинот за да придобиеме некоја нова вештина и да излеземе попаметни и подобри.

Колумна на Влатко Кузманоски: Неколку зборови за образованието и нуждата од е-дневник во вонредна состојба

Дали е потребно, по којзнае кој пат, да ја објаснуваме улогата и потребата на наставникот во општеството?

Дали и во оваа новонастаната, за сите тешка, ситуација треба да водиме сметка за тривијалните, маргиналните работи или треба, конечно, да се занимаваме со суштината, со есенцијата?

Па до кога?

До кога ние просветните работници, ќе се занимаваме со администрација, е-дневници и слични „доказни и законски” несуштински во овој момент акти?

До кога треба да докажуваме дали работиме или не?

Уште ли треба да го чекаме тој „перфектен, незаменлив, сјаен” e-дневник нормално да проработи, да не мора да седиме до 2-3 по полноќ кога има „помалку гужва”?

Згора на тоа, што треба да внесеме, часови и наставни содржини кои заради COVID-19 не се реализирани?

Ние ќе се лажeме, родителите ќе ги лажеме, учениците…кој? Или мора да се изврши притисок со вашите дописи за да бидете/бидеме чисти пред Законот?

Дали тој закон, акт или што и да е, навистина се грижи за образованието на учениците? Дали навистина се води сметка за ученици, но и образовниот кадар кој нема пристап до интернет и компјутери?

Зарем не е време, во оваа (без сето ова погоре наведено) тешка ситуација да им дадете простор на наставниците да се грижат за оние со кои беа секојдневно до пред еден месец? До сега кој се грижеше за учениците? Е-дневникот, наставното ливче, дневната подготовка, доказот, поените од интегралната инспекција…?

– Не!

За учениците се грижеа професорите, наставниците. Оставете ги да си ја работат својата работа, оставете им ја слободата, креативноста, оставете да го извадат најдоброто од и за своите ученици. Учениците и наставниците и родителите се во иста екипа, оставете ги заедно да се борат против заедничкиот непријател, има време за е-дневник.

P.S. А, ако веќе инсистирате на тоа, овозможете беспрекорни услови, за да ги внесeме „реализираните“ часови.

Нaучниците утврдија: Еве како ќе исчезне вирусот!

Секој човек кој е инфициран од коронавирусот обично ја пренесува заразата на други 5.7 луѓе, покажува математичката анализа на Националната лабораторија во Лос Аламос.

Таа бројка е двојно поголема од онаа што Светската здтавствена организација ја објави во февруари годинава, пренесува „Bloomberg“.

Со оглед на тоа што податоците сега се однесуваат само на епидемијата со ковид-19, истражувачите посочуваат дека пандемијата ќе биде тешко да се контролира на начинот кој го применуваат одредени држави во светот.

Како што прикажала студијата, за да се уништи вирусот, дури 82 отсто од светската популација би морала да стекне имунитет преку вакцинирање или преку прележување на заразата, наведува експертскиот тим од Лос Аламос.

(Видео) Хималаите се гледаат за прв пат по 30 години: Нивото на смог значително намалено- може да се видат и од 200 километри оддалеченост

За прв пат во последните 30 години, Хималаите може да се видат од различни краеви на Индија. Бидејќи многу држави го запреа јавниот сообраќај и им забранија движење на граѓаните поради пандемијата на коронавирусот, новото на загаденост на воздухот значително опадна.

Здружението “Надеж” апелира до хуманите граѓани и фирми да донираат: Има многу гладни семејства

Хуманитарното Здружение на граѓани “Надеж” упатува апел со сите хумани граѓани и фирми кои се во можност да донираат храна и средства за хигиена за социјално загрозени семејства.

Од “Надеж” велат дека има многу гладни семејства, а тие најдобро знаат каде помошта е неопходна.

Членовите и здужението неуморно работат и досега помош стигнала во голем број домови.

Доколку сте во можност да донирате, контактирајте го здружението на нивниот Фејсбук профил, или на телефонскиот број 070-241-068-Претседател на Здружението Васе Благадушоска

Интервју со Златко Грабулоски – професионален готвач од Прилеп: “Најголема награда за еден готвач е празна чинија и задоволен гостин”

Златко Грабулоски е долгогодишен професионален готвач шеф од Прилеп. Работел на повеќе места, а низ годините собирал искуства од повеќе врвни мајстори. Има освоено голем број признанија, а со својата професионалност, креативност и врвно мајсторство досега изнудил безброј насмевки на лицата на своите гости. Со Златко разговаравме за тоа како се снајдуваат готвачите и вработените во угостителскиот сектор во овие тешки денови за целиот свет, кога ниту еден угостителски објект не прима гости.

Како се справува еден професионален шеф во овие тешки времиња за сите нас, како вие шефовите се справувате без работа?

-Па, добро мора да признаам дека на некој не му е сеедно, па и на мене во врска со вирусот Ковид-19, но сепак оптимистички гледам на работите и мислам дека за брзо ќе се среди и ќе почнеме да функционираме сите како и претходно. Работата во кујната во ресторанот како што работам е редуцирана и поделена во тимови кои работат со скратени работни часови, приготвувајќи вкусна храна за сите оние кои ја нарачуваат и знаат да уживаат и во домашни услоби. Сега имам доволно време да се посветам на семејството, но и да прочитам некоја книга за релаксација и едукација.

Колку ти недостасува работата и работните обврски?

-Ми недостасуваат работните обврски, секојдневната позитивна енергија која ја има во кујната, зачинета со многубројните предизвици, пред се’, мојата љубов за готвење и надоградување, но како што спомнав, се’ во животот си има предности и недостатоци, па така овој период го користам за да зготвам нешто вкусно за мојата фамилија.

Кажи ни нешто повеќе за тебе, каде си работел и нешто повеќе за твоето образование?

-Првото работно искуство ми беше веднаш после завршувањето на угостителското училиште во Крушево, во интернационалниот ресторан на хотелот “Бистра” во Маврово. Во првите 5 години од моите шефови научив за подготовка, креативност, спремање и послужување на храна од морски плодови, пасти, месо, салати… Од планина заминав на море, работев како шеф во морски ресторан, каде ја водев кујната по мој терк. Бев слободен да ја изразам мојата креативност во подготовката и дизајност на свежите морски плодови, кои таму ги имаше во изобилство. Прес се’ уживав во мојата работа, да работам сезонски, летно време на море, зимно на планина. По враќањето во мојот роден град Прилеп се вработив во ресторанот “Чардак”, каде имав можност да учам од најдобриот готвач на прилепски специјалитети, Жарко Најдоски, а со тоа да го надоградам моето знаење со начинот на подготовка на македонска традиционална кујна. По моето доаѓање во Скопје, прв професионален предизвик ми беше работењето во италијанскиот ресторан “Воденица – Мулино”, каде италијанската и медитеранска кујна се на прво место. Тука имав можност во целост да се изразам и да го покажам моето долгогодишно искуство и креативност во приготвување на морски специјалитети и италијански домашни пасти, а воедно и задоволството да подготвувам храна за македонски и странски делегации.

Дали имаш учествувано на натпревари и дали имаш освоено награди?

-Да … немам освоено награди, но имам освоено многу признанија. За мене учествувањето на натпревари е пред се’ за дружба, a најголема награда за еден готвач е празна чинија и задоволен гостин.

Какви планови имаше за оваа година?

-Оваа година останувам и понатаму со позитивна енергија, со нови предизвици кон работата и со едукација на сите кои не се плашат да влезат во оваа бранша.

Дали сметаш дека веднаш кога оваа пандемија предизвикана од коронавирусот ќе заврши, рестораните ќе бидат полни со гости?

-Да, мислам дека кога ќе заврши оваа пандемија, луѓето ќе се вратат на секојдневните обврски и секако дружбата со пријателите во рестораните ќе биде неизбежна, а ние како готвачи ќе продолжиме онаму каде што застанавме и ќе се трудиме да изнудиме насмевки на лицата на сите кои ќе ја вкусат нашата храна.

Што се случува со финансиските примања кај луѓето од угостителскиот сектор, дали имаш сознанија дека луѓе остануваат без работа?

-За жал тоа е што е… јас ги гледам работите од аспект што никој не сака вака да биде, и ние како вработени и сопствениците. Се надевам дека ќе се најде решение за сите да бидат задоволни и да продолжиме онаму каде што застанавме.

Вие готвачите сте на некој начин нутриционисти, кој се твоите препораки како да се однесуваат и што да приготвуваат граѓаните дома?

-Во овој период сме сите дома, така што во приготвувањето на оброците учествуваме сите. Оброците треба да бидат полни со витамини, со цел да го зајакнеме нашиот имунитет. Храната треба да биде термички обработена, здрава и полна со минерали и аминокиселини. Зеленчукот и овошјето треба да се измијат темелно и секако дневните прошетки треба да бидат дел од секојдневнито.