Нема многу јадења кои со еден залак можат да ве однесат стотици километри подалеку. Доброто гиро е токму едно од нив – комбинација од внимателно подготвено месо, свежи состојки, миризливи зачини и рецепти што со години се пренесуваат од генерација на генерација. Со желба токму тој автентичен вкус да го донесе во својот роден град, прилепчанецот Сашо Темелкоски, по повеќе од две децении работа во угостителството и стекнување искуство во Македонија и странство, ја отвори приказната наречена Gyro Street – првото место во Прилеп чиј фокус е автентичното грчко гиро. Но зад секое добро гиро не стои само рецепт. Стојат години работа, многу посветеност, постојано усовршување и искрена желба гостите повторно да се вратат. Во интервју за Markukule, Темелкоски зборува за својот професионален пат, инспирацијата да отвори сопствен локал во Прилеп, важноста на квалитетните состојки и визијата Gyro Street да стане препознатливо место за сите љубители на добрата храна.
1. Саше, зад Gyro Street стојат години искуство во угостителството. Кажете ни нешто повеќе за вашиот професионален пат и како започна вашата приказна?
-Во угостителството сум повеќе од 20 години и отсекогаш сум сакал да работам со луѓе и со добра храна. Работев во различни кујни, и во Македонија и во странство, каде што стекнав драгоцено искуство и се запознав со различни традиционални кујни и вкусови. Со текот на времето сфатив дека сакам да создадам свое место, кое ќе биде посветено на автентичното грчко гиро. Така се роди идејата за Gyro Street.
Саше на средина со група задоволни гости од Белгија во Gyro Street
2. Работевте и во странство, каде што стекнавте драгоцено искуство. Што е најважното што го научивте таму и што денес го применувате во Gyro Street?
-Работата во странство ме научи дека квалитетот никогаш не смее да биде компромис. Научив колку е важно секој производ да биде подготвен со исто внимание, без разлика колку е едноставен. Таму стекнав дисциплина, научив колку значат свежите состојки, добрата организација и почитта кон секој гостин. Токму тие принципи денес ги применувам секој ден во Gyro Street.
3. Што беше пресудниот момент да одлучите токму во Прилеп да отворите место посветено на автентичното гиро?
-Прилеп е градот во кој сум роден и пораснат и отсекогаш сум верувал дека заслужува место каде што ќе може да се вкуси вистинско, автентично гиро. Сакав да понудам нешто поразлично, подготвено со квалитетни состојки и многу посветеност. Најголемата мотивација ми беше тоа што доброто гиро е реткост во нашиот регион и сакав да создадам место каде што луѓето со задоволство ќе се враќаат повторно.
4. Колку внимание посветувате на изборот на состојките, подготовката на месото и самиот процес? Колку е важно секој детал да биде на свое место?
-Според мене, најважен е изборот на состојките. Работиме исклучиво со свежи и внимателно избрани производи, а подготовката на месото и на останатите состојки е процес на кој му посветуваме огромно внимание. Верувам дека токму малите детали ја прават големата разлика во квалитетот.
5. Често велите дека гиро не е само брза храна, туку цело гастрономско искуство. Што сакате гостите да почувствуваат уште со првиот залак?
-Сакам уште со првиот залак да почувствуваат дека јадат нешто подготвено со љубов и внимание. Балансот на вкусовите, сочноста на месото, свежите состојки и внимателно подготвените сосови треба да создадат чувство поради кое ќе посакаат повторно да дојдат.
6. Освен гиро, во понудата имате бургери, хот-дог, клуб сендвичи, салати и други специјалитети. Како ја креиравте понудата и што најмногу бараат прилепчани?
-Понудата ја креиравме така што секој ќе може да најде нешто за себе. Секако, гирото е нашиот заштитен знак, но голем интерес има и за бургерите, клуб сендвичите и останатите специјалитети. Постојано ги слушаме желбите на гостите и се трудиме постојано да ја збогатуваме понудата.
7. Какви се досега реакциите од гостите? Дали има пофалби и дали гостите повторно се враќаат во Gyro Street?
-Реакциите навистина нè радуваат. Најголема потврда дека работиме добро е тоа што гостите повторно ни се враќаат. Тоа е најголемата мотивација и доказ дека сме на вистинскиот пат.
8. Зад секој успешен угостителски објект стои многу труд и откажувања. Со кои предизвици најчесто се соочувате и што Ве мотивира да продолжите?
-Угостителството е динамична работа и секој ден носи нови предизвици. Потребни се многу посветеност, трпение и добра организација. Но кога ќе ги видите задоволните гости и ќе ги слушнете позитивните коментари, тогаш знаете дека секој вложен труд навистина се исплател.
9. Каква е Вашата визија за Gyro Street? Дали планирате новитети, проширување на понудата или нови идеи кои наскоро ќе ги изненадат прилепчани?
-Нашата цел е Gyro Street постојано да се развива. Планираме нови вкусови, новитети во понудата и уште подобро гастрономско искуство за сите наши гости.
10. За крај, што би им порачале на оние кои сè уште не го посетиле Gyro Street? Зошто сметате дека треба да му дадат шанса на Вашето гиро?
-Би ги поканил сите да дојдат и самите да се уверат во квалитетот. Кај нас секој оброк се подготвува со свежи состојки, внимание и искрена желба гостите да си заминат задоволни. Верувам дека штом еднаш ќе го пробаат нашето гиро, повторно ќе се вратат. Сите се добредојдени во Gyro Street.
Gyro Street денес е повеќе од место за брз оброк. Тоа е приказна за долгогодишно искуство, љубов кон гастрономијата и желба во Прилеп да се понуди квалитет кој ќе ги враќа гостите повторно и повторно. Ако сè уште не сте го посетиле, можеби токму сега е вистинскиот момент да го откриете вкусот на автентичното грчко гиро.
Се наоѓаат на ул. “Цар Самоил” бр.46 во Прилеп, веднаш наспроти Економското средно училиште.
