Македонија има европски вицешампион во билијард! Прилепчанецот Владимир Ѓорѓиески оствари одличен успех на Европското првенство во Варшава, Полска, освојувајќи го сребрениот медал и потврдувајќи го својот квалитет на европската спортска сцена.
Овој резултат е уште едно големо признание за посветеноста, трудот и долгогодишната работа на Ѓорѓиески, кој достојно ја претставува Македонија и Прилеп на меѓународните натпреварувања.
На неговиот успех со посебна гордост реагираа и од TABANA COFFEE CLUB, од каде упатија искрени честитки, истакнувајќи дека зад освоениот медал стои човек кој несебично ги споделува своето знаење и искуство и со години придонесува за развојот на билијардот меѓу младите.
Токму Ѓорѓиески е пример дека со упорност, посветеност и љубов кон спортот може да се стигне до највисоките европски достигнувања.
Честитки за Владимир Ѓорѓиески! Прилеп и Македонија имаат причина да бидат горди!