дома блог страница 608

Николоски: Започнуваме со интервенција на цената на станови во Битола, Скопје Охрид и Штип

Во Скопје ќе се градат 4 комерцијални згради, во Охрид и Штип по една. Во Битола од понеделник започнуваме со продажба на државни комерцијални станови по 1000 евра за метар квадратен. Се обидуваме силно да интервенираме на цената на пазарот на недвижности, истакна вицепремиерот Александар Николоски.

Тој потенцираше дека сегашната цена е превисока за животниот стандард на граѓаните и затоа државата ќе се обидува да интервенира преку изградба на комерцијални станови.

Моментaлно цената на комерцијaлни станови во неколку градови галопира, во Битола направивме интервенција и од понеделник почнуваме со продaжба на станови по 1000 евра за метар квадратен за стан, по 500 евра метар квадратен за гаража што е далеку пониска цена отколку што сега е во Битола. Во Скопје ќе почнеме 4 згради да работиме, во Охрид имаме активен повик за една, во Штип бараме локација, така што во овие четири места каде цената најмногу галопира, ќе се обидеме со наша интервенција цените на пазарот да ги намалиме. Сегашните цени на ниеден начин не одговараат на нашиот стандард, младите брачни двојки едноставно не можат сопствен дом да најдат, а по цена од 2500-3000 евра за квадрат никој не може со овој стандард да купи стан. Дополнително работиме на 5 социјални згради низ државата, истакна вицепремиерот Николоски.

ГОЛЕМА КРАЖБА KAJ ТРЕСКАВЕЦ: Арамии украле опрема од 10.000 евра и го оставија манастирот без водовод

Голема кражба спречи светски познатиот манастирски комплекс „Трескавец“ да го добие водоводот што ќе овозможи да бидат ставени во функција обновените конаци по пожарот од пред 12 години. Сега работите се одложени поради голема кражба на опрема и електроника за водоводот.

Прилепските локални власти допрва ќе бараат околу 10 000 евра да се надомести штетата, и комплексот, како загрозено светско културно наследство, да биде во функција.

Според Игор Гулабоски, директор на ЈКП „Водовод и канализација“ од Прилеп, кражбата се случила пред Нова Година кога требало водоводот да биде свечено ставен во функција.

-Пред Нова Година добивме повик од манастирот дека е направена кражба на сето тоа што е монтирано. Штетата е околу 10 000 евра. Тоа е пријавено во полицијата. Украдени се кабли, некоја електроника. Сега, во март, треба повторно да се обнови и повторно да се стави во функција. Беше ставен во функција, беа денови во прашање, двата резервоари беа наполнети. Но кражбата спречи да биде целосно во фукцвија. Во март сакаме повторно да го направиме тоа, вели Гулабоски.

Локалните прилепски власти овој месец ќе бараат средства за да се надомести штетата. Градоначалникот Борче Јовчески уверува дека тоа може да се среди за ден до два.

-Веќе бевме пред пуштање во употреба на водоводот. Настана кражбата. Работиме на тоа повторно да се обезбедат средства за обезбедување на тие материјали кои што може за ден-два да се имплементираат во тој водоводен систем. Инаку, изворот е комплетно обезбеден и останува да го дозавршиме и да го објавиме како завршен проект, објаснува Јовчески.

Конаците на манастирот Трескавец изгореа пред 12 години, на 4 февруари 2013 година. За нивната обнова државата вложи околу 2 милиона евра. Не може да бидат во функција без водоводот и мини пречистителна станица. Водоводот се градеше со 100 000 евра, обезбедени од ТАВ-програмата и со уште 3 милиона денари од буџетот на прилепската локална самоуправа. Најавите беа дека ќе биде готов до крајот на 2023 година.

Мицкоски: Јас сум реален оптимист дека ВМРО-ДПМНЕ и коалицијата ќе биде апсолутен победник на локалните избори

Јас сум реален оптимист дека ВМРО-ДПМНЕ и коалицијата која што ќе ја предводи ќе биде апсолутен победник на локалните избори кои треба да се одржат во првата половина на октомври, годинава, вели премиерот Христијан Мицкоски и се повика на партиските анкети на јавното мислење според кои нивната предност е 4:1 во однос на вторангираната партија.

-Очекувам за нешто повеќе од седум месеци од денеска да отпочне официјално кампањата, таму некаде првата половина на октомври да се случи првиот и вториот круг на локалните избори. Јас сум реален оптимист дека коалицијата што ќе ја предводи ВМРО-ДПМНЕ ќе биде таа која што ќе биде апсолутен победник, врз основа на мерењата која што ние ги имаме. Сега ќе видиме на терен како ќе биде и каква е волјата на граѓаните. Но ние правиме редовно секој месец, најмалку две, а понекогаш и три мерења на јавното мислење преку одредени атрибути кои што ги тестираме преку одредени политики, да видиме дали сме на прав пат или не сме. И ценам дека досега од тие бројки кои што ги имаме од месец во месец сме се подобри. Јануари беше подобар од декември кој што беше најдобар. На последната теренска анкета која што ја добив рејтингот на ВМРО-ДПМНЕ како политичка партија беше над 30 проценти, а втората партија беше со рејтинг од 6,8 проценти. Така што сега ако порано зборувавме за предност од 3:1, сега е повеќе од 4:1, и очекувам тој тренд да расте до одредено ниво и потоа да се стабилизира бидејќи ќе биде исцрпен капацитетот, тоа е волуменот на гласачи, рече Мицкоски на новинарско прашање по стартот на реконструкција на сквер во Општина Аеродром.

Што се однесува до имињата на потенцијалните кандидати за градоначланици, во тек е внатрепартиската процедура, при што како што нагласи, ќе биде земено предвид мислењето на членството, како и мислењето на граѓаните, од кое ќе се направи симбиоза по што ќе излезат со имињата на кандидатите пред органите на партијата.

“Губат од инает”, а го имаат најдобриот одбранбен на клупа! Нов пораз на РК ПРИЛЕП!

Ракометарите на РК Прилеп полека, но сигурно го губат чекорот со екипите од горниот дел на табелата, а со тоа ги губат и шансите за пласман во плеј-оф разигрувањето.

Синоќа во “Ричко”, по вторпат сезонава беа поразени од Бутел, што беше деветти пораз сезонава за прилепчани. Крајниот резултат на семафорот 28:33.

И покрај одличниот почеток на натпреварот, и водството во неколку наврати со 3 гола разлика (7:4, 9:6), избраниците на Божидар Мојсов повторно не се снајдуваа како што треба во одбраната, па Бутел на полувреме замина со минимална предност од 16:17.

Во вториот дел прилепчани како да беа друга екипа. Не реализираа во нападот, одбраната им беше како швајцарско сирење, па Бутел ја зголемуваше разликата. По 10 минути игра резултатот на семафорот беше 24:17. До крајот гостите од Скопје рутински го приведоа кон завршеток натпреварот и запишаа вредни бодови.

Веќе неколку пати пишувавме дека потребни се засилувања во тимот, особено во одбраната, се разбира доколку прилепчани целат кон висок пласман и создавање на екипа која ќе брка излез на меѓународна сцена. Мислењето на вљубениците во ракометот во Прилеп е дека сезоната во одбраната може да ја спаси поранешниот капитен Филип Велески, кој сега има менаџерска улога во клубот. Ако Велески реши да се врати од “спортска пензија”, тоа со сигурност ќе значи цврстина во одбраната и поголема сигурност кај останатите играчи од тимот на теренот.

ТАБЕЛА:

Во наредното коло Прилеп гостува кај Вардар…

Ќосето скршил три ребра во затворот во Прилеп, судот во Велес не му дозволува прекин на казната за да се излечи

Фејсбук статус на адвокатот Драган Стари ПЕШЕВСКИ:

Во денов исполнет со мешавина на тага и гнев сакам да ви пренесам уште една информација, а од денес па натаму баш и немам намера да бидам средечен и пријатен…

Како што во затворот Прилеп се дознало за смртта на Игор Југ, директорот на затворот го повикал Горан Ангелов-Ќосето кој беше негов најдобар другар, затворски сомаченик, соборец за Македонија уште од војната 2001 и му дал можност да искористи годишен одмор како би можел да го испрати својот најблизок!!! Ова не е спорно и е за поздравување!!!

Спорно е што Горан, пред кратко време крши три ребра во затворот по што е хоспитализиран на хирургија. Пуштил молба за прекин на извршувањето на казната до одреден судија за извршување санкции до Велешки Суд како би ја санирал состојбата. Замислете ОДБИЕН Е!!! Со цел памет и на цела мака е ОДБИЕН. По препорака на хирурзи, специјалисти за домашно лекување ОДБИЕН Е!!! Истиот има проблеми со дишењето, со спиењето, со движењето и без срам ке ви кажам со одењето во ВЦ. Во затворот има исклучително чучавци, со скршени 3 ребра човекот треба да го држат тројца да изврши нужда!!! Тој човек е ОДБИЕН!!!

Сабајлево како го ослободиле иако во тешка состојба не отиде ни до дома, ми се јави ми вика брат неможам да дишам ама морам да одам до кај фамилијата на Игор, да не им треба нешто да помогнам и така стори!!! Тој човек е ОДБИЕН!!!

Пред некој ден од моја страна беше пуштено официјално барање за прекин на издржувањето на затворската казна додека се санира последицата. Сега е на ред управата и нејзиниот директор Александар Пандов. Они се на потег да го исправат овој СРАМ!!!

Денеска изгубивме еден голем човек заради неправди, сплетки и ујдурми. Нека му е лесна земјата, утре во Куманово ке го испратиме, уште неможам да си дојдам на себе… Да не изгубиме уште еден на срамен начин!!!
СПОДЕЛУВАЈТЕ!!!

Joвчески: Имаме готови 14 проекти, со сите ќе аплицираме на повикот од Владата

Со повеќе од 14 веќе готови капитални, инфраструктурни проекти, општина Прилеп ќе аплицира за престојната владина финансиска помош од унгарскиот кредит, а наменета за општините. Станува збор за вкупна сума од близу 9 милиони евра со кои ќе се реализираат витални проекти за граѓаните, како во градот, така и во населените места.

„Но, го чекаме повикот и условите за аплицирање. Ние сме потполно спремни, ги бираме приоритетните проекти кои што ќе бидат презентирани транспарентно и пред нашата јавност…Опфаќаат реконструкции на водоводна инфраструктура, патна инфраструктура…Не се занемарени и населените места во општина Прилеп. Секаде онаму каде што макотрпно работевме и брзавме да имаме што повеќе сработени проекти, ќе бидат аплицирани во првиот повик кој што ќе го имаме од Владата“, – изјави Борче Јовчески, градоначалник на Прилеп.

Во меѓувреме, веќе интензивно се работи и на еден од трите проекти со кои општина Прилеп аплицираше на ланскиот прв Јавен повик од Владата. А додека на останатите два, Кружниот тек „Табана“ и улицата „Победа“, ќе започне да се работи во најскоро време. За овие три проекти ќе бидат потрошени вкупно одобрените околу 3,2 милиони евра, уверуваат локалните власти.

„Проектот „Реконструкција на водоводната линија“ во овој дел од градот од централното градско подрачје, викано „Карабдалица“ е прв запопчнат проект, со средства одобрени од Владата каде што имаме замена на 1.024 метри водоводна мрежа, линија која што не е реконструирана повеќе од седум децении, што значи дека азбестните и цементните цевки ќе бидат заементи со полиетиленски, модерни, со поголем капацитет…Ќе се постават 124 приклучоци, 7 нови хидранти со зголемена безбедност и ќе се изведат 18 јазли“ – објаснува Јовчески.

Новиот Јавен владин повик на кој општините ќе можат да аплицираат со проекти за тековнава година, треба да биде распишан до крајот на неделава, а до крајот на месецов треба да помине и на Владина седница. На првиот Јавен повик учествуваа 80 општини со дури 375 проекти што потврдува дека овие 250 милиони евра се оправдани средства кои ќе придонесат за исторски највисоко ниво на инвестиции во сите локални единици со поддршка од Владата.

Само со Минт Инс, регистрирај го твоето возило до 12 рати БЕЗ КАМАТА

Само со Минт Инс ⚪ Регистрирај го твоето возило до 12 рати БЕЗ КАМАТА ✔

🟢 Технички преглед
🟢 Осигурување од автомобилска одговорност
🟢 Зелен картон
🟢 Каско

📲 Преземи ја Mint App и осигурај се во минута!
👉 https://play.google.com/store/apps/details…
.
➡ https://www.mintins.mk/
📞 15 107

Тројца млади битолчани уапсени кај прилепско Беровци

-На 07.02.2025 во 22.30 часот на стариот пат од Прилеп за Битола, кај с.Беровци, полициски службеници од Полициската станица за граничен надзор Старавина ги лишиле од слобода С.И.(27), С.С.(20) и М.М.(20), сите од Битола. При преглед кај нив, кај С.И. и С.С. била пронајдена и одземена марихуана, додека при преглед во патничкото возило „пежо” со битолски регистарски ознаки, кое го управувал С.И., биле пронајдени неколку шишиња исполнети со жолтеникава течност. По целосно документирање на настанот, против лицата ќе следува соодветен поднесок – информираат од МВР.

Приведен лихвар од Битола

На 07.02.2025 во 17.10 часот во Битола, полициски службеници од СВР Битола го лишиле од слобода К.С.(50) од Битола поради сомнение за сторено кривично дело „лихварство“ по член 260 од Кривичниот законик. Притоа, кај него биле пронајдени и одземени повеќе банкноти во различни апоени.

Имено, на 05.02.2025 во СВР Битола, С.К.(45) од Битола пријавил дека во периодот од мај 2024 до февруари 2025 година, К.С. ја искористил неговата тешка имотна состојба и во повеќе наврати му дал пари на заем, а за услугата му наплатувал несразмерна камата.
Исто така, на 07.02.2025 во СВР Битола, В.Р.(58) од Битола пријавила дека од октомври 2024 до февруари 2025 година, К.С. ја искористил нејзината тешка имотна состојба и во повеќе наврати ѝ дал пари на заем, а за услугата ѝ наплатувал несразмерна камата. По целосно документирање на настанот, против К.С. ќе следува соодветна пријава.

„Џо, отпуштен си“ – објави Трамп и му забрани на Бајден пристап до класифицирани информации

Американскиот претседател Доналд Трамп објави дека го ограничи пристапот на неговиот претходник Џо Бајден до класифицирани формации.

Традиционално, поранешните претседатели добиваат одредени доверливи информации од безбедносните служби откако ќе ја напуштат Белата куќа.

– Нема потреба Џо Бајден да продолжи да има пристап до доверливи информации. Затоа, веднаш му го одземаме одобрението на Џо Бајден за пристап до доверливи информации и ги запираме неговите дневни разузнавачки брифинзи. Секогаш ќе ја штитам националната безбедност – Џо, отпуштен си. Ќе ја направиме Америка повторно голема, напиша Трамп на социјалната мрежа Truth Social.

Трамп го цитира извештајот на специјалниот советник Роберт Хур, кој минатата година го опиша Бајден како „добронамерен, постар човек со лоша меморија“.

Портпаролот на Бајден одби да ја коментира одлуката на Трамп.

Новиот претседател на САД, исто така, го обвини Бајден додека бил во Белата куќа направил преседан, и дал инструкции на разузнавачката заедница да го блокира пристапот на Трамп до информациите за националната безбедност.

Во 2021 година, веднаш по преземањето на функцијата, Бајден изјави за Си-Би-Ес дека не е добро Трамп да има пристап до разузнавачките информации поради неговото „непредвидливо однесување“ и загриженоста дека може да сподели доверливи податоци.