Науката ги има одговорите на глобалните предизвици, нејзино е да ги сподели со политичарите и со Владите, а тие треба да слушаат!
Ова е една од пораките на академската фела на меѓународната конференција ICON BEST 2024 која денеска се одржа на Универзитетот Скопје.
Меѓу говорниците на овој престижен настан се докажани професионалци од регионот и од Европа, меѓу нив и проф.д-р Горан Бандов, г-дин Луј Башур, како и проф.д-р Зоран Ивановски, Проректор за наука и развој на Универзитет Скопје.

,,Во повеќе од 9 сесии посветени на економијата, претприемништвото, дигитализацијата, маркетингот и човечките ресурси, истакнати домашни и меѓународни експерти и универзитетски професори ги изложија своите иновативни истражувања и резултати” порача Проректорот Ивановски.
Денеска знаеме и треба да градиме образование за 21-от век, смета академската заедница.

,,Светот се соочува со глобални проблеми. На оваа конференција науката ќе го даде својот придонес за нивното надминување за да го поттикне глобалниот развој” рече проф. д-р Горан Бандов од Хрватска.

Според глобалните истражувањата се очекува во 2027 повеќе од 30% од работните места да бидат заменети со машини и токму затоа неопходно е партнерството меѓу образовните и бизнис институции.

,,Најважно во една држава е градењето на партнерство меѓу образовните институции и бизнис секторот, бидејќи на тој начин се гради едно стабилно општество, со сигурна иднина” истакна проф. д-р Миглена Темелкова, Ректорот на Универзитет за телекомуникации и пошти во Софија.

УТМС како високообразовна, научна и општествена одговорна институција на заеднички настан донесе реномирани професори кои ги споделија своите академски искуства!

Стабилното и суво време ќе се задржи само до вторник. Веќе Од среда 20.11.2024 па се до крајот на неделата под влијание на моќен циклонски систем кој ќе биде во склоп со многу поладниот воздух кој ќе се спушта од север, ќе условува серија на изразени влажни воздушни бранови кои ќе условуваат повремени врнежи од дожд, и истите повремено ќе бидат обилни.

На планините и на повисоките места повремено ќе има врнежи од снег, а повремено снежната граница можно е повторно да се спушти до околу, па и под 1000 метри надморска височина, со што појава на повремен снег би можело да има и во повисоките населени места.

Сето ова ќе биде проследено со засилен, до повремено силен ветер од јужен, југоисточен и од западен правец, додека во сабота ветерот ќе биде повторно силен и од северен правец. Повремено и локално ветерот ќе достигнува доста голема брзина (и тоа од над 80/90 км/час).

За време на оваа серија на влажни воздушни бранови, повремено и локално ќе наврне значително количество на воден талог (над 30 литри дожд на метар квадратен), а на планините ќе се формира снежна покривка со висина од 10 до 20 cм, а на високите планини таа би можела да биде и поголема. Помала снежна покривка има услови да се формира и во повисоките населени места.

Што се однесува до температурите, тие најпрвин ќе бидат во пораст, особено во среда кога тие ќе се искачуваат во интервалот од 9 до 17 степени. Од четврток тие ќе опаѓаат и ќе се искачуваат во интервалот од 7 до 14 степени, меѓутоа повремено тие ќе бидат и значително пониски, а во утринските часови особено во петок и за време на викендот ќе биде многу постудено кога температурите во најголем дел од Македонија ќе се спуштаат под нулата, а понекаде тие ќе се спуштат и до близу -10 степени, на високите планини и под -10 степени.

Со голема духовна радост Ве известуваме дека во петок, на 22 ноември 2024 година, во храмот „Св. Петка“ во Прилеп, ќе го чествуваме споменот на големиот светител и чудотворец Св. Нектариј Егински. По овој повод, прв пат во нашиот град, ќе бидат изложени мошти од овој светител, што претставува особен благослов за сите нас – информираат од црковниот храм Св. Петка во населбата “Точила” во Прилеп.

Св. Нектариј Егински е еден од најпочитуваните светители во православниот свет, познат по својата длабока вера, смирение и чудотворни дела. Манастирот што го основал на островот Егина во Грција денес е едно од најпосетуваните поклонички места, каде илјадници верници се собираат за да му се поклонат и да побараат негово застапништво. Особено е познат како голем исцелител од душевни и телесни маки, а многумина сведочат за исцеленија од најтешката болест на нашето време – ракот.

На овој ден, прилепчани ќе имаат можност со поклонение пред неговите мошти да ја искажат својата почит и љубов кон св. Нектариј и да го замолат за застапништво пред Божјиот престол.

Од храмот ги покануваат верниците да се придружат на ова молитвено торжество и да го почувствуваат благословот и духовната радост што ги носи присуството на светињите.

Во рамките од шестото коло на Втората кошаркарска лига на Македонија, екипата на Мега Баскет од Прилеп викендов гостуваше во Скопје кај Бутел и одиграа драматичен натпревар.

По нерешените 23:23 во првата четвртина и 12:11 во втората, прилепчани направија одлична предност во третата 15:26. За жал гостите забележаа пад во играта во последната четвртина, која му припадна на Бутел со 22:12.

Така се стигна до нерешен резултат во основниот дел 72:72, а домаќините беа поуспешни во продолжението, па натпреварот заврши со 84:79.

Во наредното коло Мега Баскет го пречекува Црн Дрим.

Претседателот на Фудбалската федерација на Македонија, Муамед Сејдини, на репрезентативците им соопштил дека заминува од функцијата веднаш после победата над Фарски Острови (1-0).

Тој се симнал во соблекувалната, им честитал за успесите, им се заблагодарил за периодот што го поминаа заедно и ги известил дека поднел оставка на функцијата, информација која одреден период лебдеше во воздух, но сега добива и официјална потврда.

Се очекува многу брзо и Фудбалската федерација на Македонија да го потврди заминувањето на Муамед Сејдини, ковертираната оставка, по што в.д.претседател одреден период ќе треба да биде Лазар Ракиџиев, а потоа на Изборно собрание да се бира новиот претседател на ФФМ.

Многу изгледно е дека нов претседател на Фудбалската федерација на Македонија ќе биде Масар Омерагиќ.

-По седум извонредни години исполнети со историски достигнувања, решив да се повлечам од позицијата претседател на Фудбалската федерација на Македонија. Одлуката е резултат на моето размислување дека дојде момент за промена, после период што ќе остане запаметен како најуспешен во историјата на нашиот фудбал. Заедно со вас, испишавме златни страници за македонскиот фудбал: историското учество на Европското првенство ЕУРО 2020, второ место во квалификациската група за Светско првенство и незаборавната победа над Италија во Палермо, успесите во Лигата на нации со пласман во Лига Б и реализацијата на бројни инфраструктурни проекти во соработка со УЕФА и ФИФА. Ја напуштам оваа позиција со гордост и огромна благодарност до сите кои придонесоа за овие успеси: фудбалерите, селекторите, клубовите, инвеститорите, администрацијата, членовите на Управниот одбор и секој љубител на фудбалот. Јас ќе продолжам да ја извршувам својата улога до 22 декември, кога на Вонредно Собрание ќе биде избран мојот наследник. Со целосна верба во иднината на Федерацијата и македонскиот фудбал, од срце ви благодарам за поддршката и соработката во изминатите години, напиша Сејдини на социјалните мрежи.

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) денеска ќе одлучува за новите цени на нафтените деривати.

Моменталните максимални цени на нафтените деривати изнесуваат:

Моторен бензин ЕУРОСУПЕР БС – 95 76,00 (денари/литар)
Моторен бензин ЕУРОСУПЕР БС – 98 78,00 (денари/литар)
Дизел гориво ЕУРОДИЗЕЛ БС (Д-Е V) 70,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 43,844 (денари/килограм)

Викендов се одигра најголемиот досега турнир во табла во Прилеп. Натпреварите се играа во едно од омилените места на младите во центарот на градот, Coffee My Place (Бизнис центар – приземје).

Се играше на 5 добиени, а фрлањето на заровите беше од чаша.

После бројните натпревари во изминатите два дена, вечерва се познати и најдобрите таблаџии.

Во малото финале за трето место се сретнаа Дејан Нортоно Ристески и Пецко Андоноски, при што Ристески беше подобар и ја освои третата награда во вредност од 3.000 денари.

Во големото финале за главната награда од 10.000 денари, играа Мите Дамјаноски и Даме Пирганоски. Пирганоски издвојува победа и ја освои главната награда во висина од 10.000 денари.

Дамјаноски како второпласиран освои 5.000 денари.

Најдобрите тројца беа наградени и со пакет производи од прилепското царство на вкусови, ВИТАМИНКА, а организаторите пакети од своите спонзори обезбедија и за сите четвртфиналисти.

Турнирот беше поддржан од: Прилепска пиварница, Витаминка, пицерија Академи, Паренцо, Нептун, ЈК Травел, Porchella, бутик Аполо, теретана PROFESSIONAL и продавница за играчки Тргачо, како и од медиумските покровители “МАРКУКУЛЕ” и “ИНФО КОМПАС”.

Честитки за најдобрите, а на организаторите им посакуваме уште повеќе вакви турнири и дружења во иднина!

4NEWS.MK обави  снимка од безбедносна камера од моментот кога одекна бомбата во дворот во скопската населба “Керамидница”.

Во експлозијата повреден беше Раде Трајковски – Штекли. Oва е трет обид за негово убиство.

-ОВР Крушево поднесе кривична пријава против И.А.(46) од с.Житоше, прилепско и против И.Х.(57) од с.Борино, крушевско, поради постоење основи на сомнение за сторено кривично дело „кражба“.

На 21.10.2024 во атар на с.Белушино, крушевско, полициски службеници ги затекнале пријавените како со трактори превезуваат бесправно исечени огревни дрва – информираат од МВР.

Македонската фудбалска репрезентација вечерва на Национална арена „Тодор Проески“ во Скопје ја совлада селекцијата на Фарски Острови со 1:0. Натпреварот го одлучи Бојан Миовски кој ја затресе противничката мрежа во 62. минута.

– Задоволен сум од епилогот на натпреварот и во групата. Целта ни беше првото место и ја остваривме. Тие одиграа одличен натпревар, беше тешко да ги пробиеме. Останавме смирени и трпеливи и дојде таа шанса што ја искористив и донесов победа за Македонија. Чест е да се игра за репрезентацијата. Атмосферата во националниот тим е одлична и очекувам уште поголеми успеси во иднина, изјави Миовски, по натпреварот.

За избраниците на селекторот Благоја Милевски ова е петта победа по ред, сите пет без примен гол.

Со трите освоени бода Македонија го освои првото место во четвртата група Ц-сегмент од Лигата на нации.

„Црвено-жолтите“ групата ја завршија со 16 бодови и гол-разлика 10:1. Второто место и припадна на Ерменија која по денешната победа (2:1) над Летонија стигна до седум бода. Фарски Острови се трети со 6 бода, Летонија е последна со 4 бода.

Македонија во следното издание на Лигата на нации ќе игра во Б-сегментот.