Градскиот плоштад и центарот на градот празни, но излетничките места во околината на Прилеп полни.
Еве каква беше денеска сликата кај манастирот Св. Димитрија над село Селце.
Младиот земјоделец Панде Ѓоршевски реагира по денешната прес-конференција на лидерот на СДСМ и екс-премиер Зоран Заев.
Неговиот статус го пренесуваме во продолжение:
Вака сега, мене две работи не ми се јасни и ќе го замолам Зоки да ми одговори ама и Заев да потврди, ако можи.
1. Дали мислиш дека ние кои произведуваме МАКЕДОНСКА храна, со многу пот и мака, и уште поголема мака за да ја продадеме по бедни цени треба конечно да не испочитуваш и да мислиш на нас а не да држиш голи прес конференции каде ни држиш предавања за како да се однесуваме ние земјоделците?
2. Знам дека веќе не си земјоделец, сега си функционер и наместо мотиката или што и да е друго,држиш пенкало, но мене не ми е јасно како и каде мислиш дека ќе го продадеме тоа што не советуваш да го сработиме сега?
Срамна и жална е твојата лицемерна политика кон земјоделците сите овие години… особено кон нас,младите земјоделци. Ни во вакви услови, ЗА НАС ПОМОШ нема никаква! Границите блокирани,пазарите затворени-јаболката скапуваат.
Ниту ти е гајле за тој бруто домашниот ПРОДУКТ, ко што велиш, ниту за нашата храна произведена со пот и мака.
Затоа убаво велиш: “остани дома и спаси не СИТЕ НАС! Ама од тебе…
Ќе си почекаме за подобро утре, порача тој.
Бројот на “тивките носители”- луѓето кои се зapaзени со новиот коронавирус, но покажуваат одложени симптоми или се без симптоми- би можел да достигне 30% од оние кои се тестирани позитивни на вирусот, покажуваат документите на кинеската Влада во кои SCMP имаше увид.
Тоа би можело дополнително да ја искомплицира стратегијата која веќе ја користат земјите во борбата против вирусот кој зарази повеќе од 280.000 луѓе.
Повеќе од 43.000 луѓе во Кина се тестирани позитивни на Ковид-19 до крајот на февруари, но без симптоми. Оваа состојба е позната како асимптоматска. Тие се ставени во карантин, под надзор, но не биле вклучени во официјалната статистика.
Пациентите обично ги развиваат симптомите за пет дена, макар што периодот на инкубација може да трае од две до три недели во некои случаи.
Прилепчанец за медал!
Плоштадот во Прилеп денеска е целосно празен, само дивите гулаби го красат центарот на градот кој секогаш врие со народ, но опасноста од коронавирусот ги прибра прилепчани во домовите.
Само овој наш сограѓанин ја покажа целата своја добрина, хуманост и љубов, па излезе да ги нахрани гладните птици кои се вистински декор на плоштадот “Методија Андонов-Ченто”.
Секоја чест!
Фото/Видео: Љупчо Мургоски
Русија ќе испрати во Италија воени виролози, лекари и медицинска опрема за помош во борбата со коронавирусот, соопшти руското министерство за одбрана кое наведува дека по указ на претседателот Владимир Путин министерот за одбрана Сергеј Шојгу формирал воздухопловна групација која од недела 22-ри март ќе доставува помош во земјата која е најпогодена од коронавирусот во Европа.
„По подготвеноста на италијанската страна, ангажираните воено-транспортни авиони на воздухопловните сили на Русија ќе достават во Италија осум мобилни бригади на руски воени специјалисти и лекари, автобмобилски системи за дезинфекција со аеросоли на транспортот и површините, како и медицинска опрема“, невудуваат од руското министерство за одбрана.
Кремљ од своја страна објави дека претседателот Владимир Путин „ја потврди подготвеноста на Русија да ја пружи потребната помош на оперативен начин и изнесе конкретни поединости во врска со тоа во телефонскиот разговор во саботта со италијанскиот премиер Џузепе Конте“.
Според извештаите на руските медиуми, Русија во Италија ќе испрати „заштитена опрема, мобилни системи (…) за дезифенкција на транспортните средства со аеоросол, медицнска опрема…“ и „стручњаци кои ќе пружаат практична помош во најтешко настраданите области“ од пандемијата.
Двајцата челници се догвоориле за „цврста соработка во сузбивањето на коронавирусот“, се додава во соопштението на Кремљ.
Веста доаѓа во моментот кога во саботата во Италија се регистрирани 793 смртни случаи, што е нов рекорд во едно деноноќие. Со тоа бројот на починатите од коронавирусот во последниот месец се искачува на 4.825 луѓе, според податоците на цивилната заштита.
Во Русија, пак, досега се регистрирани 306 случаи на Covid-19, но нема починати.
Во голема акција на шумската полиција, вчера во атарот на село Никодин – прилепско, oткриени се 100 метри кубни зелени дабови огревни дрва, кои бесправно биле исечени.
Во моментов сеуште трае акцијата за нивно одземање, а дрвата се предаваат на привремено чување во Македонски шуми.
Засега не е познато кои се сторителите на оваа бесправна сеча на шума.
Потребно е воведување на построг полициски час, најмалку од 18 часот. Ова барање го посочува лидерот на ВМРО-ДПМНЕ, Христијан Мицкоски во своето отворено писмо до јавноста.
-Потребно е воведување на построг полициски час, најмалку од 18 часот за да има суштина со него и се направи ред, час поскоро. Мора за миг да се испразнат улиците за да се скенира состојбата. Мора да се има протокол на правење на тестови за сомнителни од корона вирусот и тие да бидат целосно бесплатни во државното и приватното здравство. Да се удвојат капацитетите за проверка. Сега владее потполн хаос каде граѓаните велат дека приватните тестови имаат поголема веродостојност затоа што државните институции ги кријат заболените. Затоа треба да се делува во отстранување на тие сомнеж. Морам да признам дека сум сериозно загрижен и за економската рецесија која ни престои. Државата оди по самиот раб. Илјадници луѓе престануваат да одат на работата, а штетите се поголеми од ноншалантниот однос на владата. Оние мерки кои ги соопшти Заев се далеку од доволни, порача тој.
,,Живеам за да бидам уметник, а уметник сум цел живот. Тоа е најдоброто во животот, да го работиш она што е твоја потреба. А, животот е за да создаваш,,.
Со овие зборови уметникот Кирил Гегоски ја отсликува речиси 50 годишната уметничка кариера како слободен уметник.
Последниот период е ангажиран на проектот ,,Преобразба,,.
-Планирам да направам десетина големи слики 3х2,30 метри. Монументално, реткост може да се види на нашиве простори. Една од сликите ќе биде изложена во Центарот за култура, а за другите ќе видиме кога ќе го заокружиме. Сликите се акрил на платно. Темата е вечно присутна во моето творештво, насловена ,,Преобразба,,, односно трансформација на пејзажот, особено на женската фигура. Преобразба на реалното во нереално. Тоа многу ме привлекува – вели уметникот.
Тој е вечно инспириран од природата.
-Не сакам да ја пренесувам природата, туку барам од неа извор за нешто ново. Сликите ќе бидат реални. Планина, а во суштина да речеме е жена. Многупати сопатниците со кои патувам по планините ми велат овој пејзаж ми наликува на Маркови кули, друг на друго… Несвесно се поврзува пејзажот со човекот. Природата и човекот се вечна инспирација. Ако ја сликам, или било кој, природата ќе се лажеме себе си. Она што е направено со природата никој не може да направи подобро. Може само да се залажуваме. Чудо е природата. Затоа импресиите од природата ги пренесувам на платното. Ги преработувам и боите. Боите на сликите ,,пејат како славеј,,. Многу се убави. Три бои користам, оти многу малку работам со бои. Едноставен сум. Основни, ама сложени. Се претвораат една во друга. Се преобразуваат од топла во ладна и обратно. Имам црвена топла боја, но има лилјаково кон ладно. Имам ултрамарин со црвено. Зелена со плаво и жолто – истакнува Гегоски, кој неуморно твори.
Евидентен е сјајот на делата на Гегоски. Тој е пореден меѓу уметниците кои учествуваа во новото културно милје во седумдесетите години на 20 век.
-Креативниот развој на Гегоски во неговата повеќедецениска посветеност беше под знакот на искрена опсесија со императивите за заживување на пејзажот од прилепското опкружување и таму вклучување во комплексноста на трајното менување на мотивот. Посветеноста на пејзажот покажува дека е многу повисоко од обичното тестирање на жанрот. Тој нуди бесконечни толкувања и креативни можности кои исто така вклучуваат одредена мерка на генерализација. Со оглед на суштинските факти и неколку постојани фиксни опсези на бои што беа избегнати од неговите поранешни фази, сликата сугерира контури на планини или дрвја, што е специфичен начин на уметникот за евоцирање на природата – забележува Марика Бочварова Плавеска за неговото творештво.
Тој е член на ДЛУМ од 1968 година. Имал студиски престои во Париз, во Италија, Грција, СССР, Франција, Полска… Во богатата уметничка кариера имал бројни самостојни и групни изложби во земјата и во странство. Учествувал на ликовни колонии, а за творештвото е повеќекратно наградуван.
Извор: “Неделник ЗЕНИТ”
Словенечкиот премиер Јанез Јанша објави дека како една од економските мерки за справување со последиците со епидемијата на коронавирусот е и намалување за 30 отсто на платите на сите владини службеници.
Како што јави дописникот на МИА од Љубљана, ова намалување е привремено и ќе трае само додека во земјата е прогласена епидемија на коронавирусот.
Пред само неколку денови, дел од јавноста и политичките партии остро реагираа по одлуката за зголемување на платата на министрите и и премиерот Јанша, кој според пишувањата во словенечките медиуми ќе зема највисока можна плата од 5200 евра бруто на месец.
На социјалните мрежи веќе се организираше дигитален протест поради владината одлука да си ги зголемат примањата за време на светска пандемија.
Од владата информираа дека не се работело за зголемување туку за порамнување, но и дека било логично некој кога работи двојно повеќе поради епидемијата, да добие и двојно поголема плата.
Инаку, словенечката Влада подготвува ново законско решение за итна финансиска помош на населението и економијата кои трпат последици од коронавирусот.
Сите мерки според најавите ќе бидат презентирани в понеделник.