дома блог страница 2666

(Видео) Бојадисување на велигденски јајца со ориз: Брз и едноставен начин!

Доколку сте одлучиле да ја испробате новата техника на бојадисување на велигденски јајца, нашиот предлог е следен- бојадисување со ориз.

Потребни се: варени јајца, пластична чаша со поклопувач, ориз, прехрамбена боја.

Подготовка: Ставете го вареното јајце во пластичната чаша, потоа ставете ја бојата и оризот. Поклопете ги и промешајте. Резултатот ќе ве воодушеви.

Целата постапка можете да ја видите на видеото подолу:

(Фото) Ова е најсветата просторија во христијанството: Тука Исус ја имал Тајната вечера со своите 12 апостоли

Просторијата која во Библијата го има називот “хиперион” уште значи “Горна соба”.

Просторијата е во Ерусалим и во неа е одржана Тајната вечера на Велики Четврток, пред апсењето, осудувањето, распнувањето и воскреснувањето на синот Божји Исус Христос.

Но не само тоа. Исус во оваа просторија ги измил нозете на своите следбеници, се појавил во неа по воскреснувањето, во неа апостолите се собрале по Вознесението Господово (Спасовден), тука Свети Матеј е избран да го замени Јуда како дванаесетти…

Може да се каже дека “Горната соба” е првата христијанска црква во светот. Исто така, без многу дискусија, може да се каже дека во христијанството не постои позначајна просторија.

За оваа просторија некои тврдат дека е еврејска синагога, но археолошки докази нема доволно. Верувањето е дека станува збор за куќата на Свети Јован Богослов, како што вели и христијанската традиција, во која покасно живеела и Пресвета Богородица.

Денеска е голем ден: Велики четврток, средина на страдалната седмица

Денеска е Велики Четврток.

Денешниот празник е еден од базичните настани за црквата. Сега се наоѓаме во средината на Страдалната седмица, седмица која е полна со важни настани за спасението на човекот.

Во четвртокот од таа последна недела на Христовиот живот на земјата беше востановена животоносната тајна на Црквата, тајната на Евхаристијата.

Таа тајна е востановена во горната соба од една ерусалимска куќа, кога Христос зеде леб, го прекрши и им подаде на учениците, т.е. на апостолите, а зеде и чаша со вино и исто така им ја подаде да пијат, со што ја најави својата смрт и таинствениот трепет што треба да го имаат учениците, зашто по неговата смрт беше јасно дека нешто ќе се случи.

Таа тајна е изворот на целокупното богослужење на Црквата, а нејзиниот централен дел е причестувањето со телото и крвта Христова.

Во ек на пандемија има пари за ова, а не и за “Еурокомпозит” на пример (Видео)

На покривот на Домот на градежници во центарот на Скопје вчера се одржа првиот маалски концерт во рамките на проектот на Град Скопје, „Култура во време на корона“.

Серијата вакви концерти, кои е предвидено да се одржуваат на различни локации низ градот, ја отвори Лепи Џони. Едночасовниот соло настап граѓаните го следеа од нивните балкони, а како што велат од Град Скопје, целта е финансиски да им се помогне на уметниците, а истовремено да се организира забава за граѓаните додека трае полицискиот час.

Како навистина звучеше овој концерт за кој Шилегов за еден час плати 14.500 денари, слушнете самите:

Зошто токму јајцето е симбол на Велигден: Многу христијани не го знаат ова!

Задолжителен дел од велигденските традиции се јајцата. Пред Велигден, познато е дека јајцата се бојосуваат и украсуваат.

Но, дали некогаш сте се запрашале зошто токму јајцето е симбол на најголемиот христијански празник?

Целата приказна всушност може да се сведе на нов живот и верувањето дека Исус со воскресението започнал вечен живот.

Имено, јајцата отсекогаш симболизирале нов живот, раѓање, плодност, изобилие и пролет, а старите Египќани, Персијци, Грци и Римјани меѓусебно си дарувале јајца како симбол на новиот живот што пристигнува по зимата.

Таа симболика на повторно раѓање одлично се вклопила и во празникот со кој христијаните го слават Исусовото воскреснување, односно новиот живот.

Инаку, секоја боја за јајца има некакво значење, па така црвената е симбол за Христовата крв, сината – за вистината, зелената – за плодност…

За убава вечер: “Нешто ќе те питам бабо” во домашно поинакво издание (Видео)

Браќата Стефан и Мартин Филиповски од дуото „Некст тајм“ продолжуваат со музика да ја поздравуваат публиката, со порака сите да останеме дома.

Овојпат, заедно со композиторот Николче Мицевски повторно ја преработија „Нешто ќе те питам бабо“.

-Останете дома, од нас зависи, да го победиме што е можно побрзо коронавирусот. Додека не го победиме се надеваме дека на овој начин ќе ви го свртиме малку вниманието кон музиката и позитивните работи што овој свет ги поседува. Останете дома, порачаа момците од „Некст тајм“.

(Видео) Својата високоплатена работа во Швјацарија ја заменил за да живее со нив: Погледнете како изгледа да се живее во семејство на лавови

Дин Снајдер е Швајцарец кој во својата држав станал финансиски експерт и формирал сопствена компанија. Но комфорот што го имал во Швајцарија, луксузниот живот и доброплатената работа не успеале да го задржат во намерата да замине и да живее во Африка и да стане дел од лавовското семејство.

“Луѓето постојано ме прашуваат, како успеав да станам дел од нивното семејство. Како можам да бидам толку близок со лавовите во сите ситуации.

Во светот на лавовите 90% од комуникацијата е преку говор на телото. Секое движење на главата, шепите комбинирано со опашката, но и моите очи, каде гледам, дали се повлекувам назад или одам кон нив, сето ова е комуникација. И ако не сте свесни кави сигнали ви даваат, што сакаат да ви кажат, тогаш може да биде опасно.

Има голема разлика во тоа да сте прифатени или почитувани од лавовите и да сте дел од нивното семејство. Јас го научив нивниот јазик и така комуницирам со нив.

Ако му кажам на лавот да седни или да замини на друго место, тој воопшто нема да ме послуша, затоа што тој е кралот и тој ги прави правилата тука…”

Анализа: 30 месеци нов градоначалник – Прилеп назадува или оди напред? Проценете сами…

Денеска се навршуваат 2 и пол години од промената на локалната власт во Прилеп и стапувањето на функција на градоначалникот од СДСМ, Илија Јованоски.

Јованоски на 15 октомври 2017 година победи во првиот изборен круг и го победи Марјан Ристески од ВМРО-ДПМНЕ кој три мандати беше прв човек на општината.

Локалната самоуправа Јованоски ја презеде со ветувањата за: 20% ПОНИСКИ СМЕТКИ ЗА ВОДА, ЦЕЛОСНА ГАСИФИКАЦИЈА НА ПРИЛЕП, ИЗГРАДБА НА ЗДРАВСТВЕНСПОРТСКО-РЕКРЕАТИВЕН ЦЕНТАР СО ПОКРИЕН БАЗЕН „МАКЕДОНИЈА”, ИЗГРАДБА НА ДВЕ НОВИ ГРАДИНКИ, ЕДНА ВО ГРАД ПРИЛЕП,А ДРУГА ВО Н.М. КАНАТЛАРЦИ, ИЗГРАДБА НА ДВЕ ОБИКОЛНИЦИ ОКОЛУ ПРИЛЕП, РЕНОВИРАЊЕ НА СОКОЛАНАТА, РЕКОНСТРУКЦИЈА НА СТАРАТА ГРАДСКА ЧАРШИЈА, ИЗГРАДБА НА НОВ ТЕАТАР, ИЗГРАДБА НА СПОРТСКО-РЕКРЕАТИВЕН ЦЕНТАР КАЈ ВЕШТАЧКОТО ЕЗЕРО, ИЗГРДБА НА 2 СПОРТСКИ УЧИЛИШНИ САЛИ, ГАСИФИКАЦИЈА НА УЧИЛИШТАТА И ГРАДИНКИТЕ, ЧИСТ ВОЗДУХ И ЗДРАВА ЖИВОТНА СРЕДИНА И.Т.Н.

Во продолжение во потточки ќе ја презентираме тогашната предизборна програма на Јованоски и СДСМ за Прилеп, а граѓаните најдобро знаат што е реализирано, а што не.

1. Намалување на сметките за вода за 20%

Ова беше едно од главните ветувања на актуелниот градоначалник кое се испостави дека е најголема лага. Сметките за вода се зголемија за околу 60%, поради додавањето на ставката за прочистување на отпадни води и зголемувањето на ставката одведување на урбани отпадни води.

Со овие нови цени, за потрошени 15 метри кубни вода во месецот, сметката за вода изнесува 800 денари, за потрошени 25 метри кубни, прилепчани плаќаат 1345 денари, а за 30 кубни метри 1607 денари месечно.

2. Целосна гасификација на Прилеп

Од гасификацијата на Прилеп досега е формирано само Јавно претпријатие за гасификација, гасоводот кој го започна претходната Влада е стигнат до Прилеп, но досега ништо не е направено во однос на секундарната и терциерната гасоводна мрежа.

3. Изградба на две обиколници околу Прилеп

Јованоски ветуваше изградба на патен правец што ќе го поврзува вештачкото езеро и патниот правец Прилеп-Градско, како и обиколница на патниот правец Прилеп-Македонски Брод со патниот правец Прилеп – Старо Лагово (раскрсница со Битола).

Досега овие два проекти не се започнати.

4.Изградба на здравствено-рекреативен центар со покриен базен “Македонија”

Градоначалникот вети и изградба на здравствен спортско-рекреативен центар со покриен базен во спортската сала “Македонија”. Mинатата година Јованоски истакна дека проектот нема да се реализира на првичната локација, туку дека ќе се гради во населбата “Точила”. Засега сеуште нема ниту проект, ниту започнување на работите.

Еве како на почетокот беше предвиден проектот:

5. Изградба на две нови градинки

Во предизворната програма вети нова градинка во градот и во населеното место Канатларци. Градинката предвидено е да се гради во населбата “Toчила”, но како и затворениот базен сеуште не е започната. Во однос на проширувањето на капацитетите на градинките, оваа локална власт успеа да ја доврши градинката во ООУ “Рампо Левката”, која беше започната од претходната локална власт.

6. Изградба на нов театар

Проектот за нова зграда на театарот “Војдан Чернодрински” е долго ветување од сите власти досега, но оваа власт го презентираше како сигурна работа. Предвидено беше новата театарска зграда да се направи во еден дел од домот за култура “Марко Цепенков”, но освен “цртеж” за тоа како би изгледал, досега ништо друго не е направено на тој план.

7. Реконструкција на Старата градска чаршија

Во февруари градоначалникот на општина Прилеп, Илија Јованоски, заедно со претставници на ЈП за ПУП и ЈКП „Водовод и канализација“, одржа неформална средба со сопствениците и закупците на дуќани во Старата чаршија и презентираа проект со кој се предвидува постојните травертински плочи да бидат заменети со гранитни плочи, сите жици и кабли од кабловските оператори да бидат сместени во подземни инсталации, фекалната канализација да биде комплетно реконструирана, а според проектот ќе се изградела и нова атмосферска канализација.

Јованоски тогаш истакна дека во зависност од временските услови, комплетната реконструкција ќе заврши за 75 до 90 дена.

8. Изградба на спортско рекреативен центар кај вештачкото езеро

Ветувањето во предизборната програма предвидуваше: зона за кампување, мал рибник, традиционален ресторан, мотел до 10 соби, терени за јавање, велосипедизам, трчање и пешачење, платформа за безбедно пливање, развој на веслачкиот спорт, скијање на вода, спортски терени за тенис, одбојка, кошарка и сл.).

На почетокот на октомври минатата година, во Општина Прилеп беше организирана јавна презентација на Планот за управување со животната средина и социјалните аспекти, за потпроектот „Прилепско езеро – Нови авантури, нови можности“. Тогаш беше презентиран списокот на активности и интервенции кои се предвидени со проектот, со посебен осврт на мерките од списокот за проверка на Планот за управување со животната средина и социјалните аспекти. Притоа, проект менаџерот на овој потпроект, Борче Јанкулоски истакна дека тој е изработен врз основа на Националната правна рамка и Политиката за заштита на животната средина и социјална политика на Светска банка.

“Во проектот е планирано да се изведат пет поединечни потпроекти: изведба на целосно осветлена велосипедска патека од потегот ‘Маркова чешма’ до с.Присад во должина од 7,3 километри и ширина од три метри, со простор за паркинг на велосипеди, уредување на пристапна улица со паркинг простор од некогашниот мотел на вештачкото езеро. Оттаму
продолжува рекреативно-излетничката зона, како дел од проектот за уредување на мултимедијален простор за изведување на културни и забавни манифестации, концерти и место за дружење на посетителите, со три тераси, шест летниковци и урбана опрема. Исто така, планирано е да се изградат две асфалтни спортски игралишта за кошарка, пинг-понг и за одбојка, пешачка патека во должина од 750 метри, а ќе бидат поставени и клупи и канделабри. Имплементацијата на проектот има за цел да ја зголеми пристапноста на ова подрачје како зона за активен туризам и да го врати некогашниот сјај на езерото“, изјави тогаш Јанкулоски.

Рокот за изведување на градежните работи на проектот беше предвиден на шест месеци.

Пред започнувањето на кризата со коронавирусот сеуште немаше никакви активности.

9. Изградба на спортска сала во ООУ “Кире Гаврилоски”

Проектот сеуште не е започнат.

10. Чист воздух и здрава животна средина

Откако општината намести мерна станица на општинската зграда, беше забележано колку загаден воздух дишат прилепчани во зимскиот период. Концентрацијата на ПМ-10 честички во воздухот изнесуваше и по 200, 300, па и 400, 500 и повеќе микрограми на метар кубен.

Погледнете колку е загаден воздухот во Прилеп вечерва: Чернобил ќе ни позавиди на бројкиве?

Ова е веќе алармантно и страшно! Прилеп со најзагаден воздух во Македонија – мерната станица покажува застрашувачки резултати

Што друго ветуваше градоначалникот во предизборната програма погледнете во продолжение:

Oпштината преку Јавното претпријатие за простороно и урбанистичко планирање набави 4 автобуси на метан за потребите на јавниот градски превоз за сума од близу 1 милион евра, или по 250.000 евра за автобус.

Токму сумата и намањето на меѓународен тендер беа спорни и причина за реакции од опозицијата, а автобусите често пати се расипуваат.

На трибина во октомври минатата година Јованоски истакна дека општината асфалтирала 24 километри улици во градот.

Во населбата “Сточен пазар” oпштината започна со реализација на нов мост со првична вредност од 500.000 евра, а опозицијата минатата недела информираше дека цената ќе скокне за дополнителни над 200.000 евра.

Целата предизборна програма на СДСМ која го носеше називот “Живот во Прилеп за сите”, можете да ја погледнете на следниот линк: Programa-Prilep-WEB

Српски лекари објаснуваат по што се разликува кopoнавиpycoт од алepгија

Од почетокот на пандемијата па се до денес тема на многу светски експерти беше разликата меѓу кopoнавиpycoт и алергиите.

Пролетта е годишно време кога се јавуваат алергии кои ги следат следните симптоми: кивање, затнат нос и чешање на очите. Овие симптоми се поврзуваат и со кopoнавиpycoт.

Ковид-19 најчесто го најавуваат: треската или сувата кашлица, а потоа заморот, мачнините, болките во телото, кашлицата, недостигот на воздух и гастроентерални пречки.

Тоа го поддржува и СЗО која навела дека затнат нос има само кај 4,8 отсто случаи од 56 илјади кинески пациенти со коронавирус. Во извештајот на СЗО пишува дека далеку почести се симптомите како покачена телесна температура, сува кашлица, замор.

Одредени сличности меѓу коронавирусот и алергиите мора да се тестираат, но како што наведува „Бизнис инсајдер“ едно лице може да боледува од двете здравствени проблеми. Во Америка засега се тестирани 2,8 милиони лица, според податоците на „Ковид Тракинг Проџект“.

За тоа како алергијата да ја разликуваме од коронавирусот зборувале и српските доктори.

„Кога ќе влезеш дома, нема цветање и симптомите се смируваат. Второ, кај алергиите нема зголемена телесна температура или температурата е ниска, па може да биде 37 степени“„, рекол проф. д-р Бранислав Несторовиќ, пулмолог кој во претходни гостувања на телевизија наведуваше и други разлики: „Алергијата, за среќа, нема така сериозни симптоми, како гушење кое се јавува кај коронавирусот“.

Поклопувањето на одредени симптоми потврдил и докторот Предраг Кон.

„Алергијата лесно се одвојува од коронавирусот – зголемената температура, односно немање зголемена телесна температура“, рекол докторот.

Со ова се сложила и професорката и вирусолог Тања Јовановиќ.

Одат ли овие функционери на работа? Кој ги плаќа?

-Понеделник 13 април

– Вторник 14 април

– Среда 15 април