дома блог страница 1568

БГНЕС “yдри” по Димитров: Tој го потпиша договорот уште во 2019

Со оглед на негативните реакции во Скопје од владејачката партија, опозицијата, како и од поранешниот министер за надворешни работи Никола Димитров во однос на содржината на францускиот предлог, а особено на билатералниот протокол, БГНЕС ја објави содржината на последниот билатерален протокол за имплементација. од Договорот за добрососедство од2019 година. Овој протокол го носи потписот на двајцата тогашни министри за надворешни работи Екатерина Захариева и Никола Димитров, пренесува Инфомакс.

И двата протоколи се оригинали и не се прераскажување на Агенцијата БГНЕС. Учесниците во нивната подготовка се одговорни за нивната содржина.

Протоколот, потпишан во 2019 година, го истакнува присуството на важни историски теми, како и специфична заложба до крајот на истата година да се постигне заедничко историско читање на личноста на Гоце Делчев:

„Заедничката мултидисциплинарна експертска комисија за историски и образовни прашања решително да ја забрза работата на важни теми од нашата заедничка историја (Гоце Делчев, Илинденско-Преображенско востание итн.) инсистирајќи на постигнување реални резултати до крајот на 2019 година, вклучително и содржината на учебници. Во својата работа комисијата треба строго да се придржува до одредбите од чл. 8, точка 2 од Договорот за пријателство, добрососедство и соработка, имено да се придонесе за целта, заснована на автентични и засновани на докази историски извори, научно толкување на историските настани“, се гледа од протоколот потпишан од Екатерина Захариева и Никола Димитров.

Целата статија можете да ја прочитате на ИНФОМАКС.

Заштеда за летен одмор и зимување: Падна цената на гopивата – “цели” 0.36 проценти

Регулаторната комисија за енергетика и водни услуги донесе Одлука со која се врши намалување на малопродажните цени на нафтените деривати во просек за 0,36% во однос на одлуката од 22.06.2022 година.

Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,923%, кај дизелот зголемување во просек за 0,541%, кај екстра лесното масло зголемување во просек за 0, 444 % и кај мазутот намалување во просек за околу 1,992%, поради што во структурата на цените на нафтените деривати е извршено соодветно прилагодување.

Малопродажните цени на бензините ЕУРОСУПЕР БС-95 и ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство (ЕЛ-1) не се менуваат, додека малопродажната цена на Мазутот М-1 НС се намалува за 1,000 ден/кг и сега ќе изнесува 54,291 ден/кг.

Од 24.6.2022 година од 00:01 часот максималните цени на нафтените деривати ќе изнесуваат:

– Моторен бензин – ЕУРОСУПЕР БС – 95 – 110,00 (денари/литар)
– Моторен бензин – ЕУРОСУПЕР БС – 98 – 112,00 (денари/литар)
– Дизел гориво – ЕУРОДИЗЕЛ БС (Д-Е V) – 110,00 (денари/литар)
– Масло за горење – Екстра лесно 1 (ЕЛ-1) – 107,00 (денари/литар)
– Мазут М-1 НС – 54,291 (денари/килограм)

Курсот на денарот во однос на доларот во изминатиот период по кој беа формирани цените со претходната пресметка е понизок за 0,186 %. Напоменуваме дека ова се максималните цени на нафтените деривати од 00:01 часот на 24.6.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Ова треба да го има во секое училиште: Во ООУ “Кире Гаврилоски” реализиран одличен проект за лица со попpeченocт (Фото)

Откако успешно беше реализиран проектот „Биди ИН, Биди ИНклузивен, Биди ИНклудиран“, градоначалникот Борче Јовчески и официјалните претставници на Фондацијата за образовни и културни иницијативи „Чекор по чекор“ го посетија ООУ „Кире Гаврилоски-Јане“ во Прилеп.

На ова основно училиште од страна на Фондацијата „Чекор по чекор“ му беше доделен електромоторен транспортер (гасеничар) кој е наметен за лица со физичка попреченост, односно овозможува движење на инвалидска количка по скали. Како што истакна директорот на ООУ „Кире Гаврилоски-Јане“, Влатко Кузманоски, ова е голем исчекор во подобрување на инклузивното образование бидејќи со оваа направа секој ученик би имал пристап до сите простории во училиштето, а истовремено би била олеснета работата на наставниците, воедно и на родителите кои ги носат таквите ученици до училиште.

Општина Прилеп со сигурност и во иднина ќе биде дел од ваквите проекти кои придонесуваат во подобрување на образованието од било каков вид.

KA3HA ДО 2.000 EBPA: Од утре забрана за движење во шуми од 6 до 20 часот!

Министерството за земјоделство, шумарство и водостопанство по барање на ЈП „Национални шуми“ – Скопје, согласно член 57 став 2 од Законот за шумите, даде согласност за воведување делумна забрана за движење во шумите и шумското земјиште во периодот од 6:00 до 20:00 часот.

Забраната стапува во сила од утре и се воведува со оглед на зголемената опасност од појава на шумски пожари на отворен простор.

– Делумната забрана за движење во шума ќе стапи на сила од 24.06.2022 година и ќе трае се до проценката дека е намален ризикот од појавана шумски пожари, односно до нејзиното отповикување, се наведува во соопштението на „Национални шуми“.

Од таму посочуваат дела оваа делумна забрана за движење во шумите и шумското земјиште не важи за Министерството за внатрешни работи, Шумската полиција, Центарот за управување со кризи, Дирекцијата за заштита и спасување, Државниот инспекторат за шумарство и ловство, ЈП „Национални шуми“, субјектите што вршат шумскостопански активности, сеча, дотур и транспорт на дрво и дрвни сортименти, стручните служби на концесионерите на дивечот во ловиштата и лица коишто имаат писмено одобрени за движење во шумите.

– Движењето ќе биде дозволено единствено со писмено одобрение издадено од подружниците на ЈП „Национални шуми“ – Скопје за подрачјето со кое стопанисуваат/управуваат, се наведува во соопштението, при што се додава дека за спроведување на забраната одговорни се вработените од ЈП „Национални шуми“ кои вршат дејност заштита, Шумската полиција и МВР.

За непочитување на оваа забрана на физичките лица кои ќе бидат затекнати дека се движат во шума и шумско земјиште, согласно член 106 од Законот за шумите, ќе им биде изречена парична казна од 1500 до 2000 евра во денарска противвредност.

“Балкан бенд” испишуваат историја: Овој музички проект ќе ечи на секоја веселба (Видео)

Вчеравечер во ресторанот Ragusa 360 – Rooftop се одржа спектакуларна промоција на уште една во низата народни песни кои ќе го обединат македонскиот народ.

„Балкан бенд“ го промовираа најновиот музички проект насловен како „А бре, Македонче“. Зад ова музичко парче што ќе остане за навек, како аранжер се потпишува Дарко Илиевски, а мастерот е дело на Дејан Момироски. Спотот е направен под режиската палка на маестралниот Даниел Јовески.

Домаќин на вечерта беше легендарниот Игор Џамбазов, кој со своето присуство ѝ даде посебна нота на целата промоција.

Момците од „Балкан бенд“ на промоцијата со огромно задоволство открија дека ова е најскапиот музички проект кој се случил во Македонија во последните 10-на години.

„Ова што го гледате и слушате вечерва како финален производ, го подготвувавме од 2018-та година и сме пресреќни што конечно ја споделуваме со вас „А бре, Македонче“ и горди сме што ѝ оставаме еден траен белег на Македонија“, рекоа синоќа момците од „Балкан бенд.

На промоцијата на „А бре, Македонче“, почит им оддадоа многу познати имиња од македонскиот шоу бизнис. Водители, пејачи, медиуми, инфлуенсери, беа само дел од публиката на промовирањето на „А бре, Македонче“, во срцето на Скопје.

Реакциите за спотот и песната се и повеќе од одлични, а доказ за тоа се и бројот на прегледи на Јутјуб. За само неколку часа повеќе од 15.000 корисници го прегледале видеото.

Да не должиме многу, слушнете, уживајте и споделете ја „А бре, Македонче“ на вашите социјални мрежи.

Анкетата на “Маркукуле” одлучувачка: Ламбе ќе пее на “Пивофест”

Популарниот фестивал во Прилеп, Пивофест годинава ќе се одржи од 14 до 17 јули. Акцентот е ставен на македонската музичка сцена.

Наум Петрески, Миле Кузманоски, Елена Велевска, Елена Петреска, Вера Јанковиќ, Нокаут, Игор Џамбазов и Гуру Харе, Љубојна, ДНК, Некст Тајм, Лозано, Ареа, Владо Јаневски, Џамбо Агушев, Суперхикс, се дел од имињата кои ќе настапат оваа година.

Но, дел од програмата е и пејачот Ламбе Алабаковски, кој за прв пат по инцидентот во Битола ќе се појави во јавноста.

Алабаковски е предвидено да настапи на 16.07 (сабота).

Грчки генерал им се закани на Турците: “Ќе го гpaнaтиpaме Истанбул”

Турција и Грција долги години се во напнати односи, поради што на моменти ситуацијата е пред ескалација во конфликт.

Уште едно територијално прашање се појави поради остров во Егејското море, кога Турција ја обвини Грција дека поставува оружје во негова близина.

Премиерот Киријакос Мицотакис ја обвини Турција за дестабилизација на ситуацијата во Кипар, на што лидерот на Турција, Реџеп Таип Ердоган кажа дека Грција мора да ги признае своите граници.

Пензионираниот грчки генерал не остана мирен на оваа изјава на Ердоган, па ѝ се закани на Турција со гранатирање на мостови кои ја поврзуваат Европа и Азија.

По шести пат во амфитеатарот на Могила ќе се одржи фестивалот на краток филм “Winter Apricots”

Фестивалот на краток филм “Winter Apricots”, кој веќе 6 години се одржува во градот Прилеп, овој викенд организира филмски проекции во Паркот на Револуцијата.

Во амфитеатарот на “Могила“, овој петок и сабота со почеток од 20:30 часот ќе биде прикажана колекција од најинтересните филмови од претходните две изданија.

Во Петок на 24-ти, ќе бидат прикажани филмови од 5-тото издание на фестивалот, кое за жал се одржа само во онлајн формат во 2020-та година, а во сабота ќе биде прикажана селекција на филмови од ланското, 6-то издание на фестивалот.

За крај на настанот, во сабота после филмските проекции, со почеток од 22:00 часот ќе се одржи концерт на битолскиот изведувач и кантавтор Дејан Марковски.

Карактеристично за настапите на Дејан се неговата несекојдневна енергичност, како и изведувањето на композиции на повеќе странски јазици.

Уaпceн прилепчанец кој бил бapaн за издpжyвање затвopcка казна во КПУ Куманово

На 22.06.2022 во населба Тризла во Прилеп, полициски службеници од ОВР Прилеп го привеле М.Е.(27) од Прилеп. Тој бил баран по потерница за издржување затворска казна во Казнено-поправната установа Затвор Куманово.

Лицето било спроведено во казнено-поправната установа за издржување на казната.

Министерство за земјоделство: Исплатени се сите пapи за субвенциите за тyтyн

Заврши целосната исплатата на субвенциите за тутунот од реколтата 2021, а исплатени се вкупно 1.3 милијарди денари на сметките на 17 илјади тутунопроизводители. Процедурата со која тутунарите ја добија оваа финансиската поддршка започна веднаш откако пратениците во Собранието ја одблокираа законската измена во законот за земјоделство и рурален развој, преку одложувањето на обврската кон УЈП, велат од МЗШВ.

“МЗШВ изразува жалење што овие средства не беа порано исплатени на сметките на тутунарите, бидејќи процесот на донесување на оваа законска измена во Собранието беше закочен речиси 6 месеци, односно од февруари 2022 година.

Со надминување на блокадата и донесувањето на измените во законот за земјоделство и рурален развој овозможивме услови од оваа година да се започне и со авансна исплата на субвенциите, мерка која не се случила во изминатите 16 години. Токму преку оваа измена, земјоделците ќе можат 30% од субвенциите да ги добијат авансно, односно во рок од 90 дена по аплицирањето.

Се надеваме и повикуваме на разум и обединетост и во донесувањето на ребалансот на буџетот за 2022 година каде се предвидени 2,7 милијарди денари, дополнителни средства за комплетно исплаќање на субвенциите кон земјоделците.

Министерството за земјоделство, шумарство и водостопанство води грижа и дава поддршка за секој земјоделец. Земјоделието не смее да биде предмет на блокади и политички игри, посебно во услови на светска криза.

Дополнително, ги информираме земјоделците и целокупната јавност дека во следниот период започнува реализацијата на исплатата за финансиската поддршка за набавено вештачко ѓубриво и поддршката за продадени или заклани гоеници – мерки со кои ги помагаме земјоделците во услови на криза преку Интервентниот фонд. Во тек е и реализација на поддршката преку програмата за директни плаќања за премијата за произведено и предадено млеко јануари-февруари 2021, како и субвенциите за заклани бројлери и несилки во регистрирани кланични капацитети“, се вели во соопштението.