дома блог страница 1569

До вчера беа коалиција, а сега ќе се испотепаат меѓусебе: Teпачка пред домот на Бојко Борисов за Македонија (Видео)

Активисти на бугарската партија ВМРО предводени од европратеникот Ангел Џамбаски вечерва се собраа на протест пред домот на поранешниот премиер и лидер на ГЕРБ, Бојко Борисов, за да го искажат револтот зошто тој го поддржа францускиот предлог за решавање на спорот и почеток на преговорите на ЕУ со Македонија, јави БНТ.

Демонстрантите од доскорешниот коалициски партнер на Борисов, пред неговиот дом носеа транспарент „Не ја предавајте Македонија“ и скандираа: „И порано и сега, Македонија е бугарска“.

Од друга страна, пак, пред домот на Борисов имаше и контрапротести – активисти и пратеници од пратеничката група на ГЕРБ дојдоа да го поддржат лидерот.

Нов асфалт и на улиците “Драган Димески” и “Кеј 9-ти Септември” (Фото)

Се асфалтираа дел од улиците „Драган Димески“ и „Кеј 9ти Септември“ во Прилеп.

– Продолжуваме со градежните активности и подобрување на патната инфраструктура во општина Прилеп. Исто така паралелно се одвиваат активностите околу рехабилитација на локалните улици. Домаќински и одговорно – напиша на ФБ градоначалникот на општина Прилеп, Борче Јовчески.

Грчки град меѓу најбезбедните дестинации за семеен одмор во светот

Грчкиот град Ираклион од Крит е меѓу најбезбедните дестинации за семеен одмор во светот, се вели во извештајот на американската онлајн платформа за патувања „Водич за семеен одмор“ („The Family Vacation Guide“).

За да ги одреди најбезбедните дестинации во светот за посета со деца, платформата за патувања анализираше голем број критериуми како што се општа безбедност, семејно сместување, ресторани погодни за деца и семејни активности достапни на голем број популарни дестинации.

На прво место е Цирих (Швајцарија) со 7,81, додека Ираклион со 7,45 од 10, го зазеде второто место на листата.

Ираклион е четврти на листата според индексот на криминал, додека со годишна температура од 19 Целзиусови степени се смета за идеална дестинација за семејствата, што дава многу можности за уживање на одмор.

Во првите десет се и Копенхаген, Виена, Лисабон, Мадрид, Бисел, Дубаи, Рим, Ванкувер и Франкфурт.

Ираклион е исто така меѓу првите три дестинации за одмор со најдобри активности за семејството, заедно со Патаја (Тајланд) и Орландо (Флорида, САД).

Со цел да се види кои се најдобрите дестинации според овој критериум, „Водичот за семеен одмор“ го сумираше процентот на знаменитости приспособени за деца, активности на отворено и забавни активности и го пресмета просекот за секој од градовите.

Проблеми во “pajoт”: ЛДП, ДОМ и ДС ќе излезат од Влада ако се прифати францускиот предлог

На денешниот состанок на Извршниот одбор на ДОМ во проширен состав, се разгледуваше т.н. француски предлог објавен во медиумите. Раководството на ДОМ едногласно донесе став дека овој предлог е неприфатлив и Владата треба да го отфрли, се вели во партиското соопштение од ДОМ испратено до медиумите.

-Отворените прашања со Бугарија треба билатерално да се решаваат во добра волја, взаемна почит и согласно европските вредности. ДОМ останува на ставот дека за македонскиот јазик и идентитет не смее да се преговара. Сметаме дека овој предлог ќе го претвори пристапниот процес за членство на Македонија во ЕУ во бескрајна агонија и го доведува во неизвесност и самото започнување на преговорите. Доколку Владата го прифати овој т.н. француски предлог, ДОМ ќе ја напушти Владата и парламентарното мнозинство, истакнуваат од ДОМ.

Претходно истото го истакнаа од Демократски сојуз на Павле Трајанов и ЛДП на Горан Милевски.

Се враќа традицијата која згасна пред 20 години: Аероклубот Прилеп блеснува во нов сјај и повторно ќе се лета (Фото/Видео)

Aeроклуб Прилеп е веќе при крај со реконструкцијата на аеродромот во селот Мало Коњари, како и хангарот со придружните објекти.

Остануваат уште малку детали за повторно да се започне со активности во едриличарство и летање со ултралесни авиони.

План е летово активно да се лета и да се возобнови и традицијата на Аероклубот која главно згасна во 2001 година.

Претседателот на клубот Дејан Пеливаноски верува дека клубот ќе блесне во најдобро светло за краток период за што прави големи напори и голем ангажман.

-Сакаме аеродромот да стане стане место каде голем дел наши сограѓани ќе можат да поминат интересни моменти – велат од Аероклубот Прилеп.

Падна Владата на Кирил Петков во Бугарија: Собранието и’ изгласа недоверба

Владата на Кирил Петков падна по гласањето недоверба во Народното собрание.

Ова е прво гласање недоверба на кабинетот на Петков, а го достави ГЕРБ поради економските неуспеси на владата.

По изгласувањето на недовербата, Петков во своето обраќање изјави дека му е чест што бил срушен од четворката Борисов, Пеевски, Трифонов и руската амбасадорка во Бугарија, Елеонора Митрофанова.

99. влада на Бугарија предводена од Кирил Петков беше избрана на 13 декември 2021 година од 47. Народно собрание. Пред формирањето, земјата трипати излегуваше на избори – рекорд во поновата историја на Бугарија.

Започна асфалтирањето на планинскиот превој Плетвар – Ќе се правеле подготовки и за автопат Прилеп-Битола (Фото)

На делницата од Фариш до Прилеп на магистралниот пат Прилеп-Градско започна поставувањето на нов асфалт, со што ќе бидат обновени 19 километри од оваа делница на патот. Станува збор за финансиска конструкција од околу четири милиони евра наменети за рехабилитација на 3 тата делница од магистралниот пат Градско – Прилеп.

„Експресниот пат се работи во две фази од Градско до Дреново и Дреново – Фариш. Ова е третата делница на која моментално работиме на нејзината рехабилитација на постојниот патен правец. Имаме и проект кој привршува, а тој проект значи и проширување на трета лента на сите позиции каде што има две ленти и ќе започне во наредната фаза,“ посочи денеска при увид во градежните работи Благој Бочварски, министер за транспорт и врски.

На социјалните мрежи министерот најави подготовка на автопатското решение за делницата Прилеп – Битола.

Мицкоски гостин во емисијата „Заспиј ако можеш” на ТВ Алфа

Лидерот на ВМРО-ДПМНЕ, Христијан Мицкоски вечерва ќе гостува во емисијата „Заспиј ако можеш” на ТВ Алфа.

Следете го моето гостување во „Заспиј ако можеш” на ТВ Алфа со почеток од 22:30 часот, пишува Мицкоски.

Прилепчанец се обидел да ја yбие поранешната сопруга

Маж од Прилеп на 20 јуни ја нападнал неговата поранешна сопруга и сакал да ја лиши од живот.

„Утрото на критичниот ден, тој дошол во куќата во која живеела оштетената, се качил во собата каде што спиела и најпрвин започнал да ја дави со рацете околу вратот и да ја удира со тупаници по главата и по телото. Во тој момент пристигнала нејзината мајка која се обидела да го оттргне, но осомничениот ја турнал.

Од појасот извадил нож и на поранешната сопруга и нанел неколку убодни рани во телото и ногата. Потоа бил совладан од тројца соседи кои го изнеле од куќата и го спречиле да ја оствари намерата“, откриваат од Основното јавно обвинителство Прилеп.

Судијата на осомничениот му определи притвор во траење од 30 дена.​​

Нови цени на гopивата од полноќ

Регулаторната комисија за енергетика донесе Одлука со која се врши намалување на малопродажните цени на нафтените деривати во просек за 0,51% во однос на одлуката од 20.06.2022 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство (ЕЛ-1) не се менуваат, додека малопродажната цена на Мазутот М-1 НС се намалува за 1,447 ден/кг и сега ќе изнесува 55,291 ден/кг.

Од 23.6.2022 година од 00:01 часот максималните цени на нафтените деривати ќе изнесуваат:

– Моторен бензин – ЕУРОСУПЕР БС – 95 – 110,00 (денари/литар)
– Моторен бензин – ЕУРОСУПЕР БС – 98 – 112,00 (денари/литар)
– Дизел гориво – ЕУРОДИЗЕЛ БС (Д-Е V) – 110,00 (денари/литар)
– Масло за горење – Екстра лесно 1 (ЕЛ-1) – 107,00 (денари/литар)
– Мазут М-1 НС – 55,291 (денари/килограм)