дома блог страница 1552

Бектеши: Не само што има работа, туку и странци доаѓаат да работат во Македонија

Странските државјани се заинтересирани да работат во Македонија, вели министерот Бектеши.

Според него, иако сме на средина на 2022 година, искористени се 70 отсто од квотите на работници кои доаѓаат од странски земји кои сакаат да работат во Македонија. Бектеши рече дека работниците главно доаѓаат од Турција, но дека економските услови во земјава бараат да се либерализираат процедурите и за другите земји.

„Речиси над 70% се заинтересирани само за првиот дел од годината…ако е бројката 5000, 70 проценти имаат апликации од бројот 5000, од ​​работници од странски земји кои пазарот на РСМ го гледаат како можност, без разлика дали во градежништвото или во производство. Ова докажува дека во Македонија има работни места, но сигурно треба повеќе работа“, истакна Крешник Бектеши.

Не сте ни свecни колку е опacно! Три причини зошто не е добро да седите во мокри кocтими за капење

Доколку одите на одмор, во куферот дефинитивно треба да спакувате најмалку два костими за капење кои можете да ги носите наизменично.

Иако менувањето на вашиот костим за капење на плажа е незгодно, ако го направите тоа многу би направиле за вашето здравје.

Имено, седењето во влажен костим за капење никако не е лекарска препорака, па затоа треба да облечете сув костим за капење секогаш кога ќе излезете од вода.

Носењето влажен костим за капење може да предизвика бројни проблеми кои воопшто не се безопасни. На одмор дефинитивно сакате да избегнете каков било здравствен проблем, па добро е да знаете какви се можни последици доколку подолго време останете на плажа во влажен костим за капење.

Алиса Двек, гинеколог од Медицинскиот факултет Маунт Синај, вели дека габите и бактериите се развиваат во влажни и темни области, како што се костими за капење или облека за вежбање. Жените со ослабен имунолошки систем, кои имаат дијабетес или земаат одредени лекови, додека носат влажни костими за капење, се изложени на ризик да добијат инфекција.

Поради овие три причини, не е добро да седите долго во влажен костим за капење:

1. Одличен супстрат за развој на бактерии

Внатрешноста на костимот за капење е влажна и топла, што создава идеална област за бактерии. Материјалите за костими за капење апсорбираат различни хемикалии и бактерии кои се наоѓаат во базените или во морето. Откако ќе излезе од вода, половиот орган е во контакт со сите штетни материи кои остануваат во костимот.

Ова го нарушува балансот на добрите бактерии во вагината и може да внесе штетни бактерии во уретрата и да предизвика разни болести како вагинитис и воспаление на уринарниот тракт.

Симптоми на бактериски вагинитис: непријатен мирис, сивкаста боја на исцедок, чешање, оток и чувствителност.

Симптоми на инфекција на уринарниот тракт: силна и постојана потреба за мокрење, чувство на печење при мокрење, болка во карлицата и заматена урина.

Доколку имате симптоми на бактериски вагинитис, задолжително посетете лекар. Дотогаш пијте повеќе течности, особено сок од брусница, за кој е познато дека поволно делува на чистење на бактериите од уринарниот тракт и мочниот меур.

2. Габични инфекции

Бидејќи габите напредуваат во топли и влажни подрачја, влажните носии може да предизвикаат бројни габични инфекции кај жените. Пролиферацијата на бактерии предизвикува раст на габични клетки во вагината или вулвата, што предизвикува непријатни симптоми како горење, чувствителност и грутчен исцедок.

Симптоми: силно чешање во внатрешниот или надворешниот дел на вагината и бел исцедок како урда.

Се препорачува да се земаат лекови во договор со лекар и да се користи крем против габи.

3. Чешање и осип

Седењето во влажен костим за капење може да предизвика инфекција слична на атлетското стапало со ширење габи кои освен на гениталиите, можат да ги зафатат и внатрешните бедра и задникот. Инфекцијата е слична на габична инфекција, но разликата е во обликот на габата.

Симптоми: чешање и осип на бутовите и пукнатини во пределот на гениталиите, црвенило и лупење на кожата каде што осипот е најцрвен во средината.

Користете антигабичен крем или пудра за пределот на гениталиите и посетете лекар.

Утре на пладне Сугарески ќе го каже ставот за понижувачкиот договор со Бугарија?

Горан Сугарески е долгогодишен функционер во СДСМ, па не случајно социјалдемократите во Прилеп, но и голем број други граѓани очекуваат негов став околку така наречениот ревидиран француски предлог.

Гневот во Прилеп како град херој кој дал огромна жртва во Втората светска војна, борејќи се токму против бугарскиот фашистички окупатор. е огромен.

Ставот на опозицијата е познат и се манифестира преку масовните протести деновиве пред Владата, па затоа сега се очекува како ќе реагираат првите луѓе од владеачката партија.

Сугарески и претходно се изјаснуваше околу актуелни прашања за политичките и општествените случувања, а се очекува утре да го каже својот став околу договорот со Бугарија и актуелниот француски предлог со кој според мнозинството граѓани се понижува целата македонска историја, јазик и постоење.

Тоа деновие го направија и Генералниот секретар на СДСМ Минчев, Максим Димитриевски, Бендевска, пратеникот Стојаноски, единствено очекуваме Сугарески да каже дали се согласува дека сме Бугари што зборуваат на бугарски дијалект и да излези заедно со народот на протест во 12 часот.

Апасиев: Утре дојдете масовно пред Влада! Ќе го посетиме и Пендаровски, а ќе има и уште едно изненадување! (Видео)

Врие Македонецот, ова е премногу што ни се случува и народот веќе не може да трпи такво политичко предавство, рече лидерот на Левица, Димитар Апасиев во изјава за Канал 5 телевизија, денеска пред Собранието на Република Македонија.

-Еве да ви го кажам сценариото, утре ќе го поминат на Влада ( францускиот предлог) и ни треба масовност, значи ги повикувам сте граѓани утре да дојдат пред Влада, планираме да го посетиме и претседателот Пендаровски и планот Б кој го има Левица ќе го соопштиме веднаш после усвојувањето.

Мислам дека тие не го очекуваат тоа, ќе сакаат да го поминат на Собрание, и мислам дека шверцератот на Талат Џафери ќе си го направи своето, мислам дека нема да го пуштат на комисија, знаат дека таму ќе има тепачки ќе го тават на пленарна седница, тоа ќе трае неколку дена.

Го повикувам секој свесен македонски граѓанин да биде пред Собрание додека трае расправата по овој предавнички предлог.Дури и да го донесат предлогот тоа не значи ништо, немаат двотретинско мнозинство да го променат Уставот, а и да имаат ние им подготвуваме план Б со една правна операција која ќе ја соопштиме во вторник среда.

Уште еднаш апел: ДОЈДЕТЕ ВО ШТО ПОГОЛЕМ БРОЈ УТРЕ ПРЕД ВЛАДА КОГА СЕ НОСИ ОВОЈ КВИСЛИНШКИ ПРОТОКОЛ, со кој ние се обезмакедончуваме, стануваме Курди. Не дозволувајте за вас да одлучуваат корумпирани политичари, рече Апасиев.

Летaa јајца и тоалетна хартија, граѓани ја пробија заштитната ограда пред Владата, полициjaта направи кopдон (Видео)

Ескалираше состојбата пред Влада на денешниот протест против францускиот предлог.

Група демонстранти меѓу кои и Димитар Апасиев, Борислав Крмов, фрлаат со јајца и тоалетна хартија кон зградата на Владата.

Може да се забележи дека е турната дел од оградата пред Владата, а полициските сили веќе се распоредени пред Влезот на Владата.

Следете ја ситуацијата во живо на слениот линк:

Ламбе настапи на пpoтecтот пред Влада и го запали францускиот предлог: “Ако мојата дијагноза е пироман, вашата дијагноза е предавничка”

Познатиот македонски пејач Ламбе Алабаковски кој неодамна беше лишен од слобода, па ослободен за подметнување на пожар во таканаречениот културен центар Ванчо Михаилов во Битола, вечерва настапи на протестот пред Владата на Република Македонија, на кој што исто така имаше и говор пред насобраните Македонци кои што веќе трет ден по ред протестираат против францускиот предлог.

Инаку, на Алабаковски првично му беше определен ефективен притвор, но под притисок на јавноста судот ја менуваше одлуката на два пати, односно беше пуштен во домашен притвор, па пуштен да се брани од слобода односно му беа определени мерки за претпазливост.

Ако мојата дијагноза е пироман, вашата дијагноза е предавничка, кажа пејачот Ламбе Алабаковски, кој со македонската химна го отвори денешниот протест против францускиот предлог.

Алабаковски порача дека Преспанскиот договор, Договорот со Бугарија и францускиот предлог се фашизам и симболично го запали листот на кој беа испишани овие штетни договори за Македонија.

Mицкоски: Утре ќе го прифатат францускиот предлог на Влада, излезете сите од цела Македонија (Видео)

Од наши извори дознаваме дека Владата утре на седница ќе носи одлука за францускиот предлог, рече денеска лидерот на опозициската ВМРО-ДПМНЕ, Христијан Мицкоски, во изјава за медиумите.

Тој го повика македонскиот народ да излезе пред Владата и да каже „не“ за предлогот.

– Според нашите информации, утре ќе се одржи владината седница на којашто ќе биде прифатен францускиот предлог. Затоа, ја повикувам цела Македонија утре да дојде пред Владата – рече Мицкоски.

Тој ги повтори неговите барања до премиерот Димитар Ковачевски дека ќе се откаже од предвремени избори доколку Ковачевски не го прифати модифицираниот француски предлог.

Ванхојте им се обрати на Македонците: “Прифатете го предлогот”

Поранешниот евроамбасадор во земјава, Петер Ванхауте, на Фејсбук објави „Отворено писмо до граѓаните на Северна Македонија“, во кое ги повикува граѓаните да дадат поддршка за францускиот предлог за почнување преговори за членство на Македонија во ЕУ.

Го пренесуваме отвореното писмо во целост:

„Со интерес ја следам дискусијата меѓу вашата земја и Бугарија. Денес, благодарение на францускиот предлог, можен е сериозен напредок. Да, Бугарија ќе ги почитува основните права на Македонците поврзани со идентитетот, јазикот и културата. За возврат, вашата земја конечно ќе може да го започне процесот на пристапување во ЕУ. Ја почитувам храброста на вашата влада да се согласи со францускиот предлог. И да, овој предлог е компромис. Како што би рекле во Белгија: „компромисот е добар ако двете страни се чувствуваат малку незадоволни од исходот“. Но, овој предлог ви овозможува конечно да го започнете процесот на пристапување. Вратата е отворена, не ја заклучувајте повторно.

ЕУ е вашата иднина. ЕУ ќе отвори многу можности за вашиот економски развој, за вашата иднина и иднината на вашите деца. Затоа, не плашете се да ја направите вистинската опција, туку активно вклучете се во процесот на пристапување.

Го разбирам националистичкиот негодување од некои политички партии. Ниту едната опозиција, нивната улога е да се спротивстават – и да бидеме на чисто: секогаш е полесно да се спротивставиш на одлука на власта отколку да се согласиш со неа и да ја поддржиш. Играњето на емоции во вакви случаи е уште полесно. Но, не правете го тоа овој пат: ајде сега да се фокусираме на интеграцијата на вашата земја во ЕУ и како сите ќе имаме корист од ова. Да ги избереме вистинските приоритети за нашата иднина.

И до националистичката опозиција: денес Северна Македонија е вистинска национална држава, со специфична култура, своја историја и признати официјални јазици и заедници. Не се затворајте во минатото, туку вклучете се во заедничка иднина. Заслужувате еден ден да станете членка на ЕУ, вратата е отворена, затоа ве молам, повелете!

А за преостанатите прашања меѓу вашата земја и Бугарија, ако има проблем, има и решение. Продолжете да разговарате едни со други за да се договорите за решенијата и за патот напред. Вашата влада има многу компетентни министри кои ќе продолжат да им служат на вашите интереси. Уверен сум дека тие ќе испорачаат и активно ќе се вклучат во интеграцијата во ЕУ, заедно со Комисијата на ЕУ и претставниците на земјите-членки на ЕУ“, пишува Ванхојте.

Заврши 14-та ликовна колонија “Дрен 2022”, твореа 22 уметници

Заврши 14 – та ликовна колонија Дрен 2022 што ја реализираше ЦК „Марко Цепенков“ со финансиска поддршка на Министерството за култура. Твореа 22 уметници, сликари и скулптори од земјава и од странство, кои создадоа 30 слики и седум скулптури.

Своите инспирации на платно и во скулптура ги преточија Мирослав Живковиќ од Србија, Беди Ибрахим, Дамјан Ѓуров, Елена Ѓуров, Слободан Милошевски, Стефан Анчевски, Бане Наумоски, Филип Перески, Росица Лазеска, Олгица Антовска, Бони Барутовска, Бојана А. Трпческа, Филип Јовески, Методи Исков, Славчо Павлески, Верче Николоска, Павлина Илијеска, Александар Џинго, Александра Богоеска, Викторија Димеска, Марјан Стојаноски и Сарита Конеска.

На завршницата на колонијата на уметниците им беа доделни пригодни благодрници за учество, а беа изложени и сработените дела.

Уметниците не го криеа своето задоволство од учеството на колонијата. Велат дека Прилеп е инспиративен град, дека одлично се дружеле, твореле и размениле мислења за уметноста, а домаќинот ЦК „Марко Цепенков“ бил одличен организатор.

Изложбата на делата создадени на годинашната колонија Дрен 2022 ќе бидат претставени на изложба на есен. Досега на колонијата, во изминатите 13 години, се создадени околу 370 дела кои се во трајно наследство на Центарот и на државата.

И синоќа aпceња на на фестивалот во Дојран, меѓу нив и еден прилепчанец

Во периодот од 20.30 часот на 03.07.2022 година до 02.30 часот на 04.07.2022 година, за време на одржување на музичка манифестација во Стар Дојран, полициски службеници од Секторот за внатрешни работи Струмица, во координација со полициски службеници од Секторот за недозволена тpговиja со дpoга, opyжje и опacни матepии при МВР и Единица за недозволена тpговиja со дpoга, opyжje и опacни матepии при СВР Скопје извршиле контpoла и ги лишиле од cлобода К.А.(18) и А.М.(19), двајцата од Скопје, М.Ц.(26) и Д.П.(27), двајцата од Куманово, Г.П.(22) од Прилеп, Н.М.(22) од Охрид, Т.С.(21) од Валандово, Д.А.(19) од село Николиќ, општина Дојран и И.К.(20) од село Иловица, струмичко, бидејќи кај нив биле пронајдени повеќе видови дpoга.

Лицата биле приведени во полициска станица и по целосно документирање на случаите против нив ќе бидат поднесени соодветни поднесоци.