дома блог страница 1551

Ви треба добро сместување за едно поинакво уникатно искуство? Ова е најдобрата платформа за таа намена

Кајак.мк е платформа која се занимава со промоција на туризмот во Македонија.

Поточно се работи за комбинација, платформа на која што има добар спој од новинарство и туризам, и преку приказните кои се раскажуваат од областа на туризмот, го прават кајак.мк одлична комбинација на медиум и промотор.

Идејата на овој проект кој успешно функционира веќе две години, е да се докаже дека кај нас има луѓе кои што навистина вредат и кои треба да го добијат заслуженото внимание.

Платформата „Кајак.мк“ има одлични совети за патување кои може да ви бидат од огромна корист за нова авантура.

Доколку сè уште размислувате каде да појдете за престојниот викенд, на летен одмор, или на неколку дена да посетите некое уникатно место, наш совет е да ја посетите платформата „Кајак.мк“ каде секојдневно се споделуваат нови уникатни сместувања, кои дел од нив се отцепени од јавноста, далеку од градските средини, а има и такви кои се наоѓаат во планински предели каде нема друго објект во соседството.

Покрај сместувањата кои се огласени на платформата, неодамна „Кајак.мк“ лансираше нова категорија именувана како „Гастромонија“ која има цел да ги собере сите уникатни места и семејства кои нудат вкусни гастрономски приказни.

Денеска Кајак.мк е повеќе од платформа. Кајак.мк е движење со кое се идентификуваат дигиталните номади, авантуристите, гурманите и луѓето кои се во постојана потрага по нешто ново и уникатно.

Посетете ја платформата веднаш и уживајте во откривањето на Македонија, верувајте ќе се изненадите какви се места има во нашата преубава држава.

Два века старата црква во прилепско Лениште огpaбена од вандали: Укpaле предмети од кујната, камбаната, опустошени липите (Видео)

Осакатени липи во дворот од гробиштата, украдено клепало од црковното ѕвоно од камбанаријата, како и поситен црковен и кујнски инвентар во вредност од над 20.000 денари се последиците од последната „посета“ на се уште непознатите сторители на два века старата црквата „Св. Атанасиј“ во прилепското село Лениште – објави “АЛФА ТВ”.

„Се докажа дека во црквата има провалено. Има штети направено, липите се искршени. Инвентар кој ни треба во црквата: свеќници, кандила, инвентар од кујната има земено, шерпи, тенџериња, лонци за готвење..Јас кога дојдов во моментот да ја удирам камбаната, видов дека камбаната не функционира и сфатив дека е украдено тоа за тропање што е во ѕвоното, сајлата ја немаше и така увидов дека се работи за провала, за кражба“,- ни рече Кире Нешкоски, член на Црковниот одбор.

Нешкоски вели дека оваа кражба од пред десетина дена не била прва. И претходно на повеќе наврати се случувало да им снемува градежен материјал и алат. Се сомневаат дека се работи за добро организирани групи кои пустошат во овој регион, заради што бараат и поголема будност и ангажман од полицијата.

„Еве да поставиме камери, ама тој систем како функионира, јас не знам. Да има стражар, треба некој да го плаќа. Црквата е стара, една од најстарите во околината на Прилеп, на овој дел нагоре што е кон Плетвар. Затоа нека си преземе власта начини, нека си праќа патроли со возило, нека ги обиколува Лениште, Плетвар, значи овие се места без население, а има богатства, цркви, вредности кои треба да се чуваат. Има и дрвокрадство, два-тројца што се тука, велат дека им доаѓаат дури и до нивните куќи и немаат начин да се одбранат“, – објаснува Нешкоски.

Инаку, кражбите и вандализмот во црквите и манстирите во околината на Прилеп, за жал, не се непозната работа. Пред неколку дена, по којзнае кој пат, повторно мета на крадци и вандали беше и црквата „Св. Никола“ во с. Дабница, при што украдени биле круните за венчавање, кадилници, кандила и др. поситини предмети кои се користат во богослужбите. А додека пред три месеци, арамиите ја уништија трпезаријата, го искршиле фрижидерот, а ги украле и металните плочи од шпоретот за готвење, како и металните врати и прозорци. Арамиите, се уште не се пронајдени.

KAРОЛИНА ДУРЛО

(Видео) Македонска новинарка го шокиpaше Мишел: “Во ЕУ можете да бирате пол, ние не смееме да сме Македонци”

Новинарка денеска го нокаутираше Шарл Мишел кога го запраша зошто додека тие во ЕУ може да го бираат полот, ние во Македонија не смееме да кажеме дека сме Македонци.

Од страна на новинарка на МКД.мк, Мишел беше запрашан зошто ЕУ ги поддржува примитивните бугарски барања и тврдења за непостоење македонски народ и јазик, а истовремено дозволува граѓаните на Унијата слободно да го изберат својот род.

Николовски за Ламбе: “Тој не е пиpoман, тој е ѕвезда и горд Македонец, а Владата на СДСМ и ДУИ е пpeдавничка”

Потпретседателот на ВМРО-ДПМНЕ, Александар Николоски, објави заедничка фотографија со пејачот Ламбе Алабаковски.

-Тој не е пироман, тој е ѕвезда и горд Македонец. А Владата на СДСМ и ДУИ е предавничка. Ултиматум, НЕ благодарам! – напиша Николовски.

Учениците во Битола ќе имаат можност бесплатно да изучуваат кинески јазик

Претставници од институтот „Конфуциј“, при Универзитетот „Свети Кирил и Методиј“, денес ја посетија општина Битола, каде имаа средба со градоначалникот, Тони Коњановски.

На средбата беа презентирани активностите на институтот, кои се однесуваат на перманентно изведување на настава за изучување на кинескиот јазик на почетно, средно и напредно ниво, како и курсеви по традиционални кинески вештини – калиграфија, уметничко обликување хартија и слично, како и можностите за вклучување на овие активности како избор за учениците од битолските училишта.

Курсевите кои ги овозможува институтот „Конфуциј“ се бесплатни и се наменети за ученици од основно и средно образование, за студенти и останати заинтересирани лица од сите возрасти, од индустријата и јавниот сектор.

Претставниците на институтот информираа, дека во рамките на нивните активности, се реализираат и повеќе културни настани, кои имаат за цел интензивирање на комуникацијата, културната и научната соработка помеѓу граѓаните на НР Кина и Македонија.

Градоначалникот Коњановски, истакна дека општина Битола е отворена за соработка со институтот, а во втората половина на месец август во координација со директорите на училиштата, ќе бидат разгледани можностите и заинтересираноста на учениците за следење на курсеви по кинески јазик и традиционални кинески вештини.

Воспоставувањето на ваквата соработка, отвора и нови можности за поддршка на учениците и студентите преку стипендирање, студиска размена и други видови соработка.

Позната програмата за алтернативната сцена на “Пиво Фест”

Уште девет дена до најмасовната фестивалска манифестација во Македонија. Од 14-17 јули сите патишта ќе водат во Прилеп, каде оваа година ќе се одржи 18-то издание на фестивалот на скарата и пивото “Пиво Фест 2022”.

Голем број млади луѓе прашуваа дали оваа година ќе се врати алтернативната сцена на камената бина, и на задоволство на сите организаторите ја објавија програмата и за оваа така наречена “афтер парти” сцена.

Па така во четврток ќе не’ забавува диџејот Mario Eddie, во петок АNA NOODLE и LILI DIVA, во сабота диџеите од ROOM 313, a во недела диџеј BABURA JUNIOR.

Урнебесно видео: Демонстрант се јави во Влада и им порача кафиња по 6 денари, рамстек за 180, тост за 40…

Познатиот рапер од Пука Козметика Дарко Масларковски се мајтапеше со вработените во бифето на Владата од кампот на демонстрантите кои протестираат против францускиот предлог.

Тој порача 5 рамстека, 30 тоста и 50 кафиња.

-ДРУГАРИ ВРТЕТЕ У ВЛАДА ПРИМААТ НАРАЧКИ, РАМСТЕК 180, ТОСТ СО ПРШУТ 40, КАФЕ 6 ДЕНАРИ, ТЕЛЕФОН 23118022, БАРАЈТЕ ЛОКАЛ БИФЕ, МАЛКУ Е ЗАЕБАНО СО ДИЛИВЕРИ АМА ПРЕКУ ШТРУМФОВИТЕ МОЖЕ ДИЛ ДА СЕ НАПРАВИ

Погледнете го ова урнебесно видео:

Живописниот манастир во Беранци широко ќе ги отвори вратите за верниците на Иванден: Посетете ја оваа Пелагониска убавина (Фото)

Беранци е село Пелагонија и припаѓа во Општина Могила. До селото најлесно се стигнува по стариот пат Прилеп-Битола и се наоѓа на 17 километри од Битола.

Селото најпрвин запишано како Беранци се сретнува во 1468 година во турски документи. Се верува дека името потекнува од личното име Беран.

Всушност, легендата вели дека прв во месноста се населил некојси Беран (или Берон) од струшкото село Вевчани, кој избегал од налетот на Турците. Тука тој создал семејство и започнал да живее.

Селото е рамничарско, на надморска височина од 640 метри и е сместено од левата страна на патот Битола-Прилеп.

Беранци е поголемо село сместено помеѓу планинската падина на Древеник на запад и рамнината Пелагонија на исток. Околни села се: Долно Српци, Вашарејца и Могила.

Беранци е македонско село и според последниот попис во селото живееле 445 жители. Над селото се наоѓа преубавиот манастир Свети Јован Крстител или познат како Беранечки манастир. Црквата била осветена на 2 август 1879 година, поточно на верскиот празник Илинден.

Токму за Иванден манастирот ја слави една од своите слави, а портите на храмот ќе бидат отворени за сите верници и добронамерници.

По повод празникот на 06.06.2022 со почеток од 19:00 часот ќе се одржи вечерната служба, а после службата ќе ве забавува група Ројал.

Исто така на 07.06.2022 со почеток од 07:00 ќе се одржи утринската служба, а после службата одново ќе ве забавува истата музичка група.

Од црковниот одбор упатуваат покана до сите кои сакаат да го посетат прекрасниот манастир да дојдат за Иванден, да запалат свеќа и да се помолат за своето и здравјето на своите најблиски.

Големо изненадување на Пиво Фест: Потврден настапот на една од најголемите балкански ѕвезди

Потврдено! Големата балканска ѕвезда Хари Мата Хари ќе настапи на 18-то издание на фестивалот на скарата и пивото во Прилеп, “Пиво Фест 2022”.

Ова ќе биде негов втор настап на фестивалот во Прилеп, а прв пат одржа мега концерт во 2016 година.

Хари Мата Хари ќе настапи на третата фестивалска вечер (сабота 16.07).

Во продолжение уживајте во дел од неговиот настап на Пиво Фест 2016 заедно со Антониа Гиговска.

И денеска во 19 пред Влада: Народот не попушта, власта да се опамети

Протестот против францускиот предлог „Ултиматум, не благодарам“ продолжува и денеска пред Владата во 19 часот.

Како што е најавено, граѓаните нема да протестираат само пред Владата, а повеќе информации се очекуваат во текот на денот.

Голем број граѓани и вчера присуствуваа на сенародниот протест кој одржува под мотото „УЛТИМАТУМ – Не благодарам“.

Според учесниците, негирањето на правото на самоопределување и условувањето на македонските европски интеграции со прифаќањето еднострано бришење на културната и историската посебност и еднострано непризнавање на јазикот, не е дел од критериумите за членство во ЕУ ниту правило меѓу државите членки.

Покрај масовните протести пред Владата изминативе денови, социјалните мрежи се преполни со коментари со кои се бара отфрлување на францускиот предлог. Во коментарите се вели политичарите да се освестат бидејќи народот страда и има болка во душата.