дома блог страница 1541

Диазепам, антибиотици… Македонија испрати xyманитapна помош за Украина

На крајот на јуни, Владата донесе одлука за испраќање хуманитарна помош за Украина која се состои од лекови во вредност од околу 44.000 евра. Во одговор за Фактор, од Владата потврдуваат дека помошта е веќе пристигната во земјата, а македонските власти се подготвуваат да обезбедат уште една помош во лекови.

-Република Северна Македонија во координација со сојузниците во НАТО, а соодветно на потребите на Украина и нашите капацитети има дадено поддршка за Украина и Украинскиот народ. Веќе е реализирано испраќањето на хуманитарна помош за Украина.

Согласно нивните потреби, Министерството за здравство презема активности за обезбедување донации од лекови и медицински средства, и во соработка со Министерството за одбрана и амбасадата на Украина е организиран превоз и помошта е доставена до крајната дестинација. Инаку, веќе се преземаат подготвителни активности за реализација на уште една донација за обезбедување медикаменти и антибиотици.

Согласно одлуката на Влада, нашата држава во три наврати испрати и воена помош за Украина. Дали во следниот период ќе се испраќа дополнителна помош зависи од побарувањата, но пред сѐ во согласност со нашите капацитети, велат од Владата.

Пратката се состои од диезепами, антибиотици, антихистаминици и лекови за кардиоваскуларни заболувања.

Ќе цветаме: Директорот на ТИРЗ вели дека ќе се отвореле 5.000 нови работни места

Во првите шест месеци од годинава обемот на инвестиции е околу 240 милиони евра, отворени се нешто под 3 000 нови работни места, а реализирани се и 2,2 милиона евра вкупен извоз, 18 милиони евра приход за државата од персонален данок, 91 милион евра од придонеси и 18 милиони евра од ДДВ, рече денеска директорот на Дирекцијата на ТИРЗ Јован Деспотовски.

До крајот на годината, информира Деспотовски, се очекуваат инвестиции „тешки“ над 400 милиони евра кои ќе отворат преку 5 000 работни места

Деспотовски истакна и дека се во завршна фаза разговорите за две нови инвестиции за што очекува детали да бидат соопштени до крајот на летото, а во почетокот на следната недела доаѓа делегација од американско-тајванската компанија со чии претставници веќе се направени подготвителни разговори.

– Конкуренцијата е доста сериозна. Станува збор за голема инвестиција, спомнав некаде над 250 милиони евра, така што ќе работиме до крајот на годината, бидејќи најавите од компанијата се до крајот на оваа година да има конечна одлука за тоа дали ќе се избере прво регионот во однос на Кина, а доколку се избере регионот дали тоа ќе биде Северна Македонија, Србија или Хрватска, нагласи директорот, одговорајќи на новинарски прашања.

Според него, минатата година просекот на платите во зоните првпат го надмина националниот просек.

-Дали се платите на задоволително ниво? Мојот став е дека не се. Сакам и очекувам и ќе работиме на тоа да растат уште подинамично. Добро е тоа што во Европа има компании кои се подготвени да платат и 30 проценти повисока плата од просечната, зборуваме за почетна позиција на работно место со средно образование, така што сметам дека имаме можност со паметен пристап и со развој понатаму не само кај постојните компании да поттикнеме дополнителен раст на платите, туку и во зоните да донесеме компании кои реално имаат можност заради дејноста што ја вршат, да плаќаат навистина поголеми износи, истакна Деспотовски.

На прашањето дали има доволно работна сила за фабриките во зоните, тој одговорни потврдно, изразувајќи уверување дека во некој краток или среден рок се уште ќе може да се одговори на потребите на компаниите.

-Се уште има, иако мислам дека не сме многу далеку од моментот кога ќе се соочиме реално со недостаток. Сега зборуваме за неколку крупни инвестиции што ги планираме до крајот на оваа година, тежината е некаде над 400 милиони евра и кои ќе ангажираат сигурно над 5 000 работни места. Тоа значи дека и со постојните кои се уште имаат работни места што треба да се пополнуваат, реално ќе се направи притисок на пазарот на трудот. Верувам дека имаме се уште резерви, дека има добар дел од младите луѓе кои се уште можеби не целосно ги согледуваат можностите што ги нудат компаниите во зоните, така што ќе се обидеме тие можности да ги донесеме што е можно поблиску до нив, рече директорот.

За новопечени домаќинки: Еве како да се спаси пресолена манџа

Секому, веројатно, му се случило барем еднаш да пресоли јадење, па тоа да мора да биде фрлено… Сепак, има неколку трикови, коишто може да го спасат оброкот.

Морков, кромид или компир

Ако манџата, супата, сосот или чорбата е пресолена, во садот се додава еден цел кромид, морков или излупен компир кој ќе ја собере вишокот сол.

Јаболко

Според умешноста на искусните готвачки – нашите баби, и јаболкото може да послуж за истото тоа. Само што, кон крајот на готвењето, овошјето се вади и се фрла.

Вода

Може да се додаде и вода, а ако потоа јадењето треба да се згусне, ставете малку згуснувач или скроб, или пак, бешамел-сос.

Еврото и доларот се изедначија, првпат по 20 години

Еврото и доларот се изедначија по 20 година, првпат по 2002 година едно евро вреди еден долар.

Вредноста на еврото се намали за 12 проценти во споредба со неговата вредност на почетокот на годината. Со ова еврото се изедначи со доларот.

Исто така со падот на вредноста на еврата, сега истото има најслаба вредност во однос на доларот од зимата 2002 година, односно од пред дваесет години.

Аналитичарите сметаат дека еврото би можело дополнително да падне ако скокот на инфлацијата во САД ги наведе инвеститорите да се обложат на високо зголемување на каматните стапки на федералните резерви.

Економистите предвидуваат дека американската инфлација во јуни ќе изнесува 8,8 проценти на годишно ниво што е највисоко во последните 40 години.

Денеска е Павловден: Честит и вековен именден Павле, Павел, Павлина…

Следниот ден по Петровден 13 јули/ 30 јуни е празникот Собор на 12 Апостоли – Павловден. Бидејќи претходниот ден, иако е посветен на двајцата славни Господови апостоли, сепак се вика Петровден, овој ден е одреден да се слави споменот на Светиот апостол Павле – Павловден.

Именден празнуваат: Павле, Пајо, Павлина…

На Павловден жените повеќе му посветуваат внимание од Петровден.

Во некои места на овој ден не се работи за да не се дојде до контакт со пајаци, да не го каснат некого при полските работи, жетва, врзување снопови, и слично.

Се верува дека човек каснат од пајак на овој ден тешко ќе оздрави. Затоа овој ден е познат и како Пајаковден.

До понеделник изменет сообраќаен режим во централното градско подрачје на Прилеп

Од вчера, 12 –ти јули до 18-ти јули, Прилеп заради потребите на Пиво – фестот 2022, воведува нов сообраќаен режим, во централното градско подрачје.

За сите оие кои планираат да го посетат Прилеп овие 7 дена, но и за прилепчани кои сакаат да ги корисат своите автомобили, поради организирање на манифестацијата „Пиво фест“ и поставување и монтирање на штандовите на пиварниците и угостителите , во наредните 7 дена, почнувајќи од денеска , дел од Булеварот „Гоце Делчев“ од крстосницата со ул. „Кузман Јосифоски“ до крстосницата со ул. „Прилепски Бранители“ ќе биде затворен , а сообрајќајот ќе се пренасочи кон околната улична мрежа.

Воедно, оние кои пак планираат да го посетат фестивалот на пивото и скарата од другите градови во четирите фестивалски денови, паркинг простор ќе има доволно, зашто се обезбедени над 12.000 паркинг места . Цената на дневниот билет за паркинг простор ќе изнесува 80 денари , од која Советот на Општина Прилеп едногалсно донесе одлука 30 денари да одат за хуманитарни цели.

Прилепски бренд со светски квалитет – понуда од над 250 производи: Нарачајте он-лајн!

Oд мала семејна фирма со неколку вработени во 2006 година, до денешен прилепски бренд со над 70 вработени кој произведува 250 различни видови на парфеми.

Веќе погодувате дека се работи за одличните “Еxtreme” парфеми на компанијата Бирн 2002 ДООЕЛ oд Прилеп, бренд и гордост на нашиот град кој е распространет низ целата држава.

Компанијата која успешно и вредно работи на македонскиот пазар има сопствена дистрибутивна и комерцијална мрежа на големопродажба низ цела држава и располага со два магацини во Прилеп и Скопје.

Во понудата на 250 различни видови на парфеми ќе пронајдете брендови како Мошус, Релакс, Ефект, Екстрим…

Целата оваа лепеза на производи кои добиваат само пофалби од корисниците, можете да ја погледнете на нивната одлично скокцкана веб страна, каде и можете да направите нарачка по значително пониски цени.

Покрај огромната понуда на различни парфеми, спектарот на компанијата во 2020 година е проширен и со козметички производи за лице, очи, усни, маникир и педикир.

Цените се пристапни и достапни за сечиј џеб, а особено атрактивни се сетовите спаковани во прекрасни несесери со персонализирани честитки.

Едноставно не постои подобар подарок за вашите најблиски. Чувстувајте се привлечно со неодоливите мириси на “Еxtreme”, купувајте прилепски производи со светски квалитет.

Парфемите “Еxtreme” се достапни и во секоја помала или поголема продавница, како и во сите парфимерии. Побарајте ги, верувајте нема да згрешите!

Целата понуда погледнете ја ТУКА

28-годишна Македонка во Хрватска го заборавила детето во пpeгpeaн автомобил

Хрватската полиција во Пула спасила дете кое останало само во прегреан автомобил на државјанка на Македонија, при пеколни температури кои ја зафатиле земјата.

Детето било пренесено во болницата во Пула за укажување лекарска помош, со оглед на тоа што извесно време поминало во возилото. Кога го нашол полицаецот, детело плачело, било испотено и имало висока теленска температура, пренесуваат хрватските медиуми.

Околу 14 часот полицијата добила дојава од граѓани дека на улицата „Марулиќева“ во градот во возило марка „БМВ“ имало дете, по што веднаш била испратена најблиската полициска екипа. Полицајката успеала да ја отвори вратата ставајќи ја раката низ делумно отворениот прозорец и го извлекла детето од возилото, појаснуваат хрватските медиуми.

Против 28-годишната државјанка на Македонија, кој го оставила детето во автомобил ќе биде спроведена кривична истрага.

Полициската управа на Истар ги предупредува граѓаните да не ги оставаат децата сами во возилата бидејќи последиците може да бидат смрт или сериозно нарушено здравје.

Народот не отстапува: Илјадници и вечерва на пpoтecт пpoтив францускиот предлог (Фото)

Под мотото „Ултиматум, не благодарам“ вечерва во Скопје продолжија протестите против францускиот предлог.

Илјадници граѓани по деветти пат излегоа на протест да го кренат својот глас против неправдата која се сервира пред Македонија.

Се пееја македонски песни, се вееја македонски знамиња, народот покажа сплотеност и решителност.

Рамо до рамо со останатите граѓани беа и низа политичари од опозицијата – лидерот на ВМРО-ДПМНЕ Христијан Мицкоски, потпретседателите на партијата, градоначалници, пратеници…

Слика која полни срце и душа: 36-та Петровденска средба во црквата Св. Теодор Тирон во битолско Долно Српци (Фото/Видео)

Во дворот на црквата Св. Теодор Тирон во битолско Долно Српци, вечерва се одржува традиционалната 36-та по ред Петровденска средба.

Стотиците верници ги забавуваат пејачот Спасен Силјаноски и група “Фаворити”. Се вие македонско оро, се пејат македонски песни…

Една македонска убавина која полни срце и душа.

Погледнете дел од атмосферата: