дома блог страница 1540

Максим најави: Денеска Куманово ќе маршира за сите наши предци кои создадоа држава, а овие денеска ја продаваат на кило

Градоначалникот на општина Куманово Максим Димитриевски синоќа информираше дека утре (четврток, 14.07.2022 година) Куманово ќе маршира во име на сите предци кои создадоа држава, а денеска истата се продава.

„Време е да го разбудиме ПАРТИЗАНСКОТО во нас! Утре Куманово ќе маршира! Да маршираме заедно сите во име на Карпош, Еребица, Шабани, Перо Чичо, Фетак, Менков, Которка, Бузо, Нацева, Шајче и многу други наши предци кои ни создадоа држава, а овие денеска ја продаваат на кило. Ве повикувам сите драги мои Кумановци без разлика на нација, вера и определба да излеземе утре (четврток) сите во 19:30 часот во центарот на градот (Улица Лењинова) и да упатиме јасна порака чија крв тече низ нашите вени. Се гледаме утре! Да живее Куманово! Да живее Македонија!“, порача Димитриевски.

Денеска се празнуваат Св. маченици Козма и Дамјан

Денеска се празнува денот на Св. маченици и бесребреници Козма и Дамјан.

Браќата Козма и Дамјан потекнуваа од Рим. Беа крстени уште во детството и воспитани во христијански дух. Господ им даде таква благодат што лечеа со обично положување на раце.

И тоа лечеа не само луѓе, туку и животни. Со сила. Не со лекарства.

А се држеа до зборовите на Спасителот: бесплатно добивте, бесплатно давајте, па за тој свој труд не сакаа да примат плата од луѓето. Дури, кога го наследија големиот имот од родителите, го раздадоа на сиромашни.

Овие беспрекорни образи на православната христијанска светост пострадаа од зависта на некој нивен поранешен ученик, кој ги повика во планина божем да собираат лековити билки, а ги уби со камења. Пострадаа во 284 година.

Проглас на дијаспората: Македонците од светот да се вратат во татковината да ја бранат Македонија!

Координативно тело на Македонците во светот. Не за бугарскиот договор! Водени од неизмерната жар и љубов за Македонија. Инспирирани од неправдата и мрачните облаци надвиснати над неа како резултат на погубната антимакедонска окупаторска “власт”.

Огорчени од крајното лицемерие на ЕУ и нејзината веќе отворена политика на бришење на македонскиот национален идентитет и историја; Македонците во светот преку своите здруженија, во овие клучни моменти упатуваат

Повик за енергично и решително НЕ и отфрлање на францускиот предлог за потпишување на бугарскиот договор.
Не за ЕУ со изменет нелегален устав, без Македонија и Македонци, историја , јазик..

Не за никакви работни групи кои само ќе го одвлечат вниманието на енергичните Македонци, кои веќе четири дена протестираат против овој договор.

Ги повикуваме сите Македонци ширум светот да допатуваат во татковината за нејзина одбрана.

Масовно да излеземе и да ги блокираме институциите и политичарите кои вршат национално предавство. Судбината на македонската држава е во наши раце , ако ја испуштиме сега истрајноста и одлучноста, идните генерации ќе не проколнуваат за навек!

Вие во Македонија, ние во државите каде престојуваме, заедно сме посилни.

Сонцето на слободата е на повидок !

Координативно тело на Македонците во Европа и светот

6 јули, 2022 година

Лондон, Хелсинки, Брисел, Женева, Братислава, Сиднеј , Мелбурн, Перт, Њујорк, Торонто…

Здруженија: Координативно Тело на Македонците во Европа, Совет на Македонски општини во Австралија, Обединети Македонци во Канада, Македонска Заедница – Обединето Кралство, Македонско-Финско здружение, Рефрама-Швајцарија

МВР со препораки за “Пиво Фест”: Да не се точи алкoxoл на малолетници, да се внимава на пapичниците…

Секторот за внатрешни работи Битола ги известува граѓаните дека од 14.07. до 17.07.2022, за време на одржување на манифестацијата „ПИВОФЕСТ“ 2022, на подрачјето на градот Прилеп ќе воведе посебен режим на сообраќај заради безбедна реализација на планираните активности на фестивалот.

Централната манифестација ќе се одржи на дел од бул. „Гоце Делчев“, од крстосницата со ул.„Кузман Јосифовски“ до крстосницата на ул.„Прилепски бранители”. СВР Битола апелира до сите учесници во сообраќајот да ја почитуваат сообраќајната сигнализација од страна на полициските службеници, а жителите на градот Прилеп да ги користат поретко своите возила заради одржување на поголема безбедност и непречено одвивање на сообраќајот.

Во интерес на безбедноста на сите граѓани на престојната манифестација, Секторот за внатрешни работи Битола ги упатува следните совети и препораки:

-Доколку се консумира алкохол, да не се управува со никакво превозно средство;

-Возилата да се паркираат на безбедни и означени места и да се следат упатствата на службите за паркирање и насоките на полициските службеници;

-Во автомобилите да не се оставаат вредни предмети, посебно не на видливо место, бидејќи тоа може да предизвика поголемо внимание на крадците;

-Да се внимава на паричниците и на мобилните телефони за да не дозволите да станете жртва на кражба;

СВР Битола укажува дека не е дозволено пукање со оружје, употреба на пиротехнички средства, учество во физички пресметки, предизвикување или поттикнување друг на физички напад, оддавање на пијанство на јавно место или нарушување на јавниот ред и мир во алкохолизирана состојба. Исто така, јавноста се потсетува дека забрането е уживање на опојни дроги и психотропни супстанци, како и точење на алкохол на малолетници.

За сите покарактеристични настани задолжително пријавете на телефонскиот број 112 или обратете се кај најблискиот полициски службеник.

Пејачот Миладиноски на вечерашниот пpoтecт: “Велат нè нема, а и во Македонија не нè признаваат, ама еве тука сме!” (Видео)

На денешниот протестен марш против францускиот предлог под мотото „Ултиматум – Не благодарам“, кој продолжи по старата маршута Влада, Министерство за надворешни работи, македонско Собрание, се обрати и младиот музички уметник, Влатко Миладиновски.

Првично, тој настапи со својата песна „Велат не нема“, која една од најубавите понови македонски песни, чии автор се легендарните Тоде Новачевски и Крсте Наумовски, кои напишаа некои од најубавите македонски народни и забавни мелодии.

Текстот на песната ја опишува и актуелната состојба во која се наоѓа Македонија и македонскиот народ кој е негиран, почнувајќи од соседи, па и земјите во поширокото опкружување.

После интерпретирањето на песната, Миладиновски пред присутните македонски граѓани кои го искажаа револтот против бугарските барања кои се содржани во францускиот предлог, цитирајќи ја песната, истакна:

-Велат не нема и во Егејска и во Пиринска Македонија и во Македонија не не признаваат, ама како што вели песната, еве сме. Велат не нема, велат дека не нема и во Егејска Македонија, велат дека не нема и во Пиринска Македонија и тука не не признаваат, ама само велат и тие сакаат да не нема. Меѓутоа, затоа песната вели „Велат не нема, ама еве сме, рече Миладиновски.

Пpoнajдена дpoга кај затвopeник во прилепскиот затвop

На 12.07.2022 во ОВР Прилеп, од Kaзнено – поправната установа Затвop Прилеп било пpиjaвено дека затвopcки cлyжбеници, при преглед на просторијата од ocyденикот Ф.А.(42) од Битола, пpoнашле мapиxyaна и гpyтчecта матepиja.

Полициски службеници излегле на местото и дpoгата била одземена за понатамошна постапка, а по документирање на случајот ќе следува соодветна пpиjaва – информираат од СВР Битола.

Десетти ден потече река од народ по улиците на Скопје: Народот не попушта, власта не се пишмани (Фото галерија)

Пред владината зграда вечерва под мотото „Ултиматум, не благодарам“ почна десеттиот по ред протест против францускиот предлог.

Протестниот марш започна од пред Владата преку Министерството за надворешни работи до Собранието.

Народот и вечерва покажа сплотеност и решителност.

„Македонија не е на продажба, информацијата и да помине во Собранието, уставните измени не смеат да поминат. Ултиматум, НЕ благодарам! – порачуваат организаторите на протестот.

Илјадници граѓани застанати рамо до рамо вееја македонски знамиња и пееја македонски песни.

Како и секој ден, заедно со граѓаните беа и високи функционери на ВМРО-ДПМНЕ.

Eвропската комисија напиша дека Фон дер Лајен ќе се сретне со “северномакедонскиот” претседател и ќе зборува пред “северномакедонскиот” Парламент

Европската комисија (ЕК) објави дека претседателката Урсула фон дер Лајен утре треба да има состанок со, како што објавија тие, „северномакедонскиот претседател Стево Пендаровски“.

Фон дер Лајен утре во 13 часот треба да има обраќање во парламентот на Македонија, кој за ЕК стана „северномакедонски парламент“, барем така пишува во нивната објава.

На ЕК им требаа околу 30 минути за да го повлечат твитот од социјалната мрежа.

Кратко време потоа го избришаа твитот и истиот беше променет со следниот:

Во нова објава од ЕК на Твитер стои дека Фон дер Лајен ќе се сретне со претседателот и премиерот на Северна Македонија и дека ќе се обрати пред Парламентот на Северна Македонија.

Избегната тpaгедиja: Aвтобус со ученици и наставници се запалил на Стpaжа

Вчера околу 19.20 часот во СВР Охрид, пријавено е дека на патниот правец Стража-Кичево настанал пожар во автобус во движење, сопственост на туристичка агенција од Куманово, во кој се превезувале ученици и наставници, информираше Министерството за внатрешни работи (МВР).

„Пожарот е изгаснат од противпожарна единица, а повредени лица нема“, наведено е во полицискиот билтен.

Фатени на дело: Двајца прилепчани затекнати како кpaдат во фабрика и тоа среде бел ден

На 12.07.2022 во 12.20 часот во Прилеп, полициски службеници од ОВР Прилеп ги лишиле од слобода Ќ.Ш.(40) и Р.А.(43), двајцата од Прилеп. Тие биле затекнати при кражба на предмети од фабрика на ул.„Александар Македонски”.

Одземените предмети биле вратени на сопствениците, а по документирање на случајот против двајцата ќе следува соодветна пријава.