дома блог страница 1452

Плаќај ти македонче: Литар млеко во Германија под едно евро, а еве кои се цените на другите продукти (Видео)

Млеко поевтино од 1 евро за литар, значително поевтини сувомеснати производи и различни млечни производи кои сигурно имаат и подобар квалитет од оние кои ги имаме дома. Прошетка во Лидл во Германија направена од корисник на социјалните мрежи.

Згора на се, треба да се има предвид дека Германците земаат неколку пати повисоки плати од нашите, па така, овие производи за нив се уште поевтини. Кризата удира и во Германија но со тој стандард и со овие цени, Германците може да се каже дека немаат криза.

Жан Митрев дал 1 милион евpa за да не оди во пpитвop

Со гаранција од 1 милион евра Жан Митрев ќе се брани од слобода откако се појави како осомничен во истрагата која неодамна ја отвори скопското обвинителство за процедурите на лечење во неговата болница.
Претходно на докторот му беше одземен и пасошот, по барање на обвинителството, а поради опасност од бегство.

Пред два месеци од обвинителството информираа дека е донесена наредба за истрага против Митрев, поради основано сомнение дека сторило кривично дело – Измама од член 247 став 4 во врска со став 1 од Кривичниот законик.

Од Обвинителството појаснуваат дека се очекува истрагата да заврши за околу три месеци, а досега исказ дале околу 80% од пријавените оштетени.

Полнете гopиво: Повторно зголемување на цените од полноќ

Се врши зголемување на малопродажните цени на нафтените деривати во просек за 0,99% во однос на малопродажните цени на нафтените деривати утврдени согласно одлуката за утврдување на највисоки малопродажни цени на нафтените деривати и горива за транспорт на Регулаторната комисија за енергетика и водни услуги на Република Северна Македонија од 03.10.2022 година.

Малопродажната цена на ЕУРОДИЗЕЛ (Д-Е V), се зголемува за 2,00 ден/лит и изнесува 94,50 ден/лит.

Малопродажната цена на Екстра лесното масло за домаќинство на (ЕЛ-1), се зголемува за 2,50 ден/лит, и изнесува 92,00 ден/лит. Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС, не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 03.10.2022 година и со тоа малопродажната цена на ЕУРОСУПЕР БС-95 изнесува 86,50 ден/лит, малопродажната цена на ЕУРОСУПЕР БС-98 изнесува 89,00 ден/лит, додека малопродажната цена на Мазутот М-1 НС изнесува 50,228 ден/кг.

Овие цени важат од вечерва по полноќ.

Не е се во “кризното профитерство”: Meсарница од Прилеп со примерни цени достапни за сечиј џеб (Фото)

Додека во повеќето продажни места цените отидоа и со 100 денари повеќе од овие, месарница “Пирган” во Прилеп ги задржа старите цените на месото, со цел секој граѓанин да може да си дозволи и да купи.

Не е се во печалбата и “кризното профитерство”, има нешто и во чоечлукот и чесноста.

Итно се бараат работници од Прилеп: Аплицирајте и бидете дел од оваа реномирана фирма

Компанијата ДСА ТЕАМ ДООЕЛ повеќе од 8 години е лидер во регионот за автомобилска контрола на квалитетот. Се работи за тим од професионалци фокусирани на помагање на компаниите во областа на управување со целокупниот квалитет, континуирано подобрување, управување и решавање на проблеми со речиси една деценија искуство на мултинационалните пазари.

Поради зголемениот обем на работа, имаме потреба од вработување на кандидати за работната позиција: ОПЕРАТОР ЗА КОНТРОЛА НА КВАЛИТЕТ

Опис на работните обврски и задачи:

• Сортирање и селекција на делови • Доработка на делови • Тестирање на производи на локацијата на купувачот;

• Следење на инструкции за работа и работни упатства • Почитување на инструкциите за безбедност и заштита при работа

Компанијата нуди: • Едукација и тренинг во секторот за контрола на квалитет • Можност за работа на проекти во странство • Работа во динамично работно опкружување во брзорастечка компанија • Атрактивна заработка и дополнителни бонуси за посебно залагање во работата • Обезбеден превоз и платен топол оброк.

Услови кои треба да ги исполнуваат кандидатите: • Тимска работа • Одговорна и детална личност •Посветеност и прецизност во работата

Сите заинтересирани канидати до 40 годишна возраст, кои ги исполнуваат горенаведените услови потребно е да ги достават своите биографии на следната е – маил адреса: [email protected], со задолжителна назнака за позицијата за која аплицираат, или за подетални информации да се обратат на тел. број: +389 70 257 145.

Прилепчани имаат клуб за американски билјард, и не само што имаат туку се и одлични на државни, балкански и европски првенства (Фото)

Малкумина знаат дека во Македонија се одржуваат Државни првенства во Американски билјард. Првенствата се одржуваат еднаш месечно, со пауза од 3 месеци во летниот период, а натпреварувањата се одвиваат во две дивизии (А и Б).

А уште помалку луѓе знаат дека и Прилеп има свој клуб за билјард, чии членови се доста успешни на овие државни првенства. Клубот е од затворен карактер, а неговите членови се натпреваруваат не само на државно ниво, туку и на балкански и европски првенства.

Прилепчани се активни и во А и во Б дивизија, а на последното државно во американски билјард (дисциплина 9-ка), кое се одржа на 17.09., нашиот прилепчанец Никола Димески освои второ место.

Покрај Димески на натпреварот учествуваа уште тројца прилепчани: Горан Велкоски, Димитар Ѓорѓиевски и Филип Казанџиски.

Димески за влез во финалето се бореше со Димитар Ѓорѓиевски, а во финалето за противник го имаше Андреј Ѓурчиновски од Скопје.

Следниот 7-ми и последен мастерс за оваа календарска година ќе се одржи на 05.11.2022 година за Б-девизија и 06.11.2022 година за А-девизија. Истите ќе се одржат во Гран клуб во Скопје.

Во декември ќе се одржи и екипно првенство во кое ќе се такмичат екипи составени од по 3 натпреварувачи од двете дивизии.

Фатен 26-годишен дилep од Битола: Пpoнajдена мapиxyaна, кокаин и друга непозната матepиja

На 04.10.2022 во Битола, полициcки cлyжбеници од кpиминалиcтичката полициja при СВР Битола го лишиле од cлобода Д.Ч.(26) од Битола.

При претpec во неговиот дом, извршен со cyдcка нapeдба, биле пpoнајдени и одземени кокаин, мapиxyaна и други предмети со остатоци од непозната материја.

Тој бил приведен во полициска станица и по целосно расчистување и документирање на случајот против него ќе биде поднесена соодветна пријава.

Во униформа правеше склекови на улица во Скопје: Полициски слyжбеник го освои Интернетот (Видео)

Кога ќе те фати криза за вежбање, па среде работно време на улица во Скопје ќе си правиш склекови.

Млад полицаец од Скопје е за пофалба, очигледно го фатило криза за правење на склекови, па си вежбаше среде улица.

За среќа, некој успеал да го овековечи моментот со камера, па тоа видео деновиве стана вирално на социјалните мрежи. И додека на некои им делува само смешно и интересно, најголемиот дел од коментарите за младиот полицаец се: „Ова е за поздрав. Дај боже барем половина од полицајците да се како овој“.

Mицкоски пред средбата со Ковачевски: Наша цел е да помогнеме на граѓаните и на Македонија, не е време за политички поени (Видео)

Самиот факт што денеска само 500-тини семејства се разбудија со топли радијатори е доволен доказ дека работата не е сјајна, би рекол е катастрофална работата. Цениме дека како ВМРО-ДПМНЕ во овие тешки моменти треба да се помогне. Тоа го правиме веќе две недели разговаравме и со коморите, разговаравме и со бизнисот, нормално секојдневно комуницираме со граѓаните. Побаравме и официјално средба, истакна денес лидерот на ВМРО-ДПМНЕ, Христијан Мицкоски, пред официјалната средба со премиерот Димитар Ковачевски.

-Конечно не знам дали беше од суета или од други причини, вчера добивме потврден одговор од страна на Ковачевски дека ќе најде време да не прими да ги слушне нашите предлози, нашиот концепт кој не се однесува само за оваа есен и зима туку и за следната година. Така што цениме дека во овие тешки моменти потребно е да помогнеме на граѓаните и на Македонија и тоа е момент кога треба да покажеме државност, а не да собираме политички поени, порача Мицкоски.

На средбата, покрај Мицкоски, присуствува и економскиот тим на партијата кој, според претходните најави од ВМРО-ДПМНЕ, ќе го презентира нивниот план за надминување на последиците од кризата.

Заборавила 35.000 денари на банкомат, но налетал чесен човек кој и’ ги вратил

Пред неколку дена во една фејсбук група беше објавена молба од жена која заборавила 35.000 денари на банкомат.

Во статусот беше повикан човекот кој ги пронашол парите да ги врати парите, а подоцна се случило токму тоа.

„Парите се вратени од господинот што ги нашол, Господ здравје да му даде“, пишува во текстот меѓу другото.