дома блог страница 1401

По тригодишна пауза се враќа традиционалниот турнир во мал фудбал “Свети Никола” во Прилеп

По тригодишна пауза во Прилеп ќе се одржи традиционалниот турнир во мал фудбал “Свети Никола”.

Последен пат турнирот се одржа во 2019 година во Универзалната сала во Прилеп, за која надлежните годинава мака мачат да ја обезбедат за одигрување на турнирот. Кочници прави централната власт, а спортските работници секојдневно на социјалните мрежи апелираат да преовлада разумот, и спортскиот храм да и’ биде доделен на менаџирање на општина Прилеп.

Според она што го дознаваме за одржување на турнирот е оформен организационен одбор, а деновиве ќе бидат објавени сите детали.

Најавите велат дека турнирот ќе се одржи меѓу 10 и 25 декември.

Сугарески се јави по една година молк: Владата е супер не го кочи Прилеп, живееме одлично?

Фејсбук статус на поранешниот пратеник и министер за транспорт и врски, Горан Сугарески

Најголема лага е дека централната власт го кочи Прилеп! Повеќе од една година молчев, премолчувајќи ги притоа и сите навреди кои на лична основа беа искажани кон мене, но и кон членовите на моето најтесно семејство.

Повеќе од една година не го коментирав работењето на локалната самоуправа и градоначалникот Борче Јовчески, чекајќи да биди испорачано она кое тој во изборната кампања им го вети на граѓаните на Прилеп.

Нема вистина во изјавата на Јовчески дека централната власт го кочи Прилеп, односно дека ја опструира работата на градоначалникот и општинската власт.

Добро ми се познати сите владини проекти кои се сработија за Прилеп и во Прилеп. Оние завршените нема да ги спомнувам, туку ќе се задржам и ќе ги аргументирам само проектите на Владата кои се, или треба да бидат во фаза на реализација, а за кои локалната власт односно градоначалникот Борче Јовчески, велат дека се нивно дело.

Да бидеме начисто:

• Изградбата на водоводот „Пашоски ливади“ е финансиран од Владата преку ТАВ програмата, со минимум општински пари;

• Реконструкцијата на влезот во Прилеп од страната на Крушево, улицата „Леце Котески“, ќе ја прави Министерството за транспорт и врски;

• Водоводот за манастирот Трескавец е исто така дело на Владата, со средства од ТАВ програмата;

• Од 30-те урбанистички планови за населените места кои се исто така финансирани од Владата, 29 сеуште не се донесени;

• Инвестициите во прилепската Гимназија, во медицинското и хемиското училиште, новата спортска сала во ООУ „Кире Гаврилоски“, исто така се дело на Владата.

Вчудовиден сум од изјавата дека централната власт ја кочи работата на градоначалникот Јовчески. Тоа е една голема лага!

Ако постои такво нешто, ако макар и еден проект е закочен или опструиран од централната власт, како вработен во Општина Прилеп и како поранешен функционер, се нудам и го повикувам градоначалникот Јовчески уште денес заедно да појдеме во Скопје и да најдеме решение за проблемот.

Ама такво нешто нема, не постои! Помошта која Владата им ја дава на општините, меѓу нив и на Општина Прилеп, била и секогаш ќе биди безусловна и неселективна. Се’ друго освен ова, е грубо извртување на вистината!

Ќе ви го разубават викендот: Најпознатите битолски панкери имаат одлична преработка на зapaзниот далматински рокенрол хит од 80-тите (Видео)

“Џири Џири” е новото музичко парче од битолската панк-рок група “Паркети”.

“За многу песни сме се труделе и мачеле демек за славни да станиме ова она…али за оваа песна се’ само си дојде…само љубов, другарство и без пари…онака за наш ќеф…Уживавме од почеток до крај…е сега ако им напрај и на некои вас ќеф овај далматински рокенрол евергрин уште поубо”, напиша на својот ФБ профил Сашо Паркет.

Песната е заеднички проект со легендарниот хрватски рокер и фронтмен на групата “Ѓаволи”, Нино Белан и е преработка на истоимената песна од попларната хрватска група.

Уживајте во продолжение:

Сестрите близначки од Прилеп во одлично светло го претставија градот и Македонија на Европскиот Куп во Унгарија (Фото)

Заврши настапот на репрезентативките Теа и Теона Настоски на Европскиот Куп во Ѓeр Унгарија.

И двете натпреварувачки настапија во категоријата до 44 кг., при што Теа Настоска остана без пласман, а Теона Настоска го освои 7-то место во силна конкуренција.

Теона Настоска во четвтрфиналната борба доминираше со противничката од Романија и до пред крајот на борбата водеше во поени, но истата заврши со загуба на поен ипон и не успеа да се пласира во полуфиналето.

Потоа во репесажната борба за влез за борба за 3-то место, влезе со полесна повреда во вратниот дел, а демотивационо делуваше и загубата од претходната борба, така што ја изгуби шансата за медал на вакво престижно натпреварување.

Сепак стручниот тим кој ги предводеше двете натпреварувачки, селекторот Дејан Мицкоски и тренерот Мики Чадамов се задоволни од настапот, со оглед на фактот дека и двете дебитираа на натпреварување од ваков ранг, каде пресудно беше и искуството на натпреварувања од овој тип.

Илон Маск го врати профилот на Доналд Трамп на Твитер

Новиот сопственик на Твитер, Илон Маск соопшти дека профилот на поранешниот американски претседател Доналд Трамп е вратен, бидејќи корисниците на социјалната платформа го поддржаа потегот преку анкетата што ја иницираше.

-Народот кажа, напиша Маск на Твитер, информирајќи дека 51,8 отсто од над 15 милиони корисници на Твитер гласале за враќање на профилот.

Поранешниот американски претседател, сепак, можеби нема да се врати на платформата бидејќи рече дека „не гледа причина за тоа“.

Неговиот профил беше суспендиран во 2021 година поради ризик од поттикнување насилство.

Претходниот менаџмент на Твитер го избриша профилот на Трамп неколку дена по нападот врз американскиот Капитол во Вашингтон на 6 јануари, додека Конгресот се обидуваше да ја потврди победата на Џозеф Бајден на претседателските избори.

Во немирите што се случија за време на рацијата во просториите загинаа четворица цивили и еден полицаец.

После тоа, беа суспендирани профилите на Доналд Трамп на Фејсбук, Инстаграм и Јутјуб, кои имаа десетици милиони следбеници.

Неколку месеци подоцна, Трамп лансираше сопствена платформа Truth Social.

Утре и задутре драстична промена на времето – Eве каде се очекуваат најобилни врнежи од дожд

УХМР најавува дека под влијание на циклонска активност утре и во понеделник претпладне времето ќе биде облачно со врнежи од дожд кои утре попладне и во текот на ноќта на повеќе места ќе бидат обилни (над 25 литри на метар квадратен за 24 часа).

И во Скопската Котлина утре попладне и во текот на ноќта врнежите ќе бидат обилни и поројни.

Локално ќе биде нестабилно со поинтензивен пороен дожд и грмежи (се очекуваат и над 30 литри на метар квадратен воден талог за 12 часа), особено во југоисточните и источните делови од земјава.

Повремено ќе дува засилен ветер од јужен правец со јачина од над 60 километри на час. Поради заладување во понеделник на повисоките врвови на северозапад ќе врне снег. Нов влажен бран се очекува во вторник кон крајот на денот и во среда претпладне.

И брат Љубе зема дебели пapи, а никој не знае што работи, велат од ВМРО-ДПМНЕ

Еден од најкарактеристичните примери за паразитирање на грбот на граѓаните е Љубе Бошкоски кој зема 50.000 евра за мандат, а никој не знае ни што работи ни што придонесува за тие пари, обвини опозициската ВМРО-ДПМНЕ, продолжувајќи ја листата на функционери како дел од аферата „Паразити“.

„Аферата ‘Паразити’ секој нов ден покажува нов аздислак на власта на СДСМ и ДУИ во време на криза. Додека од народот бараат да стега ремен, да се тушира со поладна вода, да готви во мали тенџериња, тие немаат абер да ги скратат баснословните хонорари и плати на функционерите кои ги именуваат. Таков е примерот и со Љубе Бошкоски, кој зема 50.000 евра за мандат, а никој не знае што работи и што придонесува за тие пари. Фестим Халили, пак, од позиција директор на ФИТР зема 1.000 евра месечно и речиси 50.000 евра за мандат, за нешто за кое граѓаните немаат апсолутно никаква корист. Уште еден пример за неразумна плата е и Миѓен Селмани член на Управен одбор и директор во М-НАВ кој зема 3.000 евра месечно или 144.000 евра за мандат“, соопшти ВМРО-ДПМНЕ.

Од партијата на Христијан Мицкоски сметаат дека власта на СДСМ и ДУИ во оваа криза имаат други приоритети, различни од тие на народот.

„На власта приоритет им се непродуктивните трошења, криминалот и полнењето на функционерските џебови“, се вели во партиското соопштение.

Приказна со среќен крај: Ова е кучето Ангел од Прилеп, помина низ пекол, а сега одново е прекрасно суштество благодарение на две девојки (Фото)

На Фејсбук страната Помош на животните Прилеп – Prilep Animal help секојдневно се објавуваат повици за помош на напуштени животни, а најновата инспиративна приказна е за кучето Ангел, кого активистите за заштита на животните од Прилеп успеале да го вратат од “мpтвите”.

Приказната е трогателна и ќе допре до секого, а крајот е среќен.

-Здраво јас сум Ангел како што знаете. Бев весело и мирно куче но од нигне никаде добив чудна болест, јадев некоја неубава храна, но таква најдував по улиците. Го губев крзното се повеќе и повеќе и забележував дека кога луѓето ќе ме видеа чудно реагираа. Тоа ми беше знак дека треба да се кријам и јас тоа го правев но се повеќе немав влакна и започна кожата да ми пука и тече крв.

Ми требаше помош, но немав доверба во намерите на луѓето слушав гласови дека треба да ме убијат да не се “мачам” но јас сакав да живеам. Една вечер ме здогледаа две девојки започнаа да идат по мене но јас бегав. Започнаа да ми даваат некоја убава храна која никогаш не сум ја вкусил, сепак не верував и бегав.

Беше многу жешко и јас гладен се движев по улиците барајќи храна а најмногу вода, немаше никаде и малку фалеше да се онесвестам. Одеднаш ги видов истите девојки со истата храна која ми ја даваа, но веќе немав сили да бегам. Тие ме зедоа а јас сега сум како ново куче. Ме лечеа иако биле скапи лековите некои добри луѓе ми дадоа.

Јас сум денес среќен, сакам дури и да играм и имам само една желба да живеам во свет во кој секое куче како мене ќе ја има оваа шанса. Шанса за втор живот.

Јас и не сум крив што сум на улица и не сум единствен што дели ваква судбина. Помош е секогаш добредојдена барем за храна бидејќи не сум единствен и не сум само за еден ден – накратко го опишуваат целото патешествие на кучето Ангел на Фејсбук страната.

Девојките кои го спасиле Ангел за нас се непознати, па отворено ги повикуваме да споделат каква се’ помош им е потребна, за да апелираме до стопанствениците и хуманите граѓани.

Животните се невини суштества кои не по нивна вина се наоѓаат на улица и се изложени на милост и немилост, како од надворешните влијанија, така и од несовесните граѓани.

Бидете и вие херои, спасете и вдомете безодно куче или маче!

Сите кои сакате да помогнете на овие ентузијасти и вљубеници во животните, контактирајте ги активистите на Фејсбук страната Помош на животните Прилеп – Prilep Animal help

Пендаровски откри: Амбасадорот Бејли во хотелот “Мериот” ги убеди осумтемина пратеници да гласаат за промена на името

Претседателот Стево Пендаровски за „ТВ 24“ откри досега непознати моменти за преговорите за промена на името и уставните измени кои следеа. Шефот на државата обзнани дека осумината пратеници пред гласањето имале долг разговор со тогашниот американски амбасадор Џес Бејли.

-Осумтемина од ВМРО-ДПМНЕ кои гласаа тогаш кога требаше да се отвора Уставот имаа прилично долг состанок во хотел Мериот со американскиот амбасадор. Прилично долг, неколку часови, во кој тој ги убедуваше, не им се закануваше зошто тоа би требало да го направат. Сега тоа не може да се замисли да се случува – откри Пендаровски.

Битола во еден ден: Kacнати од кyчиња скитници, апceње за дpoга, камион yдpил во жена

Извадоци од полицискиот билтен со дневни настани на МВР

-Денеска (19.11.2022) во 02.20 часот на ул.„Димитар Илиевски Мурато“ во Битола, полициски службеници од СВР Битола го лишиле од слобода А.А.(29) од Битола, затоа што кај него биле пронајдени и одземени прашкаста материја, повеќе таблети, шише со течна материја и други предмети за кои постои сомнение дека потекнуваат од кривично дело. По целосно документирање на случајот против него ќе биде поднесена соодветна пријава.

-На 18.11.2022 во 13.50 часот во СВР Битола било пријавено дека на крстосница од ул.„Васко Карангелевски“, ул.„Игњат Атанасовски“ и крак кон влез за паркинг простор од Новиот пазар’ во Битола, товарно возило „ман“ со битолски регистарски ознаки, управувано од П.С.(52) од Битола, удрило во пешакот М.Г.(70) од Битола. Во несреќата, М.Г. се здобила со тешки телесни повреди констатирани во Клиничка болница Битола. Увид на местото на настанот извршила екипа од СВР Битола.

-На 18.11.2022 во 12.15 часот во СВР Битола, С.М.(51) од Битола пријавила дека на ул.„Сисак“ била касната од куче скитник.

-На 18.11.2022 во 15.00 часот во СВР Битола, В.М.(47) од Битола пријавила во Градскиот пазар во Битола била касната од куче скитник.