дома блог страница 1400

(Видео) Фудбалскиот свет не памети ваква сцена: Иранските фудбалери ја бојкотираа сопствената химна

Шокантна сцена пред почетокот на натпреварот меѓу Англија и Иран на Светското првенство во Катар.

Фудбалерите на Иран не ја пееја својата национална химна во знак на протест поради кршењето на човековите права и немирите во земјата по cmpтта на Махса Амини.

Од друга страна, светската јавност побара ФИФА да го исфрли Иран од Светското првенство поради помош на Русија во вojната, насилно задушување на протестите и кршење на човековите права.

Јовановиќ: Структурите кои правеа лажни вести за Трамп денес истото го прават за Левица

Бранимир Јовановиќ, еден од основачите на партијата Левица во емисијата “Во Центар” објаснувајќи ги односите во Левица го профилира Апасиев како екстремен политичар кој е спремен да оди спротивно од тоа што го зборува, само заради популарност, и затоа тој нема проблем да седи на слика со лидери на албански партии, иако води наратив кој е анти-албански.

“Опортунист кој сака популарност, кој не знае да води држава, не знае што да прави ако дојде на власт и сака само лајкови” – изјави Јовановиќ во коментира за првиот човек на партијата Левица која според него е екстремна десница.

“Структурите од Велес кои правеа лажни вести за Трамп денес истото го прават за Левица” изјави Јовановиќ во емисијата “Во центар”.

„Партијата „Левица“, денеска во Македонија е десница, и екстремна десница. Партијата „Левица“ денеска во Македонија е она што е Ле Пен во Франција и она што е „Самоопределување“ во Косово. Тоа е „Левица““, вели Јовановиќ во интервјуто.

Јовановиќ тврди дека проблемот со „Левица“ е што Апасиев ја преземал партијата и се востоличил себеси како претседател: „Ние имавме президиум, ние имавме колективно одлучување, немавме претседател. Тој го укина дури и тоа. Се востоличи себе како претседател“, истакнува Јовановиќ.

Јовановиќ, кој беше член на Централниот комитет на „Левица“, му советува на Апасиев да го смени и името на партијата и да ја прекрсти во „Десница“: „Единствено не го смени името. Треба и тоа да го направи, треба „Левица“ да ја прекрсти во „Десница“ и тогаш ќе си има целосно партија каква што му доликува“, коментира Јовановиќ во интервјуто со Васко Ефтов.

Професорот Бранимир Јовановиќ, последниве години работи во престижниот Виенски институт за меѓународни економски студии.

Прилепчани газат се’ пред себе: Уште една победа на гостување во главниот град

Кошаркарите на Мега Баскет од Прилеп стигнаа и до петтата победа во Третата лига, откако викендов триумфираа и над скопски ИБА баскет со 73:83.

Ова е петта победа од исто толку одиграни натпрвари за прилепчани и втор успех во главниот град, откако пред 3 кола победија и на гостувањето кај Спарта.

Ова е уште еден доказ дека младата прилепска екипа заслужува поголема поддршка, не само од публиката, туку и од стопанствениците.

Во следното коло Мега баскет ја пречекува екипата на Тетекс.

ТАБЕЛА:

Големо намалување на ценит на гopивата од полноќ

Бензините од ноќеска на полноќ поевтинуваат од 1,5 до три денари за литар, а цената на дизелот се намалува за три денари, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 2,82 отсто.

Малопродажната цена на бензинот ЕУРОСУПЕР БС-95 се намалува за три денари за литар и ќе изнесува 88,5 денари. ЕУРОСУПЕР БС-98 поевтинува за 1,5 денари за литар и ќе чини 90,5 денари. Малопродажната цена на ЕУРОДИЗЕЛ (Д-Е V) се намалува за три денари за литар и сега ќе се продава за 90 денари, а цената на Екстра лесното масло за домаќинство на (ЕЛ-1) се намалува за 2,5 денари и ќе изнесува 85,5 денари за литар.

Со одлуката на РКЕ, за 1,438 денари за килограм се намалува и малопродажната цена на Мазутот М-1 НС и ќе изнесува 44,524 денари.

Како што истакнуваат од РКЕ, референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,907 отсто, кај дизелот за 2,173, кај екстра лесното за 2,145 и кај мазутот за 3,096 отсто. Курсот на денарот во однос на доларот во изминатиот период по кој беа формирани цените со претходната пресметка е понизок за 0,73 отсто.

Репертоар на прилепскиот театар “Војдан Чернодрински”

Репертоар на театарот “Војдан Чернодрински” за оваа недела

Во петок (25.11.2022) со почеток од 19:30 часот – „МИСТЕРИЈА БУФО“ во режија на Андреј Цветановски

Резервации на влезници на тел. 076 442 378

До 14 часот денеска овие улици во Прилеп ќе бидат без вода

Водоснабдувањето на ден 21.11.2022 (понеделник) ќе биде нормално со здравствено исправна вода за пиење.

Вкупната произведена количина на вода е 280л/с, од кои 240/с од Студенчица, 0л/с од бунари и 40л/с од сопствени извори.

Прекин во водоснабдувањето заради санација на дефекти и приклучоци во периодот од 08 до 14 часот ќе има на следните улици и делови од Општина Прилеп: ул. “Вера Циривири”, ул. “Киро Базеркоски”, ул. “Козара”, ул. “Цане Коњарец”, Реон Точила Ц3, н.м. Канатларци.

Го празнуваме Св. Архангел Михаил, водачот на небесните војски: Честито име Михаил, Михаела, Михо, Ангел, Ангела…

Православните христијани денес го празнуваат Св. Архангел Михаил, еден од најголемите христијански празници и една од најчестите куќни слави.

Архангел Михаил е водачот на небесните војски кој секогаш се јавувал на местата на кои се појавувала Богородица, така што претставува небесна сила и заштита на земјата.

Според црковните преданија, ангелот Михаил првпат прв стапил во борба со злите духови и тоа во име на црковните толкувања означува оној кој е како Бог.

На грчки јазик зборот архи значи главен, прв, а значи весник, ангел.

Прв меѓу ангелите Архангел Михаил на иконата се претставува како борец-војвода со меч или копје во раката, а народното верување смета дека тој доаѓа и ги зема човечките души кога ќе чукне часот.

Постојат многу народни верувања за овој ангел: Велат дека тој ги посетува болните и ако застане кај нивните нозе- не е добро, а ако е кај главата – болниот ќе оздрави.

Се слави наесен на 21 ноември, а по народното верување, тоа е затоа што кога светците си ги делеле улогите, Архангел Михаил добил есенско и зимско време на зима и зимски тешкотии. Се вели дека во ова време Архангел талка по светот облечен во просјак да ги искара неверниците и да им помогне на оние кои се во неволја.

Едно народно верување вели дека според временските услови на овој ден може да се одреди каква ќе биде годината. Се вели: какво ќе биде времето на Аранѓеловден, такво ќе биде во текот на целата зима и пролет. Во некои краишта се слави и како празник на сточарите бидејќи се верува дека само тој може да ги истера волците.

Постои верување и обичај кај многу христијани кои го слават свети Михаил, бидејќи го сметаат за жив светител, да не подготвуваат пченица за славата, а тоа е неточно и неоправдано. Неопходно е да се подготви пченица за славата, бидејќи сите светители и сите мртви се живи пред Бога.

На овој ден преданијата велат дека треба да им се помогне на сиромашните и немоќните, да им се даде храна и пиење, а и да им се упати топол збор. За сета ваша добрина светецот ќе ве награди со ислушување на молитвите и желбите.

Инаку, Св. Архангел Михаил е најголемата куќна слава која христијаните ја празнуваат во месец ноември.

Славата оваа година е мрсна бидејќи 21 ноември се паѓа во недела. Со оглед на тоа дека датумот е фиксен, дали славата ќе биде мрсна или посна се одредува според денот од неделата. Па така, ако е среда или петок, славата ќе биде посна, додека во останатите денови може да се прославува и со мрсна храна.

Идиоти по дефиниција

Пишува Филип Георгиески

Во Античка Грција или поконкретно Атина, во облик на “владеење на народот” е воспоставено првото демократско уредување како нова форма на управување со државата. Секако, атинската демократија постепено се развивала – односно во 7 различни етапи, за да се дојде до моментот кога сите слободни луѓе ќе имаат право да одлучуваат за најважните прашања во полисот. Атина е лулката на демократијата која ги поставила темелите на демократијата во нејзината најсовремена форма која се развива многу покасно – кон крајот на 17-ти век како резултат на калвинистичкото религиозно движење во Англија, Шкотска и Холандија.

Одлуките во полисот ги донесувале сите слободни мажи – сите Атињани со чисто потекло, чии родители се исто така со потекло од Атина. Се барало од сите луѓе кои ги исполнувале овие услови да гласаат, без оглед на тоа за кого гласале. Оние кои што одлучиле да не гласаат и воопшто да не придонесуваат за политичките процеси во полисот биле јавно етикетирани и нарекувани идиоти. Според тогашните сфаќања, ова биле луѓе кои се грижат само за личните потреби и ги оспоруваат потребите на општеството околу нив, па со текот на времето, зборот идиот еволуирал во денешната употреба.

Денес, земајќи во предвид дека токму тие кои се наоѓаат од другата страна на приказната, се луѓето што ја уништуваат државата – не наведува да помислиме дека зборот идиот целосно го променил своето значење. Оттука и прашањето: Кои се полоши, идиотите по дефиниција или идиотите во политка? Најверојатно одговорот би бил различен, во зависност од оној кој што го чита прашањето.

(Видео) Потоп во соседството: Реката се излеа од своето корито на повеќе локации

Реката Јошаница утринава се излеа од коритото на повеќе локации во Нови Пазар, Србија, а мештаните во паника се обидуваат да ги заштитат своите дворови и куќи.

Најтешко е во новопазарските населби Трнава и Шутеновац, а воведена е и вонредна состојба.

Тешка е состојбата и во населените места Постијење и Блажево, каде исто така имаше излевање.

(Видео) Се приближува ли снегот кон Македонија? Снежно невреме го зафати регионот

Синоќа во Хрватска времето почна значително да се влошува во текот на вечерта, додека делови од земјата беа погодени од обилни врнежи од дожд и снег, кои продолжија во текот на утрото. Како што пренесуваат медиумите, делови од Хрватска беа погодени од вистинско снежно невреме.

На повисоките места снегот веќе обилно паѓа, а на места има и снежна бура и се формирала снежна покривка од неколку сантиметри.

Поради зимски услови и бурни ветрови на патните правци низ Лика и Горски котар, камионите со приколки се исклучени на постојката Вукова Горица (А1) во правец кон Риека/Дубровник и постојката Киковица (А6) во правец кон Загреб.