Прекрасната Тамара Волческа, Marko Logout и Група Антика – која вечер ќе ја изберете овој викенд во Cipriani?

Има настапи по кои гостите со задоволство се враќаат на истото место, а токму таква вечер повторно најавува Cipriani Fine Dining & Lounge Bar.

По одличниот прием при нејзиниот претходен настап, во четврток, 19 ноември, на сцената во Cipriani повторно доаѓа Тамара Волческа, девојката која сè посигурно го освојува вниманието на балканската публика преку музичкото шоу „Ѕвездите на Гранд“. Нејзиниот вокал, харизма и препознатлива интерпретација се доволна најава за уште една вечер исполнета со одлична музика и многу емоции.

Петочната вечер, 20 ноември, носи поинаков музички ритам со Marko Logout. Македонскиот поп-изведувач, кој го гради својот препознатлив музички израз со современ звук и мелодии што лесно остануваат во сеќавање, ќе се погрижи за музичката атмосфера и доброто расположение. Неодамна ја претстави и својата нова песна „Прв Потег“, со која продолжува да ја развива својата музичка приказна.

За сабота, 21 ноември, Cipriani подготвува нешто за сите љубители на убавата староградска песна. Група Антика од Битола доаѓа со одличен музички состав и репертоар кој потсетува на безвременските мелодии, песните што се пеат во добро друштво и музиката што секогаш има посебно место во срцата на публиката.

Три различни музички карактери, три вечери со внимателно одбрани изведувачи и амбиент во кој гастрономијата, елеганцијата и живата музика се надополнуваат во едно целосно доживување.

Cipriani продолжува да ја збогатува прилепската понуда за излегување, нудејќи им на гостите причина повеќе да го изберат токму овој простор за своите посебни моменти.

Резервации на: 078 534 334

Обезбедете си ја навреме вашата маса и уживајте во музичките вечери на Cipriani!




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.