дома блог страница 1367

Денеска без вода до 14ч. ќе бидат овие улици во Прилеп

Водоснабдувањето на ден 22.12.2022 (четврток) ќе биде нормално со здравствено исправна вода за пиење.
Вкупната произведена количина на вода е 280л/с, од кои 238/с од Студенчица, 0л/с од бунари и 42л/с од сопствени извори.

Прекин во водоснабдувањето заради санација на дефекти и приклучоци во периодот од 08 до 14 часот ќе има на следните улици и делови од Општина Прилеп: ул. “Стеван Д.Ништакот”, ул. “Пиринска”, ул. “Кукол”, ул. “Мечкин Камен”, ул. “Тетовска”, н.м. Волково

На Економскиот факултет во Прилеп свечено доделени дипломите на дипломираните студенти и магистри (Фото)

Во просториите на Економскиот факултет во Прилеп денеска се одржа свечена промоција на новата генерација на дипломирани студенти и магистри.

На промоцијата присуствуваше и градоначалникот на општина Прилеп, Борче Јовчески кој имаше свое обраќање пред присутните.

-Чест ми е што денеска бев на свечената промоција на новата генерација на дипломирани студенти и магистри на Економскиот факултет во Прилеп, кој работи во рамките на еден од најреномираните Универзитети во Македонија Св.Климент Охридски.

Се радувам заедно со вас на постигнатиот успех, бидејќи студирањето и стекнувањето со универзитетска диплома не е само едноставно собирање на знаење по патот на добивањето на квалитетни теоретски и применливи знаења, туку тоа е испреплетено со истрајност, посветеност и многу животни одрекувања. Нeмa лeceн пaт дo нayкaтa. И, тоа треба да се вреднува! Иако и јас и вие знаете, дека, со излегувањето од овие студентски клупи во полето на високо конкурентниот пазар на трудот, вашата едукација нема да заврши тука, бидејќи денеска во ова ново, дигитално и динамично време постојано се бара доусовршување и залагање за самонадоградба. Часовникот на едукацијата никогаш не застанува.

Во оваа насока, почитувани дипломци и магистри, Вие сте нашиот најсилен партнер во креирање на политиките во локалната заедница и во битката кон подобра иднина и подобро утре на целокупното општество, вие сте нашата најголемата надеж за развој на нашиот кревок општествен систем. Вие сте нашата двигателна сила. Вие сте тие кои не‘ обврзувате многу сериозно да размислуваме за иднината на младите образовани кадри и исклучително внимателно да креираме политики за радикални промени во насока на подобрување на општествената и економската благосостојба на Република Македонија и спречување на одливот на млади „мозоци“ од нашата држава.

Затоа мораме заедно да го градиме ова општество, да делуваме и да правиме избор за тоа каде идејно ќе ја обликуваме иднината, со знаење, квалитет и меѓусебно почитување – порача Јовчески.

Kaj прилепско Лагово фатен жител од с. Житоше со гaceн пиштол

На 20.12.2022 во периодот од 07.00 до 13.00 часот на подрачјето на СВР Битола, полициски службеници од СВР Битола спровеле координирана акција со полициски службеници од Регионалниот центар за гранични работи Југ за контрола на возила и лица.

Притоа, во 11.30 часот на патот Битола – државна граница со Република Грција, на место викано „Трафостаница“, бил извршен преглед на патничко возило „фолксваген голф“ со прилепски регистарски ознаки, управувано од Н.Р(22) од с.Ивањевци, битолско, и било констатирано дека сообраќајната дозвола на возилото била фалсификувана. Возилото и сообраќајната дозвола биле одземени од лицето за понатамошна постапка.

Исто така, на патот Прилеп – Битола, кај с.Лагово, бил извршен преглед на патничко возило „фолксваген голф“ со прилепски регистарски ознаки, управувано од М.Т.(52) од с.Житоше, при што биле пронајдени и одземени гасен пиштол и осум куршуми за гасен пиштол.

По целосно документирање на случаите, против лицата ќе бидат поднесени соодветни пријави – информираат од МВР.

Ученици од ООУ “Кочо Рацин” Прилеп ја китеа елката во претседателскиот кабинет на Пендаровски (Фото)

Ученици од ООУ „Кочо Рацин“ од Прилеп и од ООУ „Сабедин Бајрами“ од Камењане, тетовско, беа гости во претседателскиот кабинет на претседателот на државата, Стево Пендаровски, и заедно со него ја китеа новогодишната елка.

-Денеска заедно со нашите гости, ученици од ООУ „Кочо Рацин“ од Прилеп и од ООУ „Сабедин Бајрами“ од Камењане, тетовско ја накитивме елката во Кабинетот и го проследивме настапот на нашиот светски шампион во модерен танц, Анди Исмаили и на децата од инклузивната група на танцовото студио „ЕУРЕКА“. Им благодарам на нашите денешни гости за веселата дружба и убаво поминатото време заедно – напиша Пендаровски на социјалните мрежи.

Прилеп ќе слави Нова година со огномет и музичка програма: Еве кој ќе настапи во центарот на градот

Прилеп ќе ја одбележи “најлудата ноќ” во годината со музичка програма и огномет на плоштадот “Методија Андонов – Ченто”.

Граѓаните кои се одлучат Новогодишната ноќ да ја поминат во центарот на градот, ќе имаат можност да се забавуваат со Диџеј Dejan Pete, “Балканика бенд” и најпознатите прилепски рокери “Тhe Hounds”.

Забавата ќе започне во 21:30часот, а ќе кулминира со настапот на “The Hounds” чиј настап почнува во 11:30ч.

Програма ќе има за најмладите со почеток во 11часот, кога ќе се одигра претставата за деца “Дружината на Снешко Белчо”.

3aпленети 2.600 парчиња пиpoтexнички средства во Прилеп (Фото)

Денеска (21.12.2022) од страна на полициски службеници од СВР Битола- полициската станица од општа надлежност Прилеп на ул „Методија Шаторов- Шарло”, во близина на пазарот во Прилеп, при преглед кај З.М.(37) од Прилеп пронајдени се 2600 парчиња различни видови пиротехнички средства.

Предметите од страна на полициските службеници се одземени, а со З.М е извршен службен разговор во полициска станица и по целосно документирање на случајот ќе биде поднесена соодветна пријава.

Музичкото училиште “Ордан Михајлоски-Оцка” добитник на грант во висина од 13.700 евра

ООМУ “Ордан Михајлоски Оцка” – Прилеп, е добитник на грант во висина од 13700 евра преку Western Balkans Fund.

Доделени се 36 грантови од пристигнати 340 апликации од цел Западен Балкан. Училиштето за прв пат од неговото оформување влегува во нова димензија на соработка со музички училишта од другите држави, како што се музичкото училиште на Источно Сарајево од Босна и Херцеговина и музичкото училиште “Даворин Јенко” од Белград Р. Србија.

Грантот од Western Balkans Fund е уште еден доказ за успешното менаџирање со училиштето. Ова секако претставува ветер во грб и мотивација за останатите училишта во градот и државата.

Секако, кога зборуваме за ООМУ “Ордан Михајлоски Оцка”, да не го заборавиме и јубилејниот новогодишен концерт кој ќе се одржи во НУЦК “Марко Цепенков” на 22 декември во 19:00 часот.

Вечерва започнува осминафиналната рунда на турнирот во мал фудбал “Св. Никола” во Прилеп: Еве што ќе гледаме вечерва

На турнирот во мал фудбал “Св. Никола 2022” започнуваат елиминационите рунди. Денеска и утре ќе се одиграат осминафиналните дуели, а двојките се следни:

Натпреварите започнуваат во 19часот во спортската сала на ООУ “Добре Јованоски”, а распоредот за вечерва е следниот:

“Гентерм” донираше машина за перење и машина за сушење во прилепската болница (Фото)

Најголемиот работодавач во Прилеп, компаниајта „Гентерм Македонија“, ја реализираше својата трета донација за ЈЗУ Општа болница со проширена дејност Прилеп.

-Одличната соработка помеѓу ЈЗУ Општа болница со проширена дејност Прилеп и „Гентерм Македонија“ уште еднаш се потврдува, со тоа што оваа општествено одговорна компанија како најголем работодавач во нашата општина одлучи да донира во болницата. Притоа согледувајќи ги потребите на болницата и она што значи подобро здравје на нашите пациенти, ни излегоа во пресрет и одлучија да донираат машина за сушење и машина за перење, од реномираниот италијански производител на вакви апарати „ИМЕСА“, како и апарати за мерење на крвниот притисок на пациентите во повеќе одделенија.

Денешниот настан е прилика да изразиме голема благодарност на компанијата „Гентерм Македонија“, во име на нашите пациенти, вработените и сите граѓани за гестот и нивната донација во болницата. Машините се наменети за пералната во која се одржува хигиената на постелнината и целиот веш од сите болнички одделенија во нашата установа. Станува збор за високо професионални, енергетски ефикасни машини, кои ќе бидат од голема полза за нашата установа. Во најголем дел ќе ги заменат постојните неколку децении стари машини, со што ќе имаме поголема ефикасност, подигање на степенот на хигена на вешот и секако и заштеда на трошоци.

Во оваа прилика повикуваме примерот на „Гентерм Македонија“ да го следат и другите прилепски компани во поглед на поголема општествена одговорност во средината во која функционираат, апелираше директорката на ЈЗУ Општа болница со проширена дејност Прилеп Кети Смилеска.

-Како општествено одговорна компанија продолжуваме со нашите напори и активности за подршка на заедницата. Денеска сме овдека со подршка на локалната болница со донација на индустриски машини за перење и сушење, кои се надевам ќе и помогнат на болницата за повисоки хигиенски стандарди а со тоа и услугите на болницата кон пациентите ќе бидат на повисоко ниво. Ова не е наша прва активност и донација кон болницата, а работиме по претходно договорени приоритети и активности. Имаме глобални и локални таргети. Соработуваме и помагаме на јавни институции како училишта, градинки и болници, а оваа донација е во вредност од над 12.000 евра, изјави генералниот менаџер нас „Гентерм Македонија“ Андреј Хафинетс.

Николовски се пофали: Цената на тутунот е за 40-50% поголема од претходните години

Откупот на тутун од реколтата 2022 година тече интензивно во сите 200 откупни пунктови, информираше министерот Љупчо Николовски.

„Годинава тутунопроизводителите ги рушат рекордите и испишуваат историја на досега највисока просечна откупна цена од 285,9 денари за килограм, што претставува зголемување за повеќе од 40% во однос на минатогодишната.“, рече Николовски.

Како што изјави, просечната цена на тутунот е од 40 до 50 проценти поголема од претходните години, или во споредба со 2014, 2015 година кога изнесуваше 117 денари.

„Откупот на тутун од реколтата 2022 година тече интензивно во сите 200 откупни пунктови, кои се навремено отворени на целата територија. Најголем дел од откупот е завршен, откупени се 17.5 милиони килограми и исплатени се 3,6 милијарди денари. Годинава имаме висококвалитетен тутун, поради што имаме најголем откуп токму на тутун од прва класа, нешто што никогаш досега не се случило.“, вели министерот Николовски.