дома блог страница 1354

Браво! Дедо Мраз ги посети дечињата во детското одделение на прилепската болница (Фото/Видео)

-Пакетчиња за децата хоспитализирани на детското одделение во прилепската болница Ова е период од годината кога последните часови се во знак на дарување и славење. Општествено одговорната приватната прилепска компанија “Твојот мајстор“ се погрижи денес најпосакуваниот и најбаран Дедо Мраз да ги израдува дечињата згрижени на детското одделение во Општата болница со проширена дејност Прилеп.

Сопствениците и вработените со овој скромен гест посакаа да им ги разубават претстојните празници затоа што сметаат дека на децата треба постојано да им се подарува внимание и љубов.

Заедничка на сите е желбата дечињата што побрзо да оздрават и да се вратат кај своите најблиски во нивните домови. Детските насмевки се најубавиот новогодишен подарок за време на новогодишните и божиќните празници.

“Твојот мајстор“ настанот го збогати со врачување на 3 дигитални топломери за детското одделение во Општата болница со проширена дејност Прилеп – информираат од прилепската болница “Борка Талески”.

Опожарено возило за време на новогодишната вечер во Прилеп

Увид извршила увидна екипа од Полициската станица Прилеп.

На 31.12.2022 околу 19.00 часот во Полициската станица Прилеп било пријавено дека во Прилеп било опожарено патничко возило „мерцедес б180“ со прилепски регистарски ознаки, сопственост на А.А.(41) од Прилеп.

За среќа нема повредени, пишува во полицискиот билтен на МВР.

(Фото+Видео) Кристијана е првото бебе во Прилеп: Се poди во 04:22 по полноќ и е второ дете на мајката Емилија

Првото бебе во Новата 2023 година во Прилеп е женско и е второ дете на 42-годишната мајка Емилија Златеска.

Бебето и неговата мајка денеска на пладне ги посети градоначалникот на општина Прилеп, Борче Јовчески, кој им подари штедна книшка во вредност од 15.000денари и пригодни подароци.

-Утрово во 04 часот и 22 минути во Гинеколошко-Акушерското одделение при Општата болница со проширена дејност Прилеп се роди првото бебе во Општина Прилеп во новата 2023-та година.

Д-р Билјана Кржеска го изврши пораѓањето на мајката Емилија Златеска која на свет донесе женско бебе тешко 3.150 килограми, а долго 50 сантиметри. И новороденчето и мајката се во добра состојба. За семејството Златески ова е втора рожба, второ девојче кое ќе се вика Кристијана. – информираа од прилепската болница.

Cooбpaќajка пред Новогодишната ноќ во Прилеп: Млад прилепчанец се здоби со тешки телecни повpeди

На 31.12.2022 околу 16.30 часот во Полициската станица Прилеп било пријавено дека на крстосница од ул.„Орде Чопела“ со ул.„Мире Цилкоски“ во Прилеп се случила cooбpaќajна нecpeќа помеѓу патничко моторно возило „форд“ со прилепски регистарски ознаки, yпpaвyвано од А.С.(71) од Прилеп и мотоцикл „априлија“ со прилепски регистарски ознаки, yпpaвyван од Г.К.(35) од Прилеп.

По нecpeќата, Г.К. бил пренесен во Градска болница Прилеп каде му биле констатирани тешки телecни повpeди.

За настанот бил запознаен Јавен обвинител, а увид на местото на настанот извршила екипа од Полициската станица Прилеп, стои во соопштението од СВР Битола.

Неколку стотици прилепчани ја дочекаа Новата 2023 година на градскиот плоштад (Фото галерија)

Со настапите на Балканика бенд и The Hounds, прилепчани ја дочекаа Новата 2023 година на градскиот плоштад “Методија Андонов – Ченто”.

Maглата и ладното време не ги спречи неколку стотини наши сограѓани да се забавуваат и да наздрават на градскиот плоштад.

Пред присутните граѓани се обрати и градоначалникот, кој порача:

-Почитувани мои сограѓани, Ви посакувам среќна нова 2023 година, многу здравје пред се, благосостојба, среќа и мир во вашите домови. Во новата година да продолжиме сплотено и да ја развиваме нашата општина Прилеп

Првото бебе во Битола е “чупе”: Бојана се poди една минута по полноќ

Првото новороденче во Битола е женски, или по битолски жаргон “чупе“, информираат од болницата “Плодност“ од Битола, кои соопштија:

-Го имаме и првото новороденче во 2023 година, кое на свет дојде во 00.01 часот. Женско, со тежина од 3.360 грама и должина 50 сантиметри. Честитки до среќните родители. Вечерва очекуваме уште едно новороденче. СРЕЌНА И БЕРИЌЕТНА НЕКА НИ Е НОВАТА 2023 ГОДИНА.

Се роди првото бебе во Новата 2023 година во Прилеп

Првото родено бебе во прилепската болница во Новата 2023 година е женско.

Бебето се роди во раните утрински часови, а денеска на пладне мајката и новороденчето ќе ги посети градоначалникот на општина Прилеп, Борче Јовчески, кој ќе им дарува пригодни дарови.

Повеќе информации во текот на денот.

Се роди првото бебе во 2023-та година во Македонија

Првото бебе во 2023 година се роди на Универзитетската Клиника за гинекологија и акушерство во Скопје во 00.01 часот.

Бебето е од машки пол, тешко е 3720 грама, долго е 51 сантиметар и е родено со Апгар 8/9.

Мајка на бебето е 22-годишната Стојанка Панајотова од село Соколарци, Кочани и тоа е нејзино прво дете.

Битолската гимназија “Јосип Броз Тито” одбележува 130 години институционално постоење (Фото)

По повод 130 години од работата на Гимназијата како воспитно – образовна институција, денес во Офицерскиот дом, беше прикажан документарен филм за работата на училиштето. Пред филмската проекција, свое обраќање имаше градоначалникот на општина Битола, кој ги поздрави присутните, потсетувајќи се на времето, кога и тој се школувал во ова училиште:

„Најголемата вредност за човештвото е неговото богато знаење, кое никогаш неможе да биде одземено. Човек, колку повеќе знае, толку повеќе може да планира, создава и реализира.

Во своето 130 годишно институционално постоење, нашето средно општинско училиште Гимназијата „Јосип Броз Тито“, како едно од најстарите, најреномираните и најквалитетните училишта во Македонија, докажа дека квалитетниот наставен кадар, кој низ годините работел во училиштето, образувал успешни генерации кои своето огромно знаење, продолжиле да го докажуваат низ големи достигнувања во медицината, архитектурата, градежништвото, инженерството, информатичката технологија, новинарството и многу други области.

Како некогашен ученик на Гимназијата „Јосип Броз Тито“, со гордост можам да потврдам дека, ова училиште отсекогаш негувајќи ги квалитетите, македонскиот јазик и култура, било и останало место за интелектуален и научен напредок. Тука се одржал првиот училишен час по македонски јазик во цела држава по завршувањето на Втората светска војна. Во гимназијата се образувале голем број академици, ректори на битолскиот и скопскиот универзитет, градоначалници, почесни конзули и многу други значајни личности во сите области од општественото живеење.

Она што особено ме радува како градоначалник е успехот на учениците, кои се речиси убедливо најдобри на сите натпревари по сите предмети во државата и надвор од неа, вклучувајќи го и спортот. Ја покажуваат својата хуманост вклучувајќи се во голем број активности, се залагаат за напредок во области кои што се надвор од наставните програми, ги развиваат своите таленти, учествуваат во меѓународни проекти. Верувам дека и во иднина нашата позната „Горна гимназија“ ќе биде симбол на квалитетно образование, а нејзините сегашни и идни ученици ќе ја испишуваат македонската историја“, рече градоначалникот Тони Коњановски во своето обраќање пред присутните.

Потсетувајќи на историските достигнувања, директорката Лидија Споа, посака, гимназијата „Јосип Броз Тито“, да продолжи да работи, градејќи континуиран напредок:

„Гимназијата како и секогаш, останува афирматор на севкупните позитивни промени на свеста што треба сите нас да ни укаже дека треба да се интегрираме на личен и колективен план.

Зад нас е година што од нас ги исцрпи најкреативните потенцијали што ги вложивме да ја направиме Гиманзијата уште поубаво место за интелектуален напредок на наставниците и на учениците.

За тоа зборуваат нашите резултати за освоените награди по сите предмети, поаѓајќи од опшитнските, регионалните, државните и меѓународните натпревари и олимпијади“, рече меѓудругото директорката Лидија Споа.

Како дел од настанот, учениците од прва до четврта година од Горната Гимназија, одржаа и предновогодишен концерт, под менторство на професорот Владко Симоновски, во рамките на кој беа изведени познати нумери од популарни бендови.

162 настапи и издаден нов албум во 2022година, а вечерва ќе приредат спектакуларен настап во центарот на Прилеп

Прилеп ќе ја одбележи “најлудата ноќ” во годината со музичка програма и огномет на плоштадот “Методија Андонов – Ченто”.

Граѓаните кои се одлучат Новогодишната ноќ да ја поминат во центарот на градот, ќе имаат можност да се забавуваат со Диџеј Dejan Pete, “Балканика бенд” и најпознатите прилепски рокери “Тhe Hounds”.

Забавата ќе започне во 21:30часот, а ќе кулминира со настапот на “The Hounds” чиј настап почнува во 11:30ч. Дечките од групата својот настап го најавија потенцирајќи дека во 2022 година имале дури 162 настапи, а тука е и нивниот втор студиски албум.