Оливера Наковска – Бикова од Битола која е единствена македонска спортистка на Параолимписките игри, оствари средба со претседателката Гордана Сиљановска – Давкова и за запозна со подготовките, предизвиците и очекуваните резултати во трите стрелачки дисциплини во кои таа ќе се натпреварува.

Преседателката и го предаде македонското знаме, кое нашата олимпијка ќе го развиори во Париз.

-Македонското знаме гордо ќе се развее на Летните параолимписки игри во Париз 2024. Ми беше чест и задоволство да поразговарам со нашата спортска легенда, Оливера Наковска Бикова, во пресрет на учеството на најпрестижниот спортски настан. Веруваме во нејзиниот успех – напиша Претседателската Сиљановска на ФБ.

Оливера Наковска – Бикова освои златен медал во 2012 година во Лондон.

Македонскиот олимписки тим на 17. Светска олимпијада по геонауки IESO2024 што се одржа во Пекинг, Кина, дома се враќа со еден сребрен и три бронзени медали.

Меѓу медалистите е и Ивана Атанасоска, ученичка во прилепската гимназија “Мирче Ацев”, која освои бронзен медал.

На Светската олимпијада по геонауки во Пекинг, учество зедоја 140 ученици од 35 држави, а покрај Ивана од Прилеп со медали се закитија и Милена Ангелова од Делчево, Михаела Павловска од Македонска Каменица и Атанас Ташковски од Крушево.

Ментор на Ивана е професорката Виолета Проскоска Велкоска.

Честитки за нашите вредни ученици и уште поголеми успеси во иднина!

Денес плата ќе добијат вработените во Македонски Пошти, а вчера добија во Македонски Железници Инфраструктура. Од понеделник ќе има плата и за Железници Транспорт, објави на својата Фејсбук страница министерот за транспорт и врски Александар Николоски.

-Работите се менуваат – во време на СДСМ и ДУИ немаше плата, сега има!

Сега следи период на истраги и одговорност за претходното недомаќинско работење!, пишува Николоски во својата објава.

Прилепчанецот Зоран Даноски летово пристигна во редовите на Брегалница Штип, каде како капитен ќе се обиде да му помогне на тимот експресно да се врати во Првата македонска лига.

Поранешното лево крило на прилепска Победа, минатата сезона настапуваше за Тиквеш од Кавадарци, каде се радуваше на шампионскиот пехар во Купот на Македонија.

Брегалница во првото коло од Втората лига ја дочекува токму Победа, а Даноски за натпреварот и атмосферата во соблекувалната на штипјани вели:

„Сигурен сум дека сите ќе го дадеме максимумот на секој натпревар, а целта е јасна – враќање на Брегалница во Првата лига. Знам дека публиката ќе биде наш дванаесетти играч и ќе ни дава голема поддршка, нешто што беше пракса и во минатото.

В недела отвораме против прилепска Победа, која исто така има млад и амбициозен тим. Нема да биде лесно, тие сигурно нема да пристигнат со бело знаме. Многу нешта ќе зависат од нашата игра, но ве уверувам дека одиме на победа на секој меч“, изјави Даноски.

Живееме во време кога како никогаш досега сме преокупирани со работни овбрски, со брзање да стигнеме секаде, да обезбедиме денар повеќе и подобар живот за себе и своето семејство. Па не е ни случајно што во една ваква трка со времето, многу често се случува готвењето да го ставиме во втор план.

Ако ги прашате прилепчани пак, тие ќе ви речат дека одамна заборавиле што е тоа готвење, а зошто е тоа така? Епа Прилеп си ја има “Ана Марија”, кетеринг кој секојдневно се грижи за илјадници трпези со највкусни јадења. И сега многумина ќе речат: “Па тоа не е причина да не се готви дома”. Не е причина, но ако ги погледнете нивните цени, а потоа и вашата сметка за потрошена електрична енергија, и тоа како ќе ви стане јасно за што зборуваме.

20 години традиција се нешто со кое ретко кој може да се пофали, а притоа ниту еднаш да не ги разочара оние кои им ја даваат довербата. Сите кои се увериле во квалитетот на храната, услугата, љубезноста, виското ниво на хигиена и уредност секогаш повторно се враќаат.

Менито е секојдневно богато, има од се’ по нешто, па дури и најпребирливите ќе најдат храна која им одговара. За да нема кавги подома од типот “Што ќе јадеме утре?”, тимот на “Ана Марија” навремено ги известува своите потрошувачи за утрешното мени.

Неодамна во нивниот синџир за храна се приклучи и “Ана Марија” ресторанот за брза храна, лоциран веднаш до кетерингот и место каде прилепчани уживаат во најдобрите хамбургери и гиро во градот. Ако сте вљубеници во овој вид на храна, наш совет е секогаш навремено да порачате на телефонскиот број: 072/267-000, затоа што редот на порачки често е долг.

И за понудата на храна да биде комплетна, сопствениците отворија уште и пица ресторан, кој пак се наоѓа веднаш до средното училиште “Орде Чопела”.

Готвена храна со многу љубов, вкус и мирис за уживање, хамбургери какви нема никаде во Прилеп и пици по најниски цени во градот. Сето ова само во “Ана Марија”, а како успеваат да постигнат се’? Eпа затоа се мајстори на својот занает во кој никој не им е рамен.

А за малку ќе заборавевме. Тимот на “Ана Марија” ви стои на располагање за сите помали и поголеми свечености. Нудат кетеринг прилагоден по вашиот вкус, со кој вашите прослави ќе добијат поинаков шмек.

Бидете и вие дел од илјадниците кои својата својата доверба им ја дале на најдобрите. Веќе од понеделник, стартувајте ја работната недела со нешто вкусно и неодоливо.

Побарајте ги на телефонските броеви: Пица ресторан – 073/444-433
Фаст фуд: 072/267-000
Готвени јадења: 075/234-190
Тимот на “Ана Марија” ве очекува!

По пауза од 4 години, возбудливиот турнир “КГЈ 3х3”, минатата година повторно се одржа во Прилеп.

Од 16-18 август на спортското игралиште во ООУ “Кире Гаврилоски-Јане” Прилеп, ќе се одржи 14-то издание на популарниот турнир во кое има пријавено триесетина екипи од Прилеп и од други градови.

Секој ден првите натпревари започнуваат во 17 часот, а за публиката да ужива во натпреварите поставени се монтажни трибини и столчиња.

Очекувајте многу изненадувања како за играчите така и за публиката, и секако неверојатна акција на теренот и одлична атмосфера.

НУЦК „Марко Цепенков“ ви го најавува фантастичниот концерт на Зарина Првасевда и нејзиниот ансамбл!

На 23.08. 2024 г. (петок),  од  20.30ч.на сцената на „Марко Цепенков“. Билетите се по цена од 200 ден. и ќе може да се купат секој работен ден од 11 до 12 часот на билетарницата од Центарот за култура „Марко Цепенков“, во кафуле Лувр галерија и Чоше кафе!

Резервации на влезници на телефонските броеви: 076 442 377 и 076 442 375.

Се гледаме следниот петок на многу уживање и заедничко пеење!

портфолио

https://docs.google.com/document/d/1AhdrYjidsCXTGg0CvRyEJFLjEg_AEd99/edit?usp=drive_link&ouid=114172131199804440052&rtpof=true&sd=true

******************************************************************************

Дизајн: Пинестал

Фото: Соња Ставрова

Светската ракометна федерација ги објави официјалните лица за натпреварите од претстојното Светско клупско ракометно првенство каде во комбинација влегуваат и најдобрите светски и македонски судии Славе Николов и Ѓорѓи Начевски.

Светското клупско првенство ќе се игра од 27 септември до 3 октомври, а ќе играат девет тима меѓу кои унгарскиот Веспрем, германскиот Магдебург и европскиот првак Барселона.

По пауза од 4 години, возбудливиот турнир “КГЈ 3х3”, минатата година повторно се одржа во Прилеп.

Од 16-18 август на спортското игралиште во ООУ “Кире Гаврилоски-Јане” Прилеп, ќе се одржи 14-то издание на популарниот турнир во кое има пријавено триесетина екипи од Прилеп и од други градови.

Секој ден првите натпревари започнуваат во 17 часот, а за публиката да ужива во натпреварите поставени се монтажни трибини и столчиња.

Очекувајте многу изненадувања како за играчите така и за публиката, и секако неверојатна акција на теренот и одлична атмосфера.

Со одлична музичка програма Скопска Пивара на 16. и 17. август, ќе прослави 100 години СКОПСКО ПИВО во центарот на Прилеп.

На плоштадот “Методија Андонов – Ченто” веќе се поставува концертната бина, а наоколу се е во знакот на најдоброто македонско пиво, бренд кој слави цел век постоење.

Прилепчани утре (петок 16.август) ќе ги забавуваат “Љубојна” и најдобрите прилепски рокери од бендот THE HOUNDS. Во сабота Прилеп ќе ги дочека NEXT TIME и SHINE, а покрај музичките групи, свој настап со диџеј сетови ќе имаат и Dj JOVAN и Dj DAVID KAY.

Заедно да ја прославиме првата стотка и да наздравиме за наредните 100!

100 години „СКОПСКО“ и сè е можно!