Во контекст на наставата по историја, а во функција на развивањето на свеста за македонскиот национален идентитет и всадувањето на љубов и почит кон македонската култура, учениците во прилепската гимназија “Мирче Ацев” низ песна на часовите ја учат историјата.

Во продолжение уживајте во прекрасната изведба на песната “Послушајте патриоти” од страна на учениците Софија Настоска и Кирил Младеноски.

Бојан Јовановски на социјалните мрежи се пожали дека добил притисоци од Кичеец преку две лица, пред неговото најавено второ по ред гостување кај јутјуберот Стефан Лазаров…

-Ја известувам јавноста дека лица блиски и под команда на Зоран Милевски-Кичеец веќе неколку дена кон мене делуваат преку разни форми на закани и притисоци со цел да го откажам утрешното второ гостување кај Лазаров! Воедно, заканите и уцените кулминираа вечерва ( сега пред 15 мин ) кога пред влезот на мојот стан ме пречекаа две лица да ми пренесат порака од Кичеец…

Се гледаме утре во 20 часот во второто продолжение, поткаст Лазаров! – напиша Јовановски на ФБ.

Благодарност за благословот кој ми беше даден за снимање на ова видео посветено на најголемиот православен христијански празник Велигден!
Денес празнува сета вселена! Шепотот на Ангелот во празниот Гроб на Голгота, упатен до жените Мироносици: Не бојте се! Вие Го барате Исуса Назареецот, Распнатиот. Он воскресна, не е овде (Мк. 16,6) – денес како вик на најблескава победа, торжествено се пренесува по сите краишта на небото и на земјата – пишува во описот на своето видео Стефан Стојчески од Прилеп, кој го направи досега најубавото видео од прилепските духовни бисери, манастирот Трескавец и манастирот Св. Архангел Михаил во Варош.

Уживајте во глетката во продолжение:

Именден празнуваат: Ѓорѓија, Гоце, Ѓуро, Ѓурѓа, Ѓоре, Ганка, Ганчо, Гинка, Ѓурѓица и др.

Големиот црковен и народен празник посветен на светиот великомаченик Георгиј Победоносец маѓу народот познат како Ѓурѓовден спаѓа меѓу неподвижните празници или меѓу празниците со постојан датум.

Секоја година се паѓа на 6 мај според новиот, или на 23 април според стариот календар. Ѓурѓовден е најголем пролетен празник што го празнува не само христијанското туку и другото население, што од друга страна зборува за фактот дека во неговата основа лежи некој голем претхрстијански празник во чест на пролетта, на разбудувањето на вегетацијата и на животот воопшто.

Како голем празник Ѓурѓовден се поврзува со Велигден, па и во народната песна се пее за нивната поврзаност, за раззеленувањето на вегетацијата и за враќањето на животот по пасивниот зимски период.

На Ѓурѓовден се изведуваат многу и најразлични обичаи. Ниту за еден друг празник ги нема толку со магиско апотропејска цел како што е случајот со Ѓурѓовден. А сето тоа има цел да осигура напредок и плодност на стоката и полињата, здравје, среќа и напредок на луѓето.

Овој празник има многу сличности со други празници кај разни народи во разни периоди од развојот на човештвото воопшто. Така на пр. има многу сличности со римскиот празник Палилија (21 април) кога Римјаните ги кителе стоката и шталите со зелени гранки, а овчарите на богот Палес му принесувале жртви за тој да ги заштити и луѓето и стоката од разни несреќи и да обезбеди напредок.

Празници, според обичаите, слични на Ѓурѓовден можат да се сретнат и кај некои други народи. Така на пр. Литванците во 16 век на 23 април му принесувале жртви на богот на пролетта, растенијата и зеленилото.

Кај нашиот народ со Ѓурѓовден започнува летната половина од годината што трае до Митровден. Затоа во една македонска народна пословица се вели: „Дојде ли Ѓурѓовден, чекај си Митровден“. На овој ден се избираат селски одборници, протуѓери, полјаци, потоа се главуваат момоци, овчари, козари, говедари итн.

Заедно со тоа луѓето се подготвуваат за периодот што следува и што е исполнет со многу, пред сè, полски работи. Човекот му се радува на оживувањето на природата, никнувањето на есенските посеви, на разлистувањето на овошките на раззеленувањето на гората и на обновувањето на вегетацијата воопшто, бидејќи тоа значи и негова егзистенција.

Меѓу повеќето обичаи и песни поврзани со овој ден посебно значајно место заземаат оние т.н. билјарски обичаи и песни што се изведуваат при берењето на билките, вечерта спроти празникот и на самиот ден рано наутро.

Берењето на штотуку изникнатите и разлистени растенија е поврзано со обичајот запотнување, како и со обичајот крмење на стоката, а тие пак со верувањето во магичната моќ на билките. На билје се оди во блиските шуми каде што можат да се најдат разлистани некои билки за кои се верува дека поседуваат магиска моќ, како што се кукурекот, здравецот, вратиката, среќата, но и некои други растенија како леската, дренот и сл.

Девојките си ги намачкуваат косите со јајце за да им бидат полни и густи како јајцето и гатаат за да го дознаат идниот брачен другар.

Се изведуваат и обичаи за заштита на стоката особено од преземање на млекото зашто се верува дека на овој ден со магии можело млекото од една млечна крава да се пренесе на помалку млечна или дури и на жена доилка.

Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.

На 2 мај, во куќа на улицата „Димката А. Габерот“ во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.

Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.

Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.

И оваа година како минатата, традиционално по втор пат се отслужи Божествена Воскресна Литургија во храмот на Св. Маченица Петка Римјанка во Прилеп.

Во храмот посветен на преподобната наша мајка Света Петка Прилеп во кој зедоа учество, влегоа и нас останатите возрасни ни го донесоа духовниот Рај, Царството Небесно овде на земјата повеќе од 250 младенци (деца) со нивните гласни молитви, кои со сиот свој глас викаа : Христос Воскресна, Навистина Воскресна – пишува на својот ФБ, чтец Андреј Иваноски.

-Солзи радосни се покажаа кај секого од нас и никој не остана рамнодушен на таквата глетка. Свештеникот кога застана пред нив и им го проповедаше словото за воскресението на нашиот Господ и Спасител, младенците со големо внимание го слушаа и учествуваа, духовно јадејќи од спасоносното слово. По втор пат во нашиот град се случи оваа торжествена тајна, на Царството Небесно преку молитвите на децата, Господ да благослови сите да го почувствуваме делчето од духовниот Рај, нашата вечна татковина. И на крајот се причестија сите над 250 деца. Овој настан е пример за тоа како црквата внимателно и со љубов преку благодатта и застапништвото на Светиот Дух, го полага во душите наши уште од најмала возраст духот на вистината, на премудроста и на спасението.

Голема благодарност до старешината на храмот света Петка, протоереј Љупче Петрески, кој несебично се вложи и го направи ова големо торжество заедно со свештенослужителите на храмот заедно со одборот, кој ми ја даде честа да и јас преку певницата да земам дел и да го почувствувам духовниот Рај. Се надевам дека ваквото празнување на Празникот над празниците ќе прерасне во секојдневие, односно не само еднаш во годината туку и на секоја неделна воскресна богослужба. Слава на Бога во висините и на земјата мир, меѓу луѓето добра волја.
Христос Воскресна, Навистина Воскресна. За многу години – напиша Иваноски.

Патријархот ерусалимски Диодор 1-ви (1981-2000) 19 години по ред го прими Светиот Оган додека беше поглавар на својата месна црква.

Во интервју ги сподели деталите за чудото:

„Кога ќе се изгаснат сите светла, јас се грбувам и влегувам во гроб

Оттаму, во темнината, си го наоѓам патот до внатрешниот дел… Таму клечам со свет страв и… Читам одредени молитви кои ни се пренесени низ векови и чекам. Понекогаш чекањето трае неколку минути, но најчесто се случува чудо веднаш по читањето на молитвите. Од длабочината на каменот врз кој лежеше Телото Христово, излегува неопислива Светлина. По правило, има сина нијанса, но бојата може да се промени…

Секоја година се појавува поинаку. Понекогаш ја покрива само плочата со ковчег, понекогаш ја исполнува кувуклија (собата) со светлина, така што луѓето стојат надвор… види дека малата соба е исполнета со светлина.

Оваа светлина не гори. Во сите 16 години од мојата патријаршија во Ерусалим, никогаш не сум ја изгорел брадата кога ја примав Светлината…
На одредено место, оваа Светлина се издига нагоре, формирајќи столб чиј пламен има различна природа, и така можам да ги запалам моите свеќи…

Ова чудо… го прави Воскресението Христово толку реално и живо за нас, како да се случило пред само неколку години…
Живеам во Ерусалим од 1939 година, откако дојдов во градот на 15 години. Сите овие години бев присутен на службата за доаѓањето на Светата Светлина и сведочев на ова чудо 61 пат.

За мене, нема прашање дали верувам во чудо или не. Знам дека е ВИСТИНА.

Илјадници прилепчани синоќа ги исполнија до последно место четирите црковни храмови во градот.

Со среќниот поздрав “Христос Воскресна, навистина Воскресна”, си посакаа здравје, среќа и мир во сечиј дом.

За многу години!

Почитувани,

верници, ктитори, помагачи и украсувачи, односно сите оние кои на било каков начин дале несебичен придонес во полза на храмот и неговото благолепие, драги наши верни прилепчани, со Вашите семејства, храмот „Св. Преп. Мчца. Петка Римјанка“, претставуван од в.д. старешината протоереј Љупче Петрески заедно со црковното настојателство и вработените, од срце ви го честитаат Празникот над празниците и ви посакуваат овој најголем ден – Велигден да го поминете во мир и духовна благосостојба, а неговата радост да ја споделите со своите ближни и сите луѓе исполнети со добра волја, радост и вера во подобро утре!

Возљубени, можеби единственото искуство подлабоко од откривањето на празен гроб на некој близок е средбата со истата личност која воскреснала од мртвите. Денес го славиме она што беше надвор од човечката имагинација, имено, воскресението од мртвите. Воскресението на Исус Христос ја означува Неговата победа над гревот и смртта. Преку Неговите страдања, крсна смрт и воскресението, во единство со Отецот и Светиот Дух, Исус Христос се покажа како Спасител на светот и Искупител на човештвото.

Секој од нас, некој помалку, некој повеќе, живеел под сенката на страдањата, доживувајќи осаменост, неправда, очај, тага, болка, загуба … Мнозина носат рани од тага, вина, страв, горчина, неизвесност, но сепак, соединувајќи ги нашите рани со Воскреснатиот, ни е достапна преобразувачката благодат на исцелувањето, простувањето и помирувањето. Без оглед на нашите маки во животот, имаме причина да се радуваме и надеваме на Него.

Возљубени прилепчани,
огинот на воскресенската радост нека гори во вашите срца и нека ја разбуди надежта дека Божјата љубов пронаоѓа решение за сите човечки потешкотии и излез од секаква криза.

Сакам да искажам особена благодарност до браќата свештеници, чтеците, певците, членовите на црковниот хор, донаторите, украсителите и сите верни чеда кои на било каков начин го помагаат храмот а особена благодарност до вработените и членовите на одборот при нашиот храм „Св. Петка“, кои несебично се вложуваат себе си, не само при организацијата за достоинственото и торжествено дочекување на Велигденските празници, ами и во целокупниот „живот“ на нашиот храм!

Со посредството на благословот од нашиот епархиски архиереј Неговото Високопреосвештенство митрополитот Преспанско-пелагониски и администратор Австралиско-новозеландски, и водени од љубовта према Христа и Неговата Црква убеден сум дека и во иднина успешно ќе одговориме на сите предизвици кои ќе се исправат пред нас! Ви благодарам од срце! Да сте ми здрави, живи и од Бога благословени!
Христовата воскресенска светлина да Ви исплете благослов и дар од љубов, мир и добро здравје. Во Вашите домови да влезе Христос Господ и да ги благослови Вашите семејства. Христовата светлина да Ве осени и огинот на Воскресенската радост нека гори во Вашите срца!

Христос Воскресна!

Навистина воскресна!

Честит и благословен Велигден!

Со почит
в. д. старешина протоереј Љупче Петрески со црковното настојателство и вработените при храм „Св. Петка“ на Велигден 2024-то лето Господово

Денеска е најголемиот ден за православните Христијани. Христос Воскресна од мртвите и од земјата премина во вечниот небесен живот.

На овој ден подајте си рака, заборавете на се што било меѓу вас и ближните, чествувајте го името Божјо и поминете го денот во мир и благодет.

Бог нека ја благослови вашата празнична трпеза и нека го стопли вашиот дом со неговото присуство.

Подарете љубов, како што Господ Исус Христос ширел љубов и својата саможрва го спасил човештвото од гревови.

Божјата рака нека биде над сите, нека донесе мир на овие наши простори и нека ни го покаже вистинскиот пат.

“ХРИСТОС ВОСКРЕСНА – НАВИСТИНА ВОСКРЕСНА”