На 20.05.2024 во 23.30 часот во с.Кривогаштани, полициски службеници од Полициското одделение Кривогаштани ги лишиле од слобода М.Ј.(33) од с.Крушеани, З.К.(35) од с.Кривогаштани, М.М.(55) од Прилеп и С.Л.(56) од Прилеп.
Тие се сомничат дека претходно во угостителски објект во с.Кривогаштани, сопственост на Б.Ѓ.(27) од с.Годивље, оштетиле дел од инвентарот, а подоцна запреле патничко возило „бмв” со прилепски регистарски ознаки, кое го управувал Б.Ѓ, со употреба на сила му го одзеле, го однеле на ул.„Илинденска“ и го запалиле.
Пожарот бил локализиран од екипа на Територијалната противпожарна единица Кривогаштани, а повредени лица нема.
Во врска со настанот, на 21.05.2024 во 03.50 часот во ОВР Прилеп било пријавено дека на 20.05.2024 околу 23.30 часот М.М. и З.К. агресивно се однесувале кон командир на Полициското одделение Кривогаштани и му упатувале закани, додека тој извршувал службени дејства.
По целосно расчистување и документирање на случајот, против лицата ќе бидат поднесени соодветни пријави – стои во соопштението од МВР.
Архиепископот Охридски и Македонски г.г. Стефан не го менува името и не се откажува од дијаспората во замена за Томос од Вселенската Патријаршија.
Во изјава Архиепископот Охридско и Македонски г.г. Стефан вели дека МПЦ-ОА веќе е дел од православната екумена и дека никој не може да бара да го менува името за да добие Томос од Цариградската патријаршија.
Кога тоа ќе се случи не знае никој вели поглаварот на МПЦ-ОА.
Г.г. Стефан не се откажува ниту од дијаспората во замена за Томос од Вселенската Патријаршија.
Во организација на Општина Македонски брод на 01 и 02 Јуни 2024г во Самоков ќе се одржи третиот адреналински фестивал на отворено SAMOKOV XTREME. Главната цел на овој фестивал е развојот на туризмот во Поречкиот регион и ставање на с.Самоков на мапата на атрактивни дестинации за авантуристички туризам.
Базата на фестивалот, на кој очекуваме да учествуваат повеќе од 500 вљубеници во природата и авантуристи ќе биде на фудбалскиот стадион, каде ќе има организирано кампување на учесниците, придружено со културно забавни активности.
Учесниците со своите спортски вештини ќе можат да се презентират во следниве дисциплини и истите ќе имаат ревијален карактер:
– возење со теренски возила ( џипови)
– возење со мотокрос
– возење со АТВ возила
– планинарeње
Програмата за фестивалот е следна:
Сабота 01.06. 2024г
09.00ч – 12.00ч пристигнување на учесниците и формирање на кампот каде ќе престојуваат
12.00 ч – 14.00 ч регистрација на учесниците и подигнување на стартните пакети
14.00 ч Самоков – Волче – Пеклиште – црква Св.Богородица – Долно Ботуше – Кицин – Самоков. 40км
20.30ч палење на логорски оган и дружба на учесниците и месното население
21.00ч – 23.00ч гледање на финалето во Лигата на Шампионите помеѓу Реал Мадрид и Борусија Дортмунд
22.45ч заедничка забава на учесниците на фестивалот и месното население
Недела 02.06.2024г
09.30ч поздравен говор на Градоначалникот на Македонски брод Г дин Жарко Ристески
10.00ч заеднички старт на учесниците во сите дисциплини
1.Возачите на теренски возила, АТВ возила и мотокрос ќе возат тура на релација : Самоков – Бачилиште – Илино – Железна река – Манастир Св Никола – Бенче – Самоков.
Се стремиме кон Порече заради не толку често посетените убавини кои пленат со зеленило и недопрена природна убавина. Добра Вода е не толку посетена планина и токму заради тоа плени со својата недопрена убавина. Таа е висока венечна планина во Македонија што се издига помеѓу долината на Мала Река од исток и Кичевската Котлина од запад. Се дели на два дела: северен (познат и под името Челоица) со највисок врв Добра Вода (2.062 м) и јужен (познат како Песјак) со врвовите Кула (1.917 м) и Коњарник (1.874 м).
За вас подготвивме многу интересна тура со локалните волонтери од Самоков заради подобро запознавање на магијата на Порече. Самоков е срцето на Порече, ако не верувате дојдете и ќе видите сами.
ОПИС НА ТУРАТА:
– Старт од село Самоков во 10:00ч. Селото Самоков се наоѓа во областа Порече, во западниот висок планински дел на територијата на Општина Македонски Брод, на просторот на левата страна на реката Треска. Селото е ридско, на надморска височина од 600 метри.
– пешачење по асфатиран пат од 1.5 км до село Ковач. Селото Ковач исто така се наоѓа во областа Порече, во западниот висок планински дел на територијата на Општина Македонски Брод, над селото Самоков. Селото е ридско, на надморска височина од 720 метри, не е заведено во катастарската евиденција и го дели атарот со соседното село Самоков.
– по изминување на асфалтот движењето е низ шумска патека кадешто во најголем дел сме под сенка, континуирано сме опколени со високостеблеста шума и сите нијанси на зелено. Попатно правиме кратки паузи.
– пристигнување во село Бенче кадешто правиме подолга пауза за ручек и освежување. Селото Бенче е на половина од патеката… од стартот до село Бенче има 7,5 км.
– од село Бенче продолжуваме да се движиме по планинска/козја патека до село Самоков во должина од околу 7 км од кои околу 1 км пред финиш одиме по асфалтен пат.
– Ова е средно тешка тура со околу 15км вкупна должина (12 км – шумска патека, околу 3 км асфалтен пат). Патеката е кружна, но стартот и финишот е на местото кадешто е поставен кампот, на фудбалското игралиште во Самоков.
– Предвидено е пристигнување во кампот најдоцна до 16 часот.
ПОТРЕБНА ОПРЕМА И УСЛОВИ:
– психофизичка подготвеност за пешачење
– удобни чевли/ чизми (не е препорачано да се носат патики)
– Панталони со долги ногавици
– Планинарски стапчиња
– Капа и средства за УВ заштита.
– Кабаница
ИСХРАНА:
– секој сам си носи исхрана од ранец;
– вода 2 литри. (вода има во селото Бенче);
– суво овошје, сендвичи и сл.
НАПОМЕНА:
– За да не дојде до оптоварување на турата, задолжително е претходно пријавување за учество;
– Секој учесник е должен да ги почитува правилата и насоките на организаторот и водичите, во спротивно сам е одговорен за несаканите последици;
– Организаторот и водичите имаат право да исклучат член пред стартот на планинарската акција доколку не ги исполнува наведените услови и не ја поседува соодветната планинарска опрема за предвидената планинарска акција.
– Организаторот и водичите го задржуваат правото на измени на термините и редоследот на акцијата во зависност од временските услови и останатите технички препреки.
– За сите планинари кои доаѓаат од Прилеп, организаторот ќе обезбеди автобуски превоз на релација Прилеп – Самоков.
Учесниците на настанот кои ќе не посетат треба најпрво да се регистрираат на пунктот за пријавување, да си подигнат стартен пакет и да потпишат Изјава за учество на сопствена одговорност. Стартниот пакет чини 600 денари и содржи: место во кампот, сувенир маичка, присуство на вечерната забава, учество во адреналинскиот конвој и производи од спонзорите на фестивалот.
Оние учесници кои нема да бидат дел од кампот во Самоков во саботата, односно ќе пристигнат утрото во неделата ќе треба : најпрво да се регистрираат, да подигнат стартен поакет и да потпишат Изјава за учество на сопствена одговорност.
ПС.во недела наутро ќе има организиран превоз на релација Прилеп – Самоков – Прилеп со автобус.
За подетални информации за настанот:Гоце Бојкоски 075 770 600
Синоќа, по наредба на судија на претходна постапка направен е претрес во Тетово во домот на Иџет Мемети членот на советот на обвинители , и претрес во службените простории на Советот на јавни обвинители.
Сомнежот е дека истиoт заедно со осомничениот судија Наке Горгиев имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности за екс градоначалник кој е во притвор.
Иџет Мемети важи за близок до политичка партија од албанскиот политички блок, и беше во два мандати народен правобранител. Тој е и поранешен министер за правда, уставен судија, државен советник во Владата и член на Државната изборна комисија.
Во текот на денот се очекува какви мерки ќе бидат определени против Мемети.
Градоначалникот на Општина Битола, Тони Коњановски и Претседателот на Индустриската зона „Тире“ и потпретседател на Стопанската комора на Измир, Метин Акташ, потпишаа протокол за соработка помеѓу зоните „Жабени“ и „Тире“ . Ваквата соработка значи зајакнување на деловните односи помеѓу зоните, како и промовирање, проширување и подобрување на економската соработка преку трговија и инвестиции меѓу нивните соодветни деловни заедници.
Страните меѓусебно ќе помагаат и ќе придонесат кон поттикнување и проширување на комерцијалните и трговските врски меѓу претприемачите од двете земји, ќе помагаат во склучувањето на билатерални заеднички инвестициски шеми и нивно учество во трети земји. Таквата помош ќе се прошири и на консултантски услуги, а индустриските зони меѓусебно ќе си помагаат и во организацијата и учеството на национални изложби, меѓународни трговски саеми, специјализирани изложби, економски и технички саеми, информативно биро, симпозиуми, конференции или слични настани што се одржуваат во нивните зони со цел да се подобри и прошири економската соработка.
Потпишаниот документ, има за цел да ја зајакне воспоставената добра соработка помеѓу Битола и Измир, за што потврдува и првата инвестиција од Измир, односно Турската компанија за производство на лифтови „ARLIFT“, која заедно со бизнис партнери од Битола, одлучи да инвестира во Индустриската зона „Жабени“, после презентацијата на инвестициските можности, од страна на директорот на зоната, Владо Талевски, во ноември минатата година.
Градоначалникот на општина Битола, за време на посетата на Турција, се сретна и со градоначалникот на Измир, Џемил Тугај и градоначалникот на Тире, Хајати Окуроглу, со кои беа разменети искуства од досегашното работење, а беа претставени и идните планови за економски напредок на градовите.
Покрај градоначалникот на општина Битола, делегацијата од Пелагонискиот регион, која ја посети Турција, ја сочинуваа и градоначалниците на Прилеп и Новаци, како и претседателите на Стопанските комори од Битола и Прилеп, директорот на индустриската зона „Жабени“ и други претставници на деловната заедница.
Најпознатиот спортски новинар Фабрицио Романо пишува дека македонскиот репрезентативен голман, Столе Димитриевски е пред трансфер во Валенсија.
Според информацијата тој ќе потпише договор до јуни 2028 година.
Некогашниот шпански гигант се одлучил за нашиот најдобар голман, поради се поизвесното заминување на Грузиецот Мамардашвили, кој е пред трансфер во Њукасл или Атлетико Мадрид.
Maкедонскиот пливачки маратонец, Евгениј Поп Ацев викендов на 18-ти мај доби големо признание откако беше примен во меѓународната пливачка „Куќа на славните“.
Признанието Поп Ацев го доби во мексиканскиот град Какунг. Низ кариерата Поп Ацев забележа големи успеси на маратонските трки, па сосема заслужено доби место во елитното друштво.
Во професионалната кариера тој од 2007 до 2014 година настапи на 106 настани од светската класа.
Судскиот совет на Република Северна Македонија на итната седница на полноќ му го одзема имунитетот на врховниот судија Наќе Георгиев со што го одобри неговиот притвор, а го оддалечи и од вршење на судиската функција.
Како што соопштија од Судскиот совет, на 487-та итна седница одржана на ден 21 мај 2024 година, Советот расправаше и одлучуваше по барање на Основен кривичен суд Скопје за одземање на имунитет на судија и за одобрување на притвор на судија.
-Судскиот совет, го одзема имунитетот на судија на Врховниот суд на РСМ, заради непречено водење на кривичната постапка. Го одобри барањето за одобрување на притвор на судија на Врховниот суд на РСМ поднесено од судија на претходна постапка на Основниот кривичен суд Скопје и времено го оддалечи од вршење на судиската функција судијата на Врховниот суд на РСМ, до правосилно завршување на кривичната постапка, се наведува во соопштението.
Георгиев вчера беше уапсен за примање примање награда за против законито влијание, а како што соопшти полицијата, бил лишен од слобода додека го вршел кривичното дело.
Размислувам да се кандидирам за претседателка на СДСМ, но конечната одлука ќе ја донесам откако ќе биде започната постапката, изјави актуелната министерка за одбрана Славјанка Петровска за Фокус.
Покрај неа, како што пишува најновиот број на неделникот „Фокус“, како можни претседателски кандидати на СДСМ се споменуваат и Зоран Заев, Стево Пендаровски, Оливер Спасовски, Венко Филипче…
Вчера (19.мај), во прилепско Ново Лагово се одбележаа 5-години од осветувањето на црквата Св. Петка.
Во храмот ќе се служеше света литургија, а потоа следуваше богата музичка програма за која се погрижија естрадните пејачи Спасен Силјаноски и Анета Љумаковска, заедно со oркестарот “Маестрал”.
Голем број прилепчани уживаа во убавото време, ечеше песна и се виеше убаво македонско оро.
Да им живее традицијата уште многу, многу години!
Овој прекрасен црковен храм беше осветен на 19.05.2019 година, а со чинот на осветувањето тогаш чиноначалствуваше Митрополитот Преспанско-пелагониски господин Петар.
Темелите на црквата во ова населено место беа поставени и осветени во 2001 година.
