дома блог страница 710

Николоски во работна посета на Солун: Ќе ги претстави инвестициските планови за развој на инфраструктурата

Заменик претседателот на Владата и министер за транспорт Александар Николоски претстојува во работна посета на Солун, каде ќе се обрати на меѓународниот настан – “Форум за поврувазње со Југоисточна Европа”

На форумот, министерот Николоски ќе ги претстави инвестициските планови на Владата за развој на инфраструктурата и модерни инфраструктурни системи. Посебен акцент ќе стави на изградба на патната мрежа и брзата пруга на Коридор 10 како предуслов за поквалитетно поврзување со пристаништето во Солун и брз транспорт на добра и улсуги.

Во рамките на форумот, предвидено е министерот Николоски да оствари билатерални средби со Христос Стакурас, министер за инфраструктура и транспорт на Грција како и со Христос Стилинидис, министер за поморски работи и островска политка.

Исто така предвидено е средба и со извршниот директор на Солунското пристаниште, Јоанис Тцарас.

Во рамки на дводневниот форум, покрај министерот Николоски и министрите од Владата на Грција, предвидено е обраќање и диксуија на бројни компании и организации за транспорт од Грција, Стопанските комори, логистички центри, универзитетски професори, претставници од пристаништето во Солун и различни финансиски институции.

Kривична пријава за млад прилепчанец – со нож му се заканувал на свој сограѓанин, а потоа и физички го нападнал

-СВР Битола поднесе кривична пријава против Д.К.(21) од Прилеп поради постоење основи на сомнение за сторено кривично дело „загрозување со опасно орудие при тепачка или караница“.

На 28.07.2024 на ул.„Дабница“ во Прилеп, по претходно недоразбирање, пријавениот со остар предмет му се заканил на М.С., по што и физички го нападнал – информираат од МВР.

До Нова година нема вработување во администрација

До Нова година ќе нема никакви вработувања во јавната администрација, откако Уставен суд го укина „балансерот“, алатка за вработување во администрацијата според етнички клуч, брифираат за „Слободен печат“ извори од Агенцијата за администрација. Конкурсите за вработувања во администрацијата ќе бидат под мраз сè додека не се надгради софтверот, односно од документите не се извади графата за етничка припадност.

Според информациите, на економскиот оператор што го одржува софтверот ќе му требаат од 46 до 60 дена за надградба што значи дека во тој период институциите нема да објавуваат конкурси за вработувања на административци.

Целиот текст прочитајте го на следниот ЛИНК

Општина Прилеп утре ќе отвори теретана во село Мало Коњари

Во рамки на проектот „Зајакнување на луѓето од Пелагонија 2“, утре, вторник 22 октомври во 10:00 часот, во дворот на ООУ „Страшо Пинџур“ во село Мало Коњари, ќе биде предадена во употреба теретана.

На настанот воведно обраќање ќе има градоначалникот на општина Прилеп, Борче Јовчески.

Проектот е поддржан од Амбасадата на Кралството Холандија и има за цел да придонесе кон зајакнување на младите од Пелагонија да станат активни чинители на промени во нивните локални заедници.

Во чест на еден од најмаркантните прилепчани! Crossroad Blues Band утре со концерт во Прилеп во чест на Сале Bluesman!

Овој ноември се навршуваат 6 години откако Сале – Александар Дворчанец реши да свири некаде на друго место…

Фронтменот на познатиот прилепски и европски блуз бенд “Crossroad Blues Band”, е еден од најмаркантните прилепчани кој некогаш живеел во нашиот град. Уметник, кој секогаш ќе го паметиме како еден од најголемите мајстори на усна хармоника и како вистински музички амбасадор на нашиот град и држава.

Сале ќе го паметиме и по неговиот исклучително весел и харизматичен карактер, по безбројните свирки и секогаш прекрасни настапи.

Оваа година, концертот посветен на Сале Bluesman, ќе се одржи во неговиот роден град Прилеп, во клуб “Калинка”, вторник (22.10), со почеток од 21часот. Концертот е организиран од страна на неговата дружина од Crossroads blues band, а истиот е поддржан од Cotton blues festival.

Дојдете и уживајте во прекрасна музика! Да запееме сите заедно во чест на Сале!

Уапсен поранешен претседател

По налог на Специјалното обвинителство против организиран криминал и корупција, попладнево уапсен е Илир Мета, поранешен албански претседател и актуелен лидер на опозициската Партија на слободата.

Според албанските медиуми Мета се наоѓал во близина на трговскиот центар „Каса Италија“ во Тирана во моментот на извршување на наредбата на СПАК.

Мета е обвинет за перење пари, корупција и непријавување имот. Тој неколкупати се појавуваше во СПАК на распит за случајот ЧЕЗ-ДИА. Станува збор за сериозен корупциски скандал во кој е вмешан еден од неговите блиски соработници и измама за наплата на долгот на ЧЕЗ, чешка енергетска компанија која работела во Албанија за време на владата на Сали Бериша а ја приватизира албанската Електродистрибуција, договор кој потоа беше раскинат. И во 2022 година, Мета беше пријавен во СПАК од страна на поранешниот пратеник Халит Валтери.

Мета и неговата сопруга Моника Круемади, кои се во фаза на развод, исто така се под финансиска истрага, како и во врска со прашањето за лобирање во САД.

Мета (55) беше шеф на албанската држава во периодот од 24 јули 2017 – 24 јули 2022 година.

За тие кои го пропуштија! Филмот “Бизнисот на задоволството” и утре во кино “Мис Стон” во Прилеп

Утре, 22.10.2024г., со почеток од 19:30 часот во кино “Мис Стон”, љубителите на филмската уметност ќе имаам можност да го гледаат филмот “Бизнисот на задоволството”.

Влезници за филмот можат да се набават во понеделник и вторник (21 и 22.10.2024 година) од 10:00 до 12:00 часот и еден час пред самата проекција на филмот. Влезниците можат да се набават на билетарницата од киното.
Филмот е наменет за публика +16

****************************************************************

„ Бизнисот на задоволството”

Откако ја изгубила својата најдобра пријателка како жртва на трговија со луѓе, една новинарка опсесивно работи на својата цел да ја разбие мрежата за сексуално ропство. Но, како што нејзините соучесници се приближуваат до шефот, ситуацијата излегува од контрола.

Режисер: Гоце Цветановски

Продуценти: Дритон Рамадани, Богдан Јончевски и Гоце Цветановски

Актери: Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска

Времетраење: 97 минути

Од полноќ: Намалување на цените на горивата

Од полноќ се намалуваат цените на горивата од еден до два денари. Еуросупер БС-95 и Еуросупер БС-98 се намалуваат за еден денар, а дизелот за два денари. За 2,50 денари се намалува и малопродажната цена на Екстра лесното масло за домаќинство.

Според новата одлука на Регулаторната комисија за енергетика, новата цена на Еуросупер БС-95 ќе изнесува 77 ден/лит, а Еуросупер БС-98 ќе се продава по цена од 79 ден/лит.

Новата цена на дизелот ќе биде 68,50 ден/лит, а на Екстра лесното масло за домаќинство 68,00 ден/лит. Се намалува и цената на Мазутот за 0,639 ден/кг кој сега ќе се продава по цена од 42,573 ден/кг.

Од РКЕ информираат дека со оваа одлука се врши намалување на малопродажните цени на нафтените деривати во просек за 2,08 проценти во однос на претходно донесената одлука.

Додека другите денар не даваат за младите и спортот, WIK се покажа на дело (ВИДЕО)

Со донација од германската компанија “ВИК” започна реновирање на две игралишта во Прилеп. Станува збор за спортското игралиште во паркот во населбата “РИД” и игралиштата во “Паркот на револуцијата”.

Донацијата за реновирање на спортски игралишта и паркови од оваа странска фабрика, која успешно функционира во Технолошко-индустриската зона “Алинци”, беше примена на последната 50-та седница на Советот на општина Прилеп, и веднаш почна реализацијата.

Еден убав гест кој треба да го следат и останатите странски инвеститори кои работат и профитираат во општина Прилеп. Тука пред се’ апелираме до раководствата на првиот комшија на “ВИК”, фабриката “ГЕНТЕРМ” и Мермерниот Комбинат, компании кои многупати ја покажале својата општествена одговорност, но имајќи во предвид во каква состојба се наоѓаат детските и спортските игралишта во градот, помош би била добредојдена.

Па да се надеваме дека на следната 51-ва седница на Советот на општина Прилеп, советниците ќе гласаат за примање на донации и од овие компании со странски капитал.

Среда е неработен ден за сите македонските граѓани

Министерството за социјална политика, демографија и млади соопштува дека согласно со Законот за празниците на РМ („Службен весник на РМ„ бр.21/98 и 18/07), 23 октомври 2024 година (среда), Ден на Македонската Револуционерна Борба, е неработен ден за сите граѓани на Република Македонија.

Министерството за социјална политика, демографија и млади на граѓаните на Република Македонија им го честита Денот на Македонската Револуционерна Борба.