дома блог страница 698

Прилепски срам: Koлку треба да си нечовек за да ти смета детскиот џагор и да направиш вакво грозно дело? (ФОТО)

Колку треба да си нечовек за да ти пречи детскиот џагор, па да им ги уништиш реквизитите во паркот полевајќи ги со товатна маст?

-Намачкало товатна маст на сите нишалки во паркот покрај река во едносмерната уличка што води накај мостот табана. Зошто? Која е целта? Да се залепат дечињата, да не се корист паркот? Здравиот разум не може да перцепира, ако имате сознание кој е и што е објавете го јавно да го прославиме – напиша неименуван корисник на социјалите мрежи.

smart
smart
smart
smart
smart

ОБНОВЕНО! Пронајдена исчезнатата прилепчанка – моментално е згрижена во прилепската болница

Николоска Лиљана, која од утрово беше пријавена за исчезната, доцна попладнево е пронајдена и моментално е згрижена во хирушкото одделение при прилепската болница “Борка Талески”.

Жената која боледува од Паркинсонова болест, последен пат била видеа утрово во 10 часот, а семејството преку социјалните мрежи бараше помош од сите граѓани.

Исчезната е постара жена од Прилеп – семејството моли за помош!

Исчезната е постара жена во Прилеп. Според информациите кои се споделуваат на социјалните мрежи, жената боледува од Паркинсонова болест и последен пат е видена денеска во 10 часот наутро.

Семејството моли за помош, па доколку некој ја забележи нека контактира на телефонските броеви:

075/561-641

076/941-332

Извршните околу 120.000, неизвршните околу 50.000 денари – Дали ова се платите на директорите во ТУТ-КОМ?

Во Тутунскиот Комбинад Прилеп, денеска се одржува Генерално Собрание каде ќе се избери новиот Борд на извршни и неизвршни директори на овој некогашен прилепски гигант.

Aлександар Алексоски, Зоран Петрески, Афродита Настеска, Сашко Велјаноски, Гоце Николоски, Афродита Баталовска и Александар Кузманоски се луѓето кои ќе седнат во директорските фотељи, а од нив еден ќе биде и Генерален директор на некогашниот прилепски гигант.

Биографиите на идните директори можете да ги погледнете на следниот линк: https://seinet.com.mk/document/70103

Маркукуле детално ги елаборираше новите имиња кои ќе го предводат комбинатот, а од нашите читатели добивме голем број прашања за тоа колкави се платите на директорите.

Според Годишниот извештај за работата на комбинатот во 2023 година, платите на извршните членови и Генералниот директор, изнесуваат околу 2.000 евра, а на неизвршните членови на Бордот се околу 50.000 денари.

Добри вести од Регулаторна: Од полноќ значително поевтинување на горивата

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 28.10.2024 година и со тоа малопродажната цена на ЕУРОСУПЕР БС-95 изнесува 75,50 ден/лит, додека малопродажната цена на ЕУРОСУПЕР БС-98 изнесува 77,50 ден/лит.

Малопродажната цена на ЕУРОДИЗЕЛ (Д-Е V), се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 28.10.2024 година и со тоа, малопродажната цена на ЕУРОДИЗЕЛ (Д-Е V) изнесува 68,50 ден/лит

Сестрите близначки Тамара и Теодора од Прилеп се нашите Серена и Венус Вилијамс – Викендов се сретнаа во ново финале во Грција

На 02 и 03. 11. 2024 во Вериа Грција, се одржа Меѓународен Турнир во џудо во организација на Џудо Клубот Вергина од Вериа. Џудо клубот “Сеишин” oд Прилеп учествуваше двата денови на овој Меѓународен турнир со вкупно 26 натпреварувачи, а освоени се 18 медали (3 златни, 7 сребрени и 8 бронзени).

Резултати поединечно:

1. Теодора Илиоска 1 во место
2. Бисера Јовеска 1 во место
3. Елдина Пупаловиќ 1 во место
4. Тамара Илиоска 2 ро место
5. Дила Пупаловиќ 2 ро место
6. Бисера Цветкоска 2 ро место
7. Андреа Митреска 2 ро место
8. Хари Фазлиќ 2 ро место
9. Јаков Цветкоски 2 ро место
10. Габриел Илиоски 2 ро место
11. Јована Цветкоска 3 то место
12. Благојче Мантароски 3 то место
13. Петар Ангелески 3 то место
14. Сара Аџиоска 3 то место
15. Марија Марковска 3 то место
16. Владан Стрезовски 3 то место
17 Иван Јошески 3 то место
18. Матеј Јованоски 3 то место

За одбележување е настапот на сестрите близначки Теодора и Тамара Илиоски, кои на турнирот во многу силна конкуренција во категоријата -52 кг за пионерки, ги елиминираа сите противнички и повторно се сретнаа во финалето каде сега доминираше Теодора Илиоска. Двете девојки тренираат интензивно и имаат секојдневни тренинзи во клубот Сеишин-Прилеп, кој труд излегува на површина со резултатите кои ги испорачуваат!

Битолчанец го оставил клучот на брава, па останал без автомобил

-На 02.11.2024 година во 10.20 часот во СВР Битола, А.Т.(23) од село Брусник,битолско, пријавил дека на ул.„Тодор Паница“ во Битола од страна непознат сторител му било одземено неговото патничко моторно возило марка „Форд” со битолски регистарски ознаки.

Истото пријавителот го оставил незаклучено и со клуч на бравата.

Се преземаат мерки за пронаоѓање на возилото – информираат од МВР.

Три месеци без плата, една година без редовно здравствено осигурување – Вработените во прилепскиот “Терминал” излегоа на ШТРАЈК! (ФОТО)

Три месеци без плата, една година без редовно здравствено осигурување, вработените во прилепскиот Терминал се оставени на милост и немилост. Тие денеска излегоја на предупредувачки протест и побараа од раководството на ЈКП Комуналец Прилеп, кој е и основач на оваа филијала, нивниот проблем под итно да се реши.

Терминалот во моментов има 10 вработени, чии семејства мака мачат да обезбедат егзистенција. Во моментов не работи ниту кујната на новите градски гробишта, која е во состав на Терминалот.

Се жалат и претходните вработени, кои велат дека 9 месеци немаат земено отпремнина, ниту јубилејни плати, ниту К-15.

Од ЈКП Комуналец велат дека решение за Терминалот се бара, но не потенцираат кога точно ќе се реши проблемот.

Не е земја во ЕУ, Коце не спие: Во Македонија почна да се асфалтира и навечер (ФОТО)

Вечерни градежни активности на клучката кај Страцин, се асфалтира под рефлектори!

Со ова темпо на работа, можам комотно да најавам дека до крајот на оваа година ќе се вози по новиот експресен пат Страцин – Крива Паланка.

Македонија за тебе!, пишува на социјалната мрежа на Фејсбук директорот на ЈПДП Коце Трајановски.

Две проекции на филмови во киното “Мис Стон” во Прилеп оваа недела

Љубителите на филмската уметност оваа недела ќе можат да проследат две проекции на македонски филмови во кино Мис Стон.

Вечерва / понеделник/ од 19.00 часот ќе можат да го гледаат филмот „Јон Вардар против Галаксијата“, првиот македонски долгометражен анимиран филм, во режија на Гоце Цветаноски. Играат Атанас Атанасовски, Дамјан Цветановски, Елена Тарчуговска , Емилија Мицевска, Жарко Димоски,Мартин Ѓоргоски, Слаѓана Вујошевиќ,Тони Денковски,Филип Трајковиќ.

-Јон е потпросечно интелигентен човек од Земјата. Зарк е нарцисоиден мегаломан – робот кој патува низ вселената и собира примероци за својата интергалактичка Зоолошка градина. Кога двајцата ќе се спојат, ќе настане хаос. Двајцата ќе ги здружат силите за да го заштитат најопасното оружје во Галаксијата да не падне во погрешни раце. Необичното дуо ќе тргне на вселенско патување исполнето со вонземјани, чудовишта, црни дупки, и можен крај на севкупната егзистенција – се вели во образложението за филмот.

На шести ноември 2024 / среда/ од 19.00 часот ќе биде прикажан филмот „На сe доаѓа крај“ во режија на Рајко Грлиќ.

Во филмот се говори за Макс Пинтер, успешен адвокат од Загреб, кој успева да ги отфрли обвиненијата против неговиот клиент за двојно убиство, богатиот и моќен бизнисмен Динко Хорват. На прославата, Макс е пијан и му кажува на Динко дека ладнокрвно ги убил работниците, кои што дошле да прашаат за своите плати. Соочувањето со еден од столбовите на општеството го прави Макс непожелна личност, тој го губи својот партнер и клиенти, а неговата сопруга го напушта. Со својата девојка од универзитетските денови, Нина, започнува мисија за одмазда. Од друга страна, никој во оваа приказна не е целосно невин и сите се тесно поврзани. Играат Jелена Ѓокиќ, Живко Аночиќ, Борис Исаковиќ, Јанко Поповиќ Волариќ, Емир Хаџихафисбеговиќ, Ксенија Маринковиќ, Марина Реџеповиќ, Петре Арсовски. Филмот таре час и половина и е за над 16 години.