Во Синеплекс во Скопје Сити мол премиерно беше прикажан документарниот филм „3 титули“, посветен на успесите на македонскиот автомобилист Игор Стефановски-Иџе.

Ова е приказна за посветеноста, адреналинот и љубовта кон спортот што инспирира иліадници Македонци да го бодрат Иџе на секоја трка.

Филмот е посветен на историскииот подвиг на Иџе кој трипати беше европски шампион на ридски патеки. Ова е прв документарен филм на стриминг платформата Глеј во продукција на Дивисион, а режисер е Јордан Дуков.

Ова е втор документарец за спортските подвизи на Иџе.

„Како спортист, ова претставува особено признание за целата моја кариера и труд вложен во автомобилските трки и во мојата љубов кон овој спорт. Ова е приказна не само за мене, туку и за сите оние што стојат зад мојот успех и ја поддржуваат мојата страст. Благодарен сум на тимот, спонзорите и сите фанови кои веруваат во мене и се дел од оваа возбудлива авантура“, порача Иџе.

Втор ден со ред во Општина Прилеп страдаат двајца велосипедисти во она што се нарекува сообраќајна несреќа.
Тоа може да го викате секако, само несреќа не. Не може на две од пет главни улици во Прилеп да бидат соборени и изгазени двајца наши сограѓани на точак во само 48 часа од кој едниот на пешачки премин во сам центар на град, а другиот исфрлен на шофершајбна како да е несреќа на автопат, а не во сред населено место – пишуваат на социјалните мрежи од иницијативата “ПрилепНаТочак”

-Полиција има и навистина е присутна, речиси во секое кафуле, ресторан, кафеана, кладилница навистина секаде се забележува засилено присуство.

Се друго е дозволено – стои во објавата од “ПрилепНаТочак”

Во Куманово денеска се одржа 5.коло на Првата и Младинска бокс лига. Прилепскиот боксерски клуб “АС” во ова коло настапи со тројца свои боксери, кои ги постигнаа следните резултати:

Влатко Димески настапи во категорија до 63кг. против боксер од “Фамилија Демирови” – Штип. Димески покажа одлична борба, со добро прикажана техника, а борбата заврши со нерешен резултат.

Стефан Пупалески настапи во категорија до 80кг. против боксер од “Универзалци”- Скопје. Прилепскиот боксер борбата ја заврши со победа експресно, со прекин во права рунда.

Давид Карапеев во ова коло остана без противник.

-На 08.11.2024 во 18 часот во маркет во Прилеп при вршење на кражба бил фатен Е.А.(31) од Скопје.

При извршување на делото бил фатен и спречен од обезбедувањето на објектот.

Лицето е приведено во полициска станица Прилеп и ќе следува соодветен поднесок – информираат од МВР.

Основното јавно обвинителство Битола до надлежниот суд поднесе предлог за определување мерка притвор против 23-годишник осомничен за две кривични дела – Полов напад и силување од член 186 став 7 во врска со став 1 од Кривичниот законик, велат од ОЈО Битола.

Против него е поведена постапка, бидејќи во два одвоени настани, на 9 септември и на 7 ноември, полово нападнал две млади девојки и започнал да ги допира.

Жртвите и во двата случаи успеале самите да го оттурнат и да се ослободат, по што осомничениот бегал од местото на нападот. Бидејќи се работи за кривично дело против половата слобода и моралот и затоа што постојат околности кои укажуваат дека осомничениот би ги повторувал ваквите напади доколку остане на слобода, надлежниот јавен обвинител предложи определување притворска мерка, која од Судот е прифатена, истакнуваат од ОЈО Битола.

На 11.11.2024 година / понеделник/ со почеток во 19:00 часот во фоајето на НУЦК „Марко Цепенков“ ќе се одржи концерт на женскиот камерен хор „Керамија“.

На програмата ќе бидат изведени дела од духовен карактер, македонски народни песни, песни од македонска забавна музика и англиски хитови. Диригент Катерина Попоска. Музички соработници на концертот на Женски камерен хор „Керамија“ ќе бидат Иле Иваноски пијано, Менде Ташкоски тамбура, Филип Бурнески тарабука, тапан.

Гости на вечерта се поетите Лина Димоска и Филип Димкоски и ПопРок хор „BIT VOX“ од Битола под диригентска палка на Марина Коруновска и пијано корепетиција Александрa Ристовска .

-На 08.11.2024 во 02.00 часот во ОВР Прилеп, 35-годишна жена од Битола пријавила дека нејзината малолетна ќерка, додека било на гости кај нејзината тетка во Прилеп, била допирана по телото од нејзиниот тетин.

Се преземаат мерки за расчистување на настанот – информираат од МВР.

Минималните температури утрово се -8 Берово, -5 Битола, -4 Струмица, -3 Демир Капија, -2 Скопје-Петровец, Куманово, Штип, Велес, Тетово, Прилеп, -1 Гевгелија, Кавадарци, 0 Скопје-Зајчев Рид, Крива Паланка, Маврови Анови, 1 Претор, 2 Охрид, Виница, Попова Шапка, 5 Крушево.

Во текот на ноќта времето беше претежно ведро, тивко и студено. Утрово е сончево со мала локална облачност и со слаб северен ветер. По одделни котлини има појава на слаба магла.

Наутро студено со појава на слаба магла по одделни котлини. Во текот на денот времето ќе биде сончево со мала до умерена локална облачност. Ќе дува слаб до умерен ветер од северен правец.

Максималната температура ќе достигне од 15 до 21 степен.

Во Скопје утрото студено, во текот на денот сончево со мала локална облачност и со слаб до умерен ветер од северен правец. Максималната температура ќе достигне до 19 степени.