Би сакал да му се заблагодарам на Претседателот на ВМРО-ДПМНЕ и иден Претседател на Владата Христијан Мицкоски за укажаната доверба и чест да бидам Заменик претседател на Владата и Министер за транспорт и врски. Да се биде дел од неговиот тим во ВМРО-ДПМНЕ беше огромна чест и одговорност, истото е и за Владата, се вели во објавата на Александар Николоски, потпретседател на ВМРО-ДПМНЕ.
-Како што го кренавме ВМРО-ДПМНЕ, така ќе ја креваме и Македонија! Народот ни даде огромна доверба. Со многу посветеност и напорна работа ќе ја оправдаме. Ќе правиме убави работи. За Македонија – напиша Николоски.
Локалната Самоуправа на Општина Прилеп апелира до сите граѓани да не вршат сечење, кршење на гранки и кастрење на липите кои се на јавна површина и врз кои се врши нестручна берба на липовиот цвет .
-Уништувањето на јавното зеленило во градот е казниво по закон.
За заштита на липите, во овој временски период, надлежниот Инспекторат при Општина Прилеп заедно со Полицијата ќе бидат на терен и ќе ги санкционираат сите оние кои ќе бидат затекнати на лице место – велат од општината.
Во последната емисија од балканското талент шоу “Никогаш не е доцна”, Сашо Башески од Прилеп ги воодушеви членовите на жирито и публиката со емотивна изведба на песната “Девојка из града”.
Со неговиот препознатлив глас и прекрасна интерпретација на песната, успеа да ја пренесе длабоката емотивност и приказна кои се кријат во оваа нумера.
54-годишниот прилепчанец се занимава со музика повеќе од 3 децении, а своевремено свирел гитара. Иако не загазил професионално во музичките води, од самиот почеток на својата кариера пее заедно со својот брат Дејан, со кого го сочинуваат дуетот “Дуо Башески”.
Eден од првите кои го искажа своето воодушевување од настапот на Башески беше Саша Милошевиќ – Маре, кој не ги криеше импресиите.
“Мене константно оваа песна ми прави слики во главата, особено кога го слушам оригиналот. Го мерам изведувањето на оваа песна со тоа и доколку ги имам истите тие слики во главата, тоа е посебно. Прекрасна интерпретација и прекрасна песна”, истакна Маре, а Џеља додаде:
“Прекрасно навистина уживав. Бевте прекрасни, пеете точно и прецизно”.
Настапот на нашиот прилепчанец слушнете го од 1:10:17 во видето во продолжение:
На спортските терени во Општина Илинден се одржаа 28. Регионални спортски игри на пензионерите од првиот регион, во организација на Сојузот на здруженија на пензионери на Македонија. На овие спортски регионални натпревари учествуваа девет здруженија на пензионери или околу 400 учесници, кои се натпреваруваа во повеќе спортски дисциплини.
На свеченоста по повод отворањето на игрите присуствуваше и градоначалникот на Општина Илинден, Александар Георгиевски, претседателката на Сојузот на пензионерите, Станка Трајкова како и претседателот на здружението на пензионери, Васе Ѓорѓиевски.
Градоначалникот Георгиевски истакна дека со одржувањето на овие спортски игри, на дело се покажува убав пример за здрави навики во секојдневното живеење на повозрасните граѓани, затоа локалната самоуправа секогаш во рамки на своите можности ќе дава поддршка за ваквите манифестации. Регионалните спортски игри се пример дека спортот, желбата и натпреварувачкиот дух се движечка сила особено кога станува збор за луѓето од третата доба. Со поддршката и реализацијата на ваквите активности овозможуваме и создаваме услови за подобар квалитете на животот на нашите пензионери.
Спортските игри се одржаа на неколку локации, во зависност од дисциплината, а пензионерите се натпреваруваа во тегнење јаже, атлетика, кошарка, пикадо, шах и во уште неколку дисциплини во кои си ги одмерија силите.
Најдобрите од Спортските игри ќе учествуваат на Републичките спортски игри, кои ќе се одржат во наредниот период.
Ако на овие пеколни температури планирате да се варите над шпорет и да готвите, а сето тоа ви предизвикува нервоза и одбивност, не грижете се, трк до “АНА МАРИЈА”, таму денеска имаат зготвено јадења за цела царска трпеза.
Едноставно нема што нема, а се’ им е превкусно! Еве што нудат на денешното дневно мени:
✅пилешка чорба
✅телешки гулаш
✅јанија со телешко месо
✅свинско печење BBQ
✅️бегова тава
✅лазања
✅️селско месо-анамарија
✅пилешко на скара во сос со печурки
✅пилешко во тава со крем сос
✅пилешко со кари сос
✅полнет пилешки стек
✅пилешки увијач
✅пилешки похован стек
✅грчко ќофте
✅бурито со пилешко
✅️мрсна сарма
✅мусака во тава
✅ребро во фурна
✅ориз/компир/пире
✅салати
Посетете ги на улица “Мице Козар” после “Футура” маркет, или побарајте ги на телефонскиот број: 075/234-190.
Во организација на ШК “ПРИЛЕП” денеска во Вила “Аврамоски” се одржа Првенство на Прилеп во шах за деца родени 2006 и помлади.
Во прекрасен амбиент, со многу забава и дружење, голем број дечиња се натпреваруваа и надмудруваа пред шаховските табли.
На турнирот покрај од Прилеп, учество зедоја дечиња и од: Струга, Охрид, Ресен, Битола и Струмица.
-Победници се сите – толку весели и насмеани лица немало никаде. Барање е да организираме масовен меѓународен детски шаховски турнир на отворено. Наша цел е шахот да го биде на пиедесталот. Очекувајте нови пријатни изненадувања – напиша на ФБ претседателот на шаховскиот клуб “Прилеп”, Тони Кироски, кој ги објави и победниците на турнирот.
-До 8 години: 1.Андреј Печијарески 2. Дамјан Блажески 3.Борис Петровски
-До 10 години: 1. Мартин Велков 2.Надица Велкова 3.Кристијан Панов
-До 12 години: 1.Симеон Зојчески 2. Давид Долгоски 3.Маја Дамеска и Јован Велески
-До 14 години: 1. Давид Маркушески 2. Стефан Јакопетрески 3. Јован Пуроски
-До 16 години: 1. Никола Павлески 2. Михаил Маркушески 3. Александар Николоски и Теодора Ѓорѓиеска
Прилепските велосипедисти од В.К. & Сервис “ИЛИНДЕН” продолжуваат да нижат успеси и да се искачуваат на пиедесталите.
И оваа година во Општина Илинден за сите љубители на велосипедизмот се одржа Велосипедската трка „Трофеј Илинден“ во организација на Општина Илинден, а во соработка со Велосипедската федерација на Република Македонија, во должина од 100 километри.
На велосипедската трка која е влезена во календарот на велосипедскитрки на Велосипедската федерација на Македонија и се бодува за купот на нашата земја земаа учество околу 70-тина професионални велосипедисти од цела држава во 6 категории: У-23, јуниори, жени, кадети, мастерс и елит.
Успесите за “ИЛИНДЕНЦИ” не изостанаа и на оваа трка, па така Андреј Маџоски беше прв во конкуренција на јуниори, а Константин Костоски освои прво место во кадети.
Третиот прилепчанец, Влатко Лозаноски, беше втор во мастерс. За потенцирање е тоа дека ова беше прва трка за него во роад.
Следната недела се возат Државните првенства во хронометар и друмско.
Среќно момци, нека се множат успесите и во иднина!
Лидерот на ВМРО-ДПМНЕ и мандатар, Христијан Мицкоски, вечерва по Централниот и Извршниот Комитет на партијата даде изјава за јавноста.
Тој ги соопшти имињата на новите министри во македонската Влада.
Министер за транспорт и потпретседател на Влада – Александар Николоски
Министер за одбрана – Владо Мисајловски
Министер за финансии – Гордана Димитриовска Кочоска
Министер за надворешни работи и надворешна трговија – Тимчо Муцунски
Министер за локална самоуправа – Златко Перински
Министер за информатичко општество и дигитална трансформација – Стефан Андоновски
Министер за спорт – Борко Ристовски
Министер за енергетика, рударство и минерални суровини – Сања Божиновска
Министер за земјоделие, шумарство и водостопанство – Цветан Трипуновски
Министер за култура и туризам – Зоран Љутков
Министер за внатрешни работи – Панче Тошковски
Министер за образование и наука- Весна Јаневска
Министер за политички систем – Љупчо Димовски
Министер задолжен за односи меѓу заедниците – Иван Стоилковиќ
Министер задолжен за интеграција и имплементација на Декадата на Ромите – Шабан Салиу
Мицкоски претходно најави дека предлог составот и програмата на владата ќе ги достави до Собранието во вторник, по што треба да биде закажана собраниска седница за избор на новиот владин кабинет. Рокот од 20 дена за состав на владата тече од 6 јуни кога Мицкоски го доби мандатот од претседателката Гордана Сиљановска Давкова.
Еве како Мицкоски ги претстави предлозите за новите министри:
Заменик претседател на владата и министер за транспорт ќе биде Александар Николоски, човек со долгогодишно политичко искуство. Пратеник во повеќе мандати и потпретседател на ВМРО-ДПМНЕ. Тој на оваа позиција доаѓа со голема амбициозна задача за реализација на многу проекти кои што се од стратешко значење за државата, патно и инфраструктурно поврзување. Верувам во неговата посветеност и способност.
Министер за одбрана ќе биде предложен Владо Мисајловски кој е потпретседател на ВМРО-ДПМНЕ, пратеник, поранешен министер за транспорт и врски, со искуство во македонската дипломатија како поранешен државен секретар во МНР. Мисајловски активно работеше за исполнување на високите критериуми за членство во НАТО од таа позиција.
Министер за финансии ќе биде Гордана Димитриеска Кочоска, човек со големо искуство од областа на финансиите, макроекономското работење. Која е мој соработник уште во периодот кога заедно работевме во ЕЛЕМ и која сум убеден дека ќе работи чесно и посветено, со многу енергија и голем професионализам.
Прелог за министер за надворешни работи и надворешна трговија ќе биде Тимчо Муцунски, актуелен професор на Правниот факултет, но и градоначалник на општина Аеродром. Поранешен пратеник и заменик министер за информатичко општество и администрација. Муцунски има богато искуство на меѓународните односи, бил меѓународен секретар на ВМРО-ДПМНЕ, негова задача ќе биде промоција на стратешките цели на Македонија на меѓународен план, како и привлекување на инвестиции и поврзување на македонските компании со потенцијални партнери и зголемување на надворешната трговија.
Министер за локална самоуправа ќе биде Златко Перински, кој остваруваше во минатото повеќе државни и партиски функции. Во одреден период го водеше мојот кабинет, потоа беше директор на скопски Водовод каде за кус период оствари одлични резултати, а сега ќе ја има задачата за поддршка и развој на локалната самоуправа во државата.
Министер за информатичко општество и дигитална трансформација ќе биде Стефан Андоновски кој беше и досегашен дополнителен заменик министер за информатичко општество и администрација. Тој ќе има пред себе амбициозни проекти во областа на информатичкото општество кој ќе има задача да ги реализира, тоа се важни и суштински проекти со кои ќе имаме за цел нулта толеранција на криминалот и корупцијата, зголемување на транспарентноста и нешто што ќе биде мој фокус во годините ко следат да не ни се случува како до сега за неколку стотина денари да не се вади за стотина денари извод од матична книга на родени. Нашите граѓани денес сведочат на такви олеснувачи кои се јавуваат од името на луѓето кои работат таму и за волја на вистината тие луѓе се успешни, дури и мои блиски луѓе таму тестираа јас бев изненаден колку брзо ги добија тие документи иако им беше кажано с месеци да чекаат зборувам за сума од максимум 500 денари ете толку чини срамот на тие луѓе, а за жал тоа е и срамот на цела Македонија.
Министер за спорт ќе биде Борко Ристовски, познат ракометар, со домашни и меѓународни успеси, човек кој гордо и достоинствено ја преставува Македонија како на репрезентативен така и на клубски план и сега ќе има можност лично да придонесува за развојот на македонскиот спорт.
Предлог министер за енергетика, рударство и минерални суровини ќе биде Сања Божиновска која е актуелен член на Извршниот комитет на ВМРО-ДПМНЕ, инаку експерт во енергетиката, има огромно работно искуство во најголемите компании од пазарот на енергетиката и економските системи.
Министер за земјоделство, шумарство и водостопанство ќе биде Цветан Трипуновски човек кој има огромно искуство и речиси целиот свој работен век го посвети на земјоделието.
Предлог за министер за култура и туризам ќе биде познатиот актер Зоран Љутков, кој има блескава актерска кариера и врвни достигнувања во светот културата и се надевам на сериозен ангажман за промоција на културните вредности и поддршка за развој на туризмот, да не ми се налутат другите, но спортот и културата се најголеми промотори на идентитетот на еден народ и држава. Така што како и од едниот и од другиот и од сите останати очекувам многу работа.
Предлог за министер за внатрешни работи останува Панче Тошковски кој во изминатите речиси четири месеци ја извршуваше сосема успешно функцијата технички министер во ова министерство. Верувам во неговиот потенцијал и капацитет за остварување на резултати во борбата против корупцијата и криминалот и обезбедувањето на ред и поредок.
Предлог за министер за образование и наука ќе биде предложена професорката Весна Јаневска, која има богата научна кариера, политички ангажмани и досега успешно ја водеше Комисијата за образование на ВМРО-ДПМНЕ.
Претседателот на Социјалистичката партија Љупчо Димовски ќе биде нов заменик претседател на владата и министер одговорен за политички систем.
Иван Стоилковиќ претседателот на Демократската партија на Србите во Македонија ќе биде исто така предлог за заменик претседател на владата и министер кој ќе биде раководи со ресорот задолжен за односите меѓу заедниците,
Шабан Салиу кој ќе биде министер без ресор задолжен за интеграција и имплементација на декада на Роми.
Низ битолските улици се одржа второто издание на женската атлетска ноќна трка “Биди своја”. Оваа година учество зедоја 350 учеснички, и сите покажаа истрајност и цврстина поминувајќи ја крајната цел.
Во Битола трчаше и новата македонска атлетска надеж, Емили Иваноска од Прилеп, која одново се искачи на највисокото место на пиедесталот.
Ова е трет успех за Емили месецов, која на почетокот од јуни беше прва на 5км. во Охрид на “Охрид Трчат”, а минатиот викенд во истата дисциплина го освои второто место на „Трчаме за Рацин“ во Велес.
Девојката од Прилеп од која се очекува да прерасне во нов атлетски бисер на Македонија, од скоро е нов ученик на Игор Јакимовски, и после одработени 4 неделни напорни тренинзи стигна до првите големи резултати.
Честитки за Емили и желби за многу, многу пиедестали и први места во иднина!
Возбудени сме што можеме да објавиме дека Керов продукција подготвува досега најголем Giveaway во нашиот град.
Искористете ја оваа можност токму вие да бидете срејќниот добитник.
Споделете ја оваа возбудлива вест со вашите пријатели и подгответе се да земете учество.
Правилата и наградите ќе бидат јавно објавени на INSTAGRAM, каде и ќе се одвива целиот процес на Giveaway, кој ќе започне од 22.06.2024 и ќе трае до 22.07.2024.
