Прилепчанецот Владимир Ѓорѓиески имаше историски настап за Македонија на Европското првенство во билијард, кое се одржа во Подчетртек, Словенија.

Ѓорѓиески кој настапи во категорија на инвалиди во количка, во дисциплината 8-ка стигна до третото место, што е прв медал за нашата држава од ваквите натпреварувања.

На истото натпреварување во машка сениорска конкуренција, Македонија ја претставуваше Христо Василевски, актуелниот македонски шампион во сениорска конкуренција, кој издвојува победи против неколку солидни противници, но не успеа да стигне до разигрувањата за медали.

Резултатите на нашиот Владимир можете да ги погледнете ТУКА.

Пожарнкарите од ТППЕ Битола, заедно со вработени од јавните претпријатија, членови на противпожарни друштва и волонтери и денес продолжуваат со интервенции на просторот над обиколницата, каде деновиве се соочуваме со големи пожари. Состојбата во моментот е мирна и нема горење, но на терен интервенираат над 70 лица, кои вршат санирање на локациите кои се потенцијални жаришта и каде што при силен ветер може да настане запалување.

Екипите остануваат на терен се до комплетно ликвидирање на пожарот.

-На 16.07.2024 во 21.00 часот во Прилеп, полициски службеници од ОВР Прилеп ги лишиле од слобода А.А.(20) и В.А.(22), двајцата од Прилеп. Тие се сомничат дека околу 16.30 часот во Прилеп физички го нападнале А.Ш.(30) од Прилеп и му одзеле пари.

Одземеното било пронајдено и вратено на сопственикот, а лицата биле задржани во полициска станица.

За настанот бил известен јавен обвинител и по целосно расчистување и документирање на случајот против нив ќе биде поднесена соодветна пријава по член 237 од Кривичниот законик – информираат од МВР.

Официјално Прилеп доби две заменички министерски места во Владата на Христијан Мицкоски

Владата на Република Северна Македонија до Собранието ги предложи следните имиња за заменици министри, при што целосно се комплетира владиниот тим.

За заменик министер во Министерството за одбрана се предлага Елфет Исмаили. Исмаили е дипломиран економист. Своето работно искуство го започнува во Фонд за магистрални и регионални патишта. Од 2006 до 2008 била директорка на ГЦПЦ Пошта Скопје 2, а од 2008 до 2019 била вработена во АД Македонска Пошта како соработник за маркетинг. Во 2019 до 2024 година била Придружничка на лице упатено во Делегацијата на РС Македонија при НАТО, Брисел, Кралство Белгија.

За заменик министер во Министерството за внатрешни работи се предлага Астрит Исеини. Исеини завршил на Факултетот за физичко образование, спорт и здравје, а се стекнал и со титулата доктор на Науки по Кинезиологија, вонреден професор. Во моментот е вонреден професор на Тетовски универзитет и на Факултет за Биотехнички науки во Битола.

За заменик министер во Министерството за правда се предлага Ален Деребан. Деребан е магистер по право од областа на меѓународно право и меѓународни односи, со завршен правосуден испит. Од 2014-тата година има сопствена адвокатска канцеларија, а во два мандата е и советник во Советот на Општина Струга.

За заменик министер во Министерството за односи со заедници се предлага Неждeт Мустафа. Мустафа е дипломиран професор по филозофија. Од 1996 до 2002 година бил градоначалник на Општина Шуто Оризари. Потоа бил дел од македонското собрание како пратеник, а од 2006 до 2017 година е назначен за Министер без ресор – Национален координатор на Декадата и Стратегија за Ромите.

За заменик на министерот во Министерството за надворешни работи и надворешна трговија се предлага Зоран Димитровски. Димитровски е магистер на политички науки, а има долгогодишно работно искуство во медиумите, како главен и одговорен уредник. Димитриевски од 2020 до 2023 година бил избран за заменик министер за локална самоуправа.

За заменик министер во Министерството за европски прашања се предлага Викторија Трајков. Трајков завршила на Универзитет Св. Климент Охридски Битола, и се здобила со титулата доктор на економски науки. Од 2010 година е вработена во Министерството за надворешни работи и надворешна трговија. А од 2019 година е избрана за доцент на Универзитет Скопје.

За заменик на министерот во Министерството за финансии се предлага Николче Јанкуловски. Јанкуловски е доктор на економски науки, а во моментот е редовен професор на Катедрата за агроекономија на Универзитетот Св. Климент Охридски во Битола. Има издадено повеќе домашни и меѓународни публикации.

За заменик на министерот во Министерството за економија и труд се предлага Марјан Ристески. Ристески е дипломиран економист, од 2005 до 2017 година бил Градоначалник на Општина Прилеп. Добитник е на неколку меѓународни и домашни признанија.

За заменик на министерот во Министерството за енергетика, рударство и минерални суровини се предлага Мирослав Лабудовиќ. Лабудовиќ е магистер по електротехника и информациски технологии. Од 2022 година е менаџер на инженеринг во Корпорацијата Теламон.

За заменик на министерот во Министерството за земјоделство, шумарство и водостопанство се предлага Флакрон Беџети. Беџети е професор по политички науки на Универзитет Мајка Тереза Скопје. Тој има долгогодишно работно искуство во Фондот за пензиско и инвалидско осигурување во Република Северна Македонија. Бил државен секретар во Министерството за труд и социјална политика, а во моментот е раководител на одделение за претставки и предлози, Правен сектор.

За заменик на министерот во Министерството за здравство се предлага Јовица Андовски. Андовски е дипломиран економист, од 2011 до 2017тата година бил заменик министер за здравство. Тој бил В.Д. Директор на Секретаријатот на Здравствената мрежа на Југоисточна Европа, како и национален координатор на SEEHN на Република Северна Македонија.

За заменик на министер за образование и наука се предлага Лулзим Алиу. Алиу е доктор на филолошки науки. Тој е редовен професор по предметот Методика на наставата по албански јазик, Литература за деца на Педагошки факултет „Свети Климент Охридски” Скопје при Универзитет „Св. Кирил и Методиј – Скопје”. Од 2023 до 2024 година бил Продекан.

За заменик на министерот во Министерството за социјална политика, демографија и млади се предлага Ѓоко Велковски. Велковски е дипломиран економист. Има долгогодишно работно искуство во Министерството за труд и социјална политика, бил Секретар на Град Скопје, а во последната техничка Влада беше технички министер за труд и социјална политика. Од 2013 до 2024 година бил советник во Советот на Општина Чаир.

За заменик министер во Министерството за локална самоуправа се предлага Ерџан Селими. Селими е магистер по политички науки. Од 2009 до 2014 година бил советник во кабинетот на министерот без ресор. Од 2014 до 2024 година бил државен службеник во Генералниот секретаријат на Владата, а од 2017 до 2024 година бил советник во Советот на Град Скопје.

За заменик министер во Министерството за култура и туризам е предложен Седат Сулејмани. Сулејмани има завршено Педагошка Теологија на Универзитет Улудаг – Бурса во Турција. Бил заменик министер за култура, а од 2023 година е вработен во Општина Тетово како советник за стручно административна поддршка на општинскиот инспекторат.

За заменик министер за дигитална трансформација е предложен Радослав Настасијевиќ Варџиски. Настасијевиќ Варџиски е магистер на економски науки – отсек маркетинг менаџмент, а од 2019 до денес работи во Општина Куманово.

За заменик на министерот кој ќе раководи со Министерството за јавна администрација се предлага Лазе Јаќимоски. Јаќимоски е вонреден професор на Правен факултет – Кичево, Универзитет Св. ,,Климент Охридски” Битола. Има издадено повеќе домашни публикации.

За заменик на министерот во Министерството за транспорт се предлага Калтрина Зеколи Шаќири. Зеколи Шаќири е доктор на науки. Од 2016 до 2023 година е професор на Универзитетот Мајка Тереза, Факултет за социјални науки, а од 2023 до 2024 година била избрана за в.д декан.

За заменик на министерот во Министерството за животна средина и просторно планирање се предлага Ане Лашкоска. Лашкоска дипломирала на Природно математичкиот факултет во Скопје и се здобива со титулата инженер по хемија. Лашковска беше долги години пратеник во македонското Собрание.

За заменик на министерот во Министерството за спорт се предлага Сафије Садики Шаини. Садики Шаини е инженер по Информатика на Природно – математичкиот факултет при Државниот универзитет во Тетово, каде што од 2012-2019 била вонреден асистент по информатика. Таа била пратеничка во парламентарниот состав 2020 до 2024 година. Од 2020 година е асистентка по информатика на Универзитетот Мајка Тереза.

Продолжувајќи го континуитетот на учество на големите турнири, најдобрите македонски судии, Славе Николов и Ѓорѓи Начевски ќе учествуваат на Летните Олимписки Игри во Париз информираат од Македонскиот Олимписки Комитет.

Зад себе нашата судиска двојка има судено врвни натпреварувања од кои ќе ги споменеме последните:

Финале на Олимписките игри во Токио 2021, Светското првенство во Шведска во 2022 година, финалето на СП во 2023 година во Унгарија, Шведска и Австрија, како и полуфиналето на ЕП во 2024 година во Германија и како круна, финалето во Лигата на шампионите оваа година.

Најдобра судиска двојка во светот во избор на Светската ракометна федерација (ИХФ), ќе ја дели правдата на Олимписките игри во Париз. За Начевски и Николов ова ќе биде четврта Олимпијада, по Лондон, Рио и Токио.

Машкиот ракометен турнир во Париз го сочинуваат две групи. Во групата А се репрезентациите на Шпанија, Хрватска, Германија, Словенија, Шведска и Јапонија, а во групата Б се селекциите на Данска, Норвешка, Унгарија, Франција, Египет и Аргентина.

На женскиот ракометен турнир во Париз исто така има две групи каде во групата А се репрезентациите на Норвешка, Германија, Словенија, Шведска, Данска и Јужна Кореја, а во групата Б се селекциите на Унгарија, Холандија, Шпанија, Франција, Бразил и Ангола.

“Вечерва сум посебно среќен затоа што добив огромна поддршка од моите сограѓани и пријатели од мојата Битола. Ова ми дава сила да продолжам понатаму да се борам со огнената стихија која ја погоди Битола и цела Македонија. Не смееме да заборавиме да им оддадеме чест и поддршка на сите кои беа долу и се бореа со огнот без престан. Тие се вистински херои! Ви благодарам на сите за убавите зборови”, напиша на својот ФБ Васко Михалчев, битолчанецот кој со еден од канадерите постојано се бори со огнените стихии ширум државата, а вчера цел ден водеше борба со огнената стихија над обиколницата кај Битола.

Koмпанијата Euro Glass Trejd од Прилеп го проширува својот тим и има потреба од вработување на:

Лица за производство и монтажа на
ПВЦ и Алуминиумски врати и прозори
Број на отворени позиции: 2 (две)

Потребни квалификации:

Со или без работно искуство.

Заинтересираните кандидати за позицијата својата кратка биографија (CV) може да ја достават онлајн на следниот ЛИНК

Контакт за повеќе информации: 078/363 775

Секторот за внатрешни работи Битола во текот на вчершниот ден (15.07.2024) во периодот од 14.00 до 20.00 часот на подрачјето на СВР Битола спроведе регионална акциска контрола за откривање на прекршоци сторени од возачи на мотоцикли, при што преземени биле вкупно 31 мерка (16 на подрачје на Битола и 15 во Прилеп).

Исто така, при контролата откриени биле и 21 останати прекршоци – информираат од СВР Битола.

Огнот повторно се разгоре над обиколницата на Битола. Екипите на ТППЕ Битола, постојано се на терен и работат на ставање на ситуацијата под контрола и локализирање на пожарот – стои во соопштението кое попладнево пристигна од општина Битола.

-Паралелно се врши и координација со општинскиот кризен штаб за вклучување на сите расположливи сили и ресурси согласно потребите. Во комуникација на градоначалникот Тони Коњановски со Центарот за управување со кризи и Дирекцијата за заштита и спасување, повторно најавена е воздушна поддршка во гаснењето на пожарот – се вели во соопштението.

Вчера (15.07.2024) полициски службеници од ОВР Македонски Брод ги лишиле од слобода лицата: Т.Т.(63) од Македонски Брод, А.Т.(39) од Македонски Брод, Д.Д.(21) од с.Суводол, Македонски Брод и И.М.(29) од Кичево. Тие се сомничат дека се инволвирани во кривично дело по член 123 од Кривичниот законик.

Според билтенот на МВР:

„Т.Т. пријавил во полициска станица дека околу 23.00 часот, во дворот од неговата куќа во с.Калуѓерец, општина Македонски Брод, при чистење на ловечка пушка, пушката испукала еден куршум кој го погодил Д.С.(31) од Кичево, со кого сите заедно биле на лов. Од здобиените повреди Д.С. починал на местото, а смрт констатирал лекар од Итна медицинска помош“.

Увид на местото извршила увидна екипа на ОВР Македонски Брод, а по наредба на јавен обвинител телото на починатиот било предадено на обдукција, велат од МВР.