Надворешната канцеларија за криминалистички работи Ресен поднесе кривична пријава против Д.К.(32) од Битола, поради постоење основи на сомнение за сторено кривично дело „загрозување на сигурноста“ во врска со семејно насилство.

На 01.07.2024, пријавената во семејниот дом со нож упатила закани на нејзините баба и дедо.

Во рамките на проектот “Од 0 до култура”, кој се реализира со свирки во живо секој четврток на камената бина во центарот на Прилеп, вечерва за прв пат ќе не загреат The Flames, дечките кои за многу кратко време и со голем труд ја вжештија музичката сцена во Прилеп.

The Flames е бенд кој што официјално постои од 11.10.2023 година, во состав од: Сергеј Попоски (вокал), Ивана Стојкоска (водечка гитара), Тамара Радеска (бас гитара), Филип Сотиров (ритам гитара) и Давид Рунески (тапани).

Во првиот дел од вечерта ќе имате можност да ги слушате најголемите хитови од легендарните Red Hot Chili Peppers, а додека во вториот дел The Flames ќе ве забавуваат со песни од многу други различни бендови.

Настапот e закажан со почеток од 21часот.

По прекрасниот концерт на Андријана Јаневска, придружувана од звуците на Ратко и Драган Даутовски, на платото од црквата Св. Петка во Прилеп, ќе се одржи уште еден концерт. Прилепчани ќе можат да уживаат во изведбите на женскиот камерен хор „Керамија“ и црковниот хор “Св.Петка”.

Соопштението од храмот го пренесуваме во продолжение:

Почитувани сограѓани,
Во преубавиот амбиент на платото пред храмот Св. Петка, со задоволство Ве покануваме на концерт на духовна и македонска народна музика кој е дел од циклусот хуманитарни концерти за доизградба на храмот Св. Петка.

На концертот кој ќе се одржи на 24(среда) јули со почеток во 20:30 часот, ќе настапат:

– Женскиот камерен хор „Керамија“ под диригентската палка на Катерина Попоска, дипломиран музичар теоретичар и педагог. Во своето едногодишно постоење, хорот постигна забележителни резултати на државно и меѓународно ниво. Тие ќе се претстават со духовни композиции од Бортњански, Архангелски и други, како и македонски народни песни.

– Црковниот хор „Св. Петка“ под диригентската палка на протопсалт м-р Гоце Секулоски. Хорот активно учествува во молитвено-литургискиот живот на храмот и останатите храмови во Прилеп, а има настапувано на бројни културни манифестации во Македонија. Тие ќе се претстават со духовни композиции од композитори како Христов, Мокрањац, К. Македонски, А. Бадев, Скаловски, Секулоски и други.

Вашето присуство на овој концерт не само што ќе го збогати вашето духовно и музичко доживување, туку ќе придонесе и кон доизградбата на нашиот свет храм. Ве покануваме да ни се придружите заедно со вашите семејства и пријатели и со вашата поддршка да помогнете во оваа благородна акција. Секој ваш придонес е чекор поблиску до нашата заедничка цел.

Ве очекуваме со радост да ја споделиме оваа музичка и духовна вечер.

Со почит,
Организационен одбор на хуманитарните концерти „Од векови за векови“

### Црковниот Хор „Света Петка“ – Прилеп

Црковниот хор „Света Петка“ од Прилеп, основан во 2015 година од протопсалт м-р Гоце Секулоски, претставува светилник на духовната и музичката сцена во Македонија. Основан со цел да ја поддржи богослужбената и духовната дејност на храмот „Света преподобна маченица Параскева – Петка“, хорот брзо се истакнува како значаен фактор во литургискиот живот на Македонската Православна Црква.

Покрај своето учество во молитвено-литургискиот живот на црквата, хорот „Света Петка“ заедно со својот ансамбл „Пелагонитиса“ организира хуманитарни концерти и настапува на реномирани културни манифестации во Македонија, како што се Прилепско лето, Денови на крал Марко и Фестивал за црковно пеење „Св. Нектариј Битолски“. Нивното учество на јубилејната прослава на Богословскиот факултет во Софија е особено значајно, каде што не само што настапиле, туку и учествувале на научна конференција посветена на прилепчанецот и Старозагорски митрополит Методиј Кусев.

Со поддршка на Општина Прилеп, хорот го издаде мултимедијалното ДВД „Крепост и Достолепие Македонски – десет прилепски цркви и манастири“, кое придонесува кон развојот на духовниот и манастирскиот туризам во градот.

Репертоарот на хорот е богат и разнолик, опфаќајќи дела од ренесансни композитори како Палестрина и Бирд, до славни руски, српски, украински, бугарски и македонски автори како Алеманов, Архангелски, Христов, Мокрањац, А. Бадев, К. Македонски, Скаловски и Секулоски. Нивната музика допира до срцата на верниците и љубителите на хорската музика, негувајќи ги вековните традиции и духовни вредности.

Црковниот хор „Света Петка“ од Прилеп е вистински чувар на македонското духовно и културно наследство, пренесувајќи ја светлината на верата и музиката на сите кои ќе го слушнат. Нивната посветеност и уметничка извонредност ги прави неизоставен дел од духовниот и културниот живот на Македонија.

Женскиот камерен хор “Керамија” од Прилеп, оформен во јануари 2023 година, под диригентската палка на харизматичната Катерина Попоска, дипломиран музичар, теоретичар и педагог, брзо стана симбол на музичката елеганција и посветеност. Во овој хор, се сплотија талентирани хористи со претходно музичко знаење, кои преку своите гласови создаваат вистинска музичка магија. Хорот го сочинуваат: Ане Г. Чесноска, Оливера Цветаноска, Билјана Црвенкоска, Маја Јорданоска, Катерина А. Димеска и самата диригентка Катерина Попоска, која воедно и пее.

Репертоарот на “Керамија” е вистински музички мозаик, обединувајќи духовни композиции, англиски комерцијални хитови и македонски староградски песни. Оваа музичка разновидност им дозволува на хористите да изразат различни емоции и да создадат уникатни музички доживувања за публиката.

Во текот на изминатата година, хорот учествуваше на неколку значајни настани и фестивали, меѓу кои:

– Меѓународниот хорски фестивал “ТеХо” 2023 во Тетово.
– Меѓународниот фестивал на камерни хорови “Астибо” во Штип.
– “Зимска приказна” во Битола со Божиќни композиции.
– “Предновогодишен базар” во Прилеп.

Од натпреварувачки карактер, хорот ги воодушеви сите со своите достигнувања:

– Специјална награда на Меѓународниот фестивал “Art in” во Кавадарци.
– Прво место во категорија камерни состави на Меѓународниот “Пијано фест” во Битола.

На “ТеХо” 2024, хорот беше прогласен за еден од најдобрите фестивалски перформанси од страна на стручната јавност. Овие успеси, и покрај краткиот временски период од нивното постоење, докажуваат дека Женскиот камерен хор “Керамија” е на патот кон професионалноста во хорската уметност.

Најсовремената самоуслужна автоперална во Прилеп, GALA WASH e повторно со вас! Лоцирана покрај Градската река, на улица “Кеј 1-ви Мај”, GALA WASH е местото каде можете да му пружите најдобра нега на вашето возило, и сето тоа без чекање, сами, а сега и по најниски цени во целиот град.

Цената на еден жетон е само 25 денари, а со тоа добивате 90секунди. Само тука вашето возило можете да го перете со топла вода (55 Степени помешана со шампон), а ако сакате вашиот миленик на четири тркала навистина да заблеска, тогаш на располагање ви е и опцијата за нанесување восок со ладен воден млаз.

Покрај тоа GALA WASH нуди и можност за плакнење на возилото без бришење, со дестилирана вода, а откако добро ќе го светнете возилото однадвор, редно е да се упатите на следната станица, односно добро да ја исчистите внатрешноста. За 1 жетон од 25денари добивате 180 секудни за користење на правосмукалка.

Она што мора да се потенцира е тоа дека автопералната користи исклучиво докажан бренд на хемиски средства, односно од реномираниот белгиски производител NERTA.

На вас останува после дождливото време, да ги посетите и да се уверите во пишаниот збор одблиску.

На првата следна седница на Советот на општина Битола, градоначалникот Тони Коњановски ќе поднесе иницијатива, за доделување награда од страна на Советот на општина Битола на вработените во Територијалната противпожарна единица, за нивното особено залагање и максимално
ангажирање во гаснењето на пожарите и справувањето со огнената стихија над градот.

„Од првите кризни моменти на теренот, кога започна пожарот во понеделникот попладне на 15.07.2024 година, на ридовите над обиколницата, сите припадници на ТППЕ Битола, максимално, деноноќно, беа постојано на терен и работеа напорно да се стави пожарот под контрола, иако временските прилики воопшто не беа на нивна страна. Со повеќекратни налети на канадерите, испратени како државна помош од страна на Дирекцијата за заштита и спасување и Центарот за управување со кризи, големиот пожар сепак беше ставен под контрола, но пресудно беше присуството на пожарникарите на теренот, кои продолжија да се борат на нови опожарени локации, заедно со постојана поддршка на јавните
претпријатија и граѓаните, кои индивидуално и преку разни здруженија, максимално помогнаа да се стабилизира состојбата, без да имаме катастрофални последици. Кризниот штаб постојано ја следеше состојбата на терен и со взаемна координација, се делуваше во сите можни насоки.

Волонтерите од доброволните друштва, паралелно со пожарникарите помагаа на теренот. Тука беа дел од Чкембарите, мотокрос друштва, Доброволното противпожарно друштво Архангел, волонтери, па дури и младиот Митат кој цела вечер со мотокрос носел вода за пожарникарите и доброволците. Млади битолчани, самоиницијативно со своите теренски возила, помагаа при достава на храна и вода. Тука и е битолчанецот Васко Михалчев, кој беше дел од пилотите кои го гаснеа пожарот од воздух. Медиумите, со постојаното следење на состојбата исто така дадоа своја поддршка и беа будното око над градот, известувајќи за секоја теренска новонастаната состојба. И доколку некого изоставив, простете ми, но покажавте голема пожртвуваност и без сите Вас, предводени од нашите пожарникари, навистина исходот можеше да биде катастрофален за Битола и битолчани“, рече градоначалникот Тони Коњановски, образложувајќи ја иницијативата за доделување награда на околу 40-тина вработени во ТППЕ Битола.

Овие денови неиздржливо е да се живее во Крушево. И кога треба да уживаме во воздушните бајни, за ги напуштиме градските средини и да претстојуваме во оваа планинската убавина, се случува непријатно изненадување.

Неподнослива мириба се шири низ градот. И тие малку туристи од странство, претежно параглајдеристи и неколкуте домашни, бурно реагираат на овој хаос.

Крајно време е локалната самоуправа да преземе нешто. Вчера пожарот од депонијата се проширил и на нискостеблеста шума, па сега се апелира истиот да биде ставен под контрола.

Од општината кусо на социјалните мрежи велат дека во моментов гори борова и нискостеблеста шума, а се обратиле и до ЦУК од каде побарале помош за гаснење на пожарот.

Во серијата состаноци со градоначалниците, денеска министерот за локална самоуправа Златко Перински имаше работен состанок со градоначалниците од Пелагонискиот плански регион.

-До крајот на месецот ќе остварам средби со сите градоначалници, директните разговори се најдобриот начин да се запознаам со состојбите во општините, со проектите што се реализираат но и со отворените прашања на чие што решавање интензивно ќе работиме заедно, рече министерот Перински.

Министерот Перински истакна дека општините и планскиот регион треба да ја интензивираат работата за поефикасно финализирање на започнатите проекти и брзо да ја комплетираат проектната документација за нови проекти кои што ќе бидат финансирани од Владата во наредниот период. Средства ќе бидат обезбедени, потребни се добри проекти и подготвеност од страна на општините за нивна ефикасна и квалитетна реализација, рече Перински.

-Министерството за локална самоуправа ќе обезбеди поддршка во текот на целиот процес, но исто така ќе врши и комплетен надзор над изведбата и на трошењето на наменските средства, рече министерот Перински.

На состанокот беше истакнато дека соработката меѓу двете нивоа на власт ќе биде интензивирана заради решавање на сите отворени прашања за подобро функционирање на општините.

-Услугите за граѓаните се на прво место и секој предлог или забелешка од локалните власти, но од сега и од граѓаните кои ќе можат директно да комуницираат со Министерството, ќе бидат сериозно разгледувани и во соработка со другите надлежни министерства ќе ги решаваме на најефикасен можен начин, рече министерот за локална самоуправа Златко Перински на состанокот со градоначалниците од Пелагонискиот плански регион.

Градоначалниците од овој регион истакнаа дека се подготвуваат со проекти да конкурираат за поддршка. Од инфраструктурните проекти беа посочени изградба на нова улица и мост во Прилеп, пат во село Јакреново во Крушево, доизградба на доводен цевковод за водоснабдување во општина Могила, изградба и реконструкција на канализациона мрежа од 6км, и водоводна мрежа од 10км во Битола и други.

Општина Кисела Вода е првата општина која обезбеди бесплатни логопедски, дефектолошки и психолошки третмани за децата кои имаат ваква потреба, како и и психоедукација и стручна поддршка за нивните семејства.

Градоначалникот Орце Ѓорѓиевски потпиша Меморандум за соработка со Центар за психофизичко здравје „Гаспар“. Согласно договореното, во новоотворените простории на оваа институција во Припор, кои ги обезбедува Општина Кисела Вода, тим од специјалисти ќе нуди бесплатни услуги за деца од предучилишна и училишна возраст за кои, во соработка со градинките и училиштата, е проценето дека имаат ваква потреба. Предност ќе имаат децата од социјално загрозените семејства.

„Денес ставивме потпис на еден значаен документ преку кој Кисела Вода станува првата општина во која деца што имаат потреба, ќе добиваат бесплатни психолошки, логопедски и дефектолошки третмани, а професионална поддршка ќе има и за нивните семејства. Како општина која во континуитет активно презема мерки и активности во интерес на своите граѓани особено во делот на социјалната заштита, на Центар за психофизичко здравје “Гаспар” му обезбедивме простор во Припор, додека тие го обезбедуваат стручниот кадар-тимот од логопеди, психолози, специјални едукатори и рехабилитатори, за што посебно сакам да му се заблагодарам на Фики Гаспар од“Гаспар” – Центар за психофизичко здравје. Како што денес дискутиравме и со него и со нашиот гостин, проф.д-р Владимир Илиевски, работата со стручни лица кога е евидентиран некаков проблем или пречка кај младите лица, дава огромни резултати, па придобивките од овој проект е бидат значајни и индивидуално и за целата наша заедница. Посебно е важно што договоривме и обуки за кадрите во училиштата и градинките, со цел да се осигураме дека сите деца добиваат соодветна и квалитетна поддршка. Ова е само почеток на нашата соработка и се надевам дека и со овој и со проектите кои следуваат, ќе обезбедиме помош за оние на кои им е најпотребна и ќе го подобриме животот на сите граѓани на општина Кисела Вода“, напиша Ѓорѓиевски.

На 17.07.2024 во Прилеп, полициски службеници од ОВР Прилеп го лишиле од слобода С.А.(22) од Прилеп, поради сомнение за сторено кривично дело „кражба“.

При преглед кај него биле пронајдени марихуана, таблети, различен накит и банкноти во различни апоени.

Одземените предмети биле вратени на сопственикот, а по документирање на настанот против него ќе биде поднесе соодветна пријава – информираат од СВР Битола.

Центарот за управување со кризи (ЦУК) информира дека во последното деноноќие имаше вкупно 24 пожари на отворено, од кои активни утрово се 13.

-Врз нив од рани зори противпожарно се дејствува по земја и со воздухопловна поддршка од сите летала што се во моментот на располагање и домашни и од другите земји кои испратија летала како помош во кризната состојба заради пожарите од поголеми размери во Македонија, велат од ЦУК.

Утрово вкупно активни се 13 пожари во:

-Општина Неготино: с.Калањево (каде што гориниско стеблеста шума и грмушки);

– Општина Гевгелија: Помеѓу с.Негорци и с.Кованец (мешана шума);

– Општина Радовиш: кај с.Штурово (ниско стеблеста шума);

– Општина Чашка: с.Јаболчишта и с.Дреново врв Лисец (високостеблеста вегетација)

-Општина Росоман: с.Сирково и с. Подлест (нискостеблеста шума и ниска вегетација);

– Општина Студеничани: место викано Бегово Поле (ниска вегетација и шума);

-Општина Зелениково: с.Вражале (ниска вегетација и шума);

– Општина Штип: помеѓу селата Драгоево и Селце, м.в.Хаџи Реџепи (ниска вегетација и грмушки);

-Општина Чашка: с.Габровник префрлен пожар од с.Слепче, (мешана шума и ниска вегетација);

– Општина Долнени с. Слепче и с.Гостиражни (ниска вегетација и дабова шума);

-Општина Ново Село: над с.Бадилен (дабова шума и борова шума)

-Општина Конче: кај с Горни и Долни Липовиќ (нискостеблеста шума) и во

– Општина Делчево (се уште гори градска депонија).

Вкупно изгаснати се 11 пожари на отворено.