Египетската натпреварувачка во мечување, Нада Хафез (26), оствари чудесен резултат – победи на Олимписките игри во седми месец од бременоста. Верувале или не, оваа храбра идна мајка дојде на Олимписките игри на неколку недели од датумот предвиден за породување и не отстапи од својот олимписки сон. На третиот ден од натпреварувањето, таа победи над Американката, Елизаберт Тарковски со резултат 15:13, а потоа загуби од Корејката, Јеон Хајоунг.

“Олимпијка во седмиот месец од бременоста”, напиша таа на Инстаграм во објава која пробуди многу емоции.

“Што се случува кога на подиумот се двајца натпреварувачи, односно тројца. Јас и моето бебе поминавме низ бројни предизвици, физички и емоционални. Ролеркостер бременоста е тешка сама по себе и борбата за одржување на рамнотежа помеѓу животот и спортот беше напорна, колку и да се исплати тоа. Го пишувам ова за да кажам дека сум горда, затоа што го изборив своето место во осминафиналето. Среќна сум на поддршката од мојот сопруг и моето семејство, за да дојдам олку далеку. Овие Олимписки игри се малку поразлични. Јас сум трет пат на Олимпијада, но овој пат во себе носам и едeн мал натпреварувач”, напиша таа.

Денеска (01.08.2024) е исплатена бонус плата за 2023 година, право кое го оствариле 5.635 вработени во МВР, објави денеска министерот за внатрешни работи, Панче Тошковски на неговиот Фејсбук профил.

– Поединечниот износ на бонус платата изнесува 36.614 денари. Бонус платата е исплатена на вработени во МВР кои што оствариле над 150 часа прекувремена работа на годишно ниво за 2023 година, напиша министерот Тошковски.

-Такви сме ние луѓето од ИСТОЧНА Македонија….Помош за секого, во било какво време или невреме – стои во описот на видеото кое од вчера масовно се споделува на социјалните мрежи. Еден убав хуман гест кој заслужува секаква пофалба!

Бокс турнирот на ЛОИ во Париз во категоријата до 66 килограми понуди уште еден скандал, а одново во центарот на вниманието беше Иман Келиф, алжирската боксерка која на минатото Светско првенство падна на ДНК тестот кој покажа дека има машки хормони.

И покрај тоа, 25-годишната Келиф доби дозвола за настап во Париз, а дуелот против италијанската боксерка Анџела Карини го доби по само 46 секунди.

Италијанката реши да се повлече и го предаде мечот, не сакајќи да боксува против машко. Иако го започна, по неполна минута таа сигнализира дека се предава.

Единствен човек на кој му завидувам е Павле Трајанов. Абе како успева да си е.и векот… – напиша на ФБ естрадниот пејач Спасен Силјаноски

На Германските гробишта во Прилеп, со панихида и со полагање на цвеќиња на спомен рускиот крст, делегација од Амбасадата на Руската федерација, предводена од Н.Е. Сергеј Баздникин, амбасадор, на претставници од општина Прилеп, од Македонско руско друштво Прилеп и од Сојузот на македонско руски друштва на Македонија, беше одбележан 1 Август – Денот на сеќавањето.

Пред присутните се обрати амбасадорот Сергеј Баздникин, кој посочи дека одбележувањето на Денот на сеќавањето е по десетти пат, откако е поставено спомен обележјето и дека крвавиот конфликт во Првата светска војна одезел животи на осум милиони војници.

-Војниците покажае одважност и храброст. Пет илјади руски војници загинале во битките на македонската земја. Десет од нив се погребани на овие гробишта. Вечна им слава. Се свртуваме кон историјата од Првата светска војна да потсетиме на тоа колку разорни се поделбите на алијанси и од политиката на конфронтација – рече рускиот амбасадор.

Баздникин посочи дека Русија цврсто ќе ги брани своите интереси и ќе направи се за сигурно обезбедување на безбедност, вклучително и за сојузниците, за заштита на легитимните права на руските граѓани и сонародници.

– Позицијата на Русија е отворена и позитивна – активно учествуваме во формирањето на фер мултиполарен свет со еднакви права и можности за сите цивилизации, заснован на принципот на доверба, неделлива безбедност и разгледување на меѓусебните интереси, изнесуваме релевантни предлози, вклучително и иницијативата на Путин за создавање на еконтинентална архитектура на безбедност во евроазискиот простор. Стремежот кон мир и конструктивна соработка меѓу државите да биде врз взамна рамноправност и почитување, немешање во внатрешните работи, што е карактеристика на руската надворешна политика – истакна Баздникин, потенцирајќи дека интеракцијата меѓу Македонија и Русија денес е пред големи предизвици.

Денеска (01.08.2024) министерот за внатрешни работи Панче Тошковски, заедно со раководството на СВР Скопје, присуствуваше на потпишувањето на договорите на новите полициски службеници кои беа дел од генерацијата на кандидати за полицајци 2023/2024 година и кои станаа дел од македонската полиција, при Секторот за внатрешни работи Скопје.

Упатувајќи честитки до новите полициски службеници, министерот Тошковски истакна дека на овој начин создаваме професионална полиција која ќе ја гарантира безбедноста на граѓаните.

„Бидете сервис на граѓаните, полиција која ќе ги обезбеди и овозможи сите граѓански слободи и права. За да се борите со криминалот, мора вие да бидете чесни. Бидете дел од правдата, останете доследни на законот и штитете ги интересите на граѓаните и државата. Во вашето понатамошно работење мора да постапувате еднакво и независно од личните определби, религиозни уверувања, национална припадност… Дискриминацијата по било кој основ е забранета“, рече министерот Тошковски.

Заменик министерот за внатрешни работи Астрит Исени и заменик директорот на БЈБ Арбен Јашари, заедно со раководството на СВР Тетово присуствуваа на потпишувањето на договорите на новите полициски службеници кои станаа дел од македонската полиција, при Секторот за внатрешни работи Тетово, каде заменик министерот истакна дека полицијата треба да им служи на сите граѓани во нашата држава.

„Искрени честитки до новите полициски службеници. Тука сте да им служите на сите граѓани во државата. Да го одржувате редот, мирот и да се борите против секаков вид на криминал“, нагласи заменикот министер за внатрешни работи Исени.

Државниот секретар при МВР, Сашо Петрушевски им посака срдечно добредојде на помладите колеги во редовите на полицијата при Секторот за внатрешни работи Куманово и многу лична среќа и успеси во професионалниот развој.

„Со приемот на оваа генерација на полицајци сериозно ќе се зајакнат кадровските потенцијали на МВР, а младите колеги ќе бидат професионално освежување во бескомпромисната борба против организираниот криминал и корупција“, истакна меѓу другото државниот секретар Петрушевски.

Во Битола, пак, во кругот на Секторот за внатрешни работи Битола, директорот на Бирото за јавна безбедност, Александар Јанев на седумдесетте новопримени полициски службеници честитајќи им ги врачените договори за вработување, им порача на довчерашните кадети со гордост, чест и достоинствено да ги носат полициските униформи.

„Од вас се бара да бидете кредибилни репрезенти не само на полициската професија туку и на Министерството во целина, а чесноста и одговорноста кон граѓаните чиј што сервис сме ние, да ви бидат примарни во професионалното работење и постапување“, потенцираше директорот Јанев.

Во изминатата година, кандидатите беа дел од основна обука за полицаец, која беше спроведена во Центарот за обука на Министерството за внатрешни работи. Во текот на обуката, кандидатите покажаа исклучителна посветеност и постигнаа високи резултати.

На 31.07.2024 околу 11 часот во ОВР Прилеп било пријавено дека на крстосница од ул. „Архиепископ Доситеј” со ул.„Ристо Секирчанец” во Прилеп се случила сообраќајна несреќа помеѓу патничко моторно возило „пасат” со прилепски регистарски ознаки, управувано од Н.И.(27) од с. Гостиражни и патничко моторно возило марка „поло” со прилепски регистарски ознаки, управувано од М.М.(40) од Прилеп.

По несреќата М.М. со возило на Итна медицинска помош Прилеп е пренесена во Градска болница Прилеп каде и се констатирани тешки телесни повреди.

Увидот го извршила увидната екипа на ОВР Прилеп – информираат од СВР Битола.

Нотарската комора на РСМ е подготвена подетално да ги презентира анализите и аргументите за потребите од измените на тарифата. Доколку, министерот за правда има аргументирани причини за укинување на измените на Нотарската тарифа, секако тоа може да го стори во рамките на своите законски надлежности, но со тоа нема да го реши проблемот на граѓаните, ниту пак на нотарите.

Ова е дел од денешната реакција од Нотарската комкора, по најавите за повлекување на последните измени на Нотарската тарифа, која треба да започне со примена од 1 септември 2024 година.

Во реакцијата се посочува дека Нотарската тарифа во ниеден случај не може да биде скриен процес, од причини што, како и секоја претходна, така и оваа Нотарската тарифа е донесена во законски пропишаната процедура, која траела половина година.

– По однос на новите измени, треба да се има предвид дека Нотарската тарифа не само што не го пратеше трендот на пораст на платите, животните трошоци, стапката на инфлација и вредноста на правната работа, туку напротив во овие 25 години, истата во континуитет е намалувана во 2010, 2016 и 2019 година. Влијание на измените на Нотарската тарифа има и фактот што од воведувањето на нотаријатот, донесени се низа закони со кои се зголемуваат обврските на нотарите, што само по себе повлекува нови вработувања во нотарските канцеларии, а Нотарската тарифа паралелно се намалува. Што значи, нема никаков рационален соооднос и економска исплатливост за функционирање на нотаријатот како независна и самостојна јавна служба, се наведува во соопштението од Нотарската комора на РСМ.

Максим Додевски е дете на самохран родител на возраст од 9 години со сериозно развиен страбизам за кој е потребен сериозен оперативен зафат.

Максим треба итно да направи 2 операции и истите ќе се изведат во Белград во болницата Свети Вид за што побрзо тој да може да се врати во школските клупи. Максим има сериозно влошена состојба која е пратена со гледање на дупли слики, отежнато читање и пишување.

За лекувањето на Максим се потребни 5.000 евра, а за неговата самохрана мајка оваа сума е тешко достижна без наша помош. Тимот на ecrowd.mk/, каде досега во експресно брз рок се собраа средства за голем број дечиња, сега е во мисија да му помогне и на Максим.

Донирајте на следниот ЛИНК

Да направиме сите заедно големо дело за ИЛИНДЕН!