„Ветување“ е дванаесета изложба на Маја Ралева Миладиновски што ќе биде отворена на 21 ноември 2024/ четврток/ во 19.00 часот, во Ликовната Галерија од ЦК „Марко Цепенков“.

Изложбата е работена од 2016 со мали надополнувања во 2022 година, при што се создадени 20 мал формат слики 10 х 10 см, и 15 слики на картон, сите се поделени на пет препарирани платна каде композициски се распоредени како една голема слика.

– Насловот ВЕТУВАЊЕ го дадов затоа што изложбата е ветена на еден голем човек, правник, учител и подржувач на уметноста, археологијата, културното наследство и културата воопшто во Македонија. Неговото име е Јован Ристов, човек кој цел живот го посвети на заштитата, културносто наследство и голем љубител на уметноста и уметниците генерации наназад. „Ветување“ е приказна од пред деценија ипол, исполнета со многу раскажани случувања на мал сликарски фотмат, преточена во сликарска- инсталација која се состои од пет големи платна на кој се поставени мал формат на сликарски секвенци кои раскажуваат приказна на сеќавање. Преку разлеаниот спектар на бои и енергија, балансирано и внимателно раскажувам преку својот автентичен ракопис приказна која е секогаш надополнета и никогаш досадна, со порака испратена пронајди си повод да прославиш, сподели љубов, сподели радост, тага, сподели ги своите емоции на платно за да имаш непосреден другар за плачење, радување, викање, во секој случај да има содржина – вели авторката Маја Р. Миладиновски.

Празникот или светителот што се слави се смета за заштитник на самиот човек кој го носи неговото име во негова чест, но не само како заштитник на оној кој го носи тоа име туку и заштитник и на неговото семејството и домот. Семејството е мала Црква, а и самиот празник значи заедница со роднините, блиските и пријателите – како Црква Божја, па затоа и најмалата семејна заедница треба да има свој домашен празник.

Светителот не е само наш посредник и молитвеник пред Бога, туку претставува и жива врска со сите наши семејни претци, со кои нè поврзува во едно живо семејство, кое трае со стотици и илјадници години.

Имендените се прославување на светител чиешто име некој го носи. Во минатото во православните народи, кога ќе се родело дете му ставале име на светителот, што се слави тој ден или пак по најблискиот поголем празник, а, некаде, пак, и според името на дедовците и бабите. Носењето христијанско име, е многу важно, за да имаме пример во нашиот живот, да се угледуваме на животот и делата на светителот што му го носиме името. Обврска и должност е, секој христијанин да знае за својот светител, за неговиот живот, дела, и зборови со кои ја докажал својата вера во Господ Христос. И особено е важно и молитвено да му се обраќа за помош и застапништво пред Бога.

КАКО ПРАВИЛНО ТРЕБА ДА СЕ СЛАВИ ИМЕНДЕН?

Овие празници имендените се одбележуваат и треба да се прославуваат на христијански начин – така што акцентот нема да биде ставен на храната, забавата и музиката, туку на духовната димензија на празникот. Најважно е да се дојде во Црква и да се присуствува на Божествена Литургија. Секако, се прави колач или помало лебче, наречено Панагија (во спомен на Пресвета Богородица), варена пченица (коливо) и се носи во Црква, покрај колачот (лебот) и пченицата, треба да има и црвено вино и свеќа.

Ако не се направи овој најважен и суштински дел, а се посвети целото внимание и време на ручекот со блиските, тогаш е напразно. На Бога и на светителот не му е угодно такво славење. Без молитва и без благослов. Тогаш, таквиот ден нема многу да се разликува од останатите денови.

Треба да знаеме дека, светителите коишто ги славиме како имендени, тие самите Бог Го прославиле во својот живот. Тие се светилници што го покажуваат патот кон Бога и вечниот живот. Светителите се неодвоив дел од животот на Црквата. Бесмислено е да славиме без да се отиде во Црква, без молитва и да се благослови (крени) лебот со виното и варената пченица.

Ако именденот е во ден кога се пости (среда или петок), или во повеќедневни пости, трпезата задолжително треба да се состои од посни јадења. За жал, во последно време сè поголем е бројот на оние семејства, кои, за да им угодат на гостите и за што подобро да ги „пречекаат“ и „нагостат“, го нарушуваат светиот поредок на Црквата. Но, на таков начин, тие семејства во суштина не слават именден, туку слават гозби, со кои се исмејуваат и на Бога и на самиот светител. И за жал, многумина имендените ги слават на таков начин, а благословување (кревањето )на лебот не го исполнуваат.
По молитвите на Мајката Божја и сите наши светии според кои се именуваме со нашите имиња, Господ Бог да не спаси и помилува со Неговата милост!

Православните христијани денес го празнуваат Св. Архангел Михаил, еден од најголемите христијански празници и една од најчестите куќни слави.

Архангел Михаил е водачот на небесните војски кој секогаш се јавувал на местата на кои се појавувала Богородица, така што претставува небесна сила и заштита на земјата.

Според црковните преданија, ангелот Михаил првпат прв стапил во борба со злите духови и тоа во име на црковните толкувања означува оној кој е како Бог.

На грчки јазик зборот архи значи главен, прв, а значи весник, ангел.

Прв меѓу ангелите Архангел Михаил на иконата се претставува како борец-војвода со меч или копје во раката, а народното верување смета дека тој доаѓа и ги зема човечките души кога ќе чукне часот.

Постојат многу народни верувања за овој ангел: Велат дека тој ги посетува болните и ако застане кај нивните нозе- не е добро, а ако е кај главата – болниот ќе оздрави.

Се слави наесен на 21 ноември, а по народното верување, тоа е затоа што кога светците си ги делеле улогите, Архангел Михаил добил есенско и зимско време на зима и зимски тешкотии. Се вели дека во ова време Архангел талка по светот облечен во просјак да ги искара неверниците и да им помогне на оние кои се во неволја.

Едно народно верување вели дека според временските услови на овој ден може да се одреди каква ќе биде годината. Се вели: какво ќе биде времето на Аранѓеловден, такво ќе биде во текот на целата зима и пролет. Во некои краишта се слави и како празник на сточарите бидејќи се верува дека само тој може да ги истера волците.

Постои верување и обичај кај многу христијани кои го слават свети Михаил, бидејќи го сметаат за жив светител, да не подготвуваат пченица за славата, а тоа е неточно и неоправдано. Неопходно е да се подготви пченица за славата, бидејќи сите светители и сите мртви се живи пред Бога.

На овој ден преданијата велат дека треба да им се помогне на сиромашните и немоќните, да им се даде храна и пиење, а и да им се упати топол збор. За сета ваша добрина светецот ќе ве награди со ислушување на молитвите и желбите.

Инаку, Св. Архангел Михаил е најголемата куќна слава која христијаните ја празнуваат во месец ноември.

Славата оваа година е мрсна бидејќи 21 ноември се паѓа во недела. Со оглед на тоа дека датумот е фиксен, дали славата ќе биде мрсна или посна се одредува според денот од неделата. Па така, ако е среда или петок, славата ќе биде посна, додека во останатите денови може да се прославува и со мрсна храна.

Односот помеѓу спортот и локалната самоуправа, можностите за финансирање и инвестиции, како и чекорите кои треба да се превземат за подобрување на професионалниот спорт беа дел од темите на кои се дискутираше на спортскиот самит Today’s Sport – Идни предизвици во спортот и образованието, каде еден од говорниците беше и заменик министерот за труд и економија, Марјан Ристески.

На овогодинешниот спортски самит учество зедоа голем број на спортисти, спортски работници, менаџери, агенти и универзитетски професори од државава и странство, како и голем број претставници на централната власт и локалните самоуправи.

-На панел дискусијата „Можности за финансирање и инвестиции во спортот“ со моите соговорници дискутиравме околу потенцијалот за инвестирање во спортот и спортската инфраструктура, нивната исплатливост и на крај како да се создадат услови за создавање на трајни вредности во спортот. Честитки до Здружението за развојни иницијативи Геостратешки институт ГЛОБАЛ кои по трет пат го организираат овој самит кој е најголем и најмасовен спортско-образовен настан во нашата држава – напиша Ристески на социјалните мрежи.

Вистинските гурмани во Прилеп веќе со месеци им се редовни гости, а има и зошто! Ресторанот “Гурман” позади поранешна “Липа”, во изминатиот период стана број еден дестинација кога е во прашање понудата на македонска традиционална храна и прилепска скара.

Kој бил знае, кој не бил е добредојден да повели уште овој викенд. Сопствениците ветија многу изненадувања и една поинаква понуда за вљубениците во добрата храна и мераклискиот амбиент во Прилеп. А дека си стојат на зборот, зборува тоа што освен богато мени, ресторанот има редовни живи свирки.

Така ќе биде и оваа недела (24.11.), кога ресторанот “Гурман” ве кани да уживате во нивната гастрономска понуда, заедно со Кико и Тикса Бенд.

Недела ден за одмор, добра скара и добра музика! Поминете едно прекрасно попладне со вашите најмили и блиски. Музичкиот дел започнува во 12часот.

Сите тутунари да добијат линеарна субвенција од 100 денари за секој килограм предаден тутун кај регистриран откупувач, без разлика на класификацијата, предлага СДСМ.

Пратеникот од опозициската партија, Миле Талевски, пред новинарите изјави дека откупните цени на тутунот паѓаат, а тутунарите оваа година ќе имаат помалку пари во семејниот буџет. Наместо линеарен модел, вели Талевски, воведена е дискриминаторска проценка по класи: 80 денари за прва класа, 70 денари за втора класа, и 60 денари за трета класа.

„СДСМ ја разбира важноста на тутунот и ги цени тутунопроизводителите. Затоа, како опозиција, поднесуваме Предлог-закон за финансиска поддршка на тутунопроизводителите. Овој предлог предвидува сите тутунари да добијат линеарна субвенција од 100 денари за секој килограм предаден тутун кај регистриран откупувач, без разлика на класификацијата. Со оваа мерка, цените повторно ќе се покачат над 500 денари по килограм, што е потребно за покривање на производствените трошоци и поддршка на семејствата кои егзистираат од тутунопроизводството“, рече Талевски во прес конференција образложувајќи го предлог-законот.

Денес завршија активностите за асфалтирање на „Памп трак“ полигонот за велосипедисти во Градскиот парк. Проектот кој е реализиран на површина од 900 м², во период од две недели, ги исполнува сите услови за заштита на животната средина и јавното зеленило, а дополнително околниот дел ќе биде и хортикултурно уреден, согласно временските услови.

Оваа адреналинската патека возачите на велосипеди, скејтборди, ролери и друго, ќе можат да ја користат наскоро по завршувањето на техничкиот прием. Патеката ќе понуди повеќе начини на забавно возење во безбедна и контролината средина.

Со изградбата на оваа патека, за која општината инвестира 5.216.343,00 денари од општинскиот буџет, Битола добива уште една спортско – рекреативна содржина за вљубниците во велосипедизмот, која е надополнување на велосипедските патеки кои се веќе во изградба.

Значаен процент од младите во Република Македонија веќе стекнале зависност од играње игри на среќа, беше истакнато на денешната прес-конференција на Здружението ХОПС – Опции за здрав живот – Скопје, која ги сподели резултаите од истражувањето Младите и нивните навики за обложување во Македонија, во Србија и во Косово“, како и нивните препораки против зависност од игри на среќа кај младите.

Меѓу нив, се играчите да се информираат за опасноста од игрите на среќа, да се воведат превентивни програми, но и воведување програми за лекување зависност од коцкање.

-Очигледно е дека бројот на млади луѓе кои играат игри на среќа во Р Македонија е прилично голем. Дури 71% од 214 учесници во онлајн истражувањето се изјасниле дека играле игри на среќа, а 17,8% од нив рекле дека се зависни од играње. Дури 50% од испитаниците од фокус групата играат игри на среќа секој ден. Ова укажува на голема веројатност дека значаен процент од младите во РСМ веќе стекнале зависност од играње игри на среќа, беше споделено на настанот.

Влатко Деков, главен истражувач од ХОПС, информираше дека во онлајн истражувањето, најголемиот дел од испитаниците (44,4%) рекле дека играат игри на среќа заради забава. Сепак, не е мал бројот и на оние кои одговориле дека играат за да заработат пари (24,8%) и затоа што мнозинството од нивните пријатели и пријателки се обложуваат (16%). Дванаесет проценти рекле дека играат игри на среќа затоа што се зависни од адреналин.

Врз основа на наодите од анализата на правната рамка за игрите на среќа во Македонија и на разговорот со учесниците од фокус групата и истражувањето направено онлајн со 214 лица помлади од 25 години кои играат игри на среќа, утврдени се неколку препораки.

Во постоечкиот закон за игри на среќа да се предвидат обврски за сите приредувачи на игри на среќа за информирање на играчите за опасноста од стекнување зависност од играње игри на среќа, како и за тоа каде можат да побараат помош во случај на зависност од играње игри на среќа. Се препорачува да се предвидат обврски за сите приредувачи на игри на среќа за плаќање данок за финансирање на програми за превенција на зависности, како и на програми за лекување на зависности од игри на среќа. Потоа, да се направат промени во правната регулатива со која на јасен начин ќе се утврди обврската на приредувачите на игри на среќа да ги едуцираат своите вработени за препознавање на зависност кај играчите на нивните игри и споделување информации за можностите за лекување на зависноста и да се спроведе информативна кампања за опасностите од зависноста од игрите на среќа кај малолетници и лица помлади од 25 години.

Се препорачува Министерството за здравство да отвори програми за лекување на зависност од коцкање, Министерството за образование да воведе соодветна програма за превенција на зависности во наставната програма во основните и средните училишта, да се воведат построги санкции за непочитувањето на одредбите од Законот, особено на оние со кои се забранува учество на малолетни лица во игри на среќа и забрана за послужување алкохол на малолетници и да се обезбеди построга примена на овие одредби. Да се забрани секаква форма на рекламирање на обложување во печатени и во електронски медиуми (по примерот на забраната за рекламирање цигари).

Истражувањето било направено во рамки на регионалниот проект „Младите и коцкањето”, што го спроведува ХОПС- Опции за здрав живот Скопје во партнерство со Лабиринт од Косово и Превент од Србија, а со поддршка на Western Balkans Fund .

– Во сите три земји е забрането за лица помлади од 18 години да учествуваат во игрите на среќа. Само во Србија постои законска обврска за приредувачите на игрите на среќа да ги информираат граѓаните за ризиците од стекнување на зависност, како и за можните опции за лекување на зависност со јавно истакнување на контакт од институциите каде што граѓаните можат да се обратат доколку се зависни од играње игри на среќа. Дополнително законот во Србија предвидува обврска за приредувачите на игрите на среќа да ги оспособат своите вработени пред да почнат со работа за превентивно дејствување на зависност спрема играчите на игри на среќа, беше посочено на настанот.

Притоа беше истакнато дека вакви законски одредби изостануваат во Македонија и во Косово.

– Во сите три земји не постои строга примена на постоечката законска регулатива и испитаниците често пати се сведоци дека и малолетни луѓе играат игри на среќа, беше нагласено.

-На 19.11.2024 во 19.15 часот на ул.„Прилепски бранители“ во Прилеп, полициски службеници од ОВР Прилеп го лишиле од слобода Е.И.(31) од с.Алданци, крушевско, затоа што кај него била пронајдена грутчеста материја.

По документирање на настанот, ќе следува соодветна пријава – информираат од МВР.

Универзалната сала во Прилеп – некогашниот спортски храм кој се полнеше до последно место на мал фудбал, ракомет, кошарка… на разни културни и музички случувања…. денеска се’ уште тоне во мрак, во сивило, и од ден во ден се повеќе пропаѓа.

Желба на сите спортисти е овој спортски објект да се стави во функција час поскоро, а сите погледи и надежи се насочени кон Министерството за спорт.

Разгледувајќи ја Универзална сала со својот тим, министерот за спорт Ристовски, во јули годинава изјави дека во најбрз можен рок ќе биде ставена во употреба.

„Ќе се реновира, обнови, гледам дека нема големи градежни зафати, дека причините за нејзиното досегашно нефункционирање било повеќе од политичка природа, затоа под итно ќе се отстранат имотно – правните пречки и ќе бидат анулирани сите градежни недостатоците на салата, со цел оваа спортска сала да функционира. И, сметам дека до почетокот на натпреварувачката сезона, септември/октомври, Прилеп и спортските клубови во Прилеп ќе имаат една функционална сала„– најави Министерот за спорт, Борко Ристовски.

Засега нема активности за враќање во употреба на спортскиот храм на прилепчани. Надежите се дека со новиот буџет недостатоците ќе се решат, а спортистите ќе се вратат во својот дом.