Прилепскиот кошаркарски клуб МЕГА БАСКЕТ, кој и оваа сезона ќе се натпреварува во Втората кошаркарска лига на Македонија, формира своја подружница која ќе го носи името КК МЕГА БАСКЕТ ЈУНИОР.

Идејата е овој нов клуб да служи за усовршување на младите категории, и истиот ќе се натпреварува во Третата лига при КФСМ.

Токму затоа менаџментот на клубот бара поддршка од бизнисекторот, да го помогнат проектот со финансиски средства.

Целта е преку овој нов клуб да се откријат нови таленти помеѓу младите вљубеници во кошарката во Прилеп и регионот, а потоа истите да напредуваат, да дадат свој допринос за растот на прилепската кошарка, а зошто да не и да станат идни репрезентативци.

За жал засега никој од бизнис секторот не излезе во пресрет на овие дечки, да го помогне нивниот раст и развој до врвни спортисти на Прилеп и Македонија.

Затоа се’ уште останува апелот за секој кој може и сака да го помогне проектот, да контактира со менаџментот на клубот на следниот ЛИНК

Уличките во Старата прилепска чаршија плачат за реконструкција. Дотраените плочки веќе целосно се распаѓаат и претставуваат проблем за слободно движење.

Граѓаните мака мачат особено во врнежливи денови, кога е вистинска лотарија каде да се цапне за да се појде од едно до друго место. Се жалат и постарите граѓани, а пак децата често паѓаат и се повредуваат.

Редно време е чаршијата да го добие својот некогашен сјај и целосно да се реконструира. Тука секако помош треба да понуди и Министерството за култура, за Прилеп да добие чаршија како што заслужува.

-На 14.09.2024 околу 13 часот во СВР Битола е пријавено дека на регионалниот пат Прилеп – Битола, пред влез за с. Добрушево и с. Клепач, се случила сообраќајна несреќа помеѓу патничко моторно возило „фолксфаген” со охридски регистарски ознаки, управувано од С.Н.(66) од Охрид и трактор „имт” со прилепски регистарски ознаки, управуван од С.Н.(41) од с. Канатларци,прилепско.

Возачот на возилото „фолксфаген“ и неговата сопатничка З.И.(44) од Прилеп се здобиле со тешки телесни повреди, а возачот на тракторот со телесни повреди, констатирани во болниците во Битола и Прилеп.

Увидот го извршила увидната екипа на ОВР Прилеп – информираат од МВР.

Уште еден доказ дека Прилеп има што да понуди на туристички план, но и покрај тоа ние многу заостануваме и никако да изнајдеме стратегија да ги пласираме културните и историските знаменитости, a со тоа да овозможиме економски бенефит на целиот град. Марковите Кули, големиот број свети места со историска вредност… се само дел од она што Прилеп може да им го понуди на странците. И покрај тоа што ниту државата, а ниту општината не вложува доволно напори да направи убава приказна и на вистински начин да ги промовира овие богатства, странците во денешно време патуваат, истражуваат, па повремено доаѓаат и во нашиот град.

На еден таков пример наидовме на јутјуб. Мет Витинг е Англичанец кој е на мисија да ја посети секоја земја во Европа, а пред неколку недели го посетил и Прилеп и направил репортажа од Марковите Кули. Со надеж дека ќе открие нешто величенствено, тој се упатува кон тврдините, но неговиот впечаток е следен:

“Се прашувам што ли ќе биде од ова место по 50 години од сега… бидејќи во моментот нема персонал, ништо не е обележано, нема ни предупредувачки знаци. Има само искршено стакло, нараснати грмушки и тврдина недопрена стотици години. Се прашувам во иднина дали ова место ќе биде како Дубровник или како Котор кои навистина оправдано се туристички развиени, сигурен сум дека ова место може да им биде сериозна компетиција. Пределот е навистина прекрасен и погледот кон планините го одзема здивот”, вели Мет во видеото.

Погледнете ја целата репортажа во продолжение:

Ракометарите на РК Прилеп го забележаа првиот триумф во новата натпреварувачка сезона во Супер лигата. Денеска на гостувањето во Куманово, прилепчани ги однесоа сите бодови во крајно неизвесен и богат со погодоци натпревар.

Во голеадата РК Прилеп беше подобар, а крајниот резултат на крајот на семафорот беше 35:36. Во првиот дел се играше изедначено, кога во еден момент домаќините направија предност од 13:10, но избраниците на Божидар Мојсов не дозволија зголемување на разликата, па на полувреме прилепчани имаа минимална предност од 14:15.

Ништо поразлично не беше ниту во вториот дел, кога се играше речиси гол за гол се до последната минута, кога при резултат 35:34 за Куманово, прилепчани најпрво израмнија, а потоа и заводија со голот на Томислав Квастек.

Во последните секунди од натпреварот, младиот голман на РК Прилеп, Михаил Ангелески, беше вистински херој, кога го сопре ударот на Димевски и му донесе цел плен на својот тим од ова тешко гостување.

За Прилеп најдобар беше Денис Шабановиќ кој постигна десет погодоци, а осум додаде Пеце Рајатоски.

Денес изминуваат точно 13 години од легендарното „Леле луѓе, што направивме“ на Европското првенство во Литванија кога Македонија играше полуфинале.

Во самиот финиш Владо Илиевски постигна тројка која донесе делириум помеѓу македонските навивачи и тоа против домаќинот Литванија.

„Леле луѓе, што направивме! Радувај се Македонијо“, се зборовите по мечот на Илиевски кои македонската кошарка вечно ќе ги памети.

Планинарите кои го посетија денеска Пелистер, на социјалните мрежи објавуваат фотографии со снег и бела покривка.

Иако и натаму календарски е лето, сепак, ниските температури низ земјава придонесоа за студено време особено на планините.

Сепак, набрзо после снегот на Пелистер изгреа и сонце кое го стопи снегот.

Студеното време ќе продолжи и во следните неколку дена.

Општина Неготино исплати по 3.000 денари за 179 првачиња, информираа денеска од Службата за односи со јавноста при неготинската локална самоуправа.

– На сметките на родителите на 179 првачиња од двете основни училишта во градот и подрачните училишта, од буџетот на Општина Неготино се исплатени по 3.000 денари еднократна поддршка на почетокот на учебната година. За таа цел од општинскиот буџет се издвоени средства во висина од 537.000 денари, соопштија од општинската прес-служба.

По 3.000 денари се исплатени за 101 прваче од ООУ „Страшо Пинџур“ и 78 првачиња од ООУ „Гоце Делчев“, заедно со подрачните училишта што функционираат во рамки на двете основни училишта.

На 13.09.2024 полициски службеници од ОВР Прилеп на место викано „Дражица“, во близина на Прилеп, го лишија од слобода С.Ц.(40) од Прилеп.

Тој бил затекнат при извршување на кривично дело „тешка кражба“ од викендица лоцирана на местото викано „Дражица“, во близина на Прилеп.

Лицето е задржано во полициска станица, а по целосно документирање на случајот, против него ќе биде поднесена соодветна пријава – информираат од СВР Битола.

Локација: булевар “Александар Македонски” до Мотел “Бреза” во поранешниот дуќан на “Еуротерм” – МАНЏА БАР на денешното мени ви приготви дури 17 различни јадења. Посетете ги или нарачајте на телефонскиот број: 078 86 71 71

☑️ Гулаш со телешко
☑️ Јанија
☑️ Свински таскебап> 11 час
☑️ Натур свинска шницла> час
☑️ Полнета вешалица > 10 час
☑️ Селско
☑️ Бегова тава
☑️ Свинско печено
☑️ Полнет модар домат
☑️ Полнети пиперки
☑️ Пилешко со 4 сирење
☑️ Пилешко во крем сос
☑️ Похован стек
☑️ Криспи стек
☑️ Стек на скара
☑️ Ориз,компир,пире
☑️ Салата

НАЗДРАВЈЕ!