-ОВР Прилеп поднесе кривична пријава против Д.А.(28), Б.Р.(24) и А.И.(45), сите од Прилеп, поради постоење основи на сомнение за сторено кривично дело „насилство“.

На 21.07.2024 пријавените физички го нападнале Ј.М.(50) од Прилеп во неговиот дом, при што употребиле и метален предмет – информираат од МВР.

Здружението на велосипедисти МАРКОВИ ТОЧАКЏИИ по втор пат ја организира планинската велосипедска тура Ramnište Cave MTB.

Станува збор за дводневен настан кој ќе се одржи во околината на Прилеп и преставува одлична можност да се запознаете со убавините на Прилеп и неговата околина, односно Прилепското вештачко Езеро, планинарскиот дом Дервен, патеките низ планината Бабуна низ густа шума, како и да ја истражите пештерата Рамниште со сите свои убавини.

Првиот ден, или 28 септември (сабота) е предвидено пристигнување на учесниците и камперите во кампинг зоната. Вечерта е предвидена дружба и забава со сите велосипедски здруженија и вљубеници во велосипедизмот и природата, а за истата ќе се погрижат прилепчаните Банда бенд, како и локални диџеи.

Вториот ден, или 29 септември (недела) е планирано одржување на велосипедската тура која ќе започне од кампинг зоната каде што учесниците на кампот ги очекува традиционален прилепски вкусен доручек. По краткиот брифинг каде ќе бидат објаснати правилата и патеката, турата ќе започне точно во 10 часот. Станува збор за одлична патека на која учесниците ќе имаат шанса да искусат повеќе типови на патеки за планински велосипедизам. Истата ќе заврши повторно во кампинг зоната, каде што учесниците ги чека надалеку познатата превкусна прилепска скара.

Дополнителни информации во врска со кампот, патеката, пакетите и се останато поврзано со настанот ќе бидат навремено објавени во периодот што следи.

Спортски поздрав и се гледаме на Ramnište Cave MTB 2024!

Во присуство на Неговото Преосвештенство Епископот Велички Господин НИКОЛА и свештени лица кои се во служба на Преспанско-Пелагониската епархија, вчера во населеното место Долно Српци, општина Могила се изврши осветување на Свет крст.

За осветлувањето на Крстот, изградба на пристапни патеки и осветлувањето на патот до Крстот одвоени се средства од Буџетот на Општина Могилa, а најголема заслуга има месното население и црковниот одбор од село Долно Српци.

Нека е за многу години и за навек!

Во сезоната која самиот тој ја означи како период во кој ќе треба да го учи новиот автомобил и да се привикне на перформансите на своето Ферари, Игор Стефановски Иџе оствари нов голем успех во Европскиот шампионат на ридски патеки, завршувајќи прв во Групата 1 во која се натпреваруваше.

Трикратниот европски шампион овојпат не можеше да се бори за првото место во севкупниот генерален пласман, но затоа беше најдобар во својата група и уште еднаш потврди дека е вистински мајстор за тркање на ридски предели.

Традиционално, сезоната во Европскиот шампионат заврши со трката во Бузет, Хрватска, каде Иџе изминатиов викенд го освои третото место.

Иако имаше одредени проблеми, Иџе беше навистина константен со своето Ферари и освои и прво место во Германија, па сето тоа направи да има најмногу бодови во својата група, успех кој самиот реши да го сподели со цела Македонија.

– Македонија, ова е за тебе! Победник во Европскиот шампионат на ридски патеки во Група 1! Овој успех не е само мој, туку на цела Македонија! Благодарност до сите кои беа со мене низ овој пат, до мојот неверојатен тим, тимот на Ферари, до моите спонзори и до сите вас кои ни давате безрезервна подршка во сето ова, – порача Иџе.

Во овие времиња кога секој знае се’ и секој втор станува мајстор, многу е тешко да се направи вистинскиот избор, а и кога ќе најдете старски кажано “ачик” мајстор, ретко кога ќе го погодите и квалитетот на материјалите. Новиот начин на живеење и новите трендови наметнаа и нови материјали, па така веќе одамна се исфрлени од употреба старите завеси, а потребата од ролетни и комарници во домовите стана неопходна.

Во Прилеп конкуренцијата за изработка на ролетни, комарници и зебра завеси е голема, но ретко кој ќе ви го понуди токму тоа што ви треба и ретко каде ќе добиете совршенство во домот, а истовремено ќе добиете и нормални цени.

Во Старата прилепска чаршија, во уличката кај бочварите, се наоѓа дуќанот на “Мигови Пласт”, докажани мајстори во својот занает кои можат да се пофалат со перфекција во својата работа и беспрекорна грижа за потребите на своите муштерии.

Во “Мигови Пласт” ќе најдете секаков вид ПВЦ и алуминиумски ролетни, гаражни врати, комарници и секаков вид дезени на зебра завеси.

Досега креирале мало совршенство од стотици и стотици домови и деловни објекти, а нивното семејство на задоволни муштерии од ден во ден се зголемува.

Материјалите кои ги користат се елегантни, практични и лесни за одржување, а најважно од се’ и супер квалитетни.

Во зависност од вашиот вкус, во “Мигови Пласт” ќе најдете и венецијански завеси, како и елегантни вертикални зебра завеси. Ваше е само да изберете дезен кој најдобро одговара во вашиот дом или деловен простор, а потоа да се јавите на телефонскиот број: 078/340-608, или да ги посетите во уличката кај бочварите и да се уверите во богатата понуда.

Станете и вие дел од ова големо семејство! Одберете ги вистинските мајстори и создадете од вашиот дом рамек дело во кое ќе уживате.

-Поради намалена издашност на изворот на РВ Студенчица Ве информираме дека од 16.09.2024 година (понеделник) ЈП”Студенчица” Кичево ќе почне со рестрикции -намалување на водата кон ЈКП корисници на вода од Регионалниот водоснабдителен систем Студенчица – информираат од Јавното претпријатие “Пелагонија” од Кривогаштани.

Долг од пет милиони денари, но и двојно повеќе ненаплатени побарувања кои се трупале во последниве години, потоа дефицит на здравствен персонал, како и потреба од осовременување и реформирање на постоечките услови за работа, се само дел од проблемите со кои во моментов се соочува Центарот за јавно здравје во Прилеп. „Во оваа Јавна здравствена установа услугите ги добиваат околу 120.000 осигуреници од дури шест општини, заради што ние како нов тим веќе интензивно работиме на изнаоѓањето решенија за нејзино брзо „заздравување“, уверува новиот прв човек на Установата, епидемилогот Горан Кузевски – oбјави “АЛФА ТВ”

„Јас лично сум оптимист и врз основа на планот за работа кој што го направивме, со една добра финансиска дисциплина и со рационализација и оптимизација на трошоците, се надевам дека за некој временски период од 9 до 12 месеци ќе успееме да ја стабилизираме оваа финансиска состојба и потоа да започнеме циклус на инвестиции“, – ни изјави д-р Горан Кузевски, епидемиолог и директор на ЈЗУ Центар за јавно здравје – Прилеп.

Според Кузевски, најголеми должници на Центарот му се: прилепската Болница, некои локалани самоуправи, јавни претпријатија, па дури и Министерството за здравство. Со дел од нив веќе се разговарало и сега се бараат начини како да се наплатат овие долгови кои што изнесуваат преку 10 милиони денари, бидејќи од тоа ќе зависи и сервисирањето на заостанатите, но и на тековните обврски кои ги има Центарот. Истовремено, се прават и планови за нови вработувања, бидејќи во моментов недостасуваат еден општ лекар, 2 до 3 медицински сестри-лаборанти, како и останат помошен персонал.

„Вкупно во ЦЈЗ се вработени 47 здравствени работници. Од нив, 9 се лекари- специјалисти, еден лекар по општа медицина којшто сега треба да замине на специјализација, потоа имаме шест здравствени соработници, 23 здравствени работници и осум помошно-административен персонал“, – објаснува Кузевски.

Напоредно со стабилизирањето на финансиската состојба, Кузевски најавува и докомплетирање на процесот на акредитација на Санитарно-хемиската и Санитарно-биолошката лабораторија за најстручна проверка на безбедноста и квалитетот на водата за пиење и на храната, а ќе се проширува и опсегот на анализи во Одделнието за микро-билогија, пред се’ во областа на молекуларната дијагностика. A ретка новина е планот за отворање на т.н. Центар за промоција на здравје во простор на призмјето на ЦЈЗ, а кој сега целосно е руиниран и нефункционален, открива Кузевски.

Каролина Дурло за АЛФА ТВ

Во дворот на манастирот Св. Илија во село Мелница, денеска по 38-ми пат се одржаа Мариовско–Мегленските културни средби, манифестација која на едно место ги собира раселените жители од мариовските села на старото огниште.

И оваа година се прослави со песна, оро и презентирање на традиционалните мариовски носии и јадења.

Целта на одржувањето на Мариовско – Мегленски културни средби е негување на фолклорното и културното наследство на регионите, зближување на населението од двата региона на Мариово и Меглен, средба на лица кои се иселиле од регионот, како и остварување на културна размена во пошироки рамки.

Настанот е во организација на Здружението „Мариовско мегленски средби“ – Прилеп, а под покровителство на Општина Прилеп и Минстерството за култура.

Денеска, во Берлин се изврши чинот на осветување на камен темелникот за нова црква од страна на неговото блаженство архиепископ охридски и македонски г.г Стефан во сослужение со митрополитот на Европската епархија г. Пимен и митрополитот на Тетовско- гостиварската епархија г. Јосиф со многубројно свештенство од Европа.

Пред многубројните верници кои со задоволство го проследија чинот на осветување на камен темелникот на новиот објект, се организираше и богата културно – уметничка програма со музичката група „Доминанта“ и Ангел Стојкоски, а настап имаше и фолклорниот ансамбл „Македонско Сонце” од Диселдорф.

Оваа црква ќе биде од огромно значење за македонските православни верници, бидејќи според неофицијалните податоци се претпоставува дека во Берлин и околината живеат околу 10.000 православни Македонци.

Планот за изградба на црква е подготвен од страна на архитектот Елена Цонева и добиено е одобрение за градење од страна на надлежните институции во Берлин.

Талентираната девојка од Прилеп, Александра Трајческа, која е позната и како придружен вокал на бендот „Crossroad Blues Band“, но и како соло изведувач, и која најпрвин победи на македонското музичко талент шоу „Заблескај“, а потоа и блесна на минатогодишниот „Макфест 2023“, сега на публиката и понуди нешто неодоливо.

Станува збор за прекрасна, романтична изведба на безвременската “Еден бакнеж” од Нина Спирова, една од најизведуваните македонски песни која сега доби ново руво, како да е вчера напишана.

Во аранжман на Васил Ангелов и Иван Митковски, аудио продукција на Studio Loft, песната звучи неверојатно, а Александра освојува со својот глас и излед.

Уживајте во продолжение: