Во Скопје вчера во 18.30 часот во Старата скопска чаршија, инспектори од ОКР Центар и Бит Пазар при СВР Скопје го лишиле од слобода С.А. (36) од Тетовско, кој претходните денови извршил кривични дела „разбојништво“ во обложувалници и помали трговски објекти на територија на Скопје, заканувајќи се со скалпел.

Како што денеска соопштија од МВР, при преглед кај него е пронајден скалпел и пари кои потекнуваат од кривичните дела. Известен е јавен обвинител и по целосно расчистување на кривичните дела, против С.А. ќе биде поднесена кривична пријава.

Во изминатите 24 часа најмногу дожд наврна во Крушево 16 литри на квадратен метар, 14 во Битола и Попова Шапка, 12 во Тополчани, 11 во Прилеп, 10 во Претор, 9 во Пожаране и Маврови Анови, 6 во Охрид, Гевгелија и Дебар, 4 воТетово, Лазарополе, Демир Капија, Велес и Кавадарци, 3 во Скопје-Зајчев Рид, 2 во Скопје-Петровец и само еден литар на квадратен метар во Струмица.

Како што информира Управата за хидрометеоролошки работи (УХМР), најстудено утрово е на Попова Шапка каде се измерени шест степени, а најтопло во Гевгелија 16 степени.

Во текот на ноќта и утрово преовладува облачно време со повремени локални врнежи од дожд со слаб до умерен интензитет, претежно во јужните делови.

Времето денеска ќе биде променливо облачно со повремени локални врнежи од дожд. Врнежите ќе бидат пообилни во јужните и источните делови, наместа поројни, проследени со појава на ретки грмежи. Ќе дува слаб до умерен променлив ветер. Максималната температура ќе достигне од 14 до 20 степени.

Во Скопје променливо облачно со повремени врнежи од дожд, особено претпладне. Максималната температура ќе достигне до 19 степени.

Во Белград во тек е снимањето на новото продолжение од легендарниот серијал “Жикина династија”, во режија на Милан Коњевиќ, а по сценариот на Милена Марковиќ.

Новиот филм ќе се вика “Враќањето на Жикина династија”, а главната улога ќе ја толкува Никола Којо, кој се враќа во ликот на Миша Павловиќ после 30 години. Него му доаѓаат синовите кои долго време не ги видел бидејќи живеат со Наташа во Москва, а кога ќе пристигнат момците, кои патем ги носат имињата на своите дедовци, Жика и Милан, започнува нова луда година, полна со смеа, авантури и семејни вредности.

Од старите ликови се враќаат Весна Чипчиќ како Фрау Елза, како и Владимир Петровиќ кој одново ќе го оживее ликот на Боба.

Филмот се снима на локации во Белград, Панчево и на Златибор. Премиерата се планира за есен 2025година.

Времето денеска ќе биде променливо облачно со повремени локални врнежи од дожд, наместа поројни, проследени со ретки грмежи и пообилни во јужните делови од земјата. Ќе дува слаб до умерен ветер од југоисточен правец. Минималната температура ќе биде во интервал од 7 до 16, а максималната ќе достигне од 14 до 20 степени Целзиусови.

Во Скопје ќе биде променливо облачно, од пладневните часови со повремен пороен дожд и појава на грмежи. Минималната температура ќе се спушти до 14, а максималната ќе достигне до 19 степени.

Според најавите од Управата за хидрометеоролошки работи (УХМР), и во наредните денови ќе се задржи променливо облачно време со врнежи од дожд, проследени повремено со грмежи. Од денеска до петок врнежите наместа ќе бидат пообилни и повремено поројни. Денеска температурите преку денот ќе бидат за 3 до 5 степени пониски, а потоа температурата ќе биде во постепен пораст.

Владата на денешната седница усвои информација за реализација на проекти од програмата за изградба и реконструкција на спортски објекти за 2024 година од страна на Министерството за спорт. Меѓу нив е изградбата на спортска сала во Воена академија – Скопје, санација на спортска сала Расадник во Општина Кисела Вода, како и на спортската сала во УКИМ.

Во однос на проектот „Изградба на спортска сала во Воена академија – Скопје“, од Владата соопштија дека спортската сала ќе се гради во комплексот на касарната во општина Аеродром. Истата ќе биде наменета за питомците на Воената Академија. Реализацијата ќе се одвива во 2024 и 2025 година.

Во врска со проектот „Санација на спортска сала Расадник, Општина Кисела Вода“, реконструкцијата ќе се изврши во соработка со општина Кисела Вода. Од страна на Општината е подготвен Проект за реконструкција на мултифункционалната спортската сала Расадник со капацитет од 1000 до 1500 гледачи.

Проектот „Санација на спортска сала во УКИМ“ е исто така дел од оваа програма. Како што соопштија од Владата, салата е оштетена од причина што по завршување на градежните активности истата не беше приклучена на водоводната и канализационата мрежа, што претставуваше обврска на Универзитетот. Потребни се низа на санации, како поправање на фасада, менување на прозори, машинство обезбедување на опрема и сл.

Како што соопштија од Владата, ќе се реализира и проектот „Санација на спортска сала во Општина Радовиш“.

-СРЦ „25 Мај“ Радовиш располага со вкупна површина од 3.968 м². Самиот комплекс располага со голема сала со површина од 1.126 м² и капацитет од фиксни трибини од 1300 гледачи, но со помош на подвижни седишта гледачкиот капацитет се движи од 1300 до 2600 во услови на боксерски и слични натпревари и мала сала со површина од 400.80 м² со капацитет од 160 гледачи, се вели во владиното соопштение.

Останатите проекти се „Санација на спортска сала во Општина Ново Село“, „Санација на фудбалско игралиште на ФК Тетекс, Тетово“, „Санација на маалски мултинаменски игралишта“, „Санација на детски игралишта со поставување на спортска опрема во градинките“, „Поставување на пристапни рампи во објектите за спорт за лица со попреченост“, „Изградба на атлетска патека во Општина Гевгелија“.

Од Владата информираат дека Министерство за спорт ќе спроведе постапки за јавни набавки со цел избор на најповолен понудувач/изведувач и надзорен орган при реализација на проектите.

Оваа година, како што посочуваат, средства во висина од 35.039.500,00 денари ќе бидат наменети за инвестиции за овие објекти.

Граѓаните на Македонија од Нова година од Градско до Прилеп веќе ќе можат да возат по автопат. Додека до почетокот на следната летна сезона, најголемиот дел од автопатот од Кичево до Охрид ќе биде пуштен во употреба. Мнинистерот за транспорт Николоски вели дека си останува на зборот овој автопат целосно да биде завршен до крајот на 2026 година.

Прилепскиот кошаркарски клуб МЕГА БАСКЕТ, кој и оваа сезона ќе се натпреварува во Втората кошаркарска лига на Македонија, формира своја подружница која ќе го носи името КК МЕГА БАСКЕТ ЈУНИОР.

Идејата е овој нов клуб да служи за усовршување на младите категории, и истиот ќе се натпреварува во Третата лига при КФСМ.

Токму затоа менаџментот на клубот бара поддршка од бизнисекторот, да го помогнат проектот со финансиски средства.

Целта е преку овој нов клуб да се откријат нови таленти помеѓу младите вљубеници во кошарката во Прилеп и регионот, а потоа истите да напредуваат, да дадат свој допринос за растот на прилепската кошарка, а зошто да не и да станат идни репрезентативци.

За жал засега никој од бизнис секторот не излезе во пресрет на овие дечки, да го помогне нивниот раст и развој до врвни спортисти на Прилеп и Македонија. Родителите и клубот се надеваат на помош од Стопанската комора Прилеп, од каде очекуваат да наидат на разбирање и поддршка за издигнување на прилепската кошарка.

Затоа се’ уште останува апелот за секој кој може и сака да го помогне проектот, да контактира со менаџментот на клубот на следниот ЛИНК

Светскиот ден на срцето 29 септември е можност барем еднаш во годината, секој да размисли за сопственото срце, за сопственото здравје и за здравјето на најблиските. Превенцијата на кардиоваскуларните болести е најважниот сегмент за заштита на срцето. Важна е секоја минута, секој ден, важен е секој живот.

За таа цел, интернистичката амбуланта ПЗУ Плодност Интермед од Битола, до крајот на септември организира кардиоваскуларни прегледи по значително пониски цени. Комплет кардиоваскуларен преглед, кој опфаќа ехокардиографија, доплер на каротиди и доплер на вени и артерии, ќе чини 2500 денари, на сите кардиоваскуларни услуги ќе има попуст од 30% од редивните цени, а на 30.09.2024 (понеделник) ќе се организираат бесплатни кардиолошки прегледи.

За да не биде доцна, направете нешто повеќе за Вас и за Вашето срце. Закажете термин на 075 758 492.

И покрај прилично ниските температури во моментов и серијата разни предупредувања дека не чека поларна зима, долгорочните временски прогнози велат дека зимата не само што нема да биде поларна, туку таа ќе биде блага, со температури кои ќе бидат над просекот.

Ако може да им се верува на долгорочните прогнози, веќе кон крајот на оваа недела ќе имаме благ пораст на температурите за крајот на септември да заврши со максимални дневни температури кои ќе се движат околу 20 степени и минимални околу 10. Врнежи ќе има но не нешто повеќе од она што сме го виделе во годините претходно.

Октомври како што е редот ќе биде нешто постуден од септември, но и тоа нема да биде нешто многу изразено.

Во текот на целиот месец, со исклучок на последната недела ќе имаме дневни температури околу 20 степени а утрински над 5. Кон крајот на месецот се очекуваат пониски температури но мразови барем според долгорочните прогнози не се предвидуваат.

Првите услови за мраз ќе се јават во втората половина на ноември. Тогаш утринските температури ќе бидат благо под нулата а дневните ќе се движат под 10 степени, откако во текот на целата прва половина на ноември ќе имаме прилично топло време со температури само нешто под 20 степени.

Извор: Press24.mk

Од 12 – 15.09.2024 ВИТАМИНКА беше домаќин на четиридневен тим билдинг на прекрасниот остров Брач, Хрватска, кој ги обедини нашиот менаџерски и извозен тим со врвните купувачи од Балканскиот регион.

Овој годишен настан, шести по ред, не беше само средба на деловните умови, туку и ретка можност за зајакнување на партнерствата, вклучување во продуктивни дебати и негување поблиски односи во еден живописен амбиент.

Во сржта на настанот имаше неколку стратешки состаноци и отворени дискусии со нашите најзначајни купувачи. Темите се движеа од пазарните трендови, иновациите на производите и идните стратегии за соработка до решавање на клучните предизвици во кондиторската индустрија. Преку искрени разговори и заеднички дискусии, ги зајакнавме нашите партнерства со клучните купувачи. Идентификувавме заеднички цели и истраживме нови можности за проширување на пазарите.

Надвор од состаноците, организиравме различни активности за градење на тимот, вклучувајќи неформални собири, социјални активности и културни тури. Овој пристап ги зајакна професионалните односи, негувајќи чувство на заедница и меѓусебно почитување.

Настанот за team building во Брач беше голем успех, постигнувајќи ја нашата цел да го споиме бизнисот и задоволството за да создадеме средина погодна за соработка и партнерство.

Тоа го потврди статусот на ВИТАМИНКА како лидер во воспоставувањето на значајни односи со клучните купувачи и ја покажа нашата посветеност на создавањето заеднички раст и успех.