Спорт Лаиф обложувалници успешно ја реализираа донацијата од 2 милиони денари за обнова на Одделот за абдоминална хирургија на Клиниката за хируршки болести „Св. Наум Охридски“. Проектот, опфати комплетно реновирање на делот за постоперативна нега на пациентите на површина од скоро 400 м2.

Обновата вклучуваше поставување на нови подови и тавани, како и целосна модернизација на електричните и санитарните инсталации во болничките простории. Со оваа интервенција, капацитетот на одделот е зголемен за 4 легла, со што сега одделот може да обезбеди соодветни услови за постоперативно лекување на 28 пациенти.

„Спорт Лаиф обложувалници се гордеат што имаат можност да дадат придонес во подобрувањето на условите за здравствена грижа во нашата заедница. Веруваме дека оваа донација значително ќе го подобри квалитетот на услугите што ги добиваат пациентите во одделот за абдоминална хирургија и ќе придонесе за нивното побрзо закрепнување“, истакнува Петар Поцков, маркетинг директор на Спорт Лаиф.

„Со поддршката на Спорт Лаиф Треид и нивната значајна донација, го реновиравме делот за постоперативна нега, овозможувајќи пристојни услови за третман и нега на хируршките пациенти. Проектите за реновирање и подобрување на условите за лекување по повисоки стандарди и понатаму претставуваат предизвик за во иднина. Во име на сите вработени, искрено ја изразуваме нашата благодарност кон Спорт Лаиф за оваа значајна поддршка“ изјави д-р Небојша Настов, в.д. директор на Клиниката за хируршки болести „Св. Наум Охридски“.

Спорт Лаиф обложувалници остануваат посветени на својата мисија за поддршка на заедницата преку проекти кои имаат реално и позитивно влијание врз животите на луѓето.

Во пресрет на новогодишните и божикните празници, традиционално, од страна на тимот на Спорт Лаиф, беа израдувани со новогодишни подароци, децата во ЈУ Детски дом „11 Октомври“ – Скопје и лицата од Здружение регионален центар за лица со интелектуална попреченост „Порака наша“, Куманово.

Со радост ви ги претставуваме првите добитници на стан, од втората серија на најдомаќинскиот инстант лозот Доме сладок доме.

Среќните добитници се Илинка и Александар Дојчиновски од Битола, кои за само 100 денари „изгребаа“ стан во Скопје. Со ова е освоена првата од 5-те премии на инстант лозот „Доме сладок доме“, во вредност од 6 288 275 денари, колку што изнесува вредноста на добивката – стан со големина од 55 м2, со сите вклучени давачки (данок на имот, трошоци за пренос и друго).

Пред подготовка на обемната документација за предавање на станот, ги поканивме членовите на добитничкото смејство, заедно да ја посетиме среќната зграда и да се запознаат со својот нов стан. Во тек на пријатното дружење со водителката Марјана Станојковска и тимот на Државна лотарија, Александра и Илинка, нивните син и ќерка со семејствата се запознаа со околинатa и новите соседи во населбата Лисиче. Шетајќи низ станот добиен за 100 денари, среќните добитници ја споделија со нас нивната среќна приказна.

Имено, Александар и Илинка се од Битола, но 50 години живеат со своето пошироко семејство во Шведска. За себе велат дека не се чувствуваат Швеѓани, туку само како Македонци. Секоја година доаѓаат во својот крај на одмор и секогаш кога се тука Александар уплаќа неколку комбинации Лото, а Илинка ѝ е верна на инстант лотарија. Без да знае Александар која е главната премија на инстант лозот „Доме, сладок доме“, туку поради впечатливиот дизајн купил само еден лоз од продажното место „Димпо“.

„Шок и неверување“ се зборовите со кои тие опишаа како се чувствувале во првиот момент кога сфатиле дека се добитници на стан. Сепак, најмногу на станот се израдуваа внуците кои ни кажаа дека отсекогаш посакувале стан во Скопје, за во Македонија да имаат свој дом.
Желбата им се оствари за само 100 денари со Државна лотарија.

Ве потсетуваме, втората серија на инстант лоз нуди 5 стана во Скопје, а покрај нив и бројни парични добивки од 100 000, 50 000 денари.
Стан за 100 денари, и тоа е можно е со Државна лотарија.

Лизгалиштето на Плоштадот “Магнолија”, продолжува да биде вистинска атракција за битолчани, посебно за најмладите, но и за гостите од соседните градови кои деновиве ја посетуваат Битола.

Во интерес на сите кои имаат желба да лизгаат или да ја доживеат прекрасната атмосфера кај лизгалиштето, ЈП Паркинзи, создаде можност за пренос во живо (live streaming), преку следниот линк:

Празниците живеат во Битола на Зимска приказна 🎄

Изразувам голема благодарност до менаџерскиот тим на ПИ Витаминка АД Прилеп за донираната компјутерска опрема.

Донацијата се состои од:

-5 деск топ компјутери
-1 сервер
-3 печатачи и
-надворешни SSD мемории.

-Донираната компјутерска опрема ни е потребна за воспоставување на напреден здравствен информатички и комуникациски систем како и надградба на постоечките електронски евиденции, а со цел побрза и поефикасна размена на информации и соработка меѓу пациентите, Центарот за
јавно здравје и останатите здравствени установи – информираат од ЦЈЗ Прилеп.

Утрово избувнал пожар во оџакот од котларата во зградата на Основниот суд во Прилеп – дознава Маркукуле.

Брзата интервенција на пожарникарите од Територијалната противпожарна единица Прилеп, била клучна за пожарот да биде навремено изгаснат и да се спречи предизвикување на поголема материјална штета.

За среќа нема повредени, а според информациите од судот не е предизвикана штета врз архивата и предметите.

Според информациите, денешните судења се откажани, а од судот преземаат мерки за проверка на системот на греење, за да се спречат слични несакани незгоди во иднина.

Денеска / четврток/ од 12.30 часот во Ликовниот салон од ЦК „Марко Цепенков“ ќе биде отворена 11-та по ред изложбата „Бисерите на Мал Битолски Монмартр“. Ќе бидат претставени дела од светската детска ликовна колонија “Мал Битолски Монмартр” во Прилеп во соработка со НУ “Марко Цепенков”. Изложбата на дела од „Мал Битолски Монмартр“ е последна од програмата за ликовна дејност, односно визулени ументости на Центарот за 2024 година, поддржана од Министерството за култура и туризам.

Податоци:

Детското ликовно студио Свети Кирил и Методиј Битола кое работи 57 години низ последните 44 без прекин ја реализира најстарата и најголема светска детска ликовна колонија “Мал Битолски Монмартр” на која само на конкурсот “Битола” за 2О24 година пристигнаа над 8ОО пратки од исто толку државни и приватни школи од над 85 држави кои генерираат фонд од над 6О.ООО детски ликовни цртежи. Тоа беше и основ во периодот од 23 – 31 мај во Битола да бидат поканети 25 делегации од 22 држави кои учествуваат со над 18О учесници на 43то издание на “Мал Битолски Монмартр” на кој традиционално 7 дена се твореше на темата староградска битолска архитектурата а беа реализирани и еднодневни работни посети на Охрид и 1.ООО годишниот манастир Свети Јован Битолски. Колонијата генерираше над 6ОО дела со што збирот на цртежи од колонијата и конкурсот ја надмина цифрата од 1.5ОО.ООО цртежи за 44 години.

Министерството за енергетика, рударство и минерални суровини, со цел воведување ред во користењето на националните богатства и фер наплата, од 1 јануари 2025 година започнува со наплата на до 100% зголемени надоместоци за експлоатација на природните ресурси.

Со измените во Тарифник за утврдување на висината на надоместоците за издавање на дозволи и концесии за вршење детални геолошки истражувања и концесии за експлоатација на минерални суровини, надоместоците за минерални суровини се зголемуваат до 100%, што ќе значи и значајно зголемување на приходите за државата. Предлогот на министерството за зголемување на надоместоците е усвоен од Владата и објавен во Службен весник, со што новиот Тарифник почнува да се применува на 1 јануари.

Клучните измени вклучуваат:

За користење на просторот за експлоатација: Надоместокот се зголемува за околу 30%.
За експлоатација на мермер: Надоместокот ќе изнесува 5% од приходот од продадената минерална суровина, наместо досегашниот процент од фиктивна цена.
Металични минерални суровини: Зголемување од досегашните 2% на 4%.
Неметалични минерални суровини: Зголемување во просек над 100%.
Измените не ги засегаат надоместоците за енергетски минерални суровини, како јаглен, со цел да се спречи дополнителен раст на цената на електричната енергија.

Со оваа мерка, годишниот приход од концесиските надоместоци, кој моментално изнесува околу 10 милиони евра, значително ќе се зголеми. Овие средства ќе бидат насочени кон подобрување на јавните услуги и поддршка на економскиот развој.

„Со новите измени обезбедуваме фер наплата за користење на нашите национални богатства, штитиме одржлив развој и гарантираме придобивки за сите – и за државата, и за приватниот сектор“, изјави министерката Сања Божиновска.

Министерството се раководеше од детална анализа на регионалните и светските практики, како и препораките од Државниот завод за ревизија. Извештајот од април 2024 година потенцира дека концесиските надоместоци во Македонија се најниски во регионот, што ја поттикна потребата за измени.

Министерството продолжува со залагањата за фер управување со природните ресурси и зајакнување на економските придобивки од нивната експлоатација, соопшти Министерство за енергетика, рударство и минерални суровини.

Секторот за внатрешни работи во Тетово поднесе кривична пријава против 16-годишна малолетничка од село Мала Речица, за која постои сомнение дека сторила кривични дела „одземање на моторно возило“ и „тешка кражба во обид“.

Според соопштението на полицијата, на 7. ноември, во централниот дел на Тетово, осомничената го одзела патничкото возило „Рено“, сопственост на лицето А.С. Следниот ден, со употреба на сила, влегла во друг автомобил, „цитроен берлинго“, кој бил во сопственост на Е.С.

Иако успеала да го стартува второто возило, го оставила по кратко време и заминала.

Од денеска од 7:00 часот се воведува забрана за сообраќај за тешки товарни возила на планинскиот премин Ѓавато, соопшти АМСМ.

Оттаму потсетуваат дека се уште е активна забраната за сообраќај на тешки товарни возила на патниот правец Тетово – Попова Шапка.

Од 6:00 часот на патниот правец Гостивар-Маврово-Дебар и обратно се укинува забраната за движење на тешки товарни возила.

Сообраќајот на државните патишта се одвива во зимски услови, по влажни коловози, наместа со остатоци од кашест снег на коловозот по интервенција на дежурните екипи на ЈП „Македонија пат“.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Институциите од денеска ќе реагираат во однос на цените во маркетите, а доколку трговците продолжат со зголемување на цените на одредени производи реакцијата ќе биде уште по робусна во периодот што следи, најави денеска премиерот Христијан Мицкоски.

Одговарајќи на новинарски прашања по отпочнувањето на проектот за реконструкција на коловозот на патот кон Манастирот „Пеленица“ во Општина Кисела Вода, претседателот на Владата не откри со какви мерки ќе се соочат трговците, туку нагласи дека граѓаните ќе бидат сведоци на тоа во периодот што следи.

Мицкоски посочи дека вчера во Владата разговарале со сопствениците на сите големи супермаркети и оти оставиле добра воља да не биде со пристап кој ќе значи ограничување на цени и.т.н, за кои тие велеле дека е непопуларна мерка.

– Сакавме да слушнеме од нив на добра воља да се поразговара и да се донесе заедничко решение, кое ќе биде прифатено. И тоа се случи. Тоа што некој од нив се служат со трикови, тоа е друга работа. За тоа ќе има соодветни процедури, трае анализата и тие процедури деновиве ќе бидат аплицирани, рече Мицкоски.

Смета дека не е добро што си играат со трпението на граѓаните и оти во периодот пред празници на одредени производи цените биле зголемени и за 25 отсто.

-Тоа што тие мислеа дека ќе не надмудрат на овој начин и си играат со трпението на граѓаните и на Владата мислам дека не е добро и треба да си го преиспитаат однесувањето. Ова не е коректно однесување, посебно пред празници на ваков начин не треба да се прават големи профити. Затоа што граѓаните очекуваат од нивна страна разбирање и во најмала мерка да биде така како што било, а не наеднаш да се зголемуваат цените на одредени продукти. На одредени продукти за 25% се зголемени цените на производите. Тоа не е етичко однесување, туку би рекол нечовечно однесување, подвлече Мицкоски.

Премиерот вчера апелираше до трговците да го преиспитаат своето однесување во однос на цените на прехранбените производи и најави дека ќе побара од Пазарниот инспекторат вонредна инспекција со цел да се утврди како цената на одредени основни производи е зголемена во изминатите 30 дена.