-Поради интервенција на хидраулична опрема од водоводниот систем ќе има нарушено водоснабдување во високите реони на градот до утринските часови – информираат во краткото соопштение од ЈКП Водовод и канализација Прилеп на социјалните мрежи.

Во просториите на Економскиот факултет во Прилеп, денеска се одржа 13-та Меѓународна конференција за економија, бизнис и општество во дигитализирана средина.

На конференција присуствуваа учесници од повеќе држави од регионот кои споделија знаења, искуства и резултати од истражувањата од области како што се зелените финансии, претприемништвото, малите бизниси, циркуларната економија, праведната транзиција и праведната енергетска транзиција.

На конференцијата свое обраќање имаше и заменик министерот за економија и труд, Марјан Ристески, кој во неговото обраќање се осврна на предизвиците со кои се соочуваат домашните мали и средни претпријатија во Македонија, пред се во областа на дигитализацијата, како и нивната транзиција кон зелената економија, која што се фокусира на намалување на негативните влијанија врз животната средина и поттикнување на одржливи практики.

-Во насока на поддршка на развојот и трансформацијата на малите и средните претпријатија кон дигитализацијата и зелените политики, Министерството за економија преку повеќе програми дава финансиска поддршка за проекти од областите на дигитализацијата на процесите, циркуларната економија, пристапот до финансии и алтернативни форми на финансирање, како и вештачка интелигенција – напиша Ристески на ФБ.

Свое обраќање имаше и ректорот на Универзитетот “Св. Климент Охридски”, Професор д-р Игор Неделковски.

-На 19.09.2024 на ул.„Партизанска” во Битола, полициски службеници од СВР Битола го лишиле од слобода С.Б.(29) од Битола.

Тој се сомничи дека околу 11.40 часот го запалил мопедот со битолски регистарски ознаки, сопственост на С.А. од Битола, кој претходно го управувал.

Увидот бил извршен и по целосно документирање на случајот ќе биде поднесена соодветна пријава – информираат од СВР Битола.

Зголемување на платите за наставниците и здравствените работници во наредната година

Зголемување на платите за просветните и здравствените работници ќе биде приоритет за Владата во наредната година. Министерството за финансии, предводено од Гордана Димитриеска Кочоска, најавува дека средствата за овие зголемувања се веќе планирани во буџетот за следната година. Деталите за тоа колкаво ќе биде покачувањето ќе бидат познати по финализацијата на годишниот финансиски план.

„Стојам цврсто зад тоа дека платите на наставниците во основното и средното образование мора да се зголемат. Исто така, се залагам за обезбедување на средства за зголемување на платите во здравствениот сектор“, рече таа.

Оваа мерка се очекува да го подобри квалитетот на услугите во двата критични сектори, кои директно влијаат на благосостојбата на граѓаните. Секој дополнителен приход за просветниот и здравствениот персонал ќе овозможи подобрување на нивните услови за работа.

Во чест на празникот Крстовден – Денот на затворските работници, и во чест на прерано почитнатите колеги: Деан Конески, Мице Чапкуноски и Мартин Димески, во просториите на Казнено поправниот дом – Прилеп ќе се одржи крводарителска акција.

Датумот е четврток, 26.09., а акцијата ќе трае од 09 до 14 часот.

Дарувајте крв, спасете нечиј живот!

Повторно на репертоарот од киното “Мис Стон”

Вторник 24 септември 19.30.ч – „Недела„

Четврток 26 септември – 19.30 ч. – “Бизнисот на задоволството“!

Влезници од понеделник до четврток од 10 до 12 часот на билетарницата од киното и еден час пред проекцијата на филмовите.

Апелациониот суд Скопје ја укина пресудата на Основниот кривичен суд Скопје против поранешниот генерален секретар на Владата, Мухамед Зеќири за злоупотреба на службена положба и овластување и предметот го врати на повторно судење пред првостепениот суд.

Постапувајќи по кривичниот предмет КОКЖ- 16/24, по одржана јавна седница на 05 јуни годинава, на 06 септември, Апелациониот суд Скопје донел одлука со која ја уважи жалбата на обвинетиот М.З. од С. и пресудата на Основниот кривичен суд Скопје по жалбата и по службена должност, ја укина и предметот го врати на повторно судење пред првостепениот суд.

-Жалбата на Основното јавно обвинителство за гонење на организиран криминал и корупција Скопје, изјавена по однос на одлуката за конфискација, ја оцени како беспредметна во оваа фаза на постапката, се вели во соопштението од Апелација.

При повторното постапување, се вели во решението по предметот од Апелација, потребно е првостепениот суд да ги отстрани констатираните суштествени повреди на одредбите на кривичната постапка од член 414 став 1 точка 11 од ЗКП, на начин што најпрвин ќе ги утврди сите решителни факти во предметот, кои што имаат битно влијание за правилна примена на Кривичниот законик, при оценката за постоење на предметното кривично дело и кривичната одговорност на страна на обвинетиот.

-При повторното постапување, потребно е првостепениот суд да ги изведе доказите предложени од странките во насока на утврдување на решителните факти на кои е укажано во ова решение, па по спроведувањето на доказната постапка и изведување на доказите предложени од странките, во зависност од утврденото, со правилна примена на Кривичниот законик, првостепениот суд да се произнесе за постоење на предметното кривично дело и кривичната одговорност на страна на обвинетиот, донесувајќи правилна и законита судска одлука, која ќе може во целост и со сигурност да се испита, се вели во решението од Апелација.

Основниот кривичен суд Скопје во декември минатата година го огласи за виновен и го осуди на две години и шест месеци затворска казна поранешниот генерален секретар на Владата Мухамед Зеќири за склучување два договори за консултантски услуги без да спроведе соодветна постапка за јавни набавки. Освен казната затвор, Зеќири, судот го задолжи да ја надомести и штетата нанесена на Буџетот на државата во износ од 71 338 336 денари

Зеќири е осуден за кривичното дело злоупотреба на службената положба и овластување, односно според членот 353 став 4 од Кривичниот законик за кој со последните измени на Законикот е предвидена казна од една до пет години.

Би сакал да реагирам во однос на последната хистерија која што ја создаваат дел од неуспешните бугарски политичари, се вели во обраќањето на Министерот за транспорт Александар Николоски кое го пренесува неговата партија

Имено, непотребно Македонија ја внесуваат во предизборната тематика во Бугарија и најмалце мислам дека Македонија може да е одговор на седмите неуспешни избори со кои се соочува Бугарија.

Кризата во бугарското општество е создадена од токму овие политичари кои што, наместо да дадат одговор на домашната јавност за високиот степен на корупција и криминал кој што го има во Бугарија, за лошата економија поради која многу заминуваат, тие сакаат да се занимаваат со Македонија.

Нивното занимавање со Македонија, всушност покажува дека ниту сакаат добрососедство, ниту сакаат Македонија да стане член на Европската Унија, уште по малце да напредува кон Европската Унија. Тие сакаат да ја блокираат Македонија и да ја користат Македонија како своја предизборна тема.

Секако ние нема да го дозволиме тоа и јас нема да дозволам да било кој бара изговори во мои изјави или било што друго што се случува во Македонија. Всушност, самото тоа што се бидат изјави од контекст и што лошо се разбираат во Бугарија, покажува дека македонскиот и бугарскиот јазик се различни. Затоа што, она што има еден контекст на македонски јазик, очигледно има друг контекст на бугарски јазик.
Но, јас останувам позади се што сум кажал, а тоа е дека е некултурно, непристојно и нецивилизирано да ви дојде на гости претседател на држава а вие да не го удостоите со ставање на знамето на државата која што ја претставува. Нема оправдание за Румен Радев затоа што не го стави македонското знаме при посетата на Гордана Силјановска Давкова како претседател на Македонија.

Дали сакаше да испрати порака дека тие во суштина и не ја признаваат Македонија, што е можеби нивни долгогодишен сон. Ние сме јасни кој сме, ние сме засебна нација, македонска нација, засебен народ, македонски народ. Ние зборуваме свој македонски јазик различен од сите останати јазици, ние имаме своја историја, своја култура. Ние знаеме кои сме и не треба на никого да се докажуваме. А, оние кои што сакаат поинаку да ја читаат историјата, се политичари од деветнаесетиот, а не политичари од дваесет и првиот век.

И би сакал нешто да кажам и на оние политичари кои што бараат оставка од мене. Од мене бараат оставка политичари кои што се обвинети за криминал и корупција, политичари кои што ги видовме на слики како спијат на кревет покрај пачки со злато и стотици илјади евра во девизии. Такви ли политичари ќе бараат оставка од мене?

Извинете господа, ама вие не сте достојни да побарате оставка од мене. Жал мие е што добрите односи помеѓу двата блиски народи, македонскиот и бугарскиот народ, ги уништуваат корумпирани политичари кои што не можат ништо да направат за сопствената држава, освен да внесуваат гнев и омраза.

И таков е овој кој што го споменав со пачките злато, таков еден друг кој што важи за голем олигарх во Бугарија и такви се една редица други политичари кои што се корумпирани, а таков е и оној кој што е претседател на Бугарија и кој што немаше минимум пристојност и минимум цивилизациско однесување да стави македонско знаме при посетата на македонскиот Претседател.

И затоа е ваква мојата реакција и затоа ќе продолжиме и јас и ВМРО-ДПМНЕ да ги браниме македонските национални интереси. Наша цел е Македонија да напредува, да стане членка на Европската Унија, да го изоди патот кон Европската Унија, но тоа да биде гордо и достоинствено, а не понижени. Ние секогаш ќе ги браниме македонските национални интереси. Ние ништо туѓо не бараме, ама сакаме да го заштитиме нашето. – вели Николоски

Прилепскиот кошаркарски клуб МЕГА БАСКЕТ, кој и оваа сезона ќе се натпреварува во Втората кошаркарска лига на Македонија, формира своја подружница која ќе го носи името КК МЕГА БАСКЕТ ЈУНИОР.

Идејата е овој нов клуб да служи за усовршување на младите категории, и истиот ќе се натпреварува во Третата лига при КФСМ.

Токму затоа менаџментот на клубот бара поддршка од бизнисекторот, да го помогнат проектот со финансиски средства.

Целта е преку овој нов клуб да се откријат нови таленти помеѓу младите вљубеници во кошарката во Прилеп и регионот, а потоа истите да напредуваат, да дадат свој допринос за растот на прилепската кошарка, а зошто да не и да станат идни репрезентативци.

За оваа идеја да се оствари неопходни беа 4.000 евра, а сега благодарение на три општествено одговорни компании, целта ќе биде постигната.

Нека оваа успешна мисија, во која како медиум се обидовме да дадеме максимална афирмација, биде поттик за сите стопанственици да го помагаат прилепскиот спорт, се разбира секој во рамки на своите можности. Нашите млади заслужуваат услови за тренинг и развој! Да се надеваме дека ќе ја оправдаат довербата од бизнис секторот.

За потенцирање и пофалба е и тоа дека “Прилепска пиварница” покрива најголем дел од трошоците за првата екипа на “МЕГА БАСКЕТ”.

На веќе добро познатата локација, на влезот во Прилеп од страната за Скопје, во непосредна близина на бензиската пумпа “Макпетрол”, се наоѓа ресторан “Beer ti & ja” – најмераклиското место во градот под Марковите Кули.

Ресторанот е вистински хит и број еден дестинација во изминатите неколку месеци, за сите гурмани и вљубеници во гурманската трпеза.

Ресторанот располага со простор за 40-50 гости и одлично место за раат дружба со вашите најблиски, семејство, пријатели. Внатре се’ е ново и модерно, убави маси, столици, со еден збор грее.

На влезот во Прилеп се наоѓа најмераклиското место: Еве зошто ресторан “Beer ti & ja” стана главна дестинација за сите гурмани и боеми (ФОТО ГАЛЕРИЈА)

Го имаат едно од најбогатите менија за умот да ви зајде. Разно-разни предјадења и вкусна прилепска скара, специјалитети од месо, богата винска карта и богат избор на пијалоци, a главните специјалитети на кујна се вкусните чорби, гулашот, печена коленица и прочуениот прилепски ширден.

Во интерес на своите ценети гости, ресторанот редовно има специјални, неодоливи понуди кои одговараат за сечиј џеб. Па така ако сте за убав ручек денеска посетете ги и уживајте во еден од трите пакети:

– Две свински коленици и избор вино – Александрија CUVEE (бело, розе или црвено) – 1.500ден.
– Две порции медаљони и избор вино – Александрија CUVEE (бело, розе или црвено) – 1.500ден.
– Два прилепски ширдени и избор вино – Александрија CUVEE (бело, розе или црвено) – 1.800ден.

ПОНУДА КОЈА НЕ СЕ ОДБИВА! НАЗДРАВЈЕ!