Здружението “Бадникови поворки” веќе ги завршува подготовките на дечињата за традиционалните бадникови поворки, кои оваа година ќе се одржат под мотото ,,Пренеси ја Божикната радост до секое дете”.

Во Прилеп интересот е многу поголем од минатата година, пријавени се речиси 300 дечиња, што е најголема бројка досега.

-Поворката започнува од Камената бина каде што е поставена Божикната пештера во 09:00 часот на 06.01.2025 каде што децата ќе се соберат за да тргнеме во најголемата поворка до сега. Поворката ќе започне од Камената бина, кон параклисот на Св. Никола, покрај пицериијата „Леоне“, кон пешачкиот премин кај аптеката „Зегин“, низ старата чаршија, потоа кон плоштадот, покрај Участакот, кон „Сетек“, кон НУЦК Марко Цепенков и повторно ќе се вратат на Камената бина. Тука ќе ги отпеат песничките „Вечниот Бог”, „Тропар на Рожденство Христово” и „Кондак на Рожденство Христово”. Дечињата ќе бидат пречекани од градоначалникот на Прилеп, г-динот Борче Јовчески кој симболично ќе ги дарува дечињата од поворката. По завршувањето на поворката, ги покануваме сите учесници и присутни да го посетат најблискиот храм, а на 7ми јануари на литургија и сите да се поздравиме со радосниот поздрав „Христос се роди“ – велат организаторите од Здружението “Бадникови поворки” од Прилеп.

Од Здружението упатуваат покана до сите граѓани да ја проследат поворката и радосно и достојно заеднички да го најавиме Христовото раѓање!

Инаку, децата во поворките ги симболизираат ангелите што го најавуваат Христовото Раѓање, а ѕвездичките што радосно ги веат над своите озарени лица се водилка кон местото каде што се раѓа Богомладенецот. Симболично прикажано, кај нас тоа е патот до божиќната пештера во која е претставен целиот настан на Христовото Раѓање – Божик.

Децата од Eдукативниот центар “Шампиони” од Прилеп во пресрет на празниците одржаа прекрасна новогодишна приредба. Дека се вистински ШАМПИОНИ по англиски, германски јазик и ликовна уметност знамевме, а сега и сите се уверија дека децата се шампиони и по ГЛУМА, ПЕЕЊЕ, ИГРАЊЕ, РЕЦИТИРАЊЕ…

Народниот театар “Војдан Чернодрински” беше претесен да ги собере сите присутни, а на сцената учество зедоја над 200 учесници. Со оваа приредба и организација ЕДУ “ШАМПИОНИ” го оправда приматот како еден од најдобрите едукативни центри во државата.

-Преку оваа приредба посветена на Новата Година и Божик, кои се совршено време за нови предизвици, промени и успеси, се искажа и огромна БЛАГОДАРНОСТ до наставничката Благица Чатлеска, главниот виновник за успешното осумгодишно постоење на Еду “Шампиони”, до тимот на наставници, родителите, кои овозможуваат децата да го градат овој прекрасен свет на радоста, ги поддржуваат и развиваат нивните таленти, јазични вештини, желби и промени. Сите ние заедно со својата енергија, ведрина, ентузијазам, напорна работа, придонесовме за Еду “Шампиони” да стане она што е денес. Илјадници задоволни ученици и родители низ годините се мотивација да напредуваме, а оваа приредба е показател на на посветеноста и пожртвуваноста на тимот на eдукативниот центар – велат од ЕДУ “ШАМПИОНИ”.

Проследете ги одличните настапи на децата во продолжение:

ФОТО и ВИДЕО: Фан продукција – Зоран Пилоски

На само еден километар од центарот на градот, минатата пролет во Прилеп требаше да започне изградбата на првиот мол, а прилепчани конечно требаше да добијат шанса да не одат на шопинг во останатите градови.

Во градот под Марковите Кули подолго време се најавуваше изградбата на новиот STRIP MALL, објект кој требаше да се простира на 9.000м2 површина, во непосредна близина на “Паркот на револуцијата”, веднаш до регионалниот пат Прилеп-Битола.

На располагање на купувачите се најавуваа над 30 реномирани интернационални брендови, кои за Прилеп требаше да донесат голем економски бенефит.

За жал објектот не е ниту на повидок да започне да се гради, а најавите беа дека ќе биде готов до крајот на 2024година.

Според неофицијални информации, на потег се надлежните во општинската администрација и Советот да си ја завршат работата и во Прилеп конечно да започне изградба на ваков репрезентативен објект.

Инаку STRIP MALL PRILEP требаше се гради по урнекот на така наречените стрип и плаза центри во САД, односно низа на продавници да бидат наредени во линија во еден голем објект, со посебни влезови кон секоја од продавниците од надворешниот дел на објектот.

Според пресметките тогаш, на име комуналии во општинската каса треба да се слеат околу 350.000 евра, сума која со сигурност ќе значи голем финанскиски импулс во општинската каса, пред се’ за реализација на нови проекти од интерес на граѓаните.

Исто така тоа предвидено е новиот шопинг мол да понуди разни забавни соджини за најмалите, како и угостителски простор.

Денеска во Радовиш во употреба беше пуштена реконструираната спортска сала „25 Мај“.

На настанот присуствуваше премиерот Христијан Мицкоски, кој изрази очекување голем број одбојкарски, кошаркарски, ракометни репрезентативци да произлезат од овој објект, затоа што Радовиш во минатото бил расадник на многу македонски спортски великани.

„Ние како Влада ќе продолжиме да ги поддржуваме ваквите проекти. Спортот ни е во фокусот. Како што кажа и министерот, без инфраструктура не можеме да бараме и резултати. Значи многу е важно да ја имаме онаа базична, основна инфраструктура, согласно приоритетите на Владата и потоа и да очекуваме и да бараме резултати од оние коишто ќе ја користат оваа инфраструктура“, изјави Мицкоски.

Тој им честита на министерот за спорт и на градоначалникот на Општина Радовиш, но и на сите оние коишто беа вклучени во реконструкцијата на овој објект.

И ако Радовиш го дови ветеното, Прилеп се’ уште чека на тоа. По долгогодишна иницијатива на спортистите, спортските клубови и општина Прилеп, за враќање во функција на Универзлната сала – или спортскиот храм на прилепчани, минатото лето конечно некој висок функционер го посети Прилеп и даде цврсто ветување дека работите ќе тргнат од мртва точка и дека прилепчани наскоро ќе се вратат на трибините и ќе ги бодрат своите спортски миленици.

Тогаш во посета на Прилеп беше министерот на новоформираното Министерство за спорт, Борко Ристовски, кој вети враќање во функција на овој спортски објект до есен, но есента помина, дојде и зима, а во Универзална се’ уште нема активности.

Универзалната сала не е во функција повеќе години, а веќе видливо е дека времето остава траги врз овој некогаш грандиозен спортски објект.

Ристовски со себе тогаш донесе стручни лица и архитекти, кои беа зачудени зошто за толку банална причина, салата зјае празна и не функционира.

Покрај во Универзална, министерот во јули месец беше и во посета на спортската сала “Македонија”, уште една спортска величина која буди спомени кај прилепчани. За овој спортски објект министерот рече дека допрва ќе се прави анализа и ќе се испитува договорот за концесија.

Интересно е тоа што спортската сала “Македонија” била изградена за само 9 месеци во 1978 година, додека пак Универзалната сала била завршена за рекорни 100 дена во 1973година.

Основното јавно обвинителство во Битола денеска отвори предмет за случајот со застреланата мечка и фотографијата на која позира Сашо Дранго, заменик-директор на „Македонија пат“.

„По објавите во медиумите, оформен е предмет и започната е постапка за утврдување на сите околности. Обвинителството ќе побара од Здружението за заштита на животните ‘Анима Мунди’ да ни ги достават нивните материјали, како и евентуалните пријави поднесени до МВР или други државни институции“, соопштија од обвинителството.

Здружението „Анима Мунди“ денеска сподели фотографија на која заменик-директорот на „Македонија пат“ Сашо Дранго позира со мртва мечка, за која тврдат дека е жртва на незаконски лов. Здружението најави поднесување кривична пријава и побара одговорност од Дранго.

Дранго, во изјава за дел од медиумите, негираше дека ја застрелал мечката.

Според неговите зборови, животното настрадало во сообраќајна несреќа на патот Битола-Ресен, а тој и неговите колеги од „Македонија пат“ ја тргнале од коловозот. По тој повод, Дранго се фотографирал со мечката.

Истражните органи ги проверуваат сите наводи за да утврдат дали има елементи на кривично дело.

РАСПОРЕД НА БОГОСЛУЖБИТЕ ЗА БОЖИКНИТЕ ПРАЗНИЦИ во храмот СВЕТИ КИРИЛ И МЕТОДИЈ (ПАРАКЛИС)- ПРИЛЕП:

НЕДЕЛА (05.01.2025)

– Недела на светите отци, предпразненство на Христовото раѓање, Преп. Наум Охридски – утринска богослужба со златоустова литургија со почеток во 7:00 часот

Понеделник (06.01.2025)

– БАДНИК , преп.мчца. Евгенија – Празнична утринска богослужба , царски часови, изобразителна, вечерна со Василиева литургија , со почеток во 6:00 часот.

Вторник (07.01.2025)

– Рождество Христово – Божик – празнична утринска богослужба со Света Златоустова литургија со почеток во 7:00 часот.
Среда (08.01.2025)

– Собор на Пресвета Богородица – втор ден Божик – утринска празнична богослужба со Света Златоустова литургија со почеток од 7:00 часот.

Четврток (09.01.2025)

– Св. првомаченик и архиѓакон Стефан – празнична утринска богослужба со Света Златоустова литургија со почеток во 7:00 часот, со која ќе чиноначалствува Неговото Високопреосвештенство Митрополитот преспанско- пелагониски и администратор австралиско- новозеландски г. ПЕТАР.

Вечерните богослужби се извршуваат во 16:00 часот, освен на Бадник – понеделник кога вечерната се служи утрото.

Нека Христовото раѓање ни донесе мир, И љубов во нашите животи.

Оваа славна девица и маченичка беше родена во Никомидија од родители незнабошци. Слушна од некого проповед на Евангелието и со сето срце се обрати кон Христа, па почна да живее совршено според заповедите Господови. Свршеник ѝ беше некој сенатор Елевсиј.

За да го одврати од себе Јулијана му рече дека нема да може да појде за него ако тој не стане епарх на градот. Му го предложи тоа мислејќи дека тој млад човек никогаш нема да може да го достигне таквиот висок чин. Но, Елевсиј се потруди, па со ласкање и мито го придоби чинот на никомидиски епарх.

Тогаш Јулијана му откри дека е христијанка и дека не може со него да стапи во брак додека и тој не ја прими христијанската вера. На ова Елевсиј се огорчи и ја обвини кај татко ѝ. Јаростен, татко ѝ ја исмеа и ја изнатепа, а потоа му ја предаде на мачење на епархот. Многу ја тепаа, па потоа ранета и искрвавена ја фрлија во затвор.

Но, Господ во затворот ја исцели и таа се јави пред епархот сосема здрава. Овој потоа ја врза и ја фрли во вжарена печка, но огнот не се допре до неа. Кога го видоа тоа чудо мнозина поверуваа во Господ Исус Христос. Такви обратени имаше петстотини машки и сто и триесет од женскиот пол. Сите нив епархот ги осуди на смрт и нив ги убија со меч. Нивните души се преселија во Рајот. Тогаш злобниот судија ја осуди на смрт со меч и света Јулијана. Таа излезе на губилиштето радосна со духот. Му се помоли на Бога и ја положи главата за отсекување. На денот на тоа убиство, душата на светителката отиде во Царството на вечната Христова светлина, во 304 година.

Воочи големиот празник, денот на Христовото раѓање Божиќ, Битола и битолчани го празнуваат Бадник, ден кој го наговестува неговото раѓање.

Пред големиот настан, во овогодишните подготовки за Бадник, во работилницата се вклучи и градоначалникот на општина Битола Тони
Коњановски. Заедно со организаторите и дечињата, изработија над 2000 Божиќни ѕвезди кои ќе го осветлуваат патот на Бадникарчињата и оваа
година по Широк Сокак.

Во рамките на подготовките, се одржа последната проба на тимот за организација на „Бадникови поворки 2025 Битола“ . Дечињата најдобро го
најавуваат Христовото раѓање, со носење на ѕвездите, кои ја симболизираат Божиќната ноќ, кога е роден Христос.

На Бадник, 06.01.2025, во 12 часот од Плоштадот Магнолија по Широк Сокак ќе се движи големата Бадникова поворка.

-На 02.01.2025 во 08.16 часот во Полициската станица Прилеп било пријавено дека на раскрсницата од ул.„Александар Македонски“ со ул.„Републиканска“ во Прилеп, патничко возило „опел мерива“ со прилепски регистарски ознаки, управувано од С.С.(59) удрило во Т.Ч.(72), двајцата од Прилеп.

Во несреќата со тешки телесни повреди се здобила Т.Ч., констатирани во Градската општа болница Прилеп.

Извршен бил увид од увидна екипа од ОВР Прилеп – информираат од СВР Битола.

Јорданчо Рујаноски 31-годишен полициски службеник од Полициско одделение Кривогаштани при СВР Битола, е избран за најдобар полицаец за 2024 година.

Рујаноски веќе 5 години работи во службата, а неговата желба е да помага на сите каде што е потребна помошта од полицијата.

-Пет последователни години исполнети со истрајност, работа, ред, дисциплина, пожртвуваност и многу непроспиени ноќи. Ако ме прашате од каде наоѓам мотивација и ентузијазам за работата, jас ќе ви одговорам дека љубовта и желбата за помош на другите од секогаш биле и ќе останат моја ѕвезда водилка која ми го осветлува патот и ме води низ предизвиците кои секојдневно ни ги сервира животот. Патот не е лесен, затоа што пред се за да се биде полициски службеник треба да се биде добар човек, човек кој се грижи за безбедноста на граѓаните. Некои работи немаат цена, туку имаат вредност. И за крај… Успешни луѓе се тие кои го работат тоа што го сакаат. Верувај во твојот сон еден ден ќе ти се исполни – напиша Рујаноски на ФБ.