Трагедија се случила вчера попладне во словенечката општина Градец, кога две лица го загубиле животот – пренесуваат словенечките медиуми.

“Според првичните сознанија од местото на настанот на пукањето му претходела расправија помеѓу маж и жена, по што мажот пукал во жената, а потоа и самиот се застрелал. Тој починал на лице место, додека жената во тешка состојба била пренесена на укажување помош во градската болница во Градец, каде подоцна починала”, стои во соопштението од полициската управа на Цеље.

Престрелката се случила во Индустриската зона во Памече, а повеќе информации полицијата ќе соопшти во текот на денешниот ден.

„Скопје1“ дознава дека македонскиот државјанин е по потекло од прилепскиот регион и има околу 30 години.

Ајвар ли е, мед ли е?! Цените на омилената зимница кај граѓаните достигнува цена и до 415 денари на рафтовите во маркетите. Верувале или не, ама ајварот стана луксуз и ретко кој може да си го дозволи.

Останува да им го тупосаме на странците, па тие нека се потепаат за печени препржени пиперки со зејтин, а нас како што дошло време дури и чајот ќе ни биде мрсен….

-СВР Битола до Основното јавно обвинителство Битола, поднесе кривична пријава против К.Т.(29) од Битола поради постоење на основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“ и „неовластено изработување, држење, посредување и тргување со оружје и експлозивни материи“.

Пријавениот во повеќе наврати продавал марихуана и амфетамин на други лица од Битола, а при претрес во неговиот дом, полициските службеници пронашле и одзеле марихуана, пет проектили од муниција за пушки, како и модели од автоматски оружја – информираат од СВР Битола.

На 27.09.2024 /петок/ од 19.00 часот во ликовната галерија од ЦК „Марко Цепенков“ ќе биде отворена изложбата „Видување“ од Анита Јовеска Сот.

Податоци

за Анита Јовеска Сот

БИОГРАФИЈА

Родена е 1986 година во Прилеп. Во својот роден град завршила основно и средно образование- гимназија. Дипломирала на Националната ликовна академија во Софија, Бугарија,2008год.,отсек- Плакат и визуелни комуникации.

Денес живее во Македонија, работејќи како професор по ликовна уметност.

Како академски сликар, Анита Сот сопствените дела ги изработува во mixed media, односно мешани медиуми, вклучувајќи многу матријали . Трагајќи по свој сопствен ликовен јазик и идентитет, таа често истражува во доменот на различните сликарски техники. Има изложувано на повеќе самостојни и групни изложби во Македонија и во Бугарија.

 Изложби

Учествувала во повеќе групни изложби во Софија, Прилеп,Скопје, Битола и други, како и

на неколку ликовни колонии во земјава и пошироко.

Самостојни изложби:

2022- Самостојна изложба Encounter,Повторна средба,Прилеп и Кавадарци

2018,Прилеп-изложба “Everglow”,

2008, Софија; изложба на плакати на тема „Театрален плакат според Шекспир“, Галерија

„Академија“.

2010 година – „Годишна изложба на ДЛУП Прилеп 2010“

2011 година – „Годишна изложба на ДЛУП Прилеп 2011“

2012 година – „Годишна изложба на ДЛУП Прилеп 2012“

2013 година – „Годишна изложба на ДЛУП Прилеп  2013“

2014 година – „Годишна изложба на ДЛУП Прилеп  2014“

2014 година – „Годишна изложба на ДЛУБ  Битола 2014“

2015 година – „Годишна изложба на ДЛУП Прилеп  2015“

2016 година – „Годишна изложба на ДЛУП Прилеп  2016“

2017 година – „Годишна изложба на ДЛУП Прилеп 2017“

2018 година „Традицијата е код, традицијата е течение“

2022 година – „Годишна изложба на ДЛУП Прилеп  2022“

2023 година-Групна изложба,”Под нулата”, Прилеп

2023 година- Меѓународна ликовна колонија,Михајлово,Кавадарци

„ВИДУВАЊЕ“

Самостојна изложба на академската уметничка Анита Јовеска

„Секој портрет насликан со чувство е портрет на уметникот, не на тој што позира. Портретираниот е само случајност, прилика. Тој не е оној што сликарот го разоткрива; сликарот е тој што се разоткрива себеси на обоеното платно.”

― Оскар Вајлд, Сликата на Доријан Греј

Обликувајќи ги комплексните форми креирани со помош на динамични контурни линии и интензивни вибрантни бои академската уметничка Анита Јовеска со впечатлива експресија визуелно ги изразува личните индивидуални внатрешни импресии врз лицата на портретираните ликови. Преку внимателно селектирани хроматски и ахроматски скали авторката визуелно манифестира таинствени колоритни амбиенти со сензитивна изразна величина. Врз јадрите и доминантни ликови се рефлектираат длабоки лични и супстанцијални чувствени пулсирања. Портретот за уметничката претставува можност за пронаоѓање начини за инвентивна и автентична манифестација на неговите физички и емотивни својства, со комбинирање и слободна креативна игра на разновидни ликовни елементи. Во колоритната експресивна изразност на портретите се одразуваат разнообразни сензации. Покрај емотивната величина која се пронижува во експресијата на ликот и поставеноста на рацете на портретираниот модел, Јовеска особено посветува внимание и на квалитетот на ликовните елементи. Во раскошните експресивни композиции, таа умешно ја обликува формата со примена на силни колоритни топло-студени и комплементарни контрасти за одразување на моќна чувствена изразност и драматичност, и со употреба на контраст на линиите за создавање на динамична вибрантна ликовна содржина. Јовеска во сопствените лирични, автентични и драматични креации, го создава единството во композицијата по пат на доминанта, поставувајќи акцент на емотивната експресија на портретот. Илустрираните зборови и изрази, досетливо проткаени низ многуслојните и прозрачни површини креираат богат симболичен поттекст. Во изразите на туѓите погледи таа ги видува сопствените индивидуални особини, односно се открива себеси. Длабоките емотивни впечатоци, вгнездени во имагинацијата и генијалноста на авторката се разоткриваат врз сликарското платно, придобивајќи своја визуелна самостојност и изразит идентитет преку насликаните ликови на портретираните модели. Восхитувачките портрети на Јовеска одразуваат исклучителен визуелен ансамбл извезен со лиричен сликарски сензибилитет и облагороден со личните индивидуални чувства на авторката.

Автор на текст: м-р Викторија Димеска, историчар на уметност

– Со колективното осигурување при настанување на несаканите последици се создаваат услови за обезбедување на соодветна материјална заштита на осигурениците.

СН Осигурителен Брокер А.Д. нуди осигурување од незгода за сите категории на граѓани. Меѓу оние за чија сигурност се грижиме, посебно место заземаат најмладите членови на општеството, а тоа се децата, учениците и студентите. Преку овој тип на осигурување се избегнува можните последици од незгодата да бидат и финансиско оптоварување за осигуреникот.

Осигурувањето од незгода на деца од предучилишна возраст е наменето за групно осигурување на деца во градинки, јасли, одморалишта, на возраст до 14 години. Со осигурувањето од незгода на ученици и студенти можат да се осигураат сите активно запишани во образовната институција преку која се врши осигурувањето, велат од најголемиот осигурителен брокер во државата, СН Осигурителен Брокер кој и оваа учебна година врши колективно осигурување на учениците.

Во секојдневниот живот, и учениците, како и сите други луѓе изложени се на многубројни опасности и можности да настрадаат во несреќен случај, кој може да настане на училиште, на улица, при детски игри, спортски игри, патувања, елементарни непогоди или од некои други неочекувани и непредвидени настани.

Во последно време се поголеми се ризиците и во јавниот сообраќај. Овој пакет на СН Осигурителен Брокер нуди целосна заштита во текот на 24 часа, насекаде низ државата и ги покрива сите трошоци настанати како последица на несреќен случај, односно незгода со вклучени трошоци за нарушена здравствена состојба за која е потребна лекарска помош, велат од компанијата.

Колективното осигурување на ученици е од последици на несреќен случај, односно незгода, со што сакаме при настанувањето на несаканите последици да створиме услови за обезбедување на соодветна матерјална заштита. Исто така не смееме да го заборавиме наставниот кадар кадар кој се грижи за нашите најмили, велат од СН Осигурителен Брокер АД Битола.

Од таму појаснуваат дека со осигурувањето од незгода можат да се осигураат работни колективи од наставен и професорски кадар, односно да се заштитат вработените во текот на целото деноноќие, без разлика дали се наоѓаат на работното место или надвор од него.

Овој тип на осигурување се склучува за цел да обезбеди целосна финансиска заштита од евентуален несреќен случај кој може да има последици по нивното здравје и живот. Кон ова осигурување можат да се приклучат и лица вон работен однос, по барање и евиденција на работодавачот.
Со овој тип на осигурување се покриваат основните ризици како што се: траен инвалидитет и намалена работоспособност, смрт од несреќен случај, трошоци за дневен надомест, како и трошоци за лекување.

Инаку, покрај колективно осигурување од незгода, преку ова брокерско друштво може да се обезбедат сите видови на полиси и пакети кои постојат на осигурителниот пазар во делот на неживотно и животно осигурување како што се: осигурување од автоодговорност, зелен картон, каско, имотно осигурување, приватно здравствено осигурување, животно осигурување, транспортно осигурување, ЦМР, професионална и општа одговорност, асистенција и на пат, патничко осигурување итн…

Компанијата има раширена мрежа од 40 подружници низ цела Македонија, при што лесно ќе најдете која подружница е најблиску до вас преку веб страницата https://snbroker.mk/lokacii/. Сите информации можат да се добијат и на бесплатниот телефон 15770 или на емаил: [email protected].

Ракометарите на Еурофарм Пелистер загубија и во вториот дуел од Лигата на шампионите од Фуксе Берлин, но атмосферата на “Чкембарската трибина” беше еуфорична во сите 60 минути од натпреварот, особено во еден момент кога прилепчанец ја запроси својата девојка.

Станува збор за Душко Алексоски, чаршиско дете од Прилеп кој живее и работи во Германија, а четири години учел во средното училиште “Ѓорги Наумов” во Битола. Токму во средношколските денови тој ја добил љубовта и страста да навива за Пелистер. Тој клекна на трибината и ја побара за жена неговата девојка од Ријека, Хрватска.

За остварување на неговата желба му помогнаа и самите навивачи Чкембари кои на обезбедувањето кое беше задолжено за преглед на сите кои влегуваат им беше предочено дека Душко крие кутивче со прстен во еден од џеповите, и бидејќи ќе влегуваат заедно со неговата сакана истиот треба да се пропушти за да не се расипи изненадувањето.

Нека им е со среќа! Да си дочекаат долг заеднички живот полн со меѓусебно разбирање, а Бог да ги дарува со многу дечиња!

ИЗВОР: “BABAMBITOLA.MK”

ПОЧИТУВАНИ РОДИТЕЛИ И НАСТАВНИЦИ, ВРЕМЕ Е ДА ОБРНЕТЕ ПОГОЛЕМО ВНИМАНИЕ ВРЗ ВАШИТЕ ДЕЦА И УЧЕНИЦИ. НА ГОЛЕМО МЕЃУ ДЕТСКИТЕ ИГРИ СЕ ИГРА ,,ЧАРЛИ,,! ИЛИ ,,ЦРНА ВОДОВИЦА,, ИНАКУ ПРЕРАБОТЕНА ПРЕКУ ТИК ТОК. ЕДНАКВО ПОПУЛАРНА АПЛИКАЦИЈА И КАЈ ВОЗРАСНИ И КАЈ ДЕЦА – пишува новинарот од Прилеп, Зоран Момироски на социјалните мрежи.

-,,ЧАРЛИ,, Е ОСМИСЛЕНА И ПЛАСИРАНА ПРЕКУ ТИК ТОК ОД СЕКТАТА ,,ЦРНА РУЖА,,! ОВАА ИГРА ,,ЧАРЛИ,, ИМА ЦЕЛ ДА ГИ НАВЕДЕ И ЗАВЕДЕ И ДЕЦАТА И МЛАДИТЕ! ИСТАТА НА ГОЛЕМО СЕ ИГРА МЕЃУ ДЕЦАТА И МЛАДИТЕ ВО МАКЕДОНИЈА, НО И ВО НАШИОТ ГРАД. ПОРАДИ ОПАСНОСТА ОД ,,ЧАРЛИ,,ВО МНОГУ ЗАПАДНО ЕВРОПСКИ ЗЕМЈИ ОД САМИТЕ УЧИЛИШТА ВЕЌЕ ПИСМЕНО СЕ ИЗВЕСТЕНИ РОДИТЕЛИТЕ.. И Е ПОБАРАНО ПОГОЛЕМО ВНИМАНИЕ ВРЗ ДЕЦАТА. ЗА ОВА ОПШИРНО ЌЕ ЧИТАТЕ ВО СЛЕДНАТА МОЈА КОЛУМНА ,,ВО ПРИЛЕП НЕМА ПРОБЛЕМ А СЕ Е ПРОБЛЕМ – пишува Момироски.

Унгарскиот премиер Виктор Орбан заедно со делегација од унгарската Влада, на 26 и 27 септември ќе престојува во дводневна официјална посета на Република Македонија, информира владината прес-служба.

Премиерот Христијан Мицкоски во петок ќе оствари официјална тет а тет средба со неговиот унгарски колега во премиерската вила во Охрид, а во рамки на посетата ќе се остварат и низа билатерални средби на македонските министри со ресорните колеги од унгарската делегација.

Во петок ќе се одржи и заедничка меѓувладина седница во хотелот Инекс Олгица во Охрид, а по завршувањето на седницата на истата локација се очекува прес-конференција да одржат двајцата премиери.

Како што информираат од Владата, на маргините на дводневната посета предвидена е прошетка во Охрид, посета на црквата Богородица Перивлепта, Античкиот театар и манастирскиот комплекс Свети Наум, а премиерите на двете земји ќе положат цвеќе пред споменикот на Свети Кирил и Методиј во Охрид.

Мото клубот “Рисови” од Прилеп, кои неодамна со спектакуларна забава во центарот на градот, прославија јубилеј 15 години постоење, денеска донираа вреден апарат за потребите на прилепската болница “Борка Талески”.

-Срдечна благодарност до сите поддржувачи на Мото Клуб Рисови! Вашата поддршка не само што ни овозможува да се забавуваме и дружиме, туку и да реализираме важни хуманитарни акции. Со ваша помош, успеавме да донираме “ Капа за ЕЕГ за деца до 2 години” на ЈЗУ Општа Болница со проширена дејност во Прилеп, за Детското одделение. Вашата поддршка значи многу за нас и за оние на кои им е потребна помош. Заедно продолжуваме да правиме позитивни промени – напишаа на социјалните мрежи од мото клубот.

Претседателот на бугарската партија Движење за права и слободи (ДПС), Делјан Пеевски, смета дека доколку во Бугарија има соодветни државни институции и служби, вицепремиерот и министер за транспорт во македонската Влада, Александар Николоски веднаш треба да биде прогласен за персона нон грата во неговата земја.

Како што пренесуваат бугарските медиуми, според Пеевски, „тоа е најмалку што треба да се направи по систематското сеење омраза кон Бугарија и бугарскиот народ“.

-Дрскоста и ароганцијата во однос на Бугарија, нејзините демократски избрани институции, демонстрирана од проруската влада на Мицкоски е јасно одговор на категоричната евроатлантска позиција на нашата земја. Инсистираме на итни мерки како одговор на провокациите, кои треба да бидат конзистентни и категорични, изјавил Пеевски.

Лидерот на партијата оценува дека „проблемот веќе не може да се реши со едно формално извинување“.

Oд друга страна Николоски деновиве жестоко се обрати кон политичарите од Бугарија кои бараат негова оставка.

„Од мене бараат оставка политичари кои што се обвинети за криминал и корупција, политичари кои што ги видовме на слики како спијат на кревет покрај пачки со злато и стотици илјади евра во девизии. Такви ли политичари ќе бараат оставка од мене? Извинете господа, ама вие не сте достојни да побарате оставка од мене. Жал ми е што добрите односи помеѓу двата блиски народа, македонскиот и бугарскиот, ги уништуваат корумпирани политичари кои што не можат ништо да направат за сопствената држава, освен да внесуваат гнев и омраза. И таков е овој кој што го споменав со пачките злато, таков еден друг кој што важи за голем олигарх во Бугарија и такви се една редица други политичари кои што се корумпирани, а таков е и оној кој што е претседател на Бугарија и кој што немаше минимум пристојност и минимум цивилизациско однесување да стави македонско знаме при посетата на македонскиот претседател”, рече Николоски.