По поразот во средата од Арсими со 1:2, Победа попладнево забележа нов пораз на домашен терен од екипата на Охрид, иако домаќините во пресрет на натпреварот беа фаворити.

Крајниот резултат денеска беше 0:1, а го постави Дуков во 61-та минута од натпреварот, а црвено-белите не се заканија ниту малку сериозно кон гостинскиот гол.

Со овој резултат прилепчани се заковани речиси на самото дно од второлигашката табела со 4 бода, а зад нив се само Борец со 3 и Вардарски со 2 освоени бода.

И ако од овие два врзани домашни дуели се очекуваа барем 4 освоени бода, Победа остана на истото бодовно салдо, а тешко дека нешто ќе се промени и во наредното коло, кога црвено-белите имаат тешко гостување кај Башкими.

Во ликовната галерија на НУЦК”Марко Цепенков” во Прилеп, синоќа, 27.09.2024, беше отворена изложбата на слики “Видување” од Анита Јовеска Сот.

Уметницата на отворањето посочи дека верува во позитивната енергија, мисла и видување на секојдневието од еден друг агол, агол исполнет со боја и шаренило.

-Таа мисла ме инспирира и движи понатаму, каде низ спектарот на бои и елементи ги прикажувам различностите во изразите на лицата, сите нивни емоции, со што на некој начин го отсликувам сопствениот автопортрет или трансмисија на своите чувства низ времето и процесот на работа – рече Анита Јовеска Сот.

Изложбата ја отвори м-р Викторија Димеска, историчар на уметност, која посочи дека восхитувачките портрети на Јовеска одразуваат исклучителен визуелен ансамбл извезен со лиричен сликарски сензибилитет и облагороден со личните индивидуални чувства на авторката.

-Во раскошните експресивни композиции уметницата умешно ја обликува формата со примената на силни колоритни топло – студени и комлементарни контрасти за одразување на моќна чувствена изразност и драматичност, со употреба на контраст на линиите за создавање на динамична вибрантна ликовна содржина.Јовеска во сопствените лирични, автентични и драматични креации го создава единството во композицијата по пат на доминанта, поставувајќи акцент на емотивната експресија на портретот -рече Димеска.

Отворањето на изложбата, на кое присуствуваа голем број љубители на уметноста, беше збогатено со настапот на музичарите Андријана Дукоска и Борче Миленкоски.

Во 2013 година прилепчани се израдуваа на веста дека нивниот град конечно ќе добие трговски центар од затворен тип, и наместо да одат дури до главниот град, ќе имаат свој објект.

Но и после 11 години “Сити Центар“ не го виде светлото на денот и наместо големи продавници со брендирана роба, во овој објект функционираат само дуќаните во приземјето, а внатрешноста полека го губи планираниот сјај.

Само мал дел од сопствениците на деловни простори прават напори да го одржат објектот и да го зачуваат од уништување. Некои од нив велат дека при голем дожд тече вода насекаде, па поради тоа плочките во ходниците се кренати, а уништена е и дел од инсталацијата.

Секоја чест за тие кои се трудат објктот да не пропадне целосно, а дали некогаш ќе дочекаме истиот да биде ставен во целосна употреба, останува времето да покаже.

Кабли, гуми и разноразен друг отпад се гори на потегот кај Дабница во Прилеп, за пуст бакар… и така со години. Црни облаци од чад уште рано наутро се креваат над градот под Марковите Кули, прилепчани си дишат саѓи, а проблемот не е ниту на повидок да се реши.

Дали некогаш ќе се најде маж и институција да го реши овој проблем?!

Локација: Булевар “Александар Македонски” до Мотел “Бреза” во поранешниот дуќан на “Еуротерм” – мајсторите во “МАНЏА БАР” на денешното мени ви приготвиja еден куп различни јадења. Посетете ги или нарачајте на телефонскиот број: 078 86 71 71

☑️ Гулаш со телешко
☑️ Јанија со телешко
☑️ Бегова тава
☑️ Свинска мучкалица
☑️ Свинско печено
☑️ Подварок со свинско > 11 час
☑️ Ребро во фурна BBQ > 11 час
☑️ Свинска коленица >11 час
☑️ Сарма
☑️ Мусака
☑️ Ловечка > 10 час
☑️ Пилешко со 4 сирење
☑️ Пилешко во карбонара
☑️ Криспи стек
☑️ Похован стек
☑️ Стек на скара
☑️ Копан на скара без коска
☑️ Ориз,компир,пире
☑️ Салата

Ракометарите на РК Прилеп го забележаа и вториот пораз на гостувањето кај Алкалоид. Избраниците на Божидар Мојсов беа буквално прегазени од екипата предводена од Кире Лазаров. Крајниот резултат на семафорот 45:23 или лесен тренинг за тимот од Автокоманда.

Алкалоид големата победа ја најави уште во првиот дел, кој избраниците на Лазаров го добија со 23:13, па наредните 30 минути беа само рутина.

Најефикасен во победничката екипа беше Никола Костоски со седум погодоци, по пет постигнаа Мартин Серафимов, Игор Ѓорѓиев и Франциско Оливеира.

Кај Прилеп прво име беше кружниот напаѓач Томислав Квастек со четири реализации во мрежата на домашниот тим.

Она што можеше да се забележи и во овој дуел кај прилепчани, како и во претходниот против Охрид, е дека во одбраната недостасува столб како Филип Велески. Не дека некој од вљубениците во ракометот очекува чуда против екипи како Алкалоид, Еурофарм Пелистер и Вардар, но порази од 20 и повеќе голови разлика се срамни и недозволиви.

Прилепските грации од клубот за естетска гимнастика “АВАНТГАРД”, блеснаа на силниот Меѓународен турнир во оваа дисциплина на гимнастиката “СЕВАЉА МУЈИЌ”, кој минатиот викенд се одржа во спортската сала “Амел Бецковиќ” во Сараево.

Девојките ги освоија следните награди:

Анастасија Нешкоска – сребро со реквизит лента и бронза со топка

Марија Тошеска: два сребрени медали со обрач и топка

Јована Везенкоска: петто место без реквизит и сребро со топка

Илина Кузманоска: две четврти места без реквизит и со чуњеви

Јана Димоска: прво место без реквизит и осмо со обрач

Галена Ацеска: сребро со обрач

Мелани Ристеска: сребро без реквизит

Нашите гимнастичарки по којзнае кој пат покажаа дека овој спорт може да биде во самиот врв во Македонија, дека имаме капацитет и таленти, но за жал ни недостасуваат услови. Токму тоа и ги мачи во клубот, каде тренерот Александра Стојаноска прави надчовечки напори за овие деца да растат и да се развиваат во врвни македонски спортисти.

Надлежните сепак треба час поскоро да изнајдат начин и да го помогнат клубот, пред се со неопходни реквизити, а потоа и со пристојни услови за одржување тренинзи. Она што во моментов им е најнеопходно е нова теписон подлога наменета за оваа дисциплина. Овие деца заслужуваат, овие деца се наши амбасадори!

-Се викам Сандра мајка на Никодим кој има 3,5 години. Јас и мојот сопруг немавме 8 години деца и имавме голема голгота во животот. И конечно пред 3,5 години бевме најсреќните родители на светот затоа што на свет ни дојде НАШИОТ ДАР ОД БОГА ова прекрасно момче најубаво на цел свет кој се вика Никодим. За нас немаше поголема среќа од тоа затоа што конечно после 8 години станавме родители, ни се исполни најголемата желба на светот го имаме Никодим – стои во пораката на социјалните мрежи која во текот на вчерашниот ден ја трогна цела Македонија, а каде се бара помош за малиот Никодим од Прилеп, детенце кое итно треба да се оперира и чиј живот мораме сите заедно да го спасиме.

-Кога мислевме дека среќата е целосно на наша страна уживавме во сите моменти со Никодим, Никодим почна да се жали на ретки главоболки и повремено повраќање. Ние како родители мислевме дека е мало дете од 3 и пол години и му се присторува, но приметивме дека кога стои почнуваат да му се тресат рацете и нозете. Едноставно видовме промена кај нашето дете за неколку дена. ВЕДНАШ се обративме кај невролог кој по кажаните симптоми веднаш не испрати на Магнетна резонанса која ја направивме и од резултатот кој го добивме сме тотално во ШОК.

Ние како родители не сме моќни финансиски да ги платиме тие операции за нашето дете кое мораме да си го спасиме НАШИОТ ДАР ОД БОГА НАШИОТ НИКОДИМ. Затоа ве замолуваме сите вас познати и непознати да ни помогнете да си го спасиме нашето мало дете, НАШИОТ 3,5 годишен НИКОДИМ. ВЕ МОЛИМЕ КОЈ КОЛКУ МОЖЕТЕ ДА ДОНИРАТЕ, ДА СПОДЕЛИТЕ МНОГУ ЌЕ НИ ПОМОГНЕТЕ Секој кој би бил на наше место би молел за помош, ПОМОГНЕТЕ НИ, НЕ НЕ ОСТАВАЈТЕ САМИ ВО ОВАА БИТКА КОЈА ЗА НАС Е ПРЕТЕШКА ДОНИРАЈТЕ, СПОДЕЛЕТЕ СЕ РАБОТИ ЗА ЖИВОТОТ НА НАШИОТ НИКОДИМ – пишува мајката на Никодим.

Од денеска активни се и донаторските телефонски броеви на А1 и ТЕЛЕКОМ. ДОНИРАЈТЕ, затоа што Никодим во понеделник мора да замине на операција во Истанбул! Ајде заедно да му овозможиме среќно, здраво и безгрижно детство на ова мало ангелче!

Нашинците од странство се’ уште можат да донираат на линкот од платформата во продолжение: https://pavelandreev.org/mk/campaign/spasete-go-zivotot-na-nikodim?fbclid=IwY2xjawFiJ1xleHRuA2FlbQIxMQABHQkMRV7FrkVwzIGpdXg7IW7OwWAB0posQEid0Gq6Kl0Dza1bf4XTg4ApVg_aem_sV1ukdHcKBHJi6XvdJVSPQ

Со Решение на претседателот на Социјалдемократскиот сојуз на Македонија, Венко Филипче, за в.д. претседателка на ОО на СДСМ Прилеп е именувана Петра Лукароска, информираа во текот на вчерашниот ден од опозициската партија, а денеска новата претседателка, преку социјалните мрежи се обрати до членството.

Нејзинот ФБ статус во целост го пренесуваме во продолжение:

-Да се биде на чело на една од најголемите Општински организации на Социјалдемократскиот сојуз на Македонија, е огромна чест и привилегија.
Низ годините и децениите наназад, ОО на СДСМ Прилеп изнедрила голем број државни и партиски функционери кои важеле за значајни чинители во општественото живеење. Заради сите нив, заради огромниот број членови, симпатизери и поддржувачи на социјалдемократската идеја, како новоименувана претседателка на Општинската организација имам обврска, заедно со вас, да го вложам сето свое знаење во насока на враќање на партијата на победничките патеки.

Заедно до победнички СДСМ!

Неговото Високопреосвештенство, Aрхиерејот господин Петар, во сослужение на свештенството од храмот Св.Благовештение-Стара црква, денеска на големиот празник Крстовден, чиноначалствуваше со Света Божествена литургија.

-На светата литургија, нашиот митрополит ги произведе во чин протоереј ставрофор(крстоносец) и ги одликува со носење на граден крст, архиерејскиот намесник на Прилепското архиерејско намесништво Влатко Ристески и старешината на храмот Свето Благовештение Илчо Смилески, по одлука на Светиот Архиерејски Синод на МПЦ – ОА, а по барање на нашиот надлежен митрополит, за одредени достигнувања во добробитот на нашата света црква. На многаја лета владико – информираат од храмот.

Нека ни е за многу години празникот и вечно да стоиме под спасоносниот крст на нашиот Спасител, Господ Исус Христос.