-ОВР Прилеп поднесе кривична пријава против П.Н.(82) од прилепско село, поради постоење основи на сомнение за сторено кривично дело „полово вознемирување“.
На 26.08.2024 во селото, пријавениот, полово вознемирувал три малолетници – информираат во билтенот на МВР.
Владејачката ВМРО-ДПМНЕ има зголемен рејтинг и останува на првото место. Ова го покажува анкетата на Маркет Вижн, претворена во гласови на изборите. Според неа, 45, 2 % би гласале за ВМРО-ДПМНЕ, а 11, 2 % за СДСМ. Дури и партиите ДУИ и ВРЕДИ имаат поголем рејтинг од социјалдемократите.
Истражувањето на јавното мислење е спроведено од 16 до 24 септември 2024 година на 1.200 испитаници.
Вандалски чин во скопско Драчево ги вознемири жителите на оваа населба. Уништена е икона на Исус Хрисос во големиот парк во Драчево, а сторителите веднаш до неа го оставиле куранот. Драчевчани, но и многу верници од цела држава бурно реагираат на ваквиот чин кој предизвика меѓуверски и меѓуетнички тензии.
Како што може да се забележи од сликите на повеќе места е уништена иконата на Исус Христос особено околу очите и устата. Веднаш непосредно до иконата е оставен куранот, а со ваквиот гест се јавуваат нови сомнежи за тоа кој го сторил чинот. Сепак, останува нејасно зошто некој би посегнал по најсветото нешто за верниците, религијата.
Ваквиот чин предизвика меѓуверски тензии. Се огласија од навивачката група Комити кои велат „нема да простиме“.
Со голема радост ве известуваме дека на 4 октомври (петок), со почеток во 20:00 часот, во храмот „Св. Петка“ ќе се одржи уште еден хуманитарен концерт од серијата на културно-уметнички настани кои имаат за цел да го подигнат духовно-уметничкото и културно ниво во нашиот град. Овој пат, прилепската публика ќе има извонредна можност да ужива во настапот на нашиот прилепски тенор Стефан Неданоски, кој ќе биде придружуван од реномираната италијанска пијанистка, професорката Клаудија Рондели – стои во поканата од храмот Св. Петка.
Концертот следува по низата успешни музички настани кои се случија во текот на летото, а сите тие имаа за цел да се помогне доизградбата на овој велелепен храм во нашиот град.
-Вечерта ветува уникатно музичко доживување со избор на величествени оперски арии од најголемите светски композитори како Пучини, Верди, Маскањи, Леонкавало и Вагнер. Гласовните способности на нашиот тенор, кои веќе се препознати и на меѓународната сцена, во совршена хармонија со уметничката интерпретација на signora Rondelli, ќе направат оваа вечер да биде вистинско музичко богатство.
Организирањето на овие концерти е дел од нашата мисија да ја негуваме и поддржуваме уметноста, а истовремено да придонесеме за доизградбата на нашиот храм „Св. Петка“. Овие настани се значајни не само од уметнички аспект, туку и од духовен, создавајќи простор каде што културата и вербата се испреплетуваат, нудејќи една поинаква перспектива за младите и културната јавност.
Кога културата и уметноста се поврзуваат со вербата, тие ја надминуваат својата естетска функција и стануваат мост кој ја поврзува човечката душа со возвишеното. Преку музиката во храмот, ние не само што го славиме Бог, туку и ги отвараме срцата за љубовта, убавината и хармонијата. Токму тоа испреплетување на вербата и уметноста ја воздигнува културата на едно повисоко ниво, каде што материјалното и духовното коегзистираат и се надополнуваат.
Ве покануваме да бидете дел од оваа прекрасна вечер, во прекрасниот амбиент на храмот „Св. Петка“, и заедно да го поддржиме ова благородно дело, стои во поканата од храмот Св. Петка во населбата “Точила” во Прилеп.
На платото пред црквата летово концерти одржаа: Андријана Јаневска придружувана од звуците на Ратко и Драган Даутовски, Ламбе Алабаковски, женскиот камерен хор „Керамија“ и црковниот хор “Св.Петка” и талентираните „Прилепски млади виртуози“.
На 16.9.2024 година во претседателскиот кабинет се одржа прием на македонските учесници на научните олимпијади. Меѓу најуспешните беа и прилепските гимназијалци – олимпијците Петар Мирчевски, Ивана Атанасоска и Благој Рујаноски – Стојановски, кои успешно ја претставија гимназијата, Прилеп и Македонија на овие големи светски натпреварувања.
Претседателката и министерката за образование и наука им се обратија на учениците посакувајќи им уште поголеми успеси во иднина и ветувајќи дека ќе се обрне повеќе внимание на учесниците на научните олимпијади.
За потсетување:
Петар Мирчевски освои сребрен медал на Светската олимпијадата по хемија во Ријад, Саудиска Арабија.
Ивана Атанасоска во Пекинг, Кина, освои два бронзени медали на Светската олимпијадата по геонауки
Благој Рујаноски – Стојановски доби пофалница на Светската олимпијадата по информатика што се одржа во Александрија, Египет
Училишни ментори на учениците им се Блаже Димески – професор по хемија, Виолета Проскоска Велкоска- – професорка по географија и Анета Стојческа – професорка по информатика.
-На 29.09.2024 во 14.20 часот на улица „Ѓуро Салај“ во Прилеп полициски службеници од ОВР Прилеп го лишиле од слобода С.А.од Прилеп поради основано сомнение дека е извршител на кражба.
Украденото е пронајдено и вратено на сопственикот.
С.А. е задржан во полициска станица и по документирање на случајот против него ќе следува соодветен поднесок – информираат од МВР.
Петар Мирчевски со својот училишен ментор Блаже Димески
На 18.09. на Институтот за хемија при ПМФ Скопје, беше организиран настан за одбележување на успесите на македонскиот олимписки тим кој учествуваше на меѓунардните натпревари по хемија.
Професорот Миха Буклески со куса презентација ги пренесе искуствата и проблемите со кои се соочува СХТМ во текот на подготовките, а учениците ги споделија доживувањата на олимпијадите на кои учествуваа.
Потоа беа доделени медали на најдобрите млади хемичари за 2024 година, освоени на Македонската Хемиска Олимпијада (МХО-2024):
-Петар Мирчевски, СОУ Гимназија „Мирче Ацев“, Прилеп, златен медал
-Марио Ванчоски, СОУ Гимназија „Славчо Стојменски“, Штип, златен медал
-Иван Костевски, СОУ Гимназија „Славчо Стојменски“, Штип, сребрен медал
-Елена Живаљевиќ, ПСУ „Јахја Кемал“, Скопје, бронзен медал
-Јусуф Луш, СУГС Гимназија „Орце Николов“, Скопје, бронзен медал
Исто така, беа доделени и благодарници на нивните ментори од средните училишта, како и на сите оние кои го поддржаа учеството на Меѓународната олимпијада по хемија и Меѓународната олимпијада – Менделеев.
Денеска се празнуваат Св. маченички Вера, Надеж и Љубов и мајка им Софија.
Во својот богослужбен циклус, Црквата на овој ден се сеќава на животот и мачеништвото на четири римјанки Вера, Надеж, Љубов и нивната мајка Софија. Овие четири христоподобни дури беа приведени од римските власти за време на прогоните на императорот Хадријан, во првата половина на вториот век по Христа. Заради исповедањето на Христа и одбивањето да принесат жртви пред празниот идол на Артемида, Вера, Надеж и Љубов беа ставени на маки пред очите на нивната мајка и најпосле им беа отсечени главите. Софија ги зеде и ги закопа телата на своите три ќерки и откако помина три дена и ноќи во молитва над нивниот гроб, го предаде својот дух на Бога.
Празникот е посветен на жените и нивните деца, првенствено ќерки.
Се верува дека девојчињата треба да ги израдувате со некој подарок, колку и да е тој скромен. Ќе биде доволно да им посветите внимание и да им покажете колку ги сакате.
Најостро ја осудуваме тешката навреда на СДС кон македонските граѓани дека се цитираме: “будали”. Ваквата тешка навреда изречена од некогаш сериозната партија СДС е само отсликување на состојбите внатре во партијата и нивната тотална безидејност, велат од ВМРО-ДПМНЕ.
„Внатре наместо разумот владее интересот за спас и бегство од одговорност од криминалите. Не е ни чудно што 30 посто според најновите анкети незнаат кој е лидер на СДС.
Таму владеат децата на Заев, а пак Филипче не ја игра ниту улогата на статист. Затоа СДС има рејтинг кој е на ниво на стратистичка грешка, и 4 до 5 пати помал споредено со ВМРО-ДПМНЕ.
Тие ликуваат и се радуваат што Македонија на патот кон ЕУ ја раздвоија од Албанија и тоа е нивната најголема награда и успех за работењето против својата држава. Откако го искрадоа народот сега го навредуваат дека е будала.
СДС имаат криза на идентитет. Која се пресликува и во соопштенијата. Предавствата ги покажуваат како успеси, а кражбите за реформи.
Ваква навреда за народот не се случила историски ниту во времињата на Марија Антоанета или Луј 14ти или Хитлер и Мусолини. Бараме итно повлекување и јавно извинување од СДС“, велат од партијата.
Винисиус Де Соуза Мораеш е големото засилување на МРК Куманово и од него доаѓа најголемата опасност за противничките одбрани и голмани.
Голем брз индивидуалец, кој знае да постигне и над 10 голови по утакмица.
Игра на позиција десен бек, токму кај “број 5” или халф во противничката одбрана.
На таа позиција во одбраната на РК Прилеп беше неприкосновен капитенот Филип Велески.
Токму затоа љубителите на ракометот во Прилеп и навивачите, бараат и очекуваат “кам-бек” на Велески, за да се среди одбрана која не е на завидно ниво во новата сезона, откако тој ја превзеде директорската позиција во клубот под Марковите Кули.
