-СВР Битола поднесе кривична пријава против Џ.А.(34) од Прилеп поради постоење основи на сомнение за сторено кривично дело „загрозување со опасно орудие при тепачка или караница“.

На 07.08.2024 на ул.„Дебарца“ во Прилеп, по претходна расправија, пријавениот се обидел со остар предмет да го нападне Д.А., но бил спречен од друго лице – информираат од МВР.

Земјава и Балканот се сеќаваат на Тоше Проески кој на денешен ден пред седумнаесет години трагично го загуби животот во сообраќајна несреќа кај Нова Градишка, на пат кон Загреб.

Една од традициите за сеќавање на Тоше е маратонот кој маратонците од Нова Градишка го трчаат до Крушево. И оваа година четиринаесет учесници го трчаат 17-тиот маратон во чест на Тоше.

Маратонот почна завчера од Нова Градишка, пред неговото спомен обележје, а денеска, на годишнината од неговото загинување, ќе пристигнат во Крушево.

Се очекува маратонците да пристигнат околу пладне во Крушево, каде ќе бидат пречекани од учениците од основното и средно училиште кои ќе даруваат 500 рози во чест на Тоше Проески.

Крајната цел на маратонците е вечното почивалиште на Тоше Проески, споменичното обележје на Гумење во Крушево.

По повод 17 годишнината од смртта на Тоше, Скопскиот Брас Квинтет во соработка со Скопскиот Брас Фестивал, ќе одржи два концерта во Хрватска.

Едниот концерт ќе се одржи вечер во македонската православна црква Св. „Злата Мегленска“ во Загреб, а на 18. октомври концерт ќе биде одржан во ХКД на Шушак во Ријека.

Во Националната опера и балет во Скопје, на 12-ти овој месец, беше одржан интернационален натпревар во пеење „Песните на Тоше Проески“, во организација на Естрада Мултимедија Центар.

На настанот учествуваа млади музичари од нашата држава, од Србија, Хрватска, Босна и Херцеговина, Русија, Украина, Малта и Израел, кои беа оцененувани од страна на жирито составено од бендот на Тоше.

Животот на Тоше заврши во годината кога одбележуваше десет години успешна кариера и кога таа почна да станува меѓународна. Но албумот на англиски јазик што го подготовуваше беше постхумно промовиран (The Hardest Thing).

Тодор Проески – Тоше е роден на 25 јануари 1981 и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик.

Музичката кариера ја почна со победата на „Мелфест“ во Прилеп, во 1997 година, и оттогаш настапуваше на сите значајни фестивали во земјава и регионот, а во 2004 ја претставуваше Република Македонија на Евровизија во Истанбул. Таа година стана и амбасадор на УНИЦЕФ.

Објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт, кој беше хуманитарен и за подобрување на условите во образованието во Македонија, го одржа на Градскиот стадион на 5 октомври 2007.

Авто – Мото сојузот на Македонија информира дека сообраќајот на превој Плетвар кај местото викано Ленишки мост се одвива по една коловозна лента со пропуштање.

Како што информираат оттаму, наизменичниот сообраќај е поради опожарено патничко моторно возило на коловозот.

Maркукуле дознава дека возилото се запалило веднаш после Ленишки мост и е марка “Голф 4”. Засега нема информации за повредени лица и за причините поради кои е настанат пожарот.

На 26.10. во 20ч во Центарот за култура – “Марко Цепонков” во Прилеп, доаѓа Марјан Георгиевски со неговата голема стенд ап турнеја

Еден од првите стенд ап комичари во Македонија, конечно после цели петнаесет години прави ваков исчекор на задоволство на публиката, а насловот на турнејата е “За македонските работи”.

“Ова е текст кој се занимава со еден народ, со една земја, со еден менталитет, навики и обичаи. За Македонците во минатото, сегашноста и иднината. Оваа турнеја е за сите нас кои што останавме овде, но и за оние кои заминаа. Ветувам едно поинакво сценско доживување со новитети, кои не се користат во стенд ап настапите кај нас.” – вели Марјан за неговото најново шоу.

Друштво на оваа турнеја ќе му прави неговата колешка Надица Петрова, која ќе биде задолжена за отварањето на сите настани низ турнејата.

Картите се по цена од 300ден и се веќе во продажба во ONYX кафе. До овој момент, половина сала е продадена, затоа ПОБРЗАЈТЕ!

-На 13.10.2024 околу 01:00часот во ОВР Прилеп било пријавено дека настанал пожар во угостителски објект во населба “Точила” во Прилеп, сопственост на Ф.Г. Пожарот бил изгаснат од екипа на Територијалната противпожарна единица Прилеп, а повредени лица нема, причинета била материјална штета.

Увид извршила увидна екипа на ОВР Прилеп.

Во театарот „Војдан Чернодрински“ започна подготовката на новата претстава во режија на Борис Василески.

„Го викаа Господин“ или можеби се уште „Го викаат Господин“, тоа се двата главни кандидати за име на претставата во овој момент – вели режисерот.

Автор на овој драмски текст е Филип Леле, современ германски автор кој го напишал овој текст во 2008 на негова триесетгодишна возраст.

-Претставата ќе ја следи приказната на Господин, човекот кој на донкихотски начин се решава да се бори против капитализмот, па така влегува во борба против целиот свет. Текстот сам по себе е силно врзан за современите случувања во поглед на овој доцнокапиталистички начин на живот и каква форма завзеде светот кога безрезервно се остави парите да го диктираат темпото на живот, а сите вредности што некогаш постоеле станаа петтостепени. Токму и од овие размисли потекна потребата за поставување на оваа претстава, за да можеме да направиме еден чекор назад и да се погледнеме од далеку на што изгледаме кога сме под влијание на парите. Публиката ќе има можност да погледне една фарса овој пат на сцената, која како и секогаш е сестра на комедијата. Во претставата ќе играат актерите Игор Трпчески, Даниела Иваноска, Димитар Ѓорѓиевски, Дарко Карбески и Наталија Ристеска, додека сценографијата ќе биде на Ненад Тонкин, костимите на Марта Дојчиновска, а музиката на Томе Темелкоски – вели Василески.

Премиерата се очекува на крајот од ноември. Проектот е од годишната програма за работа на театарот за 2024 и е поддржан од Министерството за култура и туризам.

Зоран Шумкоски, автолакер со 30-годишно искуство од Прилеп, заедно со својот тим од сервис “ИНАЗ”, неодамна ја заврши реставрацијата на ретро возило Fiat 1300 од 1973 година, кое остави голем впечаток на натпреварот „Tuning Car Show“ во градот под Марковите Кули.

Натпреварот се одржа на 11. Октомври, по повод Денот на народното востание, каде Зоран и неговиот тим заслужено ја освоија наградата за најдобра реставрација.

Нивната прецизност и внимание кон деталите, се јасен показател за долгогодишното искуство и посветеност на Зоран во оваа занаетчиска уметност.

Реставрацијата на Fiat 1300 не само што го врати оригиналниот сјај на возилото, туку и внесе нов живот во него, што ги импресионираше и љубителите и судиите на настанот.

Во продолжение погледнете како изгледаше автомобилот пред и после реставрацијата:

Започна изградбата на улица во село Мусинци која ќе биде прва изградена од планираните 30 улици низ цела општина.

-Согласно Развојната програма на општина Могила и со средства од Буџетот на Општина Могила планирана е изградба на 30 улици низ цела општина Могила што значи нашата општина ќе биде зафатена од голема градежна офанзива со што значајно ќе се подобри патната инфраструктура – информираат од оваа пелагониска општина.

Во ООУ „Кире Гавролоски Јане“ Прилеп, во среда (16.10.), со почеток од 11:30ч., по мотото „Избери здраво, живеј силно“ ќе се реализира ЕСЕНСКИ ПАНАЃУР.

Промоција на здравата храна, нејзината важност и значење за правилен раст и развој е целта на овој панаѓур, на кој што ќе бидат изложени овошје, зеленчук и подготвена храна од нашето поднебје.

Цели глутници кучиња скитници сеат страв и создаваат невидена бука низ Прилеп, особено во ноќните часови. Граѓаните бараат ЈКП Комуналец да го стави овој проблем на врвот приоритети, затоа што во градот врие од кучиња скитници во секое маало.

Видеото во прилог е од плоштадите во центарот на градот. Повелете избројте колку ги има на неколку метри квадратни растојание…