Основното јавно обвинителство Прилеп постапува во предистражна постапка поради сомненија за кривично дело Злоупотреба на службена положба и овластување, а поврзано со финансиското работење на болницата.

Обезбедени се наредби за претрес на осум локации, а дејствијата ги презема Управата за финансиска полиција.

По претресите, предистражната постапка ќе продолжи со други дејствија за обезбедување докази.

Фото/РК Прилеп/ФБ

По воведните победи над Борец и Пролет, изминатиот викенд Прилеп ремизираше на гостувањето кај Куманово, а во рамките на четвртото коло од плеј-аут разигрувањето во ракометната Супер лига, прилепчани го дочекуваат Радовиш.

Натпреварот се игра во четврток (17.04) со почеток од 19:00часот, а на истиот се очекува присуство на навивачката група “Лебари” од Радовиш.

Навивачката група од овој град уредно го најавила своето присуство и побарале да се обезбедат услови за фер и коректно навивање.

Прилепчани пак очекуваат полн погодок од овој натпревар и полека трасирање на патот кон сигурен опстанок во суперлигашкото ракометно друштво.

Маркетите, аптеките и продавниците за техника и мебел од петок ќе мора да ги објавуваат цените на своите производи на официјална веб-страница. Обврската е согласно измените на Законот за заштита на потрошувачи што стапуваат во сила на 18. месецов (петок) откако по нивното усвојување во Собранието и објавата во Службен весник на 4. минатиот месец Министерството за економија во предвидениот рок од 45 дена изготви Правилник за начинот на објавување на цените на стоките и податоците што треба да се објавуваат од страна на мал, среден и голем трговец кој врши дејност трговија на мало.

Во Правилникот е наведено дека малиот, средниот и големиот трговец кој врши дејност трговија на мало согласно Националната класификација на дејностите ги објавува цените на стоките кои ги пласира на пазарот на својата веб-страница на јасен и достапен начин, преку посебен дел на веб-страницата на трговецот посветен на цените (Ценовник).

Објавените цени треба да бидат достапни без потреба од регистрација или дополнителна најава. Цените на стоките (тековната продажна цена, единечната цена, промотивната или попустната цена) за секој одделен продажен објект на трговецот се објавуваат на вебстраницата соглaсно ставот (1) на овој член и ги содржат податоците утврдени во Прилогот, кој е составен дел на овој правилник.

Доколку од страна на трговецот се нудат промотивни или попустни цени, на веб страницата на трговецот треба да биде означена редовната цена, процентот или износот на намалувањето, како и времетраењето на промоцијата или попустот.

Како што е наведено во Правилникот, трговците треба да ги ажурираат цените на стоките на дневна основа, односно секој работен ден до 10:00 часот.

Во случај на ненамерна техничка грешка во ажурирањето на цените на стоките, трговецот треба да ја корегира грешката во рок од 24 часа.

Заменик министерот за економија и труд Марјан Ристески минатата недела изјави дека со измените во Законот за заштита на потрошувачи се обезбедува транспрентност на цените бидејќи малите, големите и средните маркети ќе мора да ги објавуваат на нивните веб страници.

-Тоа ќе им даде можност на купувачите да одлучат од каде ќе купуваат, изјави Ристески во одговор на новинарско прашање.

Ристески нагласи дека тоа е израелски модел за контрола на цените на производите кој се применува во Израел, Италија, Хрватска.

Една од новите можности за контрола на цените, како што рече, е и промената во Законот за прекршоци каде покрај парична казна од 500 до 10.000 евра, во зависност од големината на маркетите, е воведена и поригорозна мерка затворање на маркетот од 15 дена. – Покрај тоа, оперативно делува и Комисијата за заштита на конкуренција, која ревносно работи од јануари наваму, откако почнаа нејзините законски обврски и се комплетира во однос на контрола на договорите помеѓу добавувачите и трговците на големо и мало, изјави Ристески.

Тој оцени и дека мерката за ограничување на бруто профитните маржи за празниците дава резултати и има дефлација од 1,3 отсто во однос на претходниот месец и намалување на цените на основните прехранбени производи и пијалаци од три отсто.

Маркукуле дознава дека утрово едниници на МВР и Финансова полиција вршат претреси на повеќе локации во Прилеп.

Неофицијално и во едно населено место.

Подетални информации во текот на денот

Нашиот сограѓанин Кире Сваќароски – Бакла, на својот ФБ профил започна една хумана иницијатива, која се надеваме дека во духот на православието ќе ја следат и други граѓани, па и фирми од Прилеп.

За што точно станува збор, прочитајте го ФБ статусот на Сваќароски во продолжение:

-Почитувани пријатели од секогаш сум бил спремен да помогнам на било кој начин онаму каде што треба и колку што можам но инспириран од неколку хумани потези на хуманитарци во овај велигденски пост решив да се приклучам и јас ,а можеби и некој ќе мотивирам да донира како мене и останатите.

За многу години да ни е Велигден Христовото Воскресение – напиша Кире.

Прилепското студио по модерни танци NEW GENERATION за прв пат зеде учество на популарниот SUN DANCE фестивал, кој се одржува во Сандански, Бугарија.

Во огромна конкуренција на квалитетни групи од Балканот, девојките од NEW GENERATION имаа одлични настапи и постигнаа врвни резултати.

Малата Дарија Стојаноска направи вистински бум со нејзината соло изведба во стрит денс, и го освои првото место.

Маестрална беше и малата Антонина Котеска, која освои прво место во МТВ ДЕНС, а прво место освоија и Ива Гинеска и Марија Ристеска во дуо формација.

Дуото Нина Димеска и Михаела Јованоска го освои второто место, а формацијата на Сара Силеска, Ива Мирческа, Михаела Јованоска, го овои третото место.

Одични соло настапи и високи пласмани забележаа и: Софија Митаноска, Мидеа Георгиева, Теона Стојаноска и Јована Стојковска.

Од NEW GENERATION информираат дека после натпреварот во Бугарија ќе одморат еден ден, а веќе од утре активно ќе се подготвуваат за голем натпрева во Скопје, што ќе се одржи на 26. април.

-На 14.04.2025 во 00.10 часот, полициски службеници од ОВР Кавадарци го лишиле од слобода Д.С.(38) од Кавадарци.

На улица „Страшо Пинџур“ во Кавадарци, тој со патничко возило „бмв“ со кавадаречки регистарски ознаки не застанал на знак за запирање, но по преземени мерки, бил запрен од страна на полициските службеници, а од извршените проверки било констатирано дека го управувал возилото со 2,16 промили алкохол во крвта.

Д.С. бил задржан во полициска станица, а возилото било привремено одземено.

Известен бил јавен обвинител и по документирање на настанот против него ќе биде поднесена пријава по член 297 А од Кривичниот законик – „безобзирно управување со моторно возило“ – информираат од МВР.

Екипата на Еурофарм Пелистер во рамки на третото коло од плеј-оф разигрувањето во Супер лигата, триумфираше над Алкалоид со 30:28 и го задржа првото место на табелата.

Битолчани со сигурна игра итаат кон нова шампионска титула, но до крајот на првенството има уште 7 кола. Она што по којзнае кој пат остави впечаток беше громогласната атмосфера во спортската сала “Боро Чурлевски”, каде битолската публика приреди нов спектакл.

Едноставно е, дајте им на битолчани да ги организираат сите натпревари на националните селекции…. Резултатите со ваква атмосфера ќе бидат неминовни…

Федерацијата на училишен спорт на Македонија за учебната 2024/2025 година, организацијата на Државното првенство кошарка машки од средните училишта, ја додели на Општинскиот сојуз на училишен спорт на Битола.

Целокупната агенда на државниот настан, планот и програмата на Државното првенство ја презеде СОУ Гимназија ,,Јосип Броз Тито,, – Битола и Стручниот актив по спорт и спортски активности.

На настанот учествуваат: СОУ ,,Јосиф Јосифовски“ од Гевгелија, СОУ ,,Др. Ибрахим Темо“ од Струга, СОУ Гимназија ,,Јосип Броз Тито“ од Скопје и СОУ Гимназија ,,Јосип Броз Тито“ од Битола.

Поздравни обраќања пред почетокот на настанот имаа директорката на СОУ Гимназија „Јосип Броз Тито”, Лидија Споа и градоначалникот на општина Битола, Тони Коњановски.

Преку програмата за млади и спорт, Општина Битола издвојува значајна поддршка на активностите на Сојузот на училишен спорт на Битола, а годинава поддршката е во износ од 1.500.000 денари.

Советничка на ВМРО-ДПМНЕ во Кочани, Кристина Атанасова-Арсова низ солзи си поднесе оставка од функцијата за време на изборот на в.д. градоначалник во Кочани.

-Ќе побарам прошка и извинување на сите граѓани кои дадоа глас за мене како дел од советничката листа, затоа што не успеав да реализирам многу работи бидејќи тие работи не беа приоритет за градоначалникот и раководството. Истите водени од своите суети, понесени од моќта на функциите, се грижеа само за своите интереси, истакна денеска советничка од редовите на ВМРО-ДПМНЕ во Советот на Општина Кочани.

Советот денеска бира в.д градоначалник.

-Јас во оваа прилика сакам да ја доставам мојата оставка за советник до претседателот на Советот, Ова е страшно недостојно и понижувачки за мене и за сите кои ме гласале. Оние кои не ме знаат можат да ме критикуваат, а оние кои ме знаат ќе знаат зошто го правам тоа.

Јас во иднина ќе се посветам на моето дете кое е повредено и на сите деца кои се повредени. Сите идеали на овој свет не вредат колку солзите на едно дете, истакна советничката.

-На денешната седница каде имаме два кандидати за в.д градоначалник, за едниот кој се кажува како обичен човек, притоа заборава дека сите сме обични, за тој кој својот кредибилитет го гради само преку медиумски ситни реклами, човек кој не одговори на прашање заошто како советник сите овие години не се сетил да се запраша за правилностите или неправилностите во дискотеката, а тоа е веројатно затоа што му годела забавата во тој објект после користењето на забранети супстанци. За другиот заедно со своите блиски другарчиња, понесен од влијанието на позицијата тргнува по освојување на функционерска позиција притоа со физички напади, човекот кој не го гласаше Буџетот за 2025, а сега сака да раководи со него. Во оваа прилика сакам да ја доставам мојата оставка како советник“ – вели Атанасова Арсова.

Кристина Атанасова – Арсова, беше советник во советот на Општина Кочани, а претходно и директор на штипскиот Дом на култура „Ацо Шопов“.