-СВР Битола поднесе кривична пријава против З.Ц.(49) од Прилеп поради постоење основи на сомнение за сторено кривично дело „оштетување и неовластено навлегување во компјутерски систем“.

Во периодот од 03.10.2024 до 04.10.2024 пријавениот извршил девет трансакции со платежна картичка во сопственост на О.Д., која на 03.10.2024 била пријавена за изгубена – информираат од СВР Битола.

Храмот „Св. Преп. мчца. Параскева (Петка) Римјанка“ во нас. Точила, Прилеп, поттикнат од големиот интерес од минатата година, по втор пат го распишува БОЖИКНИОТ НАГРАДЕН КОНКУРС за литературна и ликовна уметност на кој право на учество имаат учениците од основните училишта во Општина Прилеп. Овој празничен конкурс е можност за сите основци од нашата општина да го изразат својот талент преку збор и боја, и да го почувствуваат Божикниот дух преку создавање.

ЦЕЛТА НА КОНКУРСОТ е приближување на празникот до срцата на децата, нивно обединување во радоста на Рождеството и да се промовираат важни вредности преку творештвото. Конкурсот носи и воспитно-образовен карактер, поттикнувајќи ги младите да се изразат преку уметност и да го развиваат својот креативен потенцијал.

ТЕМА: „Рождество Христово – Божикната радост во нашиот дом“

– Учесниците можат да творат за моментите поврзани со рождеството Христово или да го насочат вниманието кон семејните вредности и топлината на Божикните празници и да ја претстават радоста на Божикните моменти дома со своите најблиски.

Учесниците ќе се натпреваруваат во две категории: литературна и ликовна уметност, поделени по одделенија:

– I категорија: Од 1-во до 5-то одделение
– II категорија: Од 6-то до 9-то одделение

УСЛОВИ ЗА УЧЕСТВО:

– ЛИТЕРАТУРНА КАТЕГОРИЈА – Пријавените можат да создадат проза или поезија (само една творба) до две страници во А4 формат, со фонт 12.
– ЛИКОВНА КАТЕГОРИЈА – Пријавените можат да подготват цртеж на блок бр. 4 или 5.
Конкурсот трае од 18 ноември до 18 декември 2024. Творбите треба да бидат потпишани со име, презиме, училиште, одделение, име на менторот (ако има), адреса на живеење и контакт телефон. Творбитете треба да се достават ИСКЛУЧИВО ВО ХРАМОТ.
ОЦЕНУВАЊЕ И НАГРАДИ:

Творбите ќе ги оцени стручно жири во состав:

– Блага Тутеска, наставник по македонски јазик во пензија и поетеса
– Павлинче Чочкова, наставник по македонски јазик во пензија
– М-р Александар Џинго, професор по ликовно образование
– Елена Димоска, наставник по ликовно образование
– Протоереј Љупче Петрески, старешина на храм Св. Петка

Во секоја поткатегорија ќе бидат избрани победници на прво, второ и трето место.

СВЕЧЕНО ДОДЕЛУВАЊЕ НА НАГРАДИТЕ

На Бадник, по утринската богослужба (11:00 ч), ќе се одржи свеченото прогласување и доделување на наградите, пропратено со духовна и културно-уметничка програма. Сите учесници со нивните ментори ќе добијат пофалници и награди, а првонаградените ќе добијат дипломи и предметни или парични награди. На платото пред храмот ќе бидат изложени сите дела, а победниците во литературната категорија ќе ги прочитаат своите творби пред присутните.

Организаторот, храм „Св. Петка“, го задржува правото да објави дел или сите творби на својата фејсбук страница: Храм Света Петка Прилеп, како и фотографии од доделувањето на наградите на Бадник.

Со овој конкурс се надеваме дека ќе го поттикнеме развојот на креативните способности кај младите, негувајќи ја љубовта кон литературата и ликовната уметност, и со тоа ќе придонесеме кон градење на вредности кои ќе ги следат и во иднина.

Се радуваме на вашето учество и ве охрабруваме да го изразите вашиот творечки дух! Божикната радост нека биде вашата инспирација!
Бог нека ве благослови и инспирира!

Со почит,

В.д. старешина на храм Св. Петка
Протоереј Љупче Петрески

17-ти Ноември е светски ден на предвреме родените бебиња. Во оваа група спаѓаат сите новороденчиња пред полна 37ма гестациска недела.

Ова е сериозен број на исклучително мали по старост пациенти, но и екстремно незрели пациенти, бебиња од 23 гестациска недела па нагоре. Според статистиката, околу 13 милиони бебиња во светот се раѓаат предвреме. За да се намали таа бројка, клучен е пристапот на квалитетна нега во сите здравствени установи. Оваа година тоа е и една од главните теми на светско ниво.

Во градската болница “Борка Талески” во Прилеп, и денеска традиционално се одржа хуманитарен настан. Сите собрани средства секоја година се донираат во одделот за неонатологија, а и оваа година голем број граѓани донираа средства на настанот.

Тука беа и членките на Унијата на жени при ОК ВМРО-ДПМНЕ Прилеп, предводени од пратеничката Билјана Кузманоска, кои со свој прилог го поддржаа овој хуманитарен настан.

-Заедно со членките на Унија на жени на ОК ВМРО ДПМНЕ – Прилеп и оваа година ја прифативме иницијативата на мајките на предвремено родени деца и со хуманитарна акција го одбележавме Светскиот ден на предвремено родени деца. Собраните парични средства ќе бидат искористени на неонатолошкиот оддел при ЈЗУ Општа Болница „Борка Талески“ Прилеп за подобрување на условите и обезбедување на апарати кои ќе бидат од корист при нега на предвремено родени бебиња. Соочувањето со мало новороденче во животот е големо изненадување, но и најголема среќа за секое семејство. Нам ни ѐ важна среќата на секое семејство во Македонија, а посебна грижа, поддршка и разбирање упатуваме кон семејствата на предвремено родени деца. Испраќаме апел и охрабрување до сите хумани граѓани, здруженија и бизнис секторот да ја поддржат оваа иницијатива и да ја покажат својата хуманост – напиша Кузманоска на својот Фејсубк профил.

17-ти Ноември е Светски ден на предвреме родените бебиња. Во оваа група спаѓаат сите новороденчиња пред полна 37ма гестациска недела.

Ова е сериозен број на исклучително мали по старост пациенти, но и екстремно незрели пациенти, бебиња од 23 гестациска недела па нагоре. Според статистиката, околу 13 милиони бебиња во светот се раѓаат предвреме. За да се намали таа бројка, клучен е пристапот на квалитетна нега во сите здравствени установи. Оваа година тоа е и една од главните теми на светско ниво.

Во градската болница “Борка Талески” во Прилеп, и денеска традиционално се одржа хуманитарен настан. Сите собрани средства секоја година се донираат во одделот за неонатологија, а и оваа година голем број граѓани донираа средства на настанот.

-За нас како здравствена установа, најважно ни е да работиме на намалувањето на овие бројки преку превенција од предвемено породување (намалување на ризик факторите кои доведуваат до него, редовно и навремено следење на бремените жени и нивна едукација).
Прематуритетот е водечка причина за смртност на децата во рана возраст а дел од преживеаните деца се борат со последиците до крајот на својот живот. Нашата установа прифаќа новороденчиња со полна 34-та гестациска недела и со гордост можеме да кажеме дека досега успешно се справуваме со предизвиците за спасување и на помали новороденчиња. Наша цел и мотив е да создадеме што подобри услови и квалитетна нега на сите новороденчиња следејќи ги светските трендови и најновиот мастер план на Министерството за здравство за регионализација на перинаталната здравствена заштита – напишаа од прилепската болница на социјалните мрежи.

Од страна на граничната полиција на Република Северна Македонија на влез на градот Дебар при редовна контрола на товарно патничко возило со скопски регистарски ознаки утврдено е дека се врши нелегален превоз/транспорт на животни без соодветни документи за движење на животните (искористени сертификати за движење на животните од истото одгледувалиште), со валидни пасоши за животните.

При извршениот вонреден инспекциски надзор од страна на официјален ветеринар од подрачна единица на Агенција за храна и ветеринарство ( АХВ) од Дебар, констатирано е дека се работи за превоз на 17 говеда (телиња) на старост од 8 до 10 месеци, со потекло од одгледувалишта во село Витолиште, општина Прилеп.

Од страна на официјалниот ветеринар животните се одземени и предадени се на понатамошно постапување од страна на Агенцијата за одземен имот. Во текот на денешниот ден од страна на официјален ветеринар ќе биде постапено согласно надлежностите од Законот за ветеринарно здравство и Законот за идентификација и регистрација на животните. Агенцијата за храна и ветеринарство продолжува со бескомпромисната борба против корупцијата и справување со сите незаконски дејствија од минатото.

Не стивнуваат поделбите во Либерално-демократската партија (ЛДП). Иницијативниот партиски одбор, кој бара смена на претседателката Моника Зајкова, реагира на нејзината изјава дека ЛДП се стреми да биде власт, а не кокета.

Од иницијативниот одбор на ЛДП нејзините изјави ги оценија како небулозни коментирајќи дека непринципиелната политика на раководството на ЛДП и Моника Зајкова оди до таму што, наместо почитување на интересот и желбата на граѓаните, единствено со што се занимаваат е остварување на желбите и интересите на раководството на ЛДП.

„Изборната волја на граѓаните беше јасно кажана на последните избори на кои Зајкова како коносител на листа доби црвен картон од граѓаните за нејзините погрешни политики. И наместо да понесе одговорност за изборниот пораз, таа без срам објавува желби да била дел од власта. Дволичната политика на раководството е веќе осудена од членството и од широката јавност. Очигледно на политичката сцена се најде достојна замена за Амди Бајрам и неговата парола ‘Кој е на власт, ја сум со вас’“, велат од иницијативниот одбор на ЛДП.

Оттука, бараат раководството на ЛДП да престане со додворување на власта и да ја прифати опозициската улога што им ја доверија граѓаните.

Зајкова,вчера, во интервју во дневникот на МТВ изјави дека ЛДП во парламентот дејствува независно и дејствувала независно и во минатиот парламентарен состав бранејќи ја својата либерално-демократска политика, но и идеја.

„ЛДП не кокетира со власта како и секоја политичка партија, ЛДП се стреми да биде власт, а не да биде кокета“, изјави Зајкова.

Иницијативниот одбор за себе вели дека претставува големо мнозинство од две третини од општинските организации и бара смена на претседателката. Зајкова, пак, тврди дека се работи за политички непознати поединци разочарани дека ги губат државните привилегии, кои немаат никакво мнозинство во партијата.

ЛДП на последните парламентарни избори настапи во коалиција со СДСМ.

Науката ги има одговорите на глобалните предизвици, нејзино е да ги сподели со политичарите и со Владите, а тие треба да слушаат!
Ова е една од пораките на академската фела на меѓународната конференција ICON BEST 2024 која денеска се одржа на Универзитетот Скопје.
Меѓу говорниците на овој престижен настан се докажани професионалци од регионот и од Европа, меѓу нив и проф.д-р Горан Бандов, г-дин Луј Башур, како и проф.д-р Зоран Ивановски, Проректор за наука и развој на Универзитет Скопје.

,,Во повеќе од 9 сесии посветени на економијата, претприемништвото, дигитализацијата, маркетингот и човечките ресурси, истакнати домашни и меѓународни експерти и универзитетски професори ги изложија своите иновативни истражувања и резултати” порача Проректорот Ивановски.
Денеска знаеме и треба да градиме образование за 21-от век, смета академската заедница.

,,Светот се соочува со глобални проблеми. На оваа конференција науката ќе го даде својот придонес за нивното надминување за да го поттикне глобалниот развој” рече проф. д-р Горан Бандов од Хрватска.

Според глобалните истражувањата се очекува во 2027 повеќе од 30% од работните места да бидат заменети со машини и токму затоа неопходно е партнерството меѓу образовните и бизнис институции.

,,Најважно во една држава е градењето на партнерство меѓу образовните институции и бизнис секторот, бидејќи на тој начин се гради едно стабилно општество, со сигурна иднина” истакна проф. д-р Миглена Темелкова, Ректорот на Универзитет за телекомуникации и пошти во Софија.

УТМС како високообразовна, научна и општествена одговорна институција на заеднички настан донесе реномирани професори кои ги споделија своите академски искуства!

Стабилното и суво време ќе се задржи само до вторник. Веќе Од среда 20.11.2024 па се до крајот на неделата под влијание на моќен циклонски систем кој ќе биде во склоп со многу поладниот воздух кој ќе се спушта од север, ќе условува серија на изразени влажни воздушни бранови кои ќе условуваат повремени врнежи од дожд, и истите повремено ќе бидат обилни.

На планините и на повисоките места повремено ќе има врнежи од снег, а повремено снежната граница можно е повторно да се спушти до околу, па и под 1000 метри надморска височина, со што појава на повремен снег би можело да има и во повисоките населени места.

Сето ова ќе биде проследено со засилен, до повремено силен ветер од јужен, југоисточен и од западен правец, додека во сабота ветерот ќе биде повторно силен и од северен правец. Повремено и локално ветерот ќе достигнува доста голема брзина (и тоа од над 80/90 км/час).

За време на оваа серија на влажни воздушни бранови, повремено и локално ќе наврне значително количество на воден талог (над 30 литри дожд на метар квадратен), а на планините ќе се формира снежна покривка со висина од 10 до 20 cм, а на високите планини таа би можела да биде и поголема. Помала снежна покривка има услови да се формира и во повисоките населени места.

Што се однесува до температурите, тие најпрвин ќе бидат во пораст, особено во среда кога тие ќе се искачуваат во интервалот од 9 до 17 степени. Од четврток тие ќе опаѓаат и ќе се искачуваат во интервалот од 7 до 14 степени, меѓутоа повремено тие ќе бидат и значително пониски, а во утринските часови особено во петок и за време на викендот ќе биде многу постудено кога температурите во најголем дел од Македонија ќе се спуштаат под нулата, а понекаде тие ќе се спуштат и до близу -10 степени, на високите планини и под -10 степени.

Со голема духовна радост Ве известуваме дека во петок, на 22 ноември 2024 година, во храмот „Св. Петка“ во Прилеп, ќе го чествуваме споменот на големиот светител и чудотворец Св. Нектариј Егински. По овој повод, прв пат во нашиот град, ќе бидат изложени мошти од овој светител, што претставува особен благослов за сите нас – информираат од црковниот храм Св. Петка во населбата “Точила” во Прилеп.

Св. Нектариј Егински е еден од најпочитуваните светители во православниот свет, познат по својата длабока вера, смирение и чудотворни дела. Манастирот што го основал на островот Егина во Грција денес е едно од најпосетуваните поклонички места, каде илјадници верници се собираат за да му се поклонат и да побараат негово застапништво. Особено е познат како голем исцелител од душевни и телесни маки, а многумина сведочат за исцеленија од најтешката болест на нашето време – ракот.

На овој ден, прилепчани ќе имаат можност со поклонение пред неговите мошти да ја искажат својата почит и љубов кон св. Нектариј и да го замолат за застапништво пред Божјиот престол.

Од храмот ги покануваат верниците да се придружат на ова молитвено торжество и да го почувствуваат благословот и духовната радост што ги носи присуството на светињите.

Во рамките од шестото коло на Втората кошаркарска лига на Македонија, екипата на Мега Баскет од Прилеп викендов гостуваше во Скопје кај Бутел и одиграа драматичен натпревар.

По нерешените 23:23 во првата четвртина и 12:11 во втората, прилепчани направија одлична предност во третата 15:26. За жал гостите забележаа пад во играта во последната четвртина, која му припадна на Бутел со 22:12.

Така се стигна до нерешен резултат во основниот дел 72:72, а домаќините беа поуспешни во продолжението, па натпреварот заврши со 84:79.

Во наредното коло Мега Баскет го пречекува Црн Дрим.