Ученици од ВТОРА и ТРЕТА година од текстилно-кожарската струка при СОУ ,,Ѓорче Петров” водени од професорката Здравка Најдоска на часовите по пракса изработија и донираат креветски чаршави во ортопедското одделение од Градската болница ,,Борка Талески”.

Еден убав гест кој заслужува секаква пофалба и секако треба да ги поттикне и останатите учениците и просветни работници, секогаш кога ќе можат, со свој ангажман да придонесуваат онаму каде што е најпотребно.

Утрово најстудено со измерени – 8 степени Целзиусови е во Берово, додека со 1 степен најтопло е на Попова Шапка.

Измерени се -6 во Скопје-Петровец, Битола, Демир Капија, Струмица и Куманово, -5 степени во Тетово, Прилеп, Велес и Штип, -4 на Скопје-Зајчев Рид и Кавадарци, -3 Крива Паланка, -2 степени во Охрид, Претор, Виница, Гевгелија и Маврови Анови и нула степени во Крушево.

Во текот на ноќта, соопштија од УХМР, времето беше ведро, а утрово е сончево и студено со мала локална облачност. Понекаде дува слаб ветер претежно од северен правец.

Времето денеска ќе биде сончево со мала локална облачност и со слаб променлив ветер. Максималната температура ќе достигне од 8 до 14 степени.

Во Скопје времето ќе биде сончево и тивко со мала облачност. Максималната температура ќе достигне до 10 степени.

На 30-от Конгрес којшто се одржа денеска беше избран и новиот состав на Централниот одбор на СДСМ, информираат од опозициската партија.

Новиот Централен одбор го сочинуваат поединци кои се почитувани во својата заедница, кои знаат да го почитуваат членството и граѓаните и кои ќе работат во најдобар интерес на сите граѓани.

Внесуваме нова енергија во нашите редови. Ги отвораме вратите за сите кои се блиски до социјалдемократски идеи и вредности.

Директен линк со целата листа на сите избрани членови на Централниот одбор ТУКА

Се гледа ли спасот за прилепска Победа?! Како што сите знаеме, во моментов фудбалскиот миленик на прилепчани, се наоѓа во незавидна ситуација.

Се таложат долгови, играчите се незадоволни од управата, сведоци сме како полека умира срцето на градот. Но дали сепак се гледа светло на крајот од тунелот?

Стара прилепска фамилија е заинтересирана да го воздигне спортскиот дух на Прилеп на ниво кое Победа го заслужува.

Повеќе од 6 месеци го опсервираат клубот и се волни да го преземат и да го вратат стариот сјај, како на Победа, така и на градот.

Во интерес на сите засегнати страни, а најмногу во интерес на фудбалскиот клуб Победа, засега нема да откриваме повеќе детали. Да се надеваме сите дека крајниот исход ќе значи одново воздигнување на фудбалот во Прилеп и враќање на приматот ПРИЛЕП НАЈФУДБАЛСКИ ГРАД ВО МАКЕДОНИЈА!

До почеток на летната сезона ќе пуштиме за сообраќај околу 40 километри од автопатот Кичево – Охрид на потегот од Врбјани до Охрид, а до крај на 2026 година како што ветивме ќе го изградиме целиот автопат, истакна денеска заменик претседателот на Владата и министер за транспорт Александар Николоски, кој заедно со директорот на ЈП за државни патишта Коце Трајановски и градоначланикот на Охрид, Кирил Пецаков извршија увид во зимско асфалтирање на автопатот во непосредна близина на Охрид.

Министерот Николоски, заедно со останатите присутни денеска промовираа асфалтирање во зимски услови, токму на трасата на автопатот Кичево – Охрид, активност која за прв пат се применува после 50 години.

Како што истакнаа, ова е резултат на промена на Законот за изградба на автопатот Кичево – Охрид се со цел да се надминат проблемите со техничките услови со асфлатирањето и да се забрза неговата изградба. Министерот Николоски истакна дека направена е целосна мобилизација на работници и на машини и со тоа се создава услови да се асфалтира и на минусни температури.

“Ова е мое прво појавување на овој проект. Ветивме работа а помалку да зборуваме. Ги решаваме проблемите со автопататот и веќе ги забележуваме резултатите. Правиме историска работа за Охрид и за цел регион. Имаме голема мобилизација за изградба на автопатот и тоа со околу 300 машини и околу 600 вработени кои секојдневно работат на трасата. Денеска промовираме асфалтирање во зимски услови и на минусни температури се со цел да ја забрзаме изградбата и да ги достигнеме роковите што си ги зададовме. Тоа е до почетокот на летната сеозна да пуштиме за сообраќај околу 40 километри од Врбјани до Охрид со еден мал прекин кај Ботун, а до крај на 2026 година да го изградиме целиот автопат. Исто така во преткфалификација е избор на изведувач за автопатот Кичево-Букојчани и очекувам дека на пролет ќе имаме избрано изведувач. Потоа тој автопат ќе се надоврзе на автопатот кој интензивно започна да се гради, а тоа е од Гостивар до Букојчани и понатаму од Гостивар до Тетово, така да граѓаните од Охрид и регионот ќе добијат нов модерен автопат од Охрид до Скопје. Исто така по целата траса ќе има и алтернативен пат”– изјави заменик претседателот на Владата и министер за транспорт Александар Николоски.

Министерот Николоски исто така најави дека ќе се започне и со реконструкција на превојот Пресека.

Директорот на ЈП за државни патишта Коце Трајановски истакна дека интезивно се работи на санација на косините и на завршување на експропријацијата.

“Работиме со силен интензитет да ги санираме косините што се појавени на потегот од Кичево до Врбјани бидејќи со текот на времето тие биле подложни на многу природни услови. Исто така работиме и на завршување на експропријацијата. Со измени на Законот благодарение на министерот Николоски ја сменивме формулата за асфалтирање и со тоа овозможуваме зимско асфалтирање, нешто што не се правело изминативе педесетина години. Наследивме огромни проблеми, но макотрпно работиме да ги решаваме ден по еден и очекувам дека до крај на 2026 година ќе го завршиме овој автопат” -изјави Коце Трајановски, директор на ЈП за државни патишта.

Еден од најдобрите ресторани во Прилеп, ресторанот “Деспина” подготви фантастична музичка понуда за предновогодишни забави. Атрактивни музички имиња, мени по мерка дури и за најпребирливите и најважно цена која ќе одговара за сечиј џеб.

Ваше е само да изберете убаво друштво, да резервирате навреме и да уживате во некој од наведените термини во продолжение:

За резервации јавете се на телефонскиот број: 072 209 996 и во порака на Фејсбук страната на ресторанот.

Тимот на ресторан “Деспина” ве очекува!

Наздравје!

Фото/www.rkprolet.mk/

Во крајно возбудлив натпревар во првото коло од вториот круг натпревари во Суперлигата на Македонија, ракометарите на Тинекс Пролет ремизираа (23-23) пред своите навивачи со екипата на Прилеп. Домаќините испуштија триумф на крајот од мечот, а прилепчани прокоцкаа плус 5 во второто полувреме.

Ова беше натпревар за приклучок кон горниот дел од табелата, но прилепчани одново покажаа дека нешто сериозно недостасува во нивната игра.

Познавачите на ракометот во Прилеп клубот го критикуваат за лоша селекција на играчи од управата, катастрофална одбрана, нарушени меѓучовечки односи… кои се потенцираат како дел од причините за лошата сезона засега.

Иако финансиски стабилен клуб, кој благодарение на компанијата “Комфи Ангел” и опстојува, за жал со минимална поддршка од општината, резултати сепак се скромни.

Веќе неколку години се тапка во место. Време е да се направи подобра стратегија, да се добие Универзална сала и конечно пред полни трибини прилепчани наместо да гледаат европски ракомет во Битола, тоа да го прават во Прилеп.

После натпреварот 12-то коло во Супер лигата, РК Прилеп на своето салдо има 4 победи, 2 нерешени резултати и 6 порази. Екипата има 10 бодови на табелата и се наоѓа на осмото место. Со оваа игра и овие резултати, Прилеп одново ќе игра плеј-аут.

Во наредното коло нашите ракометари го пречекуваат Куманово.

-На 23.11.2024 во 10.50 часот во маркет лоциран на ул. „Борка Талески“ во Прилеп, полициски службеници од ОВР Прилеп ја лишиле од слобода М.К.(38) од прилепско.

Таа била затекната при вршење на кражба во маркетот. Украденото е одземено и вратено на сопственикот.

По документирање на настанот, ќе следува соодветна пријава – информираат од МВР.

Во овој момент имаме Влада која се грижи подеднакво за сите граѓани, без оглед на која заедница припаѓаат. Оваа влада нема да прави дискриминација по ниту еден однос, а овој ваш амандман е баш таков дискриминаторски. Немаме ништо против да се вработуваат луѓе од турската заедница, но притоа, мора да се почитува уставот кој не дозволува дискриминација, рече пратеничката од ВМРО-ДПМНЕ, Биљана Кузманоска на денешната Комисија за финансии и буџет, на амандманската расправа за Предлог-буџетот за 2025 година.

Таа, исто така, наведе дека треба да се почитуваат законските регулативи и правата за вработување на сите луѓе во Македонија подеднакво, сметајќи дека не е во ред амандмански да се бараат нови вработувања на кадри припадници само за една заедница, како што е во случајот за турската заедница.

Кузманоска додаде дека дека сите граѓани во Македонија ќе ги уживаат бенефитите со новиот буџет, како што се зголемените плати, пензии и социјална заштита, без разлика на нивната етничка припадност.

„И Турците се дел од македонското општество и тие ќе ги уживаат бенефитите од борбата против криминалот и парите кои ќе се слеваат од буџетот. Од овој буџет сакам да ги издвојам ставките од Министерството за труд и социјална политика и посебно значајни се планираните зголемувања во социјалната заштита и пензиите, ние имаме пензионери од сите национални припадности и се очекува пораст од 16,6%“, вели Кузманоска.