дома блог страница 499

Денеска се празнува Светиот великомаченик кнез Јован Владимир

Јован Владимир бил кнез на Дукља (денешна Црна Гора), управувајќи со областите Зета и Далмација. Познат по својата мирољубивост, благочестивост и добродетелност, се грижел за ширење на православната вера и помош на сиромашните. Во времето на цар Самуил, бил заробен и одведен во Преспа. Таму, ќерката на Самуил, Косара, се вљубила во него и измолила од татко ѝ да го ослободи. По ослободувањето, Јован Владимир се оженил со Косара и повторно управувал со своето кнежевство .
infokompas.com.mk

По смртта на цар Самуил, на престолот дошол неговиот син Гавриил Радомир. Меѓутоа, неговиот братучед Иван Владислав го убил и го презел престолот. Стравувајќи од Јован Владимир, го повикал во Преспа под изговор на мирен договор, но таму го убил, отсекувајќи му ја главата. Според преданието, Јован Владимир ја зел својата глава и ја однел до блиската црква, каде што паднал и ја предал својата душа на Господа на 22 мај 1016 година .

Култот кон свети Јован Владимир е особено силен во западна Македонија, особено во Охридско. Во манастирот Свети Наум имало камбанарија посветена на него, а дел од неговите мошти биле донесени од Елбасан и заѕидани во темелот на црквата . Неговите мошти се наоѓаат во манастирот Шин-Ѓон кај Елбасан, Албанија, каде што се почитуваат од верници од различни народи .

Свети Јован Владимир се празнува на 4 јуни според новиот календар (22 мај по стар стил). На иконите и фреските често е прикажан како ја држи својата отсечена глава во рацете, симболизирајќи го неговото мачеништво и верност кон Христовата вера .

Неговата животна приказна и мачеништво продолжуваат да инспирираат верници низ Балканот, а неговиот култ останува жив и денес.

(Фото галерија) Кому му пречи урбанизацијата на македонските села во Долнени? Запалени градежни машини!

Градоначалникот на Долнени, Урим Ибески, дава пример како се работи во интерес на сите без предрасуди. Ибески е кадар на ДУИ, но независно од тоа, во мултиетничка општина како што е Долнени, каде во различни населени места живеат едни покрај други: Македонци, Албанци, Турци, Бошњаци… Ибески прави напори малата општина со скромниот буџет да излезе во пресрет секаде.

Деновиве се асфалтирале улици во населените места Сарандиново и Бело Поле каде живее македонско етничко население. Планот на општината било да се продолжи во Секирци, Ропотово, Новоселани, Заполжани… сите македонски села, но пред два дена се случило нешто кое никој не можел да го претпостави.

Непознат сторител/ли ги запалиле градежните машини, како на некој да му пречи урбанизацијата на македонските села, и покрај тоа што во некои од нив со децении не е фрлена ниту една лопата асфалт.

Од општината сепак најавуваат дека за десетина дена активностите ќе продолжат, или како што велат: “И покрај сите нечовечки влијанија, ќе продолжиме да асфалтираме и да го подобруваме животот и секојдневието на сите граѓани”.

Мицкоски: Реалниот раст на БДП во првиот квартал според Еуростат 3,2%

Во првиот квартал на 2025 година реалниот раст на БДП, откако е избрана оваа Влада, трет квартал е 3 или повеќе проценти а прилагодениот согласно сезонските и календарските податоци е 3,2%, тоа е бројката што ја објавува Еуростат, истакна на денешната прес конференција премиерот на Република Македонија Христијан Мицкоски.

Македонија се најде на четвртото место Според Еуростат Македонија се најде на високото четврто место и тоа зад Ирска, Данска и Полска.

-Со тоа практично на досега објавените параметри кои што ги објавил Еуростат македонската економија е рангирана на 4 место веднаш позади Ирска, Данска и Полска, рече Мицкоски.

Премиоерот додаде дека ова е резултат на храброст, визија и многу работа.

-Тоа не е случано и ова не е случајност, ова е резултат на храброст, визија и многу работа. Ова е доказ кога државата се води на исправен начин, но и со знаење, со план и трпение, резултатите мора да дојдат, додаде Мицкоски.

Овој раст е многу сериозен сигнал дека реформите дават резултати рече Мицскоски.

-Знаевме дека не смнееме да губиме време, го затворивме поглавјето на стагнација, несигурност и на манипулација. Отворивме ново поглавје на економски раст, на вреднување на трудот, на поддршка на приватниот сектор, на фер конкуренција. Овој раст е многу сериозен сигнал дека реформите дават резултати, земајќи предвид дека станува збор за првиот квартал од годината кој што секогаш е најслаб и најпредизвикувачки. Сепак доколку сакаме да бидеме до 2030тат уште повисоко на европската економска скала мораме да го одржуваме просекот кој што ќе биде поголем од 4 проценти, се разбира тоа не зависи само од нашите внатрешни параметри, тоа многу зависи и од екстерните фактори, појасни премиерот Христијан Мицкоски на денешната прес конференција.

Икона на светите Елена и Константин со честица од Светиот Исусов Крст изложена во храмот Св. Петка во Прилеп – Верниот народ се поклони и побара здравје и спасение (ФОТО)

Денес, за време на светата богослужба во храмот „Св. Петка“, пред верниот народ беше изложена иконата на светите рамноапостоли Константин и Елена, во која е вградена честица од светиот Крст на кој беше распнат нашиот Спасител – Господ Исус Христос.

По завршувањето на богослужбата, мноштво верници со длабока побожност и солзи во очите пристапија да се поклонат и целиваат пред овој свет и животворен дар. Верниот народ непрекинато доаѓа во храмот, носејќи во срцата молитви исполнети со надеж за исцеление од телесни и духовни болести, за поткрепа во страдањата, за утеха во тагата и за благослов и мир во домовите и семејствата.

-Овој благослов од Крстот Господов е голема милост за нашиот град, за храмот „Св. Петка“ и за целиот македонски народ.Го повикуваме секого што чувствува потреба за Божја близина и потпора да пристапи со вера и страв Божји. Крстот Христов е наша сила, наша надеж и наше спасение – стои во соопштението од храмот Св. Петка.

Утре сите деветтоодделенци во 12ч. пред Градскиот Саат, се промовираат најдобрите

Во среда, 04.06.2025год., со почеток од 12 часот, на платото кај Градскиот Саат во Прилеп, ќе се одржи  музички настан под мотото “Биди гимназијалец”.

Oд СОУ Гимназија „Мирче Ацев“ ги покануваат сите полуматуранти и нивните родители, да присуствуваат на овој музички настан и да дознаат нешто повеќе за гимназијата и можностите кои ги нуди истата.

Честит именден Елена, Ели, Ленка, Константин, Кочо, Коста…

Православните христијани денеска го празнуваат Светиот цар Константин и неговата мајка Елена.

Црква Св. Елена и Константин во населбата “Типски” во Прилеп

Царот Константин Велики и неговата мајка царицата Елена за нивните заслуги во признавањето и ширењето на хроистијанството Светата црква ги прогласила за светители и рамноапостолни, што значи по значење рамни на апостолите. Царот Константин спаѓа меѓу најзначајните личности во историјата на човештвото, бидејќи по подолго прогонување на христијанството тој е првиот влател на големата Римска империја што ја признал оваа вера.

Марко Цепенков забележал дека во Прилеп св. Константин и Елена биле покровители на базриѓанскиот (трговскиот) еснаф. Нивниот празник кој го викале „Свети цареи“ го празнувале на 21 мај (стар стил).

Под манастирот Свети Наум Охридски – Чудотворец, до самото езеро, има извор со лековита вода. Според верувањето оваа вода секогаш е лековита, но најмоногу на празникот Св. Константин и Елена.

Според едно предание Свети Наум му рекол на таткото на една ќелава девојка да појди на денот свети Константин и Елена под карпата каде што течела вода и да ја измие девојката. Така направил и таа веднаш оздравела, и пораснала убава и густа коса.

„Од тогаш на празникот на свети Елена и Костадин редовно идат луѓе да се мијат со водата од изворчето под карпите на манастирот Свети Наум. Таа вода е лекојта и друг пат, ама на празникот најмногу”, заклучува народниот раскажувач.

Ученици требаше да одржуваат часови во биологија, ветеринари пракса, а “Рајската градина” да стане мини Зоолошка – денеска се распаѓа и е без птици (ФОТО)

Она што некогаш се нарекуваше “Рајска градина” и беше вистинска атракција за дечињата во “Паркот на револуцијата” во Прилеп, сега е претворена во запуштено место.

Десетина чифта бели пауни, златни, платинести и дијамантски фазани, кинески гугутки, јапонски и други егзотични кокошки во различни нијанси и бои на пердуви, беа населени во украсно дизајнирани кафези, во не така далечната 2012 година.

Идејата според екс градоначалникот Марјан Ристески, беше учениците тука да имаат часови по биологија, а оние од ветеринарната струка да изведуваат практична настава. Беше планирано оваа “Рајска градина” постојано да се надополнува со нови видови, а Могилата да добие мини Зоолошка градина во иднина.

Имаше дури и бели пауни “Албино” се многу ретки птици, и во денешно време вредат над 500 евра.

Денеска украсни птици има само во уште еден кафез, а сите останати се запустени, затревени, разрушени….

Зошто и кој дозволи оваа убавина да исчезне, наместо да се надополнува со нови видови на птици и да привлекува посетители и од други градови…

Емотивно до бескрај! Ученици ја пејат “Полско цвеќе” пред фонтаната на Тоше во Прилеп (Видео)

Во престојните денови што доаѓаат – Светските денови на музиката, ученичкиoт хор при ООУ „Климент Охридски“ – Прилеп и учениците од V-3 одд, кои со својата топлина, енергија и искрена љубов преку музиката, изведоа незаборавна интерпретација на „Полско цвеќе“ – песна на бесмртниот македонски бисер, на нашиот ангел со златен глас, Тоше Проески.

Со секој тон и секој стих, нивните гласови станаа мост помеѓу генерациите, доказ дека споменот на Тоше не згаснува, туку живее и пулсира преку младите срца и гласовите кои пеат од душа.

Од училиштето упатуваат голема благодарност до нивните верни дами од здружението „Преродба“, кои како чувари на традицијата и споменот, постојано го одржуваат пламенот на прилепската култура и човечност.

-А честа да се стои пред споменикот на Тоше е дело на нашиот непрежален колега, уметникот Ристо Тошески – Туло. Туло направи споменикот да не е само симболика, туку тоа да е момент на достоинство, почит и повик да продолжиме да ја негуваме вредноста која Тоше ја носеше…љубов, добрина и човечност. Тоше беше и останува вечен. А ние, со песна, срце и спомен ја продолжуваме неговата светлина. Во чест на Туло нашиот хор ја пее песната од Тоше – напишаа од училиштето.

Видеото го изработи-Фан продукција Пилата

Музика-Чавлески логистик

Германија пред враќање на служење ВОЕН РОК

Германија би можела повторно да воведе задолжителна воена служба уште следната година ако доволен број луѓе не се приклучат доброволно на војската за да ги исполнат своите обврски кон НАТО, изјави министерот за одбрана Борис Писториус.

Берлин ја укина воената служба во 2011 година, но од неодамна размислува за нејзино повторно воведување, наведувајќи „закани од Русија“.

Москва ги отфрли шпекулациите дека има намера да ги нападне земјите од НАТО како „глупости“, обвинувајќи го Западот дека се обидува да ги исплаши граѓаните на земјите од ЕУ и да го оправда зголемувањето на воените буџети.

Канцеларот Фридрих Мерц и неговите коалициски партнери веќе постигнаа договор за повторно воведување на „шведскиот модел“, кој комбинира селективна, задолжителна и доброволна служба. Сега тие работат на усвојување на новиот закон до крајот на годината, изјави Писториус во интервју за „Франкфуртер алгемајне“.

„Нашиот модел првично се базира на доброволно учество. Ако дојде време кога ќе имаме повеќе расположлив капацитет отколку доброволни регистрации, тогаш можеби ќе одлучиме да го направиме задолжително. Тоа е планот“, рече Писториус.

Германскиот канцелар претходно овој месец изјави дека има намера да го направи Бундесверот „најсилната армија“ на континентот, само неколку дена откако светот ја одбележа 80-годишнината од поразот на нацистичка Германија во Втората светска војна.

„Федералната влада ќе ги обезбеди сите средства што му се потребни на Бундесверот за да стане најсилната конвенционална армија во Европа. Нашите пријатели и партнери го очекуваат ова од нас – и, всушност, го бараат“, рече Мерц.

НАТО го повикува Берлин значително да ги прошири своите воени сили, објави весникот „Велт“ минатата недела, велејќи дека официјалните лица веруваат дека земјата, веќе погодена од висока стапка на напуштање на вооружените сили, ќе се бори да ги исполни предложените цели.

Изложбата на фотографии “75 за 75” од Каролина Мицевска, во четврток пред прилепчани

На 5 јуни 2025/ четврток/ од 19.30 часот во фоајето од ЦК „Марко Цепенков“ ќе биде отворена изложбата на фотографии „75 за 75“. Автор на проектот е м-р Каролина Мицевска.

Ќе бидат изложени 75 фотографии на канвас, на која ќе бидат претставени претстави кои оставиле белег во децениското постоење на театарот „Војдан Чернодрински“. Изложбата е поддржана од Министерството за култура и туризам во програмата за 2025 година.

За проектот
75 за 75 ( 75 фотографии за 75 години театар „Војдан Чернодрински“)

Tеатарот „Војдан Чернодрински“, 75 години опстојува, и ќе опстојува, раскажувајќи ни за минатото, сегашноста, но фокусирајќи сé на иднината. Од сите уметности само Театарот е директен посредник со публиката и затоа ни е насушно потребен. Тој е светлина сам по себе, што свети од сите страни и е препознатлив за секој човек. Целта на театарот во сите времиња била и ќе биде, како што вели Хамлет „… да стои, како огледало пред природата, да ја покажува добродетелта со нејзиното вистинско лице, како и гадоста, на секој век во историјата – со неговиот неразубавен облик…“

А, нашиот театар, навистина низ децениите растејќи, развивајќи се, беше различен и преку претставите отвораше многу прашања, коментираше, просветлуваше, возбудуваше, откриваше, воспоставуваше систем на вредности, брануваше…

Досега се прикажале над 350 премиери, се одиграле повеќе од 7000 претстави, кои ги гледале на 1,7 милиони луѓе. Меѓу првите театри започна со поставување на домашните драмски текстови, па на сцената праизведби доживеале текстови од македонските драмски автори – Коле Чашуле, Томе Арсовски, Благоја Ристески – Платнар, Трајче Крстески, Василе Димески, Петар Петрески….

Иако, театарот „Војдан Черндорински“ од 2004 година е дел од ЦК „Марко Цепенков“, сепак е драгоцено место кое раскажува приказни кои остануваат трајно врежани во историјата не само во градот, туку и во македонскиот театар.

За одбележување е што низ годините најмногу претстави режирал Благода Дамевски, вкупно 62, а по 24 пати на претстави се потпишале Коле Ангеловски и М. Стефановски. Поставени се 282 текстови, кои ги режирале 70 режисери. Авторот Б. Њушиќ е поставуван 15 пати, од кои три пати – текстот „Нажалена фамилија“, и тоа во период 1950/51, 1962/63 и 1984/85. По 8 пати на сцената се поставувани текстови од Иљовски и Хаџиќ, па потоа Фејдо….За дел од претставите се освоени награди на меѓународни и домашник фестивали.

Театарот „Војдан Чернодрински“, како една од институциите со најдолга традиција во градот, низ годините има богата архива од текстови и фотографии од претстави.Фотографиите од претставите се уметност, преку кои театарот низ времето ја пренесувал, односно ја раскажувал приказната, што се случувало на сцената. Тие беа редовен сопатник на секоја претстава одиграна на сцената од театарот. Илјадници фотографии, се дел од архивата на театарот „Војдан Чернодрински“ , која се дигитализира и ќе биде достапна за јавноста. Мал дел од тие фотографии, почитувани, сега се пред вас. Заради симболиката, 75 години театар, одбравме 75 фотографии да ја отсликаме 75 годишнината од опстојот и растежот на театарот. На поставката со фотографии на канвас, презентирани се моменти од претстави наградувани низ годините, претстави кои оставиле белег во историјата на театарот „Војдан Чернодрински“ и од претстави кои биле најдолго на репертоарот и биле најгледани.

Се надеваме дека со овој избор, преку фотографијата, ви ја доближивме историјата на театарот „Војдан Чернодрински“, со која Прилеп и прилепчани се гордеат – вели авторот на проектот м-р Каролина Мицевска.