Во недела, 27-ми април, во 20 часот по американско локално време на телевизијата „Фокс“ ќе биде објавена 15-тата епизода од 36-та сезона на „Симпсонови“, во која првпат во историјата на оваа мегапопуларна анимирана серија ќе има лик Македонец.

Оваа вест ја објави Невена Нешкоска, која заедно со нејзиниот брат Наум и сестра ѝ Калина е основач на детскиот едукативен канал „Дарко Биберко“.

-Креаторите на „Симпсонови“ одлучиле да внесат лик – спортист кој доаѓа во Спрингфилд како голема сензација од Македонија. За кој спорт станува збор? Нормално, за најпопуларниот и најисконски македонски спорт… бејзбол – објави Нешкоска.

Додаде дека таа лично имала консултантска улога, а сите тројца учествувале во превод и испеале песна преведена од англиски на македонски.

Што се однесува на тоа како бевме вклучени во епизодата: учевствувавме во преводот, јас лично имав консултантска улога, а сите тројца испеавме песна што ја преведовме од англиски на македонски. Епизодата премиерно ќе се емитува во САД во недела, на 27ми април, во 20:00 часот EST (2:00 понеделник наутро по македонско време) на американската телевизија FOX. Па ајде понеделник рано на сабајле сите да навиваме за нашите Springfield Isotopes, напиша таа.

Повеќе информации за самата епизода можете да погледнете во линковите подолу:

https://m.imdb.com/news/ni65242159/?ref_=nm_nwr_2

https://simpsonswiki.com/wiki/Abe_League_of_Their_Moe

Синоќа во салата на Народниот театар во Битола се одржа свечена академија по повод 65 години од формирањето на Македонското научно
друштво (МНД) Битола, најстарата институција од ваков вид во државата.

На свеченоста, претседателката на МНД Даниела Андоновска Трајковска, говореше за историјатот на МНД, големите постигнувања на друштвото,
настаните кои што беа организирани во изминатиот период во повеќе области, издавачката дејност, одбележувањеот на значајни јубилеи итн.

Градоначалникот на општина Битола Тони Коњановски, во своето обраќање истакна дека научната мисла е темел на секој вистински развој, бидејќи без неа, нема ни иновации, ни прогрес, ни иднина.

„Битола отсекогаш знаела да ги препознае и поддржи оние вредности што создаваат траен белег. Токму затоа, горди сме што ова друштво својата историја ја гради во нашиот град и верувам дека Општина Битола и понатаму ќе остане партнер и поддржувач на научните иницијативи и
развојот на знаењето. Овој јубилеј не е само повод за славење на минатото, туку и повик кон иднината – кон нови проекти, нови истражувања и уште посилна поддршка за младите кои денес учат, и создаваат, бидејќи тие ќе бидат идните столбови на македонската наука. Од мое и од името на локалната самоуправа, упатувам искрени честитки до сите членови, до раководството, до соработниците и пријателите на
Друштвото – за сите изминати 65 години исполнети со труд, со знаење и со резултати“, рече Коњановски.

На свеченоста свое обраќање имаа и научниот секретар на МАНУ, проф. д-р Блажо Боев, ректорот на УКЛО проф. д-р Игор Неделковски, заменик
министерот за образование Лулзим Алиу, на кои, како и на градоначалникот Коњановски, им беа доделени плакети за континуираната поддршка во
работењето на МНД.

Посебни благодарници им беа доделени на дел од долгогодишните членови, кои со децении оставаат свој белег во растот и развојот на МНД, на
поранешните претседатели на МНД, на новопримените членови, на Европската универзитетска алијанска КОЛОРС, чиј полноправен член е и Универзитетот „Св. Климент Охридски“, како и на поединци, компании и здруженија, со кои ја МНД развива взаемна континуирана соработка.

Во културната програма настапи поп-рок хорот Битвокс, под раководство на проф. Марина Коруновска, а за крај на вечерта беше прикажан
документарниот филм „МНД – 65 години наука, уметност и култура“, во кој истакнати членови говорат за значењето на МНД, за неговата улога во
современото живеење и перспективите кои тоа ги нуди. Филмот е изработен од група млади ентузијасти студенти на УКЛО под менторство на своите професори, членови на МНД од Педагошкиот и Техничкиот факултет во Битола.

Во духот на Велигден, компанијата MINT Credit реализираше финансиска поддршка за семејство од Битола, чие дете се соочува со сериозни здравствени предизвици. Иницијативата произлезе по директен контакт со мајката, која се јави во call центарот на компанијата неколку дена пред празникот.

Во разговорот со една од вработените, мајката – Горковска – сподели дел од тежината со која се соочува нејзиното семејство во грижата за својот син, малиот Узуновски. Информацијата брзо и тивко стигна до менаџментот, по што беше донесена одлука за обезбедување на финансиска поддршка, без барање од нивна страна.

„Веруваме дека секој контакт со клиент може да биде повеќе од услуга. Кога некој повикува со тишина во гласот – тоа е повик што се слуша со срце,“ изјавија од MINT Credit.

Оваа велигденска иницијатива претставува продолжение на заложбата на компанијата да дејствува како партнер што го препознава човекот пред клиентот. За MINT Fintech Group, корпоративната одговорност не е обврска, туку природен импулс – особено кога станува збор за животни предизвици.

„Наша обврска е да бидеме присутни таму каде што навистина можеме да помогнеме – не со големи зборови, туку со конкретна поддршка,“ додаваат од компанијата.

Преку оваа донација, MINT Credit уште еднаш ја потврдува својата посветеност да биде повеќе од финансиска институција – да биде заедница, поддршка и знак дека добрината нема календар.

Денеска православните христијани го празнуваат големиот верски празник Голем или Источен петок, односно Балаклија.

Жителите од најстарата прилепската населба Варош и манастирот Св. Архангел Михаил денеска широко ги отвораат портите.

Инаку празнувањето на Голем Петок е вековна традиција која започнува со литургија во утринските часови во манастирската црква, каде огромен број верници доаѓаат, ќе се помолат и ќе нацрпат од изворските води на манастирот, за кои се верува дека се лековити.

Варошани своите куќи на овој ден ги украсуваат со зелени гранчиња и чекаат гости.

Со овој празник, посветен на Пресвета Богородица, и’ се оддава признание на мајката Божја, поради тоа што непосредно по Велигден нема друг празник поврзан со нејзиното име.

Во некои места празникот е познат под името Богородица Балаклија. Поради тоа што Богородица му ги миела раните на Исус, на овој ден луѓето ги посетуваат изворите ги мијат лицето и очите, или три пати преку себе префрлаат вода од изворите. Поради тоа најчесто овој празник се празнува во црквите што се покрај извори.

На сите граѓани, а посебно на варошани им го честитаме празникот, со желби до година да пречекаат голем број гости.

За многу години!

По неколкумесечните преговори, успешно заврши преземањето на ФК Победа од новите сопственици, а денеска се одржа и Собранието на кое се овековечија најавуваните промени.

Клубот доби нов Управен одбор од 8 члена, а Претседател ќе биде Јана Мицковска – Попоски, што значи дека по пауза од 6 години кога на чело на клубот беше сопственичката на “Комфи Ангел”, Ирена Јакимовска, повторно жена ќе ги предводи црвено-белите.

Во новиот Управен одбор ќе бидат и: Небојша Стојковиќ, Владимир Мирчески, Сашко Попоски, д-р Весна Неделковска, Димитар Трајков, Горан Зечевиќ и Александар Крстески.

Новата Претседателка на клубот е сестра на сопственикот Александар Мицковски, нашинец кој веќе долго време живее и работи во Соединетите Американски Држави.

Мицковски сега има 51% од акциите во клубот и ветува враќање на клубот на победничките патеки.

Фудбалската јавност во Прилеп и вљубениците во црвено-белите бои цврство веруваат дека Победа ќе доживее вистинска ренесанса и со добро менаџирање ќе се врати таму каде што припаѓа, на врвот во македонскиот фудбал.

Вашиот омилен фаст фуд ресторан во Прилеп, FAST BURGER BY ANA MARIA , има нов вкус кој мора да го пробате.

Станува збор за новиот одличен PULLED PORK BURGER, сендвич со бавно печено свинско месо, домашен сос и свежа салата. Совршенство на вкусови во кое едноставно ќе уживате.

Цената му е само 200 денари, а го има во секое време.

Една новина која одлично ќе се вклопи во богатото мени на пица вкусови, гиро и разни бургери.

Нарачајте веднаш на: 072 267 000 или посетете ги на Ул. “Пере Тошев”, веднаш до средното училиште “Орде Чопела”.

Поради немање термин во сала во Струга, наместо на домашен терен, стружани беа домаќини на Прилеп во салата “Ристе Ристески-Ричко” и го претпрпеа третиот пораз во плеј-аут разигрувањето во ракометната Супер лига.

Крајниот резултат на натпреварот беше 25:30 во корист на прилепчани, кои пак по шокантниот пораз изминатиот викенд од Радовиш, се исправија и се вратија на победничките патеки.

Стружани водеа на натпреварот само во почетните минути, со 2:1 и 3:2, и тоа беше речиси се’ што прикажаа. Од тука па до последната минута Прилеп ја контролираше играта, а избраниците на Страшо Илиески имаа предност на моменти и од 7-8 гола разлика.

Христи Бикоски, Томислав Квастек и Денис Шабановиќ постигнаа по 5 погодоци, а Никола Цветаноски беше прецизен 6 пати.

Прилеп сега има 9 бода на второто место од плеј-аут табелата, 4 повеќе од третопласираниот Куманово, а во наредното коло гостуваат кај РК ФРУИТ ЛЕНД БОРЕЦ.

Има само 38 години, а зад себе има огромен професионален и политички “бекраунд”. За Методија Илиевски во Битола ќе слушнете нејчесто само суперлативи, а причините за тоа се бројни.

Од ракометар, менаџер во повеќе познати битолски локали во младоста, преку менаџерска функција во компанијата “Пелистерка”, до ракометен судија и советник во Советот на општина Битола, функција која патем ја обавуваше во три мандати.

Илиевски во изминатите години е име кое стана ударна тупаница на СДСМ во Битола и еден од најгласните критичари на актуелната локална и централна власт.

Сето тоа му донесе да биде избран и за потпретседател на партијата, висока политичка функција која веројатно ќе го стави на избирачкото ливче, како кандидат за градоначалник на Битола и главен опонент на актуелниот прв човек на општината, Тони Коњановски од ВМРО-ДПМНЕ.

Неговото име се спомнува меѓу граѓаните, меѓу сопартијците, но и помеѓу кулоарите на партијата во Скопје. Од СДСМ веруваат дека само со него можат да направат резултат и да го стават во прашање владеењето на ВМРО-ДПМНЕ во градот на конзулите.

Дали Илиевски ќе ја предводи СДСМ кон победа во Битола, останува да видиме во периодот кој следи…

Претседателот на Владата Христијан Мицкоски во поткастот „Каде се парите?“ вели дека се преговара за инвестирање на 5 до 6 милијарди евра за капитални проекти во локални, регионални и експресни патишта, инвестициски бран во здравството за изградба на клинички центри и болници, како и пруги и ски центри.

-Во периодот кој што следи убеден сум дека успешно ќе испреговараме и ќе заокружиме инвестициски план помеѓу 5 и 6 милијарда евра кои што ќе се случат во Македонија. И откако ова ќе го заокружиме позитивно сакам да седнам со Стопанските комори и отворено да поразговараме дали ние имаме капацитет да сето ова го реализираме. Јас сум убеден дека имаме, но ни треба добра организација, нагласи премиерот Мицкоски.

-И сега ќе се обидам, нормално во интерес на преговорите и процесот да ги потенцирам вредностите и проектите, а многу скоро во следните не повеќе 2 месеца ќе биде сето ова во јавноста објавено и точно ќе се знае од каде и што. Но, целта моја лична и на Владата беше да се направи овој инвестициски бран, ќе се сложите ако нашиот БДП е условно кажано некои 16, 16, 5 милијарди проектиран номинален, ова претставува би рекол од 35 до 40 проценти од нашиот БДП. Помеѓу половина милијарда и една милијарда се средства кои што ќе финансираат проекти за изградба на локални, регионални и експресни патишта. Дел од нив ќе бидат модернизирани односно реконструирани, дел ќе бидат изградени, затоа велам помеѓу половина милијарда и милијарда. Се преговараат условите итн. И тоа нема да биде нов долг, бидејќи ќе расте БДП, бидејќи во градежништвото парите три пати се вртат најмалку, и нема да биде нов долг, односно номинално ние може да го намалиме долгот, додаде тој.

-Вториот проект е конечна изградба на Клиничкиот центар Штип, болницата во Кичево, проект од 90-тите. Кога излеговме на терен со луѓето констатираа дека подобро на друга локација да го изградиме, отколку на таа, бидејќи темелењето е различно, сѐ е веќе различно. Значи поскапо е да се прави таму, да се реконструира постојниот кој е оставен 25 години да скапува, отколку нов. Реконструкција на Клиничката болница Тетово, операционите сали и два други оддели и пруга условно кажано би рекол брза која што ќе биде дел од коридорот 10 во која што возовите патнички одлучивме поради цената, иако сакавме да биде над 200 километри на час, но одлучивме поради цената да се движат по 160 споредбено со сегашните 30, 40, а карго 110. И овој бран ќе биде 2,3 и 2,5 милијарди евра инвестиција.

Значи половина милијарда до милијарда локални, регионални и експресни патни правци, инвестиции во здравство Клинички центар во Штип, болница во Кичево и реконструкција на тетовска болница, брза пруга коридор 10 Табановце-Гевгелија. Ова е проект кој ќе натфрли помеѓу 3 до 3,5 милијарди евра, посочи претседателот на Владата Мицкоски.

Премиерот Мицкоски истакна дека по основ на овие проекти ќе се зголеми БДП, а ќе се намали јавниот долг.

-По основ на овие проекти јавниот долг нема да оди нагоре, а БДП надоле. Напротив обратен процес ќе предизвика бидејќи ова се капитални инвестиции кои ќе ја покренат градежната оператива и три до четири пати ќе ги завртат парите. Тука по основ на овие проекти БДП ќе оди нагоре, а јавниот долг ќе оди надоле, нагласи тој.

-Бевме во Обединетите Арапски Емирати. Имав состаноци на високо ниво, се сретнав со претседателот на Емиратите. Се сретнав и со врвната бизнис заедница и врвните компании кои што функционираат надвор од Емиратите. Сите тие во мај или во јуни, треба да прецизираме, доаѓаат тука. Проектите за кои што разговараме се проекти на постоечки локации веќе изградени во Охрид, односно откуп од сопствениците, две нови локации, но поради ограничувањето од УНЕСКО, не можат да го видат својот полн капацитет, мораме да го пазиме тоа, Попова Шапка ски центарот, локацијата кај касарната за лендмаркс објект кој што ќе биде не само лендмаркс само за Скопје, туку би рекол регионот, Чебрен и Галиште, но и друг тип на објекти како што се нови соларни и ветерни централи се проекти за кои што веќе има follow up од нашата посета, и веќе се разменуваат со институциите од тука податоци. Очекувам од овој инвестициски бран помеѓу 2 и 3 милијарди евра за Македонија, дециден е Мицкоски.

Заменик министерот за економија и труд, Марјан Ристески, заедно со директорот на Дирекцијата за технолошки индустриски развојни зони, Гоце Димовски, градоначалникот на Прилеп, Борче Јовчески и претседателката на Советот, Ирена Стерјовска Локвенец, денеска ја посетија Технолошко индустриската развојна зона “Алинци” кај Прилеп и дел од компаниите сместени во оваа зона, каде остварија и средби со раководствата на компаниите.

Според Ристески, целта на Владата е создавање на услови за економски развој и стабилна иднина за сите граѓани.

-Растот на директните странски инвестиции значат економски развој на Република Македонија, нови добро платени работни места, како и зајакнување на конкурентноста на нашата држава. Во 2024 година имавме историски успех, со рекорден прилив на странски директни инвестиции во иснос од една милијарда и 255 милиони евра, како и 400 милиони евра раст само во последниот квартал од минатата година – истакна заменик министерот.