Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,40% во однос на одлуката од 22.04.2025 година. Од 29.4.2025 година од 00:01 часот максималните цени на нафтените деривати ќе изнесуваат:

ЕУРОСУПЕР БС – 95 73,50 (денари/литар), ЕУРОСУПЕР БС – 98 75,50 (денари/литар), ЕУРОДИЗЕЛ БС (Д-Е V) 66,00 (денари/литар), Екстра лесно 1 (ЕЛ-1) 65,50 (денари/литар), Мазут М-1 НС 37,155 (денари/килограм).

Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на ЕУРОДИЗЕЛ (Д-Е V) се зголемуваат за 2,00 ден/лит.

Малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит.

Малопродажната цена на Мазутот М-1 НС се зголемува за 0,375 ден/кг и сега ќе изнесува 37,155 ден/кг.

Осуммина припадници на специјалната единица на МВР, од кои четворица битолчани, на денешен ден пред 24 години, загинаа во масакрот кај селото Вејце, во конфликтот во 2001 година.

Во нивна чест, пред споменикот на загинатите бранители во кругот на СВР Битола, споменикот „Ангел“ кај Саат кулата и споменикот на Бошко
Најдовски во Долно Оризари, свежо цвеќе положија градоначалникот на општина Битола, Тони Коњановски, претседателката на Советот Габриела
Илиевска со претставници на Советот на општината, полицијата, семејствата на загинатите, политичките партии и граѓаните.

Градоначалникот на општина Битола, Тони Коњановски, истакна дека Битола секогаш ќе се сеќава на Марјан Божиновски, Илче Стојановски, Кире
Костадиновски и Бошко Најдовски, со должна почит за прерано загубените млади животи и болката која остана во нивните семејства.

„Денес им оддаваме почит на нашите битолчани, четворицата херои кои го дадоа животот бранејќи ја татковината во Вејце. Да укажеме уште еднаш дека опомена за нас, за сите генерации, за помладите, е тоа дека она што се случило, никогаш повеќе да не се повтори, затоа што само единството, разбирањето, меѓусебната почит, разговорот, можат да не доведат до просперитет на оваа држава и овој град.Слава на хероите, слава на јунаците, слава на бранителите на нашата таковина!“, рече градоначалникот Тони Коњановски.

ЕКО Здружението „Зелен Град” од Охрид имаше забележително учество на Меѓународниот саем за Наутика во Белград, Република Србија.
Се претставија со единствениот и уникатен експонат на саемот, традиционалното Охридско кајче на кое беа поставени фотоволтаични панели и иновативен електичен мотор.

– Бродскиот мотор е создаден со примена на напредната технологија на комбинирани намотки „Славјанка“. Се карактеризира со голема моќност, што му овозможува да го движи кајчето без поголеми проблеми, со користење на енергија од фотоволтаичните панели, информираат од „Зелен Град“.

На саемот за Наутика беа прикажани јахти, глисери, катамарани и мотори од најголемите светски производители

– Меѓу нив нашето кајче беше единствено со поставени фотоволтаични панели, со електро мотор и изработено од еколошки материјал – дрво и метал. Се планира да се направат уште неколку тестови со фотоволтаичните панели на Охридското Езеро и со тоа да се иницира транзиција на водениот транспорт до еколошки извори на енергија, за зачувување на чистотата на водата, флората и фауната на езерото, потенцираат од „Зелен град“.

Преку проектот „Обезбедување пристојни услови за живот за ромските домаќинства во Општина Прилеп“, кој општина Прилеп го реализира во соработка со организациите “ЧЕЛИМ” од Милано, “Ромски Ресурсен Центар” од Скопје и “Ромаперспектив” од Прилеп, a со финансиска поддршка од Европската Унија, денеска беше предадено амбулантно возило, кое ќе биде ставено во функција на Општа болница со проширена дејност – Прилеп, и ќе се користи како мобилна клиника за потребите на жителите на ромската заедница во населбата Тризла.

-Амбулантното возило што денес го примаме е директен резултат на заложбите на сите партнери во проектот и потврда дека кога има заедничка волја, можеме да направиме реални и одржливи промени во заедницата. Проектот, како целина, има за цел подобрување на условите за живеење и пристапот до основни услуги во ромската заедница преку легализација и реконструкција на домови, изградба на инфраструктура, образовна и социјална поддршка, како и програми за вработување на млади и жени – истакна градоначалникот на општина Прилеп, Борче Јовчески.

Ова возило ќе биде од огромен бенефит за прилепската болница, со оглед на тоа дека државата веќе 10 години нема набавено нови амбулантни возила.

Меѓународниот аеродром Скопје од 3 мај се поврзува со Барселона и Лион. Летовите ќе ги реализира Виз ер со субвенции од Владата, потврдија денеска на прес-конференција ТАВ Македонија и Виз Ер

На релацијата Барселона Скопје ќе има летови двапати неделно, во ворник и сабота, а до Лион трипати, во вторник, четврток и в сабота.

Првиот лет од Скопје за Барселона ќе се реализира в сабота во 18.50 часот, а двајца патници ќе добијат бесплатни авиобилети преку избор на социјалните мрежи.

-По тригодишна пауза пак ги поврзуваме Скопје и Барселона по воздушен пат. Враќањето на оваа линија е резултат на заедничка визија, соработка и силна заложба од страна на нашите партнери Владата и Визер, рече денеска на прес конференција Неџат Курт, генерален директор на ТАВ Македонија.

Тој верува дека оваа линија ќе биде уште попопуларна од пред три години со многу патници.

Меѓународниот аеродром Скопје првпат се поврзува со Лион, како што рече Курт, посебен град којшто има што да понуди, под заштита на УНЕСКО и роден град на кинематографијата со атрактивна гастрономска понуда.

Курт соопшти дека таргетирани им се и дестинациите на шпанското и италијанското крајбрежје, враќање на линијата кон Ларника во Кипар, како и отворање директни линии кон Прага и Мадрид.

Со финансиска поддршка од Владата на крајот на март требаше да стартува и летот Скопје Дубаи, но есо Флајдубаи но е дложен за наеесен. Олеснувањето на визниот режим што го најави Владата според раководството на ТАВ ќе донесе многу патници на најавената линија.

20-годишниот голман од Битола, Иван Галевски, е јунакот на РК Алкалоид кој со своите одбрани го однесе тимот во првото европско финале во Купот на ЕХФ.

Погледнете го самиот финиш на натпреварот во Норвешка и пенал серијата:

Шаховскиот клуб “Прилеп” го одржа вториот гранд-при турнир, на кој убедливо со 6,5 поени победи ИМ Тони Кироски.

На делба од второто до петтото место, со поен помалку, се пласираа Дејан Ѓорѓиески, младиот Никола Павлески, Зеча Шкриељ и Кире Николоски.

На шесто место со 5 поени е Исмаил Ахмеди, а најдобар младинец Михаил Маркушески. За одбележување е големиот напредок на младите шахисти кои со нетрпение го чекаат наредниот гранд-при кој е еден од критериумите за настап на трите прилепски екипи во македонската лига.

Времето денеска ќе биде променливо облачно со сончеви периоди. Во западните и јужните делови од земјава ќе има повремен локален дожд и услови за појава на ретки грмежи.

Ќе дува слаб до умерен ветер од североисточен правец. Минималната температура ќе биде во интервал од 6 до 11, а максималната ќе достигне од 16 до 23 степени.

Во Скопје ќе биде променливо облачно со сончеви периоди и со услови за слаб дожд. Ќе дува слаб до умерен ветер од североисточен правец. Минималната температура ќе се спушти до 11, а максималната ќе достигне 23 степени.

Според прогнозата на УХМР, времето во следните денови ќе биде сончево со мала до умерена облачност и со умерен, повремено засилен северен ветер.

-Во вторник и среда утринските температури ќе бидат пониски, а дневните во постепен пораст, соопшти Управата за хидрометеоролошки работи.

Сара Јованова од Македонски Брод е ученичка во трета година во СЕПУГС “Васил Антевски-Дрен” во Скопје и девојка која располага со неверојатни ораторски способности. Таа е победник на овогодинешниот Државен натпревар „Образовно рандеву 2025“ на МАССУМ, а нејзиниот говор ќе предизвика лавина од емоции кај секој еден од нас.

Темата на говорот е загубените млади животи низ градските улици поради дивеење на поединци, борбата на родителите за правда, трулоста на системот кој често се става во заштита на моќниците и сторителите…..

Слушнете во продолжение:

На 26.04. во просториите на “Гран клуб” во Скопје се одржаа првите мастерси во категорија јуниори и ветерани во американски билјард, дисциплина 9-ка од натпреварувачката 2025 година.

Врвната игра и овој пат беше главен адут на прилепските ветерани и јуниори, кои од овие натпревари се вратија со три бронзени медали и едно петто место.

На овој мастерс ветераните Оливер Апостолоски и Мајкл Хол се закитија со бронзени медали, а високото трето место во категорија на јуниори му припадна на Константин Лазаровски, кој на турнирот покажа зрелост на играч од врвен калибар.

Петтото место го освои Марко Митанов, млад играч кој поседува голем талент за високи дострели во овој спорт. Интересно е што Марко беше и најмладиот јуниор на овој мастерс со само 10 години.

Константин Лазаровски и Марко Митанов припаѓаат на школата за билјард играчи “Билјард академија Табана”, клуб кој е предводен од тренерот Владимир Ѓорѓиески.

Со овие резултати јуниорите докажаа дека се на добар пат за во иднина да ги претставуваат Прилеп и Македонија на сите престижни натпреварувања во овој спорт.