Градоначалнико на Битола, Тони Коњановски вечерва заедно со директорот на „Нискогардба“, Зоран Талевски, се на терен со зимската служба.
„Во моментот зимската служба ќе пристапи кон чистење на селата кои се наоѓаат на повисоките места во Битола. Екипите ќе бидат цела вечер на терен“ вели Коњановски.
Во текот на денот беше соопштено дека Општина Битола e подготвена со зимската служба за интервенирање во претстојната зимска сезона.
Денес започна првиот ден од финалето на UltiMATH, најголемиот натпревар по математика за средношколци во Македонија. Со рекордни 350 учесници од целата земја, ова е најголемиот натпревар од ваков вид, кој спојува ученици со љубов кон математиката.
Во присуство на професори и со поддршка од своите родители, финалистите ги покажуваат своите математички вештини во елиминациските рунди и се натпреваруваат за престижната главна награда од 10.000 евра.
Основачот на образовниот центар Бреинстер, Факултетот Бреинстер НЕКСТ и на NU Колеџот за средношколци, Петар Ниновски, на отворањето на натпреварот истакна дека денеска се слави талентот на учесниците и додаде дека нивната посветеност кон математиката претставува дополнителна инспирација за тимот кој го овозможи UltiMATH.
„Посебна благодарност сакам да упатам до средните училишта низ целата земја кои широко ни ги отворија вратите за овој предизвик. На нашите посети запознавме многу талентирани ученици, ученици кои веќе работат на своите големи идеи, развиваат бизниси и решително гледаат напред кон иднината. Довербата што ја добивме од нив ни даваат сила да продолжиме да создаваме вакви можности за младите и заедно да ги поддржиме во остварувањето на нивните соништа“, рече Ниновски.
Математиката не е само збир на броеви и формули. Таа е основата на логиката, критичкото размислување и иновациите – вредности кои се неопходни за напредокот на секое општество, потенцира Ниновски.
„Математиката е ваш најголем сојузник, без разлика дали ќе продолжите со кариера во инженерство, програмирање, наука или економија. Мое искрено очекување и надеж е дека токму вие 350 сте следните лидери во нашето општество и сигурен сум дека секој од вас може да направи огромен импакт. Како што често се вели во светот на „возрасните“, нашата иднина и светот во којшто живееме останува на младите! Сега доаѓа вашиот ред да направите исчекор, да поттикнете и создадете промени кои ќе донесат бенефит за целото општество“, истакна Ниновски.
Ниновски се заблагодари и на партнерите на UltiMATH, организации и компании кои ги поддржуваат младите и директно придонесуваат кон нивниот развој и успех.
350 средношколци, кои веќе покажаа исклучителни вештини во квалификациската фаза од натпреварот, се исправени пред финалните предизвици. По завршувањето на денешните две рунди на UltiMATH, најдобрите 50 учесници го продолжуваат натпреварувањето во Супер финалето и UltiMATH Challenge-от.
UltiMATH продолжува утре, 1 декември 20224 година. Во првата рунда – Супер финалето, натпреварувачите ќе се соочат со напредни математички задачи, а во втората рунда – UltiMATH Challenge со комплексни математички проблеми.
Покрај паричната награда од 10 илјади евра, најдобриот математичар ќе добие и 100% стипендија за студирање на Бреинстер НЕКСТ факултетот. Донација од 1.500 евра ќе биде доделена и на училиштето од каде што доаѓа најдобриот математичар.
Вредни награди ќе има и за најдобрите десет учесници – сертификати, стипендии и ваучери за Бреинстер НЕКСТ факултетот и NU Колеџот за средношколци. Изненадувања ќе има и за сите финалисти на UltiMATH.
Натпреварот UltiMATH доби поддршка од повеќе средни училишта во Македонија и од компании и организации, како Ист Гејт Мол, WVP Fund Management, iBorn, The Beetles, Горска, Urban FM, МОФ – Младински образовен форум и други. UltiMATH е поддржан и од Активноста на USAID North Macedonia за млади кои активно создаваат можности – Youth Actively Create Opportunities.
Премногу опции, а само на едно место ќе го направите вистинскиот избор. Авто школа “АМД Прилепец” прерасна во вистински лидер во градот под “Марковите Kули” и најдобра опција за да се стекнете со возачка дозвола.
Зошто да ги изберете АМД Прилепец?
Супер удобни и нови возила
Располагаат со супер модерни автомобили за оспособување на возачи за сите категории (АМ, А2, А1, А, Б, Ц, ЦЕ, Д).
Трпеливи, внимателни и искусни инструктори
Нема некој кој не си ја знае работата, па затоа нивните кандидати брзо и лесно ги совладуваат вештините за возење и почитување на правилата во сообраќајот. Тука мора да ги пофалиме инструкторките кои рамо до рамо со машиот пол, а некогаш дури и поуспешно го пренесуваат знаењето на идните возачи.
Обуки за А, А1, А2 и АМ категорија со нови и супер модерни мотори
Одлични услови за теоретска обука и гарантирано знаење за полагање на тестови
НАЈНОВО! СОПСТВЕН ПОЛИГОН во Старо Лагово, кој сега е ревитализиран и осовремен по најнови стандарди за обука за сите категории на возачки дозволи. Она што е најважно е дека НЕМА дополнителни трошоци за користење на полигонот.
Едноставно професионалност, поветеност, квалитет и над 50-годишно искуство. Тимот на АМД Прилепец ве очекува!
Полицијата продолжува да ги расчистува инцидентите за време и по прославата на денот на албанското знаме. Досега се приведени 17 лица, од кои голем дел малолетници, пренесе ТВ Алфа.
Четворица се од Скопје кои се уапсени за кинење на македонското знаме. Двајца малолетници се уапсени за симнување и палење на знаме од јарбол. Три лица се уапсени во Прилеп, каде го сквернават албанското национално знаме. По протесна нота од српската Амбасада, во Куманово е лишено и лицето кое ја кршело таблата на конзулатот во градот.
Министерот Тошковски, рече дека ќе бара казни дури и за лицето кое го вози автомобилот од кој испаднаа повеќе лица за време на прославата на албанското знаме.
Тројца од приведените веќе се во притвор. Министерот уверува дека полицијата ќе одговори жестоко на секој обид за предизвикување на верска и национална омраза.
Во понеделник, 02.12.2024, од 17:00ч, во Собраниската сала на Општината, ќе се одржи средба со граѓаните на Прилеп и со претставници на Урбаните и Месните заедници од општина Прилеп.
-Во присуство на градоначалникот, раководителите од Локалната самоуправа и директорите на Јавните претпријатија, ќе се слушнат и ќе се дискутира за предлозите на граѓаните за идни проекти кој што би го подобриле животот на сите граѓани на општина Прилеп – стои во соопштението од општина Прилеп.
Секоја чест за овој полициски службеник кој се качи на полициското возило и го симна албанското знаме онаму каде што не треба да стои.
Уште еднаш секоја чест за овој полицаец кој треба да биде пример како се сака и треба да се брани својата Македонија
Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.
За претстојната слава, на ПРЕЧИСТА БОГОРОДИЦА, во храмот Св. Кирил и Методиј (Параклис) и во храмот св. Петка во нас. Точила, лепчиња ќе се креваат преку целиот ден во вторник (03.12.2024) и тоа од 07:30 – 17.00. И НА САМИОТ ПРАЗНИК (наредниот ден) во понеделникот, ПО ЗАВРШУВАЊЕТО на Божествената Литургија.
Честита слава на сите кои ја чествуваат Пречиста Богородица како закрилник на нивните домови т. е. домашна слава!
Нека ни е за многу години и на помош!
По минатогодишните успешно организирани настани со наслов: „Живот и работа во Словенија“, Заводот за вработување на Република Словенија, во првата недела од декември ќе организира уште три слични настани, на кои словенечките работодавачи ќе имаат можност да се поврзат со барателите на работа од цела Македонија.
На настаните оваа година ќе присуствуваат 22 реномирани словенечки работодавачи од различни делови на Словенија, кои вработуваат вкупно повеќе од 17.000 работници. Најголем дел од нив се од секторите: здравство и социјална заштита, транспорт и складирање, преработувачка индустрија, како и од градежништвото, од туризмот и од други дејности.
На настаните во Скопје, Штип и Прилеп, ќе учествуваат работодавачи кои имаат потреба за работници од различни професии, а првенствено, се бараат соодветни кандидати за работа во здравството и негата, за возачи на камиони и автобуси, магацински работници, готвачи, келнери и други угостителски и туристички работници, производствени работници, различни профили на работници во градежништвото итн.
Главната цел на настаните е да се презентираат актуелните потреби на работодавачите и притоа на странските лица кои бараат работа да им се обезбедат веродостојни информации за условите за работа и живот во Словенија.
Настаните ќе се одржат од 10 до 17 часот во:
Улогата на Заводот за вработување на овие настани е да ја зајакне информираноста на работниците, односно да го подобри нивниот пристап до информации за правата, постапките за вработување, законодавството итн., на разбирлив начин, бидејќи на таков начин, на работниците мигранти, може да им обезбедат еднакви права и третман како на домашните работници, да се олесни нивната успешна интеграција во општеството и истовремено да се намали можноста за нивна експлоатација или злоупотреба на работното место.
Со ова на работниците-мигранти, би им се понудила активна поддршка пред, за време и по миграцијата во Словенија, со сите клучни информации за условите за живот и работа во земјата, додека на работодавачите им се нуди помош и поддршка во сите чекори од процесот на вработување на странски работници.
Заводот за вработување е свесен за неопходноста од обезбедување соодветна заштита на работниците во работните миграции. Затоа, посебен акцент ќе биде ставен на претставување на законодавните новитети и други информации од областа на вработувањето на странците, за условите за работа и живот во Словенија, како и за помошта што ја нуди словенечкиот завод за вработување за обезбедување што покомплетни и веродостојни информации за вработувањето и животот во Словенија, како и за условите и постапките за вработување на странци.
Групните презентации на сите локации ќе се одржуваат двапати дневно: во 12:00 и во 15:00 часот. Исто така, ќе биде овозможено и индивидуално советување со консултантите на Заводот.
Премиерот Христијан Мицкоски денес најави дека од понеделник почнува акција против корумпирани судии и обвинители. Тој нагласи дека нема да функционираат како „естрада“ и да се понижуваат поединци, нема да се ангажираат специјални полициски единици при имплементација на планот кој ќе почне да се спроведува од понеделник.
„Мислам дека имате претстава дека не функционираме како естрада и сигурно дека нема јас сега да кажувам како што тоа во минатото се случуваше пред камери или пред медиуми и да носам специјални полициски единици, да понижувам луѓе, индивидуи итн. Имаме план, од понеделник почнуваме со имплементација на планот. Доволно беше чекање, чекавме, дадовме шанса, доволно беше. Очигледно дека прежестоки се нападите наеднаш на дијареја, грчеви во цревата, главоболка, температура, анксиозност итн. кога ќе треба да се потпише последниот указ за да се спроведе правдата кај поедини обвинители, за жал“, изјави Мицкоски.
Тој и деновиве во повеќе наврати посочи дека е разочаран од однесувањето на поединци и неможноста за спроведување на правдата.
„Секогаш кога треба правдата да ја имплементираме некој добива дијареја, покачена температура или анксиозност од обвинителите и судиите, Мицкоски пред два дена по посетата на КОСТАЛ Македонија, посочувајќи дека е „жестоко разочаран од тоа што се случува“ и во периодот што следи најавува „робусна акција“ за справување, како што рече, ако треба и „на поинаков начин со тие корумпирани обвинители и судии“, кажа Мицкоски.
Неофицијално во ракометните кругови проструи вест дека за денешниот многу важен натпревар против Куманово, РК Прилеп се засилил со играч што би требало да ја засили одбраната.
Недозволиво е клуб со реноме како прилепскиот да си дозволи повторно да прими 17 голови од еден играч.
Дали е точна информацијата ќе се увериме вечерва во 18:30 во салата на СОУ “Ристе Ристески – Ричко”
