дома блог страница 2684

“Мовчето денес “збувна” на 730.000 евра, ама пари за респиратори и чаршијата нема?”

Владеачкото мнозинство на СДСМ во Прилеп на денешната седница на Совет одби на дневен ред да се најдат мерките кои ги предложи ВМРО-ДПМНЕ – истакна Претседателот на ОК ВМРО-ДПМНЕ Прилеп, Петар Ристески на денешната прес конференција.

“Предложивме:

✅ Намалување на данокот на имот за 2020г за 50% и данокот за наследство и подарок
✅ Целосно ослободување од плаќање на фирмарина за 2019г и 2020г
✅ Целосно ослободување од надомест за користење на јавен простор пред деловните објекти(вклучително и летни тераси) до крајот на 2020г
✅ Намалување на сметките за вода и комунални услуги за 50% за најпогодените физички и правни лица од мерките против корона ворусот во следните 6 месеци

Наместо тоа и за време на пандемија СДСМ Прилеп преку јавните претпријатија склучува договори за вработување.

ЈКП Водовод и канализација склучило договор за времени вработувања во вредност од 17.700.000 денари, или 287.805 евра

Исто така, наместо да се размислува за помош на граѓаните, власта на СДСМ во Прилеп си ги тера своите тендери и постапки, а таков пример е и изградбата на мовчето во населбата Сточен пазар чија првична вредност беше 500.000 евра.

Цели 10 месеци таму не се работи ништо, но сега во време на пандемија и вонредна состојба, општината склучи анекс договор во вредност од 230.000 евра”, истакна Ристески.

Неговата целосна изјава проследете ја во продолжение:

Двајца прилепчани добија по 100.000 денари

Извлечени се 15-мината добитници на 100.000 денари од наградната игра на МојДДВ. Шестмина од наградените се од Скопје, по двајца добитници се од Струмица и од Прилеп и по еден од Штип, Охрид, Пробиштип, Тетово и Богданци.

Среќните добитници се:

Ванче Василески
Катерина Апостолова
Зорица Илиев
Весна Макашевска
Дејан Ѓошев
Славко Јанковски
Љика Митева
Фадил Угљанин
Сеља Хаџи
Војче Мирчески
Благој Тунџов
Фарук Ајрулаху
Виктор Устијаноски
Мише Милановски
Деан Андреевски

Нови 29 случаи со коронавирус во Македонија, 4 нови починати: Еве ја состојбата по градови

На Клиниката за инфективни и фебрилни состојби во Скопје починаа 4 пациенти заболени од коронавирус: пациент од Куманово (52г), пациентка од Лабуништа-Струга (65г), пациентка од Челопек – Тетово (62г) и една пациентка од Штип (81г). Во Куманово дома почина уште еден пациент потврден на вирусот на возраст од 53 години.

Во изминатите 24 часа, регистрирани се 29 нови случаи, позитивни на коронавирусот. По градови: Скопје – 15, Куманово -7, Прилеп – 1, Струга 3 и Кочани – 3.

Со ова, вкупната бројка на дијагностицирани пациенти со Ковид-19 во нашата земја изнесува 599 лица. Според местото на живеење, досега случаи на Ковид -19 се регистрирани во:

Скопје – 254
Куманово – 128
Дебар – 49
Штип-20
Прилеп –34
Тетово – 29
Струга – 28
Велес – 10
Битола –6
Охрид –3
Кавадарци – 2
Гостивар – 4
Гевглелија – 4
Струмица – 2
Крива Паланка- 3
Радовиш -4
Крушево – 2
Кочани – 17

Во изминатото деноноќие направени се 386 теста.

(Фото/Видео) 118 години од смртта на легендарниот охридски војвода Методија Патчев

118 години од смртта на Методија Патчев

На 7-ми април далечната 1902 година во нерамна битка против 500 војници турски аскер, Методија Патчев и неговата дружина после 24 часовна борба, сами си го одзеле животот, а нивниот подвиг предизвикал восхит не само кај својот народ туку и кај непријателот

Херојската саможртва на Патчев и денеска се памети, па голем број патриоти присуствуваа во Кадино Село и му оддадоа почит на војводата.

Патчев е роден на 14 мај 1875 година во Охрид. Во родниот град завршил гимназија, а потоа отишол да работи како чирак кај еден свој сограѓанин – кожар во Пловдив.

Кога заштедил нешто средства од работата и со малата помош што ја добил од родителите, во почетокот на 1886 година го напуштил родниот град и тргнал да бара помош. Прво отишол во Солун, а од таму во Софија. Ниту во Солун, ниту во Софија не добил потребна парична помош за понатамошно школување во некое средно училиште. Во Самоков почнал да го посетува специјалното училиште. Во училиштето ги посетувал сите занаети што се изучувале, а истовремено работел и во револуционерниот кружок, во чија активност веднаш се вклучил. Овој ученички кружок бил мошне активен, бидејќи бил посетуван од раководителите на ВМРО, а од време-навреме и од самиот Гоце Делчев. Од материјални причини Методија набргу го напуштил Самоков, бидејќи не можел да обезбеди стипендија за да учи во некое средно училиште.

Во 1896 година се вратил во Охрид и се занимавал со учителска дејност во основното училиште „Св. Кирил и Методи“ во маалата Кошишта. Во истото училиште за учител би назначен и неговиот сограѓанин Христо Узунов. Истата година влегол во редовите на ТМОРО. Тој добивал специјални задачи – ликвидирање на непријателите на ослободителното дело, како и на предавниците.

По излегување од затворот, во учебната 1901/1902 година Методија Патче бил назначен за учител во Прилеп. Но, откако турската власт му забранила да работи како учител, тој преминал во илегала и се приклучил на четата на Марко Лерински (Георги И. Ѓуров). Тој бил бугарски офицер кој, придобиен од Гоце Делчев и Ѓорче Петров во 1900 година, учествувал во македонското револуционерно движење како член и војвода на Македонската револуционерна организација. Марко бил испратен во леринскиот крај, а неговата чета, благодарение на неговата официрска подготовка и организациски способности, станала училиште за обука на македонските револуционери и војводи. Меѓу оние кои ја поминале неговата обука бил и учителот Патче. Во октомври 1901 година, Методија Патче бил назначен за војвода на првата агитационо-организациска чета во Прилепско. Со намера да привлече и зачлени поголем број комити во Организацијата, патува низ прилепскиот регион и за релативно кусо време, ќе дојдат до израз неговите организаторски способности. Во текот на март 1902 година, заради разврат го ликвидирал и прилепскиот војвода Тале Горанов.

Но, откако на 6 април 1902 година, на селскиот празник, Благоец, дошол со шестмина соборци во Кадино Село, Прилепско, за да покрсти нови членови за организацијата, бил предаден и опкружен од турскиот аскер и башибозук. Додека војводата со четата биле сместени во старата кула, а народот за тоа време бил во црква, околу пладне во селото дошле околу 500 вооружени луѓе, меѓу кои аскер од Битола и познатиот разбојник Расим со 25 души.

Претходно четата не била известена за движењето на силниот аскер кон Кадино Село и немала ниту време и можност да се извлечат од кулата и селото. Опколени од сите страни, четата се забрикадирала во кулата. Започнала нерамноправна јуначка борба која траела до наредниот ден (7 април 1902 година), се до моментот кога на четата им снемало муниција. На Патче и комитите не им преостанало ништо друго освен да се предадат или да умрат. На повикот од аскерот да се предадат одговориле дека македонски борци не се предаваат. Со песна, после 24-часовна борба, Методи Патчев и неговите соборци со последните куршуми извршиле групно самоубиство.

По престанокот на пукотниците, кога Турците влегле во кулата, глетката била потресна и величенствена. Со прострелни смртоносни рани, со радосни лица во пресрет на смртта, комитите како да ѝ оддавале последен поздрав на својата мајка земја и на својата татковина Македонија. Командантот, потпоручникот Нијази-бег, подоцна еден од истакнатите членови на Младотурската револуција, покажувајќи на положените тела на комитите, пред аскерот изјавил: “Тоа се херои. Гледајте како се бореа за својата идеја. Сами се убија.” Потоа со плотун преку мртвите тела, Турците им оддале почит на загинатите македонски борци.

Турците кај Патче пронашле шифрирани документи од кои ја откриле целата револуционерна мрежа на Организацијата во Прилепско. Османлиската војска правејќи голем зулум, извршила претрес и апсења во 18 прилепски и 6 мариовски села, при што биле затворени 92 припадници на Организацијата. На судењето во Битола, на разни затворски казни биле осудени 16 души, а другите биле ослободени. Врз основа на разни добиени податоци се смета дека предавството го извршиле Станко Ачкоски, кмет на селото, познат врховист и турски шпиони, и неговиот заменик Јонче Врбоски. Ачковски бил осуден на смрт од Организацијата и истото лето бил убиен.

Македонската револуционерна борба пред и по Илинденското востание памети многу колективни самоубиства на македонски војводи и комити, кои со посегањето по сопствениот живот предизвикувале восхит не само кај својот народ туку и кај непријателот. Меѓутоа самоубиството на охриѓанецот Методија Патче и неговата дружина е прв таков чин по чиј пример подоцна ќе тргнат многумина македонски синови.

Селаните ги закопале македонските херои во црквата “Света Богородица”, а подоцна ги откопале и ги погребале во заедничка гробница на селските гробишта. За војводата Методија Патче испеани се повеќе песни. Една од нив е и песната „Јас Методи Патче од Охрида“

Фотографиите и видеото се од панихидата на гробот на Методија Патчев во 2017 година

Огромни колони пред банките во Прилеп денеска (Фото/Видео)

Огромни колони со луѓе од утрово пред сите филијали на банките во Прилеп.

Прилепчани реагираат на социјалните мрежи за надлежните да водат поголема грижа за овие гужви и да се регулира растојанието помеѓу луѓето.

Разбирливи се потребите на граѓаните, но на ваков начин уште поголема е опасноста од ширење на вирусот.

Упатуваме повик до сите граѓани кои имаат електронски платежни картички, колку што можат повеќе да ги користат истите за набавка на продукти, како и повик до младите да им помогнат на своите родители или баби и дедовци своите обврски кон банките да ги извршуваат по електронски пат.

Витаминка досега издвои буџет од 3,5 милиони денари за поголем број донации, со цел справување со кризата предизвикана од коронавирусот

Со цел укажување помош во најкритичните моменти со кои се соочува државата, Витаминка издвои буџет од 3,5 милиони денари за поголем број донации што се реализирани од почетокот на кризата со COVID-19 па досега. Донациите се во финансиски средства, набавка на средства за дезинфекција и прехранбени производи.

Најголема помош е издвоена за Министерството за здравство, каде е донирано медицинска опрема, медицински потрошен материјал, средства за дезинфекција, 1000 PCR тестови за COVID-19 во вкупна вредност 1.732.510 денари. Како одговор на потребите во дадениот момент, неопходна медицинска опрема е донирана и во Здравствениот дом Прилеп, а за вработените на Инфективната клиника во Скопје како благодарност за нивната пожртвуваност во борбата со КОВИД 19, компанијата достави пакети со прехранбени производи за сите 170 вработени, со вкупна вредност од 243.616,00 денари.

Покрај помошта упатена во клучните сектори каде што е потребна, Витаминка помогна и на ранливите групи граѓани преку донации на финансиска помош, средства или производи доделена преку невладини и хуманитарни организации. За поголема заштита и превенција од КОВИД 19, компанијата со прехранбени производи и средства за дезинфекција во вкупна вредност од 550 илјади денари ги помогна и општините Прилеп, Кавадарци и Штип.

Витаминка со својата хуманост и солидарност во овие кризни и вонредни моменти не ги заборави ни своите вработени со доделување пакет прехранбени производи.

Денеска е Благовец, денот кај народот познат како “Прв ден Велигден”: За многу години!

Празникот Свето Благовештение се вбројува во постојаните празници и секогаш е на 7 април според новиот, (или на 25 март според стариот) календар.

Меѓу народот повеќе е познат како Благовец, Благоец, Блошчојне и слично, и се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец, прв ден Велигден“.

Тогаш се оди на именден кај оние што имаат име Благоја, Блаже, Благојка, Благица итн.

Свето Благовештение е празник на Пресвета Богородица, но некои го сметаат и за празник Господов.
Според народните верувања овој ден е благ, па и раната не боли, па затоа на малите деца им ги дупат ушите за обетки.

Со Благовец е поврзано и доаѓањето на птиците преселници, штркот, ластовицата, кукавицата, пупунецот, славејот и др. Се верува дека тие ќе дојдат на овој ден дури и да врне снег.

Се верувало дека Благовештение жените не треба да се чешлаат. Оние кои сакаат да имаат деца да појдат во црквите и манастирите, каде иконите посветен на Благовештение и да се помолат.

Градоначалникот на Куманово: Се чувствувам како да сме оставени сами на себе

Се чувствувам како да сме оставени сами на себе, едно е она што се случува горе во кабинетите, друго е на терен, порача градоначалникот на Куманово, Максим Димитриевски во своето гостување на Топ Тема на ТВ Телма каде соопшти дека починале уште двајца кумановци од коронавирус.

Тој вели дека за Куманово треба да се донесат уште порестриктивни мерки и забележува дека многу се калкулира со економијата.

-Ние треба да обезбедиме непречено да работат производствените капацитети во рамки на потребите, да ја сведеме продажбата на храна и најнеопходни производи како што тоа го направивме викендов. Секој човечки живот е побитен од економијата, економијата се оживува, но човечкиот жвот не се оживува. Апелираме на поголем број на тестови. Ние повикавме претставници од министерството за здравство и од комисијата да ја посетат болницата и да ги проценат капацитетите, втор ден немаме одговор. Искрено да ви кажам се чувствувам дека сме оставени на сопствените ресурси на локално ниво. Неминовна е поголема поддршка, треба да се користат искуствата од терен, да се превенираат работите. Со денови бараме поголем број на тестирања, поголема ажурност на анкетарите. Куманово со два епидемиолога не може да се справи со една ваква пандемија, порача Димитриевски.

(Видео) Овие две европски држави би можеле да станат новите жаришта на коронавирусот: Ситуацијата се влошува побрзо отколку во Италија и Шпанија

Статистиката покажува дека Велика Британија и Франција во чекор ги следат Италија и Шпанија.

Со 51.608 заразени и 5.373 починати, Британија се наоѓа на осмото место на најпогодени дрѓави во светот, но наскоро може да биде европскиот епицентар.

“Sky news” објави графикон на смртни случаи по дрѓави, на кои се гледа растот на смртноста во најпогодените земји по пријавените први 100 случаи.

Првите десет дена по првите 100 жртви, британска “крива” на смртни случаи била под италијанската и шпанската, што било охрабрувачки знак, но потоа се случува пресврт.

Франција е петта држава која ја престигна Кина во бројот на заболени и третото најголемо жариште во Европа, а потоа започна да брои рекордни броеви на жртви.

Влошена состојбата на Борис Џонсон! Префрлен на интензивна нега

Британскиот премиер Борис Џонсон е префрлен на интензивна нега поради компликации предизвикани од коронавирусот.

Премиерот и понатаму не е приклучен на респиратор, но неговата состојба будно се следи, наведуваат британските медиуми.

Џонсон е сместен на интензивна нега поради влошување на состојбата, пренесуваат од “Даунинг стрит”. За сега не е исклучена и можноста да биде приклучен на респиратор за да му се олесни дишењето.

Како што се наведува, неговата здравствена состојба се влошила синоќа, па по совет на лекар, префрлен е на одделението за интензивна нега.