дома блог страница 2593

Ги гледате ли? Сугарески вели дека милиони, милиони евра се инвестираат во Прилеп (Видео)

Бидејќи често пати се поставува прашањето колку се инвестира во Прилеп, еве јас денес директно ќе одговорам. Само во делот на локални патишта и улици обезбедени се 1.200.000 евра. Истакна министерот за транспорт и врски, Горан Сугарески, при денешниот увид во градежните работи на постоечкиот пат Прилеп-Градско, во делот од Дреново до Фариш.

„Сите сте сведоци дека во моментот се работи на патот од Лагово до Мариово, некаде околу 8 километри. Интензивно привршува изградбата на патот од волково до манастирот Св. Никола, некаде околу 5 километри, обезбедени средства од Владата. Се заврши и патот до вештачкото езеро и таму се работи дополнително на еден извонреден проект за рекреација, кој што ќе служи на прилепчани.

Значи имаме силна динамика во делот на енергетиката, некаде околу 1.100.000 евра се обезбедени и се работи на реконструкција на трафостаницата во Прилеп, така да и тој проект оди со силна динамика.

Ќе се прави дополнително регионалниот пат во овој период од Чепигово до Кадино Село, се заврши регионалниот пат од Битола до Прилеп преку Тополчани, комплетно е завршен. Исто така гледате дека се работи интензивно на клучката кај ТИРЗ, каде исто така голем дел на средства, повеќе милиони евра се инвестираат. Пуштен е патот до Битола, во тој дел каде што требаше да биде саниран, овие месец дена се вози веќе по тој пат“, истакна Сугарески.

Извор: “Инфо Компас”

Владата потклекна, ја погази и Комисијата во која се крстеше за избори? Карантинот поместен

Следејќи ја моменталната епидемиолошка состојба со KOВИД-19, како и препораките на Комисијата за зapaзни болecти, на денешната владина седница донесовме одлука за зголемена рестрикција на движењето на граѓаните за време на претстојниот празничен викенд.

Се забранува движењето на сите граѓани на целата територија на државата почнувајќи од недела, 24 мај, во 11:00 часот до вторник, 26 мај, до 05:00 часот.

Во сабота, на 23 мај, забраната за движење останува иста како и за сите други денови, од 19:00 часот до 05:00 часот наутро.

Фејсбук статус на Владата.

Наместо ОЈО, МВР се заинтересира зa сомнежот за кpиминал во 4 очи на градоначалникот?

Од Општинскиот Комитет на ВМРО-ДПМНЕ Прилеп пред два дена преку прес конференција информираа за сомнеж за сторен криминал од градоначалникот на општина Прилеп, Илија Јованоски.

Се работи за договорите за зимско одржување на улици и патишта кои Јованоски ги склучил за оваа и минатата година.

“До минатата година општината објавуваше тендер за зимско одржување и чистење на улиците и патиштата, услуга која лани граѓаните ги чинела 4.694.630 денари. За оваа услуга минатата година Општина Прилеп склучила договор со фирма од Прилеп, која легално на тендер ги добила парите за услугата. Оваа година пак општина Прилеп, предводена од Илија Јованоски, за истата услуга, без објавен тендер за набавка и со истата компанија склучила договор преку постапка на непосредно договарање, или познато како договор во четири очи.

Значи повторувам, за истата услуга зимско одржување на улиците и патиштата, Јованоски потпишал договор со истата фирма, но во висина од 7.031.041 денар. Како е можно истата услуга оваа година да чини околу 2,5 милиони денари повеќе?

Зошто Јованоски се дрзнал да склучува милионски договор без тендер и на ваков начин да се расфрла со парите на граѓаните?

Дали конечно ќе реагира Основното јавно обвинителство и по допрен глас ќе го истражи овој случај?” – истакна на прес конференцијата Влатко Петкоски, портпарол на ОК ВМРО-ДПМНЕ Прилеп.

Според сознанијата до кои дојде Маркукуле, неофицијално Секторот за економски кpиминал при Полициската станица Прилеп, го разгледува случајот.

Како ќе се развива овој случај и дали МВР ќе преземе понатамошни дејства останува да видиме во периодот кој следи.

(Видео) Сред улица пронашле милион долари: Погледнете што направиле со парите

Семејство од округот Каролајн, Мериленд, минатиот викенд на автопатот пронашле вреќи во кои имало речиси еден милион долари.

Возејќи се со семејството, Емили Сканч доживеала навистина необичен момент. Имено, пред неа возел друг автомобил од кој излетала вреќа, а на неколку метри од неа се наоѓала уште една.

Ги земала вреќите и ги однела во најблиската полициска станица, без да провери што има во нив. На шерифот му објаснила дека пронашла две вреќи со неидентификувана содржина во нив. Подоцна било откриено дека во нив има речиси еден милион долари.

Замислете, здравството цветало поради СДСМ: Талевски промовираше награда само за поединци од здравствениот сектор (Видео)

Успешното справување со коронавирусот, што е резултат на вложувањата на Владата на СДСМ во здравствениот систем, во целост ги оправда нашите политики кон здравството, како еден од основните општествени столбови, изјави на денешната прес конференција претседателот на ОО СДСМ Прилеп и претседател на Совет на општина Прилеп, Миле Талевски.

Талевски се пофали дека здравствените работници и вработените во здравствените институции кои се справуваат со пациенти заболени од кopoнавиpycoт ќе добијат 20% повисока плата за 2 месеци.

Оваа мерка не ги опфаќа докторите и специјализантите од другите одделенија во болниците и здравствените институции, иако имаше голем број здравствени лица кои се зapaзиja со виpycoт.

Ваквата поделба предизвика голем револт кај останатите здравствени лица, кои и претходно беа разочарани од власта поради неисполнетото ветување за плата од 100.000 денари за лекарите специјалисти.

Прес конференцијата на Талевски проследете ја во продолжение:

Парични казни за непочитување на полицискиот час во Прилеп и Крушево

Основното јавно обвинителство Прилеп денеска до Основниот суд Прилеп поднесе предлози за издавање kaзнени налози против 24 лица за kpивично дело – Непостапување според здравствените прописи за време на епидемија од член 206 став 1 од Kpивичниот законик.

Обвинителството поведе постапка и против едно лице од Крушево, па до Основниот суд Крушево поднесе предлог за издавање kaзнен налог заради непостапување според донесената забрана за движење на населението на територијата на државата во определени временски периоди.

Обвинетите го прекршиле полицискиот час во Прилеп и во Крушево, па обвинителството за секого од нив предложи парична kaзна од 100 дневни глоби со вредност на една дневна глоба од 20 евра во денарска противвредност.

“Генерациски поздрав”

Пишува: Taмара Мирческа

“Не знам дали е потребно да се обратам само на една генерација на луѓе која последниве недели никако да ми излезе од мисли и кротко јаде и откорнува дел од мене. Или пак да им се обратам на сите генерации за кои мислам, сум мислела и ќе мислам секогаш.

Не знам дали самиот датум ме принуди да седнам и дел од мисливе впишам на лист хартија или најсовремено, да постирам на некоја социјална мрежа. Сакам сама на себе, а и исто на цела генерација 2001 да им ја честитам матурата. Не знам зошто ама ова честитање ми нанесува толку тежина и ме депримира, што ме води до нерамнотежа и следен момент сум веќе на земја…со сите тие ситуации низ кои поминавме последниве месеци и тек тие што се најавуваат..треба да примиме некоја сила, исправиме и фрлиме во борба..

Последниве неколку месеци ме натераа да седнам сама со себе, во четири ѕида да се запознаам со онаа ЈАС, на која претходно можеби и доволно време не сум и одвојувала и внимание посветувала. Научив некои работи за себе, светот, луѓето кои ги сакам и почитувам. Имаше различна доза на восхитеност, изненаденост, но, не можам да ги заборавам и тие болки од разочараност..

Како и секој човек, дете..кој што мечтаел за својот прв школски ден, потоа септември во шесто одделение, полуматура, прв бакнеж, врска, средно училиште, екскурзија, свадба, свое семејство и многу, многу ред работи..исто така и секој од нас мечтаел за својата матура, крајот од една четиригодишна авантура.

Еден крај, исполнет со нов почеток.

Колку и да биле мачни тие четири години, колку и да биле полни со разочарувања, докажувања, караници..колку и да биле исполнети со солзи, без разлика дали биле од радост или тага. На крајот сите се враќаме на почетокот и сакаме да ги помнеме и раскажуваме убавите мигови, да се смееме на слатките грешки, пееме заедничките песни, споделуваме искуства и слично.

Моите четири години не беа ниту претерано прекрасни, ниту пак претерано лоши. Воглавно ми беа години во кои доста се проучував себеси. Од типот: Каде сум? Зошто сум тука каде што сум? Каде сакам да бидам и слично..имаше дел луѓе кои ми помагаа во мојата одлука, дел кои истата ја прекоруваа, верував и се надевам доволно ги испочитував сите. Селектирав, лепев, склопував..и ако денес некој ме праша..не знам кој ми е финалниот производ..ама уште малку ми треба, се надевам ќе го завршам, сето тоа, успешно.

Повеќе од многу ми е криво што животот одлучи вака да ни направи. Ова не го мислам само за мене и мојата генерација, ова го кажувам и го мислам за сите луѓе на целиот свет. За сите оние кои се болни и се борат со вирусот, исто така и за сите оние на кои вирусот им ги одзел саканите, сите оние кои ги загубиле своите работни места, сите оние ученици и млади срца кои се затвориле дома, сите стари лица за кои вирусов е многу лоша закана..за оние кои не ја вкусија слатката полуматура, учениците од трета година кои ја пропуштија својата екскурзија..за нас кои не успеавме како и сите минати матуранти да ги напуштиме своите клупи за последен пат, да изиграме оро во училишниот ходник и двор, да се гушнеме меѓусебе со сите луѓе кои ни помогнале и учеле како да застаниме на нозе..за сите професори на кои ќе им недостигаме и ќе ни недостигаат, на служителите кои ни даваа клуч од училниците кога ни беше ,,ладно” во ходник, на директорите од сите училишта кои успешно се покажаа како одлични лидери, на сите бруцоши кои исто како што ние си замислуваме прва година факултет..нивната е веќе далеку од полоша и се борат, пливаат, сакаат при воздух да дојдат..а светот е против нив и ги остава да се удават..но, исто така и за сите други студенти од различни години, за сите апсолвенти, за сите млади заљубени парови кои својот ден за паметење им го пролонгираа за подоцна, на сите идни мајки кои со страв го носат детето во себе..ги има многу, доколку изоставив се извинувам..

Во иста каша сме сите луѓе..со ист непријател се бориме сите..сега можеме да сфатиме и како им е на оние кои цел живот се слепи. Се бориме со некој невидлив непријател, ние не го гледаме, тој не гледа, и како глувчето Џери што си играше со мачорот Том, кога се намачка со крем за невидливост..ете исто, во оваа ,,игра” ние сме беспомошниот Том..некој си игра со нас..ама ние не можеме ниту да го фатиме, ниту избркаме и спасиме од него.

Знам дека пропуштаме многу, многу идни планови и цели, многу планирани патувања се удавени во вода..многу срцина се скршени..многу личности променети.

Од лошото треба да издвоиме добро, така не учеа кога бевме мали. Пааа..тоа треба да го направи секој од нас, за да се почувствува за нијанса подобро. Помага, верувајте..ама тешко е!

Не сакам повеќе да должам..но, последните неколку реченици сакам да ги посветам на бројни личности кои ќе ги паметам цел живот (исто како што и во текот на целиот текст можете да се пронајдете, ова го потенцирам затоа што ми е конкретно само за тие ВАС). Разните мерки и самата ситуација, ми ја крати можноста и не ми допуштаат тоа да го напрам физички и силно завршам со прегратка. Па затоа ќе се потрудам на овој, некој, свој начин.

Сакам да искажам благодарност до сите професори кои ми предаваа во минативе четири години. Со некои можеби се знаевме во текот на сите години, со некои само дел, неколку месеци, времето не е битно. Сите оставивте некаков белег на нас – учениците, по кој ќе Ве паметиме. Вие следниот септември ќе се вратите можеби во истите училници кои претходно ги делевте со нас..за жал, ние тоа повторно нема да можеме да го искусиме..па се надевам..направивме некаква промена во Вашите животи, и ќе останеме како учтива и боречка генерација. Благодарам за тоа што нѐ научивте, економски, да го разликуваме поимот ,,стока” и бројните други економски поими. Сакам да искажам благодарност исто така и до сите директори/ки кои нѐ пресретнаа во годините наназад. До сите вработени во службата и одличните служители кои беа наши најверни пријатели.

Исто така сакам да искажам преголема благодарност и одвојам својата класна Nade Trajkoska , која иако со нас беше три години, тие години машки се бореше за сите нас и нѐ гледаше како сопствени деца.

Воедно, да ја поздравам и целата моја генерација, сите ученици од сите класови! Фала Ви на сите, за неизмерните години поминати!

Можеби не бевме најдобра генерација, бевме и доста мала генерација, но, верувам дека од нас ќе излезат доста успешни возрасни луѓе во иднина!

Премногу ми е тешко што не можеме да се гушнеме и среќни излеземе од нашата училишна зграда, да се капиме и истражуваме Будва и облечеме нашите аутфити за посебната ноќ..Но, ние оваа наша матура ја ,,прославивме” многу похрабро од сите минати!

Запомнете дека сте прекрасни и незаборавни! Ви испраќам виртуелни прегратки и бакнежи на СИТЕ!

До следно видување,
а Вас Ви останува да се чувате што е можно повеќе!!!”

Oд вторник продолжува со работа јавниот градски превоз во Прилеп – нема да има бесплатен превоз за пензионери

Информација од ЈП за ПУП за почеток со работа на јавниот градски превоз во Прилеп:

Јавниот градски превоз при ЈП за ПУП Прилеп, во координација со Општина Прилеп, ги информира сите корисници на јавниот градски превоз дека од вторник, 26-ти мај, ќе почне да сообраќа по вонредната неделна линија на секој час, по следниот распоред:

Почетно тргнување од Салида и трло Варош во 06:30, 07:30, 08:30, 09:30, 13:30, 14:30, 15:30, 16:30 и 17:30 часот, кога ќе биде и последното тргнување.

За време на функционирањето на јавниот градски превоз, ќе бидат запазени сите препораки на Министерството за здравство и Комисијата за заразни болести.

Напоменуваме дека согласно актуелната состојба со коронавирусот и препораките од надлежните институции за превенција и заштита од Ковид-19, нема да важи бесплатниот превоз за ученици, како и бесплатниот превоз за возрасни лица, жени со 62 години и мажи над 64 годишна возраст.

Исто така, потенцираме дека секој патник кој сака да го користи јавниот градски превоз, е должен да носи заштитна маска.

“Охридски фиштериер” (Урнебесно видео)

Домашен миленик кој не сака да шета на копно

Несекојдневна глетка на шеталиштето покрај Охридското Езеро. Домашниот миленик на овој човек не сака да шета како секое куче.

Го доби надимакот “Охридски фиштериер”.

Погледнете:

И денеска нови случаи во Прилеп: Во Македонија нови 23 лица зapaзени со кopoнавиpyc

Во последните 24 часа регистрирани се 23 нови случаи со Koвид-19.

Резултатот е добиен по изработени 702 тecтови.

По градови: Скопје – 12, Куманово – 4, Tетово – 4, Прилеп – 2, Неготино – 1.

Со ова вкупниот број позитивни тестови во земјава достигна 1921.

Истовремено, 9 пациенти се излекувани, а не е регистриран ниту еден смpтeн слyчaj.