дома блог страница 1578

Бил Гејтс: Криптовалутите се измама за будали

Американскиот милијардер Бил Гејтс не е фан на криптовалутите и NFT. Основачот на Мајкрософт на конференцијата ThechCrunch изјави дека криптовалутите се измама.

„Тие трендови на дигитален имот 100% се темелат на „теоријата за поголеми будали“, рече Гејтс.

Своето се повика на теоријата според која понекогаш може да се заработи со купување на преценет имот ако тој имот пододцна може да се продаде по уште повисока цена.

Еден „будала“ во тој случај би можел да купи прескап имот, надевајќи се дека може да го продаде на „уште поголем будала“ од себе и така да направи заработувачка. Тоа може да функционира се додека има доволно „будали“ подготвени да платат повеќе. Но, кога веќе никој нема да сака да купува, низатас е прекинува и следува голем пад на цените.

Гејтс истакна дека тој не тргува со криптовалути и ги исмеа NFT, шегувајќи се дека „скапите дигитални слики на мајмуни исклучително ќе го подобрат светот“. Наспроти тоа, основачот на Мајкрософт рече дека преферира старомодни вложувања.

Беше најдобар изминатата сезона, а сега се сели во редовите на шампионот: Прилепчанецот Спиркоски ќе биде големо зacилyвање за Шкyпи

Актуелниот шампион Шкупи во пресрет на квалификациите од Лигата на шампионите се засили со фудбалерот на Силекс, прилепчанецот Благојче Спиркоски.

Спиркоски беше клучна алка изминатата сезона во тимот од Кратово, кој обезбеди директен пласман во Првата лига.

Во својата досегашна кариера 25-годишниот прилепчанец има настапувано за Хоризонт Турново, 11-ти Октомври, Еуромилк, Победа, Македонија Ѓорче Петров, Пелистер и последно во Силекс.

Денеска Шкупи инаку се враќа од подготовките во Охрид, а в петок заминува за Турција.

Семејство од прилепско живее со 1.000 ден. месечно: Мајка и болен татко на четири деца секојдневно се бopaт да пpeживeaт

Маријана Димова потекнува од прилепско Сенокос, со своето семејство живее многу тежок живот голема сиромаштија и неизвесност.

Таа е сирак од својата 11 годишна возраст и како што вели таа нема ништо потешко од тоа уште од дете да си бележан и поттурнат од сите па дури и најблиските.

Од тетката била истерана на улица и спиела под отворено небо. Тешкиот живот ќе и донесе и здраствени проблеми, на млади години ќе отиде на зафат поради туморот на мозокот.

На 17 години решава да се омажи со цел да си го подобри животот, но ситуацијата ќе и стане дупло потешка. Таа ќе роди четири деца и сите заедно сврзуваат едвај крај со крај.

Јадат само доколку двете кокошки снесат некое јајце, ако не одат гладни на училиште и си легнуваат гладни. Во куќата во која што живеат можат да бидат избркани во секој момент.

Друго големо гајле и е што сопругот е многу болен и не може да работи. Исто така Маријана немала пари да заврши ниту средно образование.

– Додека беше татко ми жив коклку толку се крепевме, но откако замина тој, често бев бркана од тетка ми и навре дувана, вели Маријана пред камерите на ,,Срце на Дланка”

– Морав уште многу млада да аргатувам и да одам по ниви со мајка ми која немаше пари да ме издржува. Се омажив и родив четири деца.

– Сопругот не е во добра здраствена ситуација, па поради тоа што морав да седам дома некој период ме набркаа од работа.

Ова семејство живее со само 1.000 денари месечно. Тоа го приморува сопругот иако во таква состојба да оди да собира железо или печурки само за да извади за јадење.

– Од примања имам само додаток за трето дете, а поради тоа што подигнав кредит поради состојбата на сопругот, од тие пари ми остануваат само 1.000 денари.

– Децата често одат со празен стомак на училиште, се тргам настрана од нив за да не ме гледаат и плачам. Кога би работела јас барем ситуацијата би била подобра.

– Не дај боже да се случи нешто со сопругот, јас ќе останам на улица со децата бидејќи неговите роднини цело време ја бараат оваа куќа.

– Се случува да немаме ниту за леб, најосновното. Деца како деца си бараат, но од каде да им дадам. Имам две кокошки ако снесат тие ќе јадеме ако не ништо.

– Бев тажен затоа што немавме за торта на роденденот. Би сакал да имама нови патики, бидејќи овие се испокинати како и облека која ја имам многу малку, вели Максим.

Доколку сакате да му помогнете на ова семејство да излезе од црнилото во кое се наоѓа тоа може да го сторите на 075 304 405 или на трансакциската сметка 240287107700235

ИЗВОР: https://klaster.mk/%d0%bc%d0%b0%d0%bb%d0%b0%d1%82%d0%b0-%d0%bb%d0%b8%d0%bb%d0%b5-%d0%be%d0%b4-%d0%bf%d1%80%d0%b8%d0%bb%d0%b5%d0%bf%d1%81%d0%ba%d0%be-%d0%bd%d0%b0%d1%98%d1%82%d0%b5%d1%88%d0%ba%d0%be-%d0%bc%d0%b8-%d0%b5/?fbclid=IwAR30vXotNfYTD8InHvB0H5hso3yluwkuh_tnJmtfDigs86gEMOCtKg_25JM

Фокус: Петнаесет лица меѓу кои осум прилепчани се затpyле со xpaна во мензата на позната компанија

Фото/илустрација

Седум лица со cимптоми на тpyeње од xpaна биле денеска примени во битолската болница, објави “Фокус” од каде дознаваат дека се работи за вработени во германската компанија “Кромберт и Шуберт” која се наоѓа во индустриската зона Жабени кај Битола.

Од “Фокус” дознаваат и дека 8 лица со истите симптоми од Прилеп се најавени во болницата за утрешниот ден.

Според информациите на “Фокус”, Државниот здравствен и санитарен инспекторат веќе ставил клуч на мензата од компанијата, а јавноста повеќе детали ќе дознае во текот на утрешниот ден.

Мицкоски утре гостин во „Само интервју“

Лидерот на најголемата опозициска партија ВМРО ДПМНЕ Христијан Мицкоски, утре во 18,30 часот ќе гостува на „Само Интервју”, политичка емисија која се емитува на Канал 5.

Мицкоски и новинарот Гоце Михајловски ќе разговараат за антивладиниот протест во сабота, за предвремени избори, растот на цените, за бугарското вето…

Јанчев и’ кажа “НЕ” на Карлеуша

По негодувањето на граѓаните, градоначалникот на општина Кавадарци, Митко Јанчев, информираше дека градот го откажал настапот на Јелена Карлеуша, која требаше да биде главна ѕвезда на овгодинешниот “Гроздобер”.

-Драги кавадарчани,
Овие денови ја објавивме целосната програма за Тиквешкиот Гроздобер 2022 година. По пауза од две години , сакаме да продолжиме онаму каде што застанавме. А бевме на добар пат кон најдобрите културно – музички фестивали во државата.
Општина Кавадарци во последните години е препознатлива и докажана по транспарентното работење.

По објавената музичка програма наидовме на голем број негативни коментари и негодувања за музичката ѕвезда Јелена Карлеуша која е предвидена за настап на 11. септември како главна музичка атракција за овогодинешниот гроздобер.

Нам секогаш ни е најважно вашето мислење, драги кавадарчани. Па затоа настапот на оваа музичка ѕвезда е откажан, а во моментот се преговара со останати музички ѕвезди со кои можеме да го договориме дадениот датум.
Кавадарци за сите. И оваа година да создадеме убава и поинаква гроздоберска приказна
– напиша Јанчев на ФБ.

Одржано годишното изборно Собрание на адвокатите: Досегашниот претседател со нов мандат, избрани и членовите на Управниот одбор

Адвокатската комора на Република Северна Македонија го одржа 67-то годишно Собрание на Комората. Во рамки на Собранието беа избрани членови на новиот Управен одбор на Комората, а за претседател беше избран адвокатот Љубомир Михајловски.

Михајловски, кој по втор пат ја добива довербата на адвокатите за прв човек на Комората, во својот говор на отворањето на Собранието порача дека силата на адвокатурата, која во моментов брои две илјади и осумстотини активни адвокати и дополнително стручни соработници и приправници е во единството, како неопходен услов за унапредување на професијата. Ја истакна важноста на адвокатурата како неприкосновена уставна категорија, независна и самостојна професија што преставува гаранција за обезбедување непристрасна правна помош. Во своето излагање, претседателот на Комората истакна дека членовите на Комората мора да се единствени и неподелени по партиска, етничка или верска припадност.

„Единството е сила која што ја одржува адвокатурата и ја води напред. Независноста и нејзиниот интегритет е од битно значење за адвокатурата и правниот систем на државата. Оттаму неопходно е поддршка од целокупното членство во оваа заложба. Без поддршка од секој член на комората, нема да има прогрес и просперитет во работењето. Членовите кои што ќе бидат избрани мора да работат во интерес на сите адвокати. Истите не смеат да бидат чувари на поединечни интереси и со своето работење мораат да ја штитат и унапредуваат адвокатурата“, посочи претседателот на Комората.

Михајловски ги истакна достигнувањата на досегашниот Управен одбор како што се: директното учество преку претставници на Комората во создавање на бројни законски решенија кои се во функција на владеење на правото и унапредување на адвокатурата како заштитничка на човековите права, соработката со домашни и странски организации и институции, потоа купувањето на нови деловни простории на Комората, обуки на адвокатите, учество на бројни настани, итн.

„Постигнавме сè што зацртавме за овој мандат, а постигнато е многу. Би сакал да потенцирам дека Комората во моментов е финансиски стабилна, а собравме и средства со кои купивме деловен простор од 400 метри квадратни кој содржи: конференциска сала наменета за обуки, канцеларии, архива, приемен дел, 11 паркинг места, итн. Деловниот простор е купен без да се задолжиме ниту еден денар никаде, а истовремено во сопственост на Комората остануваат и досегашните простории. Истите ќе придонесат и за поефикасен пристап на граѓаните до Комората. Ова е успех на сите адвокати, кој успех заедно го постигнавме. Во седиштето на Kомората имаме услови за одржување на обуки, работилници и други настани за постигнување на квалитет во едукација и работење на адвокатите. Сега имаме силна основа за идните генерации кои ќе доаѓаат и кои треба да ги продолжат успесите за градење на моќна и модерна адвокатура“, истакна Михајловски.

Тој додаде дека Комората во моментот има поддршка и ужива углед кај сите домашни институции и меѓународни организации, како што се Амбасадата на Соединетите Американски држави, Европската Унија, Советот на Европа, УНХЦР, ОБСЕ и други. Во рамките на овие соработки само во изминатата година се реализирани бројни обуки на кои учествуваа шестотини адвокати. Соработката, потенцираше, ќе продолжи активно во повеќе области и во иднина.

За заменици претседатели на новиот Управниот одбора беа избрани адвокатките Јелена Ристиќ од Скопје и Хамдије Адеми Тафа од Кичево, а за останати членови следните адвокати: Жана Кузмановска од Скопје, Виолета Василева од Скопје, Никола Арсовски од Скопје, Ружица Николовска од Скопје, Никола Биџовски од Штип, Тања Јованова од Виница, Кирил Гоџиров од Струмица, Иван Рутевски од Битола, Ивица Кушевски од Битола, Стојан Прензоски од Охрид, Илија Адамчески од Прилеп, Марјан Витановски од Куманово, Александар Симјаноски од Тетово и Оливер Гашев од Велес.

Во рамки на Собранието беа избрани и членови на останатите органи на Комората.

За членови на Надзорниот одбор беа избрани: Лазо Ѓорѓиевски од Скопје, Владимир Стојкоски од Струга, Емил Гугучески од Прилеп. За заменици членови на Надзорниот одбор беа избрани: Игор Стошиќ од Скопје, Рената Миладиновска од Скопје и Наим Цами од Дебар

За Дисциплинскиот обвинител беше избран Васил Арабаџиев од Струмица. За заменици дисциплински обвинители беа избрани: Александра Боинска од Скопје, Илијана Макаровска од Скопје и Ристo Каркалашев од Гевгелија.

За членови на Дисциплинскиот суд беа избрани: Емил Балабан од Охрид, Оливер Илиевски од Битола и Иван Лефков од Кочани. За заменици членови беа избрани: Дарко Гоцевски од Струмица, Марко Илиевски од Куманово и Василка Тасева од Кавадарци

За членови на Жалбениот совет беа избрани Златка Денковска од Скопје, Билјана Јандриоска од Скопје, Коста Нојков од Велес, Лирим Мустафи од Гостивар и Лела Стојкова од Скопје. За заменици членови на Жалбениот совет беа избрани Александар Варела од Скопје, Горјан Бошевски од Битола, Анета Наумчевска од Гостивар, Вања Самарџиева Даскалова од Кавадарци и Нина Трпковска од Скопје.

Укpaдено знамето на рускиот конзулат во Битола

На 14.06.2022 во 16.50 часот во СВР Битола, вработена во Конзулатот на Руската Федерација во Битола пријавила дека било одземено знамето на Руската Федерација, кое било закачено на зградата на конзулатот на улица „Маршал Тито“.

Се преземаат мерки за расчистување на случајот – информираат од СВР Битола.

Maлолетник со веспа yдpил во дедо и паркирано возило во Битола

На 14.06.2022 во 21.58 часот во СВР Битола било пријавено дека на ул.„Ружа Делчева“ во Битола, мопед „априлија“ со битолски регистарски ознаки, управуван од малолетник од Битола, удрил во пешакот Б.В.(70) од Битола и во паркирано возило „сеат“ со битолски регистарски ознаки.

Во несреќата со тешки телесни повреди се здобиле возачот на мопедот и малолетна сопатничка на мопедот, додека пешакот се здобил со телесни повреди, констатирани во Клиничка болница Битола. Увид на местото на настанот извршила екипа на СВР Битола.

Mладиот Константин Костоски го запиша Прилеп на првото место помеѓу велосипедисти од Унгарија, Србија, Хрватска… (Видео/Фото)

Во неделата на 12.06.2022, во организација на Велосипедската Федерација на Србија и Велосипедскиот клуб Шид, се организираше меѓународна велосипедска трка под името ”Ulicama Save Šumanovića”, која се одржува по 22-ри пат.

На трката учество зедоа велосипедисти од Унгарија, Хрватска, Босна, домаќинот Србија и единствениот клуб од Македонија ВК и Сервис Илинден од Прилеп.

Прилепчани настапија со четворица свои возачи, и тоа во категоријата У15 со Константин Костоски и Младен Петрески и во категоријата кадети со Андреј Маџоски и Никола Ристески.

Константин Костоски го освои првото место, а Младен заврши на седмата позиција. Во кадети Андреј заврши на деветтото место, а Никола трката ја заврши на седумнаесеттото место.

Младен и Никола се првпат годинава на меѓународни трки и ја исполнија замислата на тренерот Драган Димитријоски, a Aндреј имаше одлична трка и докажа дека се враќа во форма пред идните предизвици.