дома блог страница 1577

Грузиецот кој пушти корен во Македонија, нов тренер на прилепчани

По заминувањето на Горан Кузманоски – Таста во РК Скопје, прилепчани пронајдоа нов тренер кој ќе ги предводи во новата суперлигашка сезона.

Станува збор за Реваз Чантурија, ветеранот од Грузија кој со години игра за македонските клубови, а веќе две сезони успешно го носи и дресот на РК Прилеп.

Крилниот играч чии голови минатата сезона беа клучни за победите на прилепчани, сега ќе биде во нова улога, играч и тренер.

Претходното првенство покрај играч, беше и помошник-тренер на Кузманоски

Во претстојното првенство ќе има задача со подмладен тим да избори опстанок. Сега се очекува датум за старт на подготовките, избор на играчи кои ќе настапуваат за Прилеп.

Митко Јанчев е прогласен за личност на Југоисточна Европа

Митко Јанчев е прогласен за личност на Југоисточна Европа во областа на економијата и европеизацијата.. Градоначалникот на Кавадарци го доби ова признание за 2022 година од Филмскиот фестивал на Југоисточна Европа.

Кавадаречкиот градоначалник Митко Јанчев доби титула – личност на Југоисточна Европа за економија и европеизација на Балканот за 2022 година. Оваа награда за Јанчев доаѓа од меѓународниот филмски фестивал во кој се вклучени 15 европски држави, а од минатата година за првпат се одржа и во Вашингтон, САД, во организација на неколку интернационални универзитети. Градоначалникот на Кавадарци вели дека е горд што со наградата е рамо до рамо со најуспешните од регионот – актери, културни работници, истакнати личности од областа на економијата. На овој начин се дава признание и на градот, но и на македонската историја и култура, потенцира Јанчев.

„Ми претставува огромна чест што за првпат во историјата сум прогласен за личност на Југоисточна Европа во областа на економијата и европеизацијата на Балканот за 2022. Горд сум на ова признание кое во последните 12 години се доделува во Париз и Берлин, а го имаат понесено многу видни личности. Ви благодарам на укажаната чест и посакувам оваа година да биде година на човечката надеж.

Носител на наградата Еуропа Прима за оваа година е српскиот режисер Драган Бјелогрлиќ. Јанчев го покани него на гости, а воедно во Кавадарци да бидат прикажани победничките филмови од Париз, Берлин и Вашингтон.

Извор: “КАНАЛ 5 ТВ”

ВМРО-ДПМНЕ со повик до граѓаните да носат државни знамиња на пpoтecтот во сабота

ВМРО-ДПМНЕ пред големиот пpoтecт во сабота упати повик до граѓаните на протестот да носат државни знамиња

Соопштението во целост го пренесуваме во продолжение:

Маката, проблемите, инфлацијата, сиромаштијата, корупцијата, распаднатото здравство се работите кои ги засегаат сите луѓе во Македонија.

И ова се подеднаквите проблеми кои ги обединуваат и Македонците, и Албанците, и Турците, и Ромите, и Србите, и Власите, и Бошњаците и сите останати.

Станавме држава со највисок раст на горивата, држава со најмал раст на БДП во Европа, највисока стапка на инфлација.

Овие работи кои силно го тиштат народот може да се менуваат исклучиво преку промени, избори и смена на власта.

Премногу е од се што досега видовме од оваа власт на СДС и ДУИ.

Затоа на „Протестот за промени” кој ќе се случи во Сабота со почеток во 20 часот, ги повикуваме сите граѓани да понесат со себе државни знамиња, да се обединиме околу македонското сонце и да испратиме порака дека сме обединети сите луѓе во заложбата да ја направиме Македонија подобро место за живеење, и со тоа ќе дојдеме до промени. Испраќаме порака сите граѓани со себе да понесат државно знаме, македонското сонце, да демонстрираме одлучност дека само заедно можеме да ги менуваме работите, само обединети може да обезбедиме иднина.

Црвено жолтото знаме не обединува во овие тешки моменти за државата. Илјадници знамиња да ги развиориме за обединување и за нова иднина. Да ги надминеме сите бариери, сите поделби кои власта ги наметнува и да кажеме илјадници грла во еден глас Премногу е! Народот се одлучи за промени!

Соопштение на Владата: “Мерките даваат резултат – цените на основните производи се намалени за 5 до 10 проценти”

„Одлуката на Владата за замрзнување на маржата на одредени производи со цел ограничување на растот на цените, веднаш даде резултат. Цените на основните производи се намалени за 5 до 10 отсто. Корекција на цените се прави од денес, а ќе продолжи и во претстојните денови. Најголемо намалување се очекува кај маслото за јадење и до 10 отсто, понатаму кај тестенините, како и на сите останати основни производи опфатени во владината одлука“ соопштуваат од Владата.

Со алгоритам одмрзни-зголеми-замрзни Владата го штити стандардот на граѓаните. Од друга страна граѓаните сметаат дека со исто толку пари лани речиси двојно ја полнеле потрошувачката кошница.

Од Влада велат дека континуирано се следи состојбата и во услови на најавени нови покачувања на цените на производите интервенираат веднаш за да го заштитат стандардот на граѓаните.

„Заклучно со 30 септември 2022 година за леб, бел сечен на парчиња или цел, шеќер бел како и сончогледово масло за јадење, се утврдува трговска маржа во висина до 5 отсто во трговијата на големо и до 5 отсто во трговијата на мало. За брашно од пченица – тип 400 и тип 500, макарони и шпагети од тврда пченица, македонски ориз бел, трајно кравјо млеко со масленост од 2,8 отсто, 3,2 отсто и 3,5 отсто и јајца од кокошка за сите трговски друштва и трговци поединци кои учествуваат во трговскиот ланец се утврдува трговска маржа во висина до 10 отсто во трговијата на големо и до 10 отсто во трговијата на мало. Во периодот кој следи, интензивно продолжуваат контролите за трговците, со цел да нема драстично зголемување на маржите и истите соодветно да се санкционираат. Владата и во иднина ќе ја следи состојбата и доколку условите на пазарот налагаат, ќе се разгледа можноста одлуката да продолжи до крај на 2022 година“ се вели во владиното соопштение.

Рама не иди за џабе: Ја повика Украина да го преиспита признавањето на Косово

Албанскиот премиер Еди Рама денеска за време на престојот во Киев ја повика Украина да го преиспита својот став за признавањето на т.н. Косово, бидејќи, како што изјави, „тој народ го заслужува тоа“.

Премиерот на Албанија, Еди Рама, за време на својот говор на средбата со неговиот украински колега Денис Шмихал, го привлече вниманието на Косово и истакна дека Украина сè уште не го признала Косово, пренесува Albenien Post.

– Би било добро Украина да ја испрати вистинската порака за новата европска реалност што сакаме да ја изградиме, рече Рама.

Претходно на прес-конференцијата Рама изјави дека Косово му дава целосна поддршка на Киев и покрај тоа што Украина се уште не го признала.

Шефот на албанската влада во разговор со украинскиот претседател Володимир Зеленски го пренесе уверувањето дека земјите од Западен Балкан немаат проблем да и дадат кандидатски статус на Украина.

– Овде сме не само да му кажеме на нашиот драг пријател Зеленски, туку и на сите, дека немаме проблем ако ЕУ и додели на Украина кандидатски статус. рече тој, пренесува Албениен пост.

Напротив, рече Рама, ќе се радуваме на ЕУ, бидејќи тие ќе направат нешто за себе, а не за нас.

Македонски, грчки и албански диџеи на едно место цел ден и цела ноќ и тоа за само 200 денари

На 18. и 19. јуни на плажата во Долно Дупени по четврти пат ќе се одржи фестивалот “Запознај ја Преспа”.

на журката на плажа Дупени ќе настапат 14 познати DJ-и од трите земји кои ги делат водите на Преспанското езеро. Започнуваме во 12:00 на пладне, а траеме до магичното изгрејсонце утредента кое може да го дочекате во друштво на преспанските пеликани.

Во меѓувреме, сите гости гурмани од 17:00 часот ќе можат да го посетат и селото Брајчино во падините на Пелистер, на само 8 километри од плажа Дупени. Тука, своите кулинарски знаења ќе ги презентираат угостители и чувари на тајните на преспанските традиционални рецепти, а вие ќе уживате во традиционалната преспанска храна и земјоделски производи. За првпат, учесниците од грчкиот дел на Преспа ќе го презентираат познатиот џиновски грав, а од Албанија ќе може да го пробате далеку прочуениот, природен мед. А домаќините од преспанските села ќе ги понудат своите најдобри специјалитети како зелник, цирони, сушен крап, чадено месо и колбаси и многу други домашни јадења.

Со овој фестивал, преспани од трите земји кои ги делат убавините и мистериозната енергија на Преспа, ја испраќаат нивната порака за европска Преспа без граници!

*За сите заинтересирани посетители од околината, организаторот ќе обезбеди бесплатен превоз и тоа од Битола и Ресен до Плажа Дупени и с.Брајчино и назад. Автобусите поаѓаат во 12.00 и 19.00 од Битола, пред кафе Јагода. Враќањето кон Битола е предвидено во 03.00

*Влезницата за музичкиот дел од програмата во предпродажба чини 200ден (места на предпродажба – Излет Кафе Ск и Јагода Мезе Бар Бт) на самиот влез ќе чини 300ден., а средствата собрани од истите ќе се наменат за реализација на проекти во функција на развојот на Преспа.

*Предлог за сместување – Автокамп КРАНИ, бунгалови со цена од 1.600 ден. за 4 особи + туристичка такса од 40 ден. по лице на ден. Контакт за резервации: 071/256-500

Фестивалот “Запознај ја Преспа/Meet Prespa” е подржан од Министерството за култура на Република Северна Македонија
Организатори – HBO Преспа ГРАД и Општина Ресен

Апостол ја откри Америка: “Во земјава веќе има премногу пензионери, а премалку вработени”

Првиот човек на Заводот за статистика, Апостол Симовски, во синоќешното гостување во емисијата „200“ на Алсат рече дека пописот покажал оти соодносот помеѓу вработеното население и бројот на пензионери во земјава не е на потребното ниво, кое би овозможило мирни и обезбедени пензиски денови за следните пензионери.

„Бројките покажуваат дека соодносот помеѓу она население коешто е во економска функција и она коешто е издржувано е тука некаде. Теоријата вели дека за да се издржува еден пензионер, треба четворица да работат. Кај нас, околу 700 илјади е бројот на активните луѓе, коишто работат, а некаде околу 400 илјади се пензионери. Ни оддалеку немаме таков сооднос…“, вели Симовски.

Уaпceни дилepи во Битола додека си ја пpeдавале дpoгата

На 15.06.2022 околу 22.00 часот пред угостителски објект на ул.„Новачки Пат“, полициcки cлyжбеници од СВР Битола – Одделение за кpиминалиcтичка полициja – Отсек за недозволена тpговиja со дpoга и opyжje ги лишиле од cлобода Н.П.(42) и К.Т.(33), двајцата од Битола.

Тие биле затекнати додека Н.П. му продава kokaин и мapиxyaна на К.Т. и притоа кај нив биле пpoнajдени kokaин, мapиxyaна, пapи и други предмети за кои постои сомнение дека потекнyвaaт од кpивично дело.

Двајцата биле пpиведени во полициcка cтаница и по целосно документирање на cлyчajoт пpoтив нив ќе биде поднeceна cooдветна пpиjaва.

Е нека си пyкнат Швајцарците, ама во ова сме подобри и од нив (Фото)

Македонија се наоѓа на седмото место во светот по површина покриена со планини. Според оваа мапа која деновиве се шири на социјалните мрежи, дури 85.5% од територијата на нашата држава е планинско земјиште, што е е за 2% повеќе и од Швајцарија.

Пред нас се Ерменија, Црна Гора, Киргистан, Таџикистан, Лесото и Бутан.

Епа ете ние веќе сме биле Швајцарија на Балканот, не мора некој да ни ветува повеќе.

Бил Гејтс: Криптовалутите се измама за будали

Американскиот милијардер Бил Гејтс не е фан на криптовалутите и NFT. Основачот на Мајкрософт на конференцијата ThechCrunch изјави дека криптовалутите се измама.

„Тие трендови на дигитален имот 100% се темелат на „теоријата за поголеми будали“, рече Гејтс.

Своето се повика на теоријата според која понекогаш може да се заработи со купување на преценет имот ако тој имот пододцна може да се продаде по уште повисока цена.

Еден „будала“ во тој случај би можел да купи прескап имот, надевајќи се дека може да го продаде на „уште поголем будала“ од себе и така да направи заработувачка. Тоа може да функционира се додека има доволно „будали“ подготвени да платат повеќе. Но, кога веќе никој нема да сака да купува, низатас е прекинува и следува голем пад на цените.

Гејтс истакна дека тој не тргува со криптовалути и ги исмеа NFT, шегувајќи се дека „скапите дигитални слики на мајмуни исклучително ќе го подобрат светот“. Наспроти тоа, основачот на Мајкрософт рече дека преферира старомодни вложувања.